Ísland af lista yfir umsóknarríki að ESB

Það eru gleðitíðindi að Ísland skuli vera tekið af lista yfir umsóknarríki að ESB. Umsóknarferlið hefur verið stöðvað og stjórnvöld hafa engin áform um að hefja það að nýju. Stór meirihluti þjóðarinnar hefur ekki áhuga á að Ísland verði hluti af ESB. Þetta er því eðlileg niðurstaða og Ísland hlýtur þá smám saman að detta út af öllum listum og vefsíðum ESB sem umsóknarríki. 

En baráttan heldur áfram. Aðildarsinnar segjast ætla að virkja umsóknarferlið um leið og þeir komast í ríkisstjórn. Þess vegna gildir að við höldum vöku okkar og fræðum landsmenn um það hvernig fyrirbæri Evrópusambandið er í raun og veru ásamt því að greina frá því hvert það er að stefna. 

Margoft hefur verið sýnt fram á að það hentar ekki íslensku efnahagslífi að hafa sama gjaldmiðil og helstu ríki Evrópu.

Margoft hefur verið sýnt fram á lýðræðishallann í Evrópusambandinu þar sem ákvarðanir eru teknar af litlum hópi fólks fjarri þeim sem ákvarðanirnar varða. Oft eru það ákvarðanir sem henta á sumum svæðum en ekki hér á landi.

Margoft hefur verið sýnt fram á að sjávarútvegsstefna ESB hentar ekki Íslendingum og að ef við undirgengjumst slíka stefnu yrðu yfirráðin yfir auðlindinni formlega færð til Brussel.

Fleira mætti tína til. Íslendingar verða að halda vöku sinni og láta ekki síbyljuna frá ESB og ESB-sinnum hér á landi slá sig út af laginu. Við megum hvorki bregðast okkur sjálfum, afkomendum okkar né þeim sem barist hafa fyrir sjálfsákvörðunarrétti íslensku þjóðarinnar á fyrri tíð.

Ísland af lista yfir umsóknarríki

Athugasemdir

[Jóhann Elíasson, 30.5.2015 kl. 13:15]

Já, flestir eru farnir að sjá hvers konar fyrirbæri ESB er og kannski sést það best á auknu fylgi við sjálfstæði frá ESB innan aðildarríkja þess.

[Jón Steinar Ragnarsson, 30.5.2015 kl. 18:23]

Komist kratarnir að gengur málið í endurnýjun lífdaga í formi stjörnarskrármálsins. Það er sama mál þött fyrir það sé þrætt. Forgangsröðunin misheppnaðist síðast, þar sem það skorti heimildir í stjórnarskrá til að fullna málið. Feneyjanefndin leiddi það mál með leiðbeiningum um hverju breyta þyrfti til þess að það væri yfirleytt grunnur til að sækja um 2009, en kratarnir ákváðu að sækja um í sannfæringu um að hægt væri að umturna stjörnarskránni með hæfilegum blekkingaleik.

það tókst ekki og 2013 sendi feneyjanefndin (stjórnarskrárnefnd esb) frá sér álit á nýju stjörnarskrárdrögunum og hafnaði þeim m.a. á þeim grunni að of margir fyrirvarar væru á framsalsákvæðum. Þar með var sjálfhætt og ekki lengra komist.

Það hefur þó vantað uppá að folk sé upplýst um þetta því þeir ætla að eiga sér þessa blekkingu til góða og presentera þetta sem óháð þjóðþrifamál án nokkurra raka.