Pia í pólitík

Pia Hansson, forstöðumaður Alþjóðamálastofnunar Háskóla Íslands, og samstarfsmenn hennar eru á kafi í pólitík. Stofnunin beitir ekki venjulegum fræðilegum aðferðum heldur styður mál sitt að verulegu leyti með því að vísa til ónafngreindra embættismanna ESB sem eiga sér þá ósk heitasta að viðræðurnar verði kláraðar við Ísland. Pia og samstarfsmenn hennar telja svo fræðimannahlutverk sitt helst felast í því að hvetja til þess að viðræður verði kláraðar svo hægt verði að kíkja í pakkann - og byggja niðurstöður sínar að verulegu leyti með vísan til þessara ónafngreindu heimildarmanna sem vilja helst fá Ísland og íslenska lögsögu inn í ESB.

Það hlýtur hver maður að sjá að þetta eru óboðleg vinnubrögð. Alþjóðamálastofnun virðist vera stofnuð með það fyrir augum meðal annars að koma Íslandi inn í Evrópusambandið og nýtur milljónastuðnings ýmissa samtaka í þeim tilgangi eins sjá má á reikningum stofnunarinnar.

Það er sjálfsagt að fólk lýsi sínum skoðunum og jafnvel óskum. En menn eiga ekki að telja fólki trú um að það sé einhver fræðimennska sem liggur til grundvallar þegar allar athafnir fræðimannsins miða allar að því að reyna að ná fram því pólitíska markmiði sem hann eða hans stofnun hefur sett sér. 

 Smellið tvisvar til að sjá í fullri stærð:

 

„Vitum hvað Evrópusambandið er“

Athugasemdir

[Högni Elfar Gylfason, 8.4.2014 kl. 21:14]

Ég held að það megi nánast segja að títtnefnd Alþjóðastofnun sé bara deild innan ESB, verandi á allskyns styrkjum þaðan og útdeilandi "rannsóknarstyrkjum" um ESB málefni sjálfir. Það dettur engun skynsömum manni í hug að eitthvað sé að marka það sem þessi stofnun lætur frá sér um ESB þar sem afkoma stofnunarinnar veltur á velvild og/eða gjafmildi Evrópusambandsins.

[Ásthildur Cesil Þórðardóttir, 9.4.2014 kl. 00:54]

Mig er farið að gruna að þessi skýrsla og eins og hún er unnin, sé frekar til þess að fólki snýst hugur um umsóknina. Því skynsamt fólk skynjar hvað þetta er sérkennilegur málflutningur, settur í einhverskonar fræðímannabúning.

[Jóhann Elíasson, 9.4.2014 kl. 08:41]

Ég er ansi hræddur um að þessi skýrsla stæðist ekki skoðun sem lokaritgerð í BA námi og yrði hafnað.  Bara það eitt að vitna í ónafngreinda heimildamenn er eitthvað sem er bannað.