Háðir geðþóttavaldi ókjörinna embættismanna ESB

Fjallað var um óánægju Árna Páls Árnasonar, þingmanns Samfylkingarinnar, á Dv.is í gær með það að þingmenn Sjálfstæðisflokksins skyldu koma í veg fyrir að breytingar yrðu gerðar á stjórnarskrá lýðveldisins. Ein breytinganna var sú að hægt yrði að breyta stjórnarskránni með þjóðaratkvæðagreiðslu í stað þess að tvö þing þyrftu að samþykkja breytingar á henni með almennum kosningum á milli.

Sjá nánar á heimasíðu Heimssýnar www.heimssyn.is.

Evrópusambandsþingið hefur mun meiri völd en það sænska

Kosningar til þings Evrópusambandsins fara fram þann 4. júní nk. en þær eru haldnar á fimm ára fresti í ríkjum sambandsins og hafa verið í um þrjá áratugi. Það sem einkum hefur einkennt þessar kosningar er að þátttaka í þeim hefur stöðugt dregist meira saman og sáu aðeins 45,5% kjósenda í ríkjum Evrópusambandsins ástæðu til að taka þátt þegar kosningarnar fóru síðast fram árið 2004.

Sjá nánar á heimasíðu Heimssýnar www.heimssyn.is.

Evrópusambandssinni gefst upp á Evrópusambandinu

Jónas Kristjánsson, fyrrum ritstjóri, hefur gefist upp á að tala fyrir inngöngu Íslands í Evrópusambandið. Hann hefur verið verið einhver ötulasti talsmaður inngöngu á undanförnum árum og talað fyrir því í 15 ár að eigin sögn. Í færslu á bloggi sínu í gær sagði hann m.a. að Evrópusambandið væri ekki vara sem seldist og að það væri fjarlægara venjulegu fólki en nokkurn tímann áður.

Sjá nánar á heimasíðu Heimssýnar www.heimssyn.is.

Meirihluti Íslendinga vill ekki sækja um inngöngu í ESB

Meirihluti Íslendinga er sem fyrr andvígur því að sótt verði um inngöngu í Evrópusambandið samkvæmt niðurstöðum nýrrar skoðanakönnunar fyrir Fréttablaðið og Stöð 2 sem birt var í gær. 54,4% eru nú andvíg því að hafnar verði viðræður við sambandið um inngöngu en 45,6% styðja að það skref verði tekið. Andstaðan við inngöngu hefur lítillega aukist síðan í febrúar og stuðningurinn að sama skapi dregist saman.

Sjá nánar á heimasíðu Heimssýnar www.heimssyn.is.

Pólitískur talsmaður neytenda?

Gísli Tryggvason, sem gegnir opinberu embætti sem talsmaður neytenda, sagði í nýlegu svarbréfi til nefndar á vegum Stjórnarráðsins um þróun Evrópumála að kjör neytenda myndu batna verulega ef Ísland gengi í Evrópusambandið. Fullyrti hann að lánakjör myndu stórbatna og verðlag lækka töluvert. Um stórmerkilegar yfirlýsingar er að ræða svo ekki sé meira sagt.

Sjá nánar á heimasíðu Heimssýnar www.heimssyn.is. 

Veik rödd Íslands innan Evrópusambandsins

Fram kom í máli Marios Katsioloudes, deildarforseta við Hellenic American University, á málfundi um kosti og galla Inngöngu í Evrópusambandið sem haldinn var á vegum tvíhliða viðskiptaráða Íslands og Þýskalands, Bretlands, Svíþjóðar, Spánar og fleiri ríkja á Grand Hóteli fyrir helgi, að þótt lítil eyþjóð hefði veika rödd innan „fjölskyldu" eins og sambandsins, þá væri það engu að síður betra en að hafa veika rödd utan hennar.

Sjá nánar á heimasíðu Heimssýnar www.heimssyn.is.

Samfylkingin kemst hvorki lönd né strönd

Hjörleifur Guttormsson fjallaði um einangrun Samfylkingarinnar í Evrópumálum á bloggsíðu sinni á dögunum. Ef flokkurinn ætlaði að halda áherslu sinni á inngöngu í Evrópusambandið til streitu yrði það honum ekki til framdráttar. Hjörleifur spyr að því hvern Samfylkingin ætlar að fá til liðs við sig í því að koma Íslandi inn í sambandið og minnir á að Sjálfstæðisflokkurinn og vinstri-grænir hafi sem fyrr hafnað inngöngu á landsfundum sínum á dögunum.

Sjá nánar á heimasíðu Heimssýnar www.heimssyn.is.

Samfylkingin einangruð í afstöðu sinni til Evrópumálanna

Ríkisútvarpið flutt frétt í gær þess efnis að Samfylkingin væri í reynd eini stjórnmálaflokkurinn sem á fulltrúa á Alþingi sem vill að gengið verði í Evrópusambandið. Sjálfstæðisflokkurinn, Vinstrihreyfingin - grænt framboð og Frjálslyndi flokkurinn væru sem fyrr á móti inngöngu og Framsóknarflokkurinn hefði sett ströng skilyrði fyrir því að slíkt skref yrði tekið.

Sjá nánar á heimasíðu Heimssýnar www.heimssyn.is.

Baráttunni er ekki lokið

Styrmir Gunnarsson, fyrrverandi ritstjóri Morgunblaðsins, ritaði áhugaverðan pistil á fréttavefinn Amx.is í gær um landsfund Sjálfstæðisflokksins og umræður á honum um Evrópumál. Sagði hann að ljóst væri að niðurstaða landsfundarins í þeim efnum fæli í sér fullan sigur andstæðinga inngöngu í Evrópusambandið en um leið fulla reisn Evrópusambandssinna innan flokksins.

Sjá nánar á heimasíðu Heimssýnar www.heimssyn.is.

Segja Evrópusambandið hafa of mikil völd yfir ríkjum sambandsins

Niðurstöður skoðanakönnunar sem birtar voru í austurríska blaðinu Kleine Zeitung benda til þess að meirihluti Austurríkismanna telji Evrópusambandið hafa of mikil völd yfir innanríkismálum Austurríkis. 54% sögðust telja að sambandið skipti sér of mikið af innanríkismálum Austurríkismanna eða að það ætti ekki að skipta sér af þeim yfir höfuð.

Sjá nánar á heimasíðu Heimssýnar www.heimssyn.is.