Karl Th. Birgisson misskilur Sjálfstæðisflokkinn

Það er greinilegt á ummælum Karls Th. Birgissonar í þættinum Í Vikulokin á RUV í dag að hann misskilur afstöðu Sjálfstæðisflokksins í Evrópumálunum. Landsfundur flokksins ályktaði að Ísland ætti ekki heima í ESB og að gera bæri hlé á viðræðum - og ekki taka þær upp undir nokkrum kringumstæðum nema að undangenginni þjóðaratkvæðagreiðslu.

Karl lætur hins vegar eins og það sé meginstefna Sjálfstæðisflokksins að halda viðræðum áfram. Sjálfstæðisflokkurinn í ríkisstjórn er bundinn af landsfundarsamþykktum sínum og af ríkisstjórnarsáttmálanum sem segir nákvæmlega það sama um stefnuna í ESB-málunum eins og æðstu lýðræðissamkomur Framsóknarflokks og Sjálfstæðisflokks.

Karl Th. Birgisson er fyrrverandi framkvæmdastjóri Samfylkingarinnar. Hann fór í umræðunni í morgun eins og sá orðasmiður sem bjó til hina þrí gildishlöðnu spurningu sem lögð var fyrir Samfylkingarfólkið fyrir 10 árum, en hún var á þessa leið: Vilt þú að Íslendingar skilgreini samningsmarkmið sín, sæki um aðild að ESB og leggi niðurstöður væntanlegra samninga fyrir þjóðina til samþykktar eða synjunar.

Er hægt að treysta fólki sem semur slíkar þrí-gildishlaðnar spurningar fyrir málefnum þjóðarinnar.

Athugasemdir

[Eiður Guðnason (IP-tala skráð) 21.12.2013 kl. 20:39]

Alvarlegra er að Sjálfstæðisflokkurinn skuli misskilja Evrópu og umheiminn jafn gjörsamlega og raun ber vitni.

[Heimssýn, 22.12.2013 kl. 10:12]

Ættum við ekki að geta treyst því að það liggi mikil og vönduð vinna á bak við stefnumótun helstu stjórnmálaflokka í utanríkismálum, einkum þess flokks sem lengst af hefur haft mest fylgi og borið mesta ábyrgð á málaflokknum þar með? Annars getur misskilningur legið víða, t.d. hjá ýmsum um stöðuna í Evrópusambandinu, um misskiptinguna meðal þjóðanna sem evran á meðal annars sök á (misvægi í viðskiptum og eignasöfnun t.d. á milli Þýskalands og annarra vegna mismunandi framleiðslueiningakostnaðar sem leiðréttist mjög hægt), um atvinnuleysið sem af þessu leiðir á jaðarsvæðunum í suðri - og fleira?