Leita í fréttum mbl.is

Bloggfærslur mánaðarins, ágúst 2011

Össur er saklaus - að eigin sögn

Um Össur Skarphéðinsson er sagt að hann tali aldrei illa um nokkurn mann - og svo kemur þögn - síðan þetta: sem er á eftir honum í stafrófinu. Maður með orðspor Össurar vill auðvitað leiðrétta þann misskilning að hann hafi staðið að stofnun nýs stjórnmálaflokks til að auðvelda framgang aðlögunarferlis Íslands að Evrópusambandinu. Maður eins og Össur stundar ekki slíka pólitík.


mbl.is „Saklausir af þessu“
Tilkynna um óviðeigandi tengingu við frétt

Aðildarsinnar rugla saman margföldun og deilingu

Íslenskir aðildarsinnar stofna reglulega til nýrra félagasamtaka í þeirri von að fjölgun samtaka dylji fækkun félaga. Hans Haraldsson ræðir á bloggi sínu hverng þessar kenjar aðildarsinna smita út frá sér í stjórnmálin.

,,Margir hafa veitt eftirtekt þeirri hneigð ESB-sinna að stofna fleiri félög eftir því sem þeim fækkar.

Sömu tilhneigingar verður nú vart með stjórnmálaflokka. Guðmundur Steingrímsson ætlar að stofna "frjálslyndan miðjuflokk" en frjálslynd miðjustefna að hætti Guðmundar einkennist af ESB áhuga og...tja...náttúruvernd og svoleiðis. Í Keflavík er svo tenór nokkur að áforma stofnun frjálslynds demókrataflokks (eða var það norræns borgaraflokks?) sem hefur áhuga á ESB en síður á náttúruvernd.

Það segir nokkuð um stöðu ESB-sinna að þeir skuli reyna að sjá vonarglætu í þessari viðleitni Guðmundar og tenórsins (sbr. t.d hamaganginn í Samfylkingareyjunni og RÚV). Það er eins og þeir hafi ruglað saman deilingu og margföldun. 35% deilt á þrjá flokka gerir eftir sem áður 35% saman lagt.

Í rauninni er ekki einu sinni um það að ræða að 35% fylgi fáist út á ESB. Hvað sem líður fyrirferðinni í fjölmiðlum þá mældist áhugi á ESB málum lítill í áhugakönnunum Fréttablaðsins fyrir síðustu kosningar og í undirskriftasöfnuninni sem bar heitið Sammála söfnuðust ekki nema um 15.000 undirskriftir þrátt fyrir umfangsmestu auglýsingaherferð sem fylgt hefur undirskriftasöfnun á Íslandi.

Það er kannski helst von ESB-sinna að kjörþokki Guðmundar og tenórsins sé slíkur að hann dugi til að vega upp á móti málaefnalegri einangrun Samfylkingarinnar meðal rótgrónu flokkanna og nær óhjákvæmilegu fylgistapi í næstu kosningu."

 


mbl.is Ekki líklegt til að veikja Framsókn
Tilkynna um óviðeigandi tengingu við frétt

ESB-trúboðið í hjálendunni

Nýlenduveldin gömlu nýttu sér kristni til að ljúga að innfæddum að siðir og trú reist á gömlum gildum vaxin úr aldagömlu samfélagi væri bábiljur einar. Samfélag sem meðtekur trúboðið verður heltekið uppdráttarsýki um langan aldur, eins og saga nýlendnanna sýnir.

Í skopmyndum er afstaða trúboðsins til innfæddra gjarnan sýnd þannig að rófan er skorin af hundi og honum fengin að japla á. Trúboðinn klappar rófulausa hundinum og segir hann duglegan að hafa sjálfan sig að snæðingi.

Í væntanlegri hjálendu Evrópusambandsins á Atlantshafi, á eyju sem heitir Ísland, er ESB-trúboðið stundað af Fréttablaðinu. Í frétt í dag segir frá væntanlegum styrjum Evrópusambandsins og að ,,heimamenn í héraði" séu best til þess fallnir að ráðstafa þeim fjármunum.

ESB-trúboðið segir ekki frá því að peningarnir sem koma til Íslands frá Brussel eru upphaflega sendir frá Íslandi til Evrópusambandsins - Ísland mun greiða með sér 15 milljarða króna til ESB.

Í Brussel verður ákveðið í hvaða verkefni á Íslandi peningarnir fara. Embættismenn í Brussel eru vitanlega mun betur til þess fallnir að ákveða hvernig Ísland skuli byggt heldur en íslenskir embættismenn.

Gömlu nýlenduveldin áttu orð yfir meðhjálpara sína meðal innfæddra. Þeir voru kallaðir ,,house niggers."


Össur fær stuðning við ESB-umsókn - bara ekki á Íslandi

Um 64,5 prósent Íslendinga er á móti aðild að Evrópusambandinu og meirihluti þjóðarinn vill draga umsókn Íslands tilbaka. Finnar eru á hinn bóginn hlynntir inngöngu Íslendinga, segir í Vísi, sem dregur taum Össurar utanríkis og aðildarsinna.

Finnar eru þessa dagana að gera allt brjálað í Brussel vegna þess að þeir krefjast sérstakra trygginga fyrir neyðarlánum sínum til Grikklands.

Ef Ísland yrði aðili að Evrópusambandinu myndu Íslendingar í fyrsta lagi borga með sér, 15 milljarða króna, og þar að auki yrðum við að greiða okkar skerf af björgunarpakkanum til Grikklands.

Allar þjóðir Evrópusambandsins bjóða okkur velkomin - vegna þess að við borgum með okkur og stækkum fiskveiðilandhelgi Evrópusambandsins.


Evrópusambandið frá 2009 er búið að vera

Evrópusambandið sem Ísland sótti um aðild að sumarið 2009 er ekki lengur til. Kreppan í evru-samstarfinu hefur leitt til þess að þau 17 ríki sem deila með sér gjaldmiðli hafa tekið sig út úr samstarfi hinna 27 ríkja sem mynda Evrópusamstarfið.

Í síðustu viku tilkynntu leiðtogar Frakklands og Þýskalands, Merkel og Sarkozy, að Herman van Rompuy yrði leiðtogi evru-ríkja til viðbótar við hlutverk sitt sem leiðtogi ráðherraráðs Evrópusambandsins. Áður hafa evru-ríki samþykkt ríkara eftirlit með fjárlögum hvers annars með svokölluðum Euro plus pact.

Til að bjarga evrunni úr kreppunni þarf að meira til. Martin Blessing forstjóri annars stærsta banka Þýskalands, Commerzbank, segir að evru-ríkin þurfi sameiginlegt fjármálaráðuneyti til að lifa kreppuna af.

Fjármálaráðuneyti verður ekki til án ríkisvalds og það er í raun Stór-Evrópa sem þýski bankamaðurinn er að biðja um. Hvort fjármálamarkaðnum verði að ósk sinni er óljóst.

Hitt er fullkomlega skýrt að Evrópusambandið mun taka stakkaskiptum næstu misserin. Nágrannaríki okkar Íslendinga, Bretland, Danmörk og Svíþjóð eru ekki hluti af kreppu evru-svæðisins og eru ekki virkir þátttakendur í að móta nýjar reglur fyrri Evruland.

Ísland á ekkert með að láta aðildarumsókn liggja í Brussel þegar mikil óvissa er um hvers konar Evrópusamband vélar með umsóknina.

 


Brotin Belgía, ónýt evra og skilaboð út í tómið

Herman van Rompuy var einu sinni forseti Belgíu, sem er tilbúið land frá 19. öld og verið án ríkisstjórnar í tvö ár. Belgía er brotið land þar sem Flæmingjar í norðri telja sig ekki eiga heima í sama ríki og frönskumælandi Vallónar í suðri.

Evrópusambandið átti að hjálpa þjóðarbrotum að búa í friði með því að gera þjóðríki álfunnar úrelt smátt og smátt. Evran átti að samþætta efnahagskerfi Evrópusambandsins og skapa forsendur fyrir pólitískum samruna.

Evran stendur ekki undir þeim pólitísku markmiðum sem henni voru sett. Herman van Rompuy forseti leiðtogaráðs Evrópusambandsins ætlar að bæta úr því með samræmdum skilaboðum. 

Skilaboðin fara út í tómið vegna þess að það er ekki til neinn evrópskur almenningur til að meðtaka og ræða boðskapinn frá Brussel.


mbl.is Gera úlfalda úr mýflugu
Tilkynna um óviðeigandi tengingu við frétt

Evruland í tíu ára kreppu, svo er það búið

Grikkland og mögulega fleiri ríki í Evrulandi gefast upp á sameiginlegum gjaldmiðli, segir Paul Krugmann nóbelsverðlaunahafi í fréttum RÚV og boðar tíu ára kreppu, bæði í Evrulandi og Bandaríkjunum.

Munurinn á kreppu Evrulands og Bandaríkjanna er sá að engin hætta er á að Bandaríkin liðist í sundur.

Evruland er hins vegar samstarf 17 ríkja og stjórnskipun samstarfsins er í uppnámi vegna fjármálakreppunnar.

Bandaríkin lifa af kreppuna en ekki Evruland.


Aðildarsinnar í stóru málunum: kökubakstri

Hlutabréfavísitölur eru í frjálsu falli vegna ótta markað um upplausn evru-svæðisins; stuðningur við aðild Íslands að Evrópusambandinu fer hríðminnkandi;  Delors segir Evrópusambandið standa á barmi hengiflugs.

Hvað gera aðildarsinnar á Íslandi?

Jú, þeir ræða kökubakstur.


Samtök iðnaðarins án sannfæringar

Samtök iðnaðarins virðast halda að það sé sitthvað að gera aðildarsamning við Evrópusambandið og að ganga í sambandið. Orðalagið yfirlýsingu samtakanna um stuðning við stefnu Samfylkingarinnar að ljúka aðlögunarferli að Evrópusambandinu er svona

Hagfelldur aðildarsamningur kann að vera fyrirtækjum og heimilum til mikilla hagsbóta.

Evrópusambandið er með 500 milljónir íbúa og 100 þúsund blaðsíður af lögum og reglugerðum. Enginn aðildarsamningur við Ísland mun breyta Evrópusambandinu.

Ef það er sannfæring Samtaka iðnaðarins að hagsmunum Íslands sé best borgið innan Evrópusambandsins þá eiga samtökin að útskýra það með rökum.

Viðtengingarhátturinn í yfirlýsingunni, ,,kann að vera," afhjúpar skort á sannfæringu. Í stað þess að styðja málstað aðildarsinna undirstrikar máttlaus yfirlýsing Samtaka iðnaðarins þann veika grunn sem umsókn Íslands hvílir á.

 


mbl.is Vilja halda viðræðum áfram
Tilkynna um óviðeigandi tengingu við frétt

Evru-bankar bíða eftir Stór-Evrópu

Evrópskir bankar eru í frjálsu falli á hlutabréfamörkuðum vegna þess að nokkur ríki evru-svæðisins eru nær gjaldþrota. Markaðurinn bíður eftir því að Sarkozy og Merkel taki af skarið um það hvort nýtt pólitískt af, Stór-Evrópa, verði mynduð til að verja evruna.

Jacques Delors var forseti framkvæmdastjórnar Evrópusambandsins frá 1985-1994 og skóp grundvöllinn fyrir evru-samstarfið. Delors segir að 17 ríki Evrulands verði að setja allt að 60 prósent þjóðarframleiðslunnar undir sameiginlega stjórn er hann í raun að segja tvennt.

Í fyrsta lagi að stofna þurfi Stór-Evrópu utanum evruna til að hún haldi velli.

Í öðru lagi að þau 10 ríki Evrópusambandsins sem ekki eru með evru verði að velja um þýsk-franska Stór-Evrópu eða standa utan við Evrópusambandið, kannski í Evrópska efnahagssvæðinu með Íslandi og Noregi.

Stór-Evrópa stútar Evrópusambandi 27 ríkja og þvingar þjóðríki sem standa utan evru-samstarfsins að velja á milli þess að halda fullveldinu eða ganga í Stór-Evrópu. Svo einfalt er það.

(Byggt á þessu bloggi.)


mbl.is Evrópa tekur enn eina dýfuna
Tilkynna um óviðeigandi tengingu við frétt

« Fyrri síða | Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 6
  • Sl. sólarhring: 112
  • Sl. viku: 2118
  • Frá upphafi: 1112160

Annað

  • Innlit í dag: 5
  • Innlit sl. viku: 1913
  • Gestir í dag: 5
  • IP-tölur í dag: 5

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband