Bjarni Ben: Krónan er framtíðargjaldmiðill Íslendinga

Bjarni Benediktsson forsætisráðherra sagði í ræðu á ársfundi Seðlabankans í síðustu viku að í vinnu þriggja manna verkefnisstjórnar sem á að endurmeta forsendur peninga- og gjaldmiðilsstefnu Íslands sé gengið út frá því að krónan verði í næstu framtíð gjaldmiðill Íslendinga.

Enn fremur sagði Bjarni í ræðunni:

Krónan hefur því leikið stórt hlutverk í þjóðarbúskapnum. Styrkur hennar hefur átt stóran þátt í að skapa stöðugt verðlag í þrjú ár og betri kaupmátt almennings en dæmi eru um. Kaupmáttur Íslendinga hvort sem er í innlendri eða erlendri mynt hefur ekki áður verið meiri. Þegar meðallaun Íslendinga eru flutt yfir í evrur og borin saman við nálægar þjóðar á þeim grundvelli sést sterk staða Íslands glöggt.

 

Athugasemdir

[Jós.T. (IP-tala skráð) 3.4.2017 kl. 12:47]

Og ef hann væri æviráðinn einræðisherra þá væru þau ummæli marktæk.

Krónan hefur leikið stórt hlutverk í þjóðarbúskapnum. Veikleiki hennar hefur átt stóran þátt í að skapa óstöðugt verðlag og verri lífskjör í yfir 130 ár og betri kaupmáttur almennings einhverja mánuði breytir engu þar um.

[Heimssýn, 3.4.2017 kl. 13:59]

Þú ert ekki með ártölin rétt, Jós.T. Það er ágætt að hafa söguna á hreinu. Frá því að Íslendingar hófu að skrá verðgildi eigin gjaldmiðils tiltölulega snemma á síðustu öld hafa lífskjör á Íslandi færst úr því að vera ein hin lökustu í Evrópu yfir í það að vera með þeim bestu síðustu áratugi.