Leita í fréttum mbl.is

Bloggfærslur mánaðarins, desember 2011

Vantraust alþingis á Össur

Umsókn Íslands um aðild að Evrópusambandinu og málatilbúnaður utanríkisráðuneytisins er ástæðan fyrir því að meirihluti utanríkisnefndar alþingis treystir ekki Össuri Skarphéðinssyni utanríkisráðherra til að verja hagsmuni Íslands í Icesave-málinu fyrir EFTA-dómstólnum.

Össur hefur dregið utanríkisráðuneytið í ómerkilegt drullusvað vanhugsaðrar aðildarumsóknar þar sem auðvirðilegar blekkingar eru notaðar til að halda lífi í niðurstöðu pólitískra hrossakaupa. Utanríkisráðuneytið er í afneitun um einföldustu grunnatriði í samskiptum umsóknarþjóða við Evrópusambandið og segir Ísland ekki í aðlögunarviðræðum við sambandið þótt það sé eina leiðin inn í ESB.

Þótt Evrópusambandið hafi neitað að halda áfram viðræðum við Ísland um landbúnaðarmál, sökum þess að ekki er nægur stuðningur við umsókn Íslands, láta Össur og embættismenn hans eins og allt sé í himnalagi með umsóknarferlið.

Eðlilegt er að alþingi þvoi hendur sínar af ráðuneyti sem stundar ekki stjórnsýslu í venjulegum skilningi þess orðs heldur pólitískan fíflaskap og vilji ekki setja Icesave-málið hendur ráðherra sem ekki beinlínis þekktur fyrir trúverðugleika.


mbl.is Icesave verði í höndum Árna Páls
Tilkynna um óviðeigandi tengingu við frétt

Samfylkingarmaður jarðar evruna

Evran stenst ekki í óbreyttu formi enda veldur hún skuldavanda og byggir á rangri hönnun, segir samfylkingarmaður, sem ólíkt flestum flokkssystkinum sínum, kann hagfræði.

Ísland á ekkert erindi á evru-svæðið og ætti ekki svo mikið sem að íhuga myntsamstarf við lönd sem búa við allt aðra hagsveiflu en við.

Af tillitssemi við taugakerfi samfylkingarfólks er nafn þessa hagfræðings ekki nefnt í þessari færslu. En það má lesa greinina hér.


mbl.is Lækkun á öllum mörkuðum
Tilkynna um óviðeigandi tengingu við frétt

Beðið eftir fyrsta gjaldþroti evrulands

Matsfyrirtækið Fitch gefur það út að skuldakreppa evrulandanna 17 er það langt gengin að ekki verði aftur snúið. Peningapælarar telja aðeins spurningu um tíma hvenær fyrsta evrulandið verður gjaldþrota.

Grikkland er líklegasti fallkandídatinn en í raun skiptir ekki mál hvaða evruland verður fyrst gjaldþrota.

Við gjaldþrot blasir við ný staða. Þjóðirnar 17 munu hlaupa að stað í leit að útgöngudyrum. Við dyrastafinn blasir við þeim hjákátleg sjón: Össur utanríkis liggur nagandi þröskuldinn og beiðist inngöngu í brennandi evruhúsið. 


mbl.is Stark gagnrýnir skuldabréfakaup Evrópska Seðlabankans
Tilkynna um óviðeigandi tengingu við frétt

Krónan og lýðræði, tvær hliðar á fullveldinu

Evrópusambandið skipaði Írum að halda gjaldþrota bönkum á floti; Írar urðu að hlýða enda aðilar að ESB og með evru. Lýðræðið sem Írar búa við er skert sem nemur aðild þeirra að Evrópusambandinu.

Ísland er fullvalda og gat látið gjaldþrota bankastofnanir fara á hausinn. Jafnframt gátum við látið gengi krónunnar falla til að laga sig að gerbreyttum efnahagsaðstæðum. Með falli krónunnar var einnig komið í veg fyrir að launafólk eitt og sér tæki á sig leiðréttingu heldur voru fjármagnseigendur látnir bera sinn hluta byrðarinnar.

Ólafur Ragnar forseti gerir rétt að blessa krónuna og mættu ráðherrar í ríkisstjórn Jóhönnu Sig. taka forsetann sér til fyrirmyndar.


mbl.is „Blessun að hafa krónuna“
Tilkynna um óviðeigandi tengingu við frétt

Nýr neyðarfundur ESB-ríkja í janúar

Síðasti neyðarfundur Evrópusambandsins, fyrir viku, leiddi til klofnings með því að Bretar beittu neitunarvaldi á breytingar á Lissabonsáttmálanum. Tilraun Frakka og Þjóðverja til að einangra Breta í kjölfarið með því að fá öll hin 26 ríki sambandsins til að skrifa upp á nýjar lausnir til varnar evrunni.

Neyðarfundurinn um síðustu helgi í Brussel skóp tortryggni milli stóru ríkjanna í Evrópusambandinu; Bretar voru ásakaðir um að leita sér bandamanna gegn evruveldunum Þýskalandi og Frakklandi og þar sem spilla fyrir lausn skuldakreppunnar.

Bretar á hinn bóginn telja kreppu evru-ríkjanna, sem eru jú aðeins 17 af 27 ríkjum ESB, vera vandamál sem evru-ríkin sjálf verði að leysa.

Fjölmiðlastríð milli Frakka og Breta er lýsandi fyrir vantraustið sem ríkir á milli stórvelda Evrópusambandsins. Neyðarfundurinn, sem boðaður er í lok janúar, auglýsir þá pólitísku og efnahagslegu kreppu sem Evrópusambandið er í og finnur ekki neina útleið úr.


mbl.is Staðan í Bretlandi verri en í Frakklandi
Tilkynna um óviðeigandi tengingu við frétt

Stórflótti frá evrulöndum

Þögult bankaáhlaup stendur yfir í evrulandi. Bandarískir bankar beina peningum sínum frá evru-ríkjum af ótta við að skuldakreppan verði stjórnlaus. Lánveitingar úr skuldugum ríkissjóðum til banka með ónýt lánasöfn er vítahringur sem getur hvenær sem er hleypt af stað keðjuverkun gjaldþrota ríkja og banka á evru-svæðinu.

Ofan á skuldakreppuna bætist samdráttur í efnahagsvirkninni og það eykur þrýstinginn á evru-svæðið.

Í hádeginu í dag er fundur á Háskólatorgi um framtíð evrunnar og Evrópusambandsins.


mbl.is Hver vill lána 500 milljarða evra?
Tilkynna um óviðeigandi tengingu við frétt

Pólitísk hrossakaup og efnisleg niðurstaða

Þrír stjórnmálaflokkar af fjórum starfandi eru með þá yfirlýstu stefnu að hagsmunum Íslands sé betur borgið utan Evrópusambandsins en innan þess. Vinstrihreyfingin grænt framboð gekk til kosninga með þessa stefnu en sveik hana strax eftir kosningar í pólitískum hrossakaupum við Samfylkinguna.

Þjóðir sem sækja um aðild að Evrópusambandinu gera það aðeins að undangenginni ítarlegri umræðu og samstöðu um að framtíðarhagsmunir viðkomandi þjóðar liggi í sambandinu. Breið samfélagsleg samstaða þarf að vera um að æskja inngöngu. Á Íslandi er engu slíku til að dreifa.

Þegar formaður Vinstri grænna segir að aðildarviðræður muni leiða til ,,efnislegrar niðurstöðu" er hann að hafa endaskipti á hlutunum. Aðildarviðræður fela í sér aðlögun að Evrópusambandinu og tilboð um aðild er eina mögulega ,,efnislega niðurstaðan."

Stjórnmálaflokkar eiga að komast að ,,efnislegri niðurstöðu" um hvar hagsmunir Íslands liggja áður en sótt er um aðild að Evrópusambandinu. Samfylkingin er eini flokkurinn á Íslandi sem vill aðild. Aðrir stjórnmálaflokkar, þar með talin Vinstrihreyfingin grænt framboð, hafa komist að þeirri ,,efnislegu niðurstöðu," að okkur sé betur borgið utan Evrópusambandsins en innan þess.

Formaður Vinstri grænna þarf að framfylgja yfirlýstri stefnu flokksins en ekki þyrla upp moldviðri til að fela svikin frá 16. júlí 2009.


mbl.is Ekki sjálfgefið að taka upp evru
Tilkynna um óviðeigandi tengingu við frétt

Egill Helga gefst upp á ESB-umsókn

Egill Helgason umræðustjóri telur Evrópusambandið í uppnámi og fyrirsjáanlegar breytingar þar á bæ gera umsókn Íslands um aðild tilgangslausa. Egill skrifar

Staðan í Evrópu er ansi mikið öðruvísi en hún var þegar sótt var um aðild sumarið 2009. ESB leikur á reiðiskjálfi, það eru haldnir stöðugir neyðarfundir sem slá þó ekki á kreppuna. En íslenska ríkisstjórnin virðist staðráðin í að halda aðildarviðræðum til þrautar – og helst semja nógu hratt – við bandalag sem við vitum ekki hvert er að fara.

Egill fylgist með umræðunni úti í heimi - ólíkt þorra aðildarsinna sem eru ósköp heimóttarlegir í umræðunni. Þeim er þó vorkunn þar sem höfuðpáfi ESB-umsóknar Íslands er maður sem helst ekki ætti að ganga laus í útlöndum, svona upp á orðspor þjóðarinnar að gera.


mbl.is Skref áfram í viðræðum við ESB
Tilkynna um óviðeigandi tengingu við frétt

Minnihlutinn vill ljúka ESB-viðræðum

Aðeins um þriðjungur aðspurðra í skoðanakönnun Fréttablaðsins vill ljúka aðildarviðræðum við Evrópusambandið. Fréttablaðið lagði eftirfarandi spurningu fyrir sérvalda

Hvort myndir þú heldur kjósa: 1) Að draga til baka umsókn um aðild að Evrópusambandinu, eða 2) Að ljúka aðildarviðræðum við Evrópusambandið og halda þjóðaratkvæðagreiðslu um aðildarsamninginn?

Um 35 prósent völdu að draga umsókn til baka. Um 65 prósent ljúka viðræðum og fá þjóðaratkvæði. Þar sem Fréttablaðið aðgreinir ekki þá sem vilja ljúka viðræðum og fá þjóðaratkvæði verður að gera ráð fyrir að þeir skiptist til helminga.

Niðurstaðan: 1/3 vill draga umsókn til baka, 1/3 klára viðræður og 1/3 þjóðaratkvæði.

 


Innlit í stórveldapólitík

Nick Clegg formaður Frjálslyndra demókrata þykir hvað mestur ESB-sinni í breskum stjórnmálum. Rök hans fyrir veru Bretlands í Evrópusambandinu eru þau að Bandaríkin taka Breta ekki alvarlega standi þeir utan ESB. Bretar standi einangraðir séu þeir ekki aðilar að ESB. Clegg segir Cameron hafa sýnt af þeir varðhundaeðli með því að beita neitunarvaldinu í Brussel. Og bætir við 

"There’s nothing bulldog aout Britain hovering somewhere in the mid-Atlantic, not standing tall in Europe and not being taken seriously in Washington," Mr Clegg said

Stórveldahagsmunir Breta, samkvæmt þessari greiningu, felast í aðild að Evrópusambandinu, - því að önnur stórveldi, s.s. Bandaríkin, taka mark á ESB en ekki Bretlandi einu sér.

Greiningin gefur sér þá forsendu að Evrópusambandið sé og verði stórveldi. Sú forsenda er aftur í meira lagi hæpin. Eða hefur einhver heyrt um stórveldi sem ræður ekki við að halda myntbandalagi saman?


mbl.is Slæm ákvörðun fyrir Bretland
Tilkynna um óviðeigandi tengingu við frétt

« Fyrri síða | Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 5
  • Sl. sólarhring: 125
  • Sl. viku: 2117
  • Frá upphafi: 1112159

Annað

  • Innlit í dag: 4
  • Innlit sl. viku: 1912
  • Gestir í dag: 4
  • IP-tölur í dag: 4

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband