Leita í fréttum mbl.is

Bloggfærslur mánaðarins, janúar 2012

Glansmyndin af ESB og veruleikinn

Í Evrópusambandinu er viðvarandi tíu prósent atvinnuleysi að jafnaði. Jaðarríki sambandsins s.s. Grikkland, Írland, Spánn og Portúgal glíma við hvað hæsta atvinnuleysið. Atvinnuleysi ungs fólks er allt að 40 prósent í sumum aðildarríkjum.

Gjaldmiðill Evrópusambandsins,evran, veldur djúpri skuldakreppu víða um lönd og stefnir ríkisfjármálum Suður-Evrópuríkja í stórkostlega hættu.

Aldurssamsetning Evrópu er þannig að öldrunarvandamál mun vaxa á komandi árum og valda óheyrilegum kostnaði í lífeyriskerfinu og heilbrigðisþjónustunni.

Mun Evrópuskrifstofan fjalla um atvinnuleysi, skuldakreppu og öldrunarvanda í ESB? Eða fáum við glansmynd af ungu fólki sem hefur vinnu og býr í landi sem ekki er að verða gjaldþrota?


mbl.is „Gegndarlaus áróður ESB"
Tilkynna um óviðeigandi tengingu við frétt

Þjóðin vill hvorki evru né ESB

Afgerandi meirihluti þjóðarinnar er á móti aðild Íslands að Evrópusambandinu, eins og kom fram í könnu Capacent Gallup fyrir Heimssýn í gær - 63 prósent eru á móti aðild. Í dag kemur könnun sem staðfestir yfirgnæfandi andstöðu þjóðarinnar við upptöku evru í stað krónu.

Evran var lengi vel helsta gulrót aðildarsinna á Islandi. Alþjóð hefur séð hvernig evran leikur efnahagskerfi jaðarríkja Evrópusambandsins og afþakkar skipti á krónu og evru.

Fullveldið og krónan sigra Evrópusambandið og evru.


mbl.is Vilja ekki evru í stað krónu
Tilkynna um óviðeigandi tengingu við frétt

Noregur í atlögu gegn EES

Í gær voru fjöldamótmæli í miðborg Osló gegn innleiðingu ESB reglugerðar um réttindi og skyldur á vinnumarkaði. Reglugerðin verður innleidd í EES-samninginn sem Noregur ásamt Íslandi og Lichentstein eiga aðild að ásamt ESB.

Mótmælendur kröfðust þess að ríkisstjórnin beitti neitunarvaldi sínu, sem sérhver aðili EES-samningssins hefur. Neitunarvaldinu hefur ekki verið beitt.

Utanríkisráðherra Noregs, Jonas Gahr Störe, er i nauðvörn fyrir EES-samninginnog þarf að útskýra fyrir samlöndum sínum að samningurinn sé ekki aukaaðild að ESB; sé ekki með lýðræðishalla og geri Norðmenn ekki áhrifalausa gagnvart Evrópusambandinu.

Sósíaldemókratinn og utanríkisráðherrann Jonas Gahr Störe er sem sagt algjörlega á öndverðum meiði við Össur Skarphéðinsson utanríkisráðherra Íslands sem lýsir EES-samningnum á allt annan hátt.

 


Norðurlönd snúa baki við ESB og EES

Finnar eru að missa trúna á Evrópusambandinu. Stjórnmálaflokkurinn Sannir Finnar vann stórsigur í síðustu þingkosningum en flokkurinn er gagnrýninn á Evrópusambandið. Norðmenn, sem tvisvar hafa hafnað aðild að sambandinu, sendu frá sér skýrslu í gær þar sem samningurinn um Evrópska efnahagssvæðið er veginn og léttvægur fundinn.

Á Íslandi hefur EES-samningurinn ekki verið umdeildur og í fæstum tilvikum er umræða um það þegar ákvæði frá ESB eru tekin upp í íslenskan rétt á grundvelli EES-samnings. Í Noregi, aftur á móti, er reglulega rætt um EES-samninginn, m.a. gáfu systursamtök Heimssýnar, Nei til EU,  út heila árbók um samninginn.

Norðmenn höfnuðu aðild að Evrópusambandinu í tvígang, 1972 og 1994. Í Noregi eru ESB-andstæðingar orðnir svo öflugir og fylgjendur svo veikir að Nei til EU hrjáir verkefnaskortur. Elítan í Verkamannaflokknum heldur verndarhendi yfir EES-samningnum. Við það verður samningurinn skotmark.

Í Noregi hafa andstæðingar aðildar landsins að Evrópusambandinu tekið höndum saman við aðildarsinna að hafa horn í síðu EES-samningsins. Hvor um sig aðilinn vill fá ólíka niðurstöðu úr endurskoðun EES-samingsins. Andstæðingar ESB-aðildar vilja tvíhliða samninga milli Noregis og Evrópusambandsins. Aðildarsinnar óska sér þess að Norðmenn ákveði að ganga í Evrópusambandið að EES-samningnum frágengnum.

Samtökin Prosjektet Alternativer til EØS (Valkostir við EES) skora utanríkisráðherra Noregs, Jonas Gahr Störe, á hólm í kappræður um valkosti við EES-samninginn. Hópurinn nýtur stuðnings tveggja ríkisstjórnarflokkanna, Miðflokksins og SV.

Andstaða Norðmanna við aðild að Evrópusambandinu er almenn og víðtæk. Um 80 prósent Norðmanna eru á móti aðild. Um helmingur Norðmanna vilja viðskiptasamninga við ESB í stað EES-samningsins.

Sjá nánar hér.


mbl.is Finnar styðji ekki ESB-sáttmálann
Tilkynna um óviðeigandi tengingu við frétt

Aðeins tveir kostir fyrir ESB - og einn fyrir Ísland

Lækkun lánshæfismats nokkurra evru-ríkja, þ.m.t. Frakklands, og björgunarsjóðs evrunnar dregur skýrt fram í dagsljósið þá tvo kosti sem Evrópusambandið stendur frammi fyrir. Annað tveggja þarf að endurskipuleggja evru-samstarfið með því að fækka þeim þjóðum sem eiga þar aðild eða að breyta gjaldmiðlasamstarfinu í fullveðja pólitískt sambandsríki, Stór-Evrópu.

Jeremy Warner hjá Telegraph spyr hvenær leiðtogar Evrópusambandsins ætli að horfast í augu við þá einu tvo kosti sem þeim standa til boða og velja þar á milli. Það verður líklega seint eða aldrei og ástæðan er sú að leiðtogarnir geta ekki viðurkennt fyrri mistök, og skalað niður evru-samstarfið, og þeir hafa ekki stuðning kjósenda til að smíða Stór-Evrópu.

Evrópusambandið reyna allt til að fresta stund sannleikans. Á meðan eigum við ekki að hafa umsóknsókn liggjandi í Brussel um aðild að ESB. Skrifum undir hjá skynsemi.is. 


mbl.is Lækka lánshæfi björgunarsjóðsins
Tilkynna um óviðeigandi tengingu við frétt

Bandaríkin rísa, ESB hnígur

Bandarískt efnahagslíf rétti úr kútnum þrátt fyrir að ríkissjóður fékk á sig lækkað lánshæfismat. Evrópusambandið, evru-löndin sérstaklega, eru á leið í efnahagslega ruslakörfu og verða þar um langa framtíð.

Evrulöndin geta ekki veitt sér þá björg sem bjóðast fullvalda ríkjum með sjálfstæðan gjaldmiðil að lækka gengið til að bæta samkeppnishæfnina. Niðurskurður er eina úrræðið og það felur í sér aukinn samdrátt.

Evrópusambandið sekkur hægt en örugglega undan eigin þunga skrifræðis og ofmetnaðar.

 


mbl.is Lækkun leiðir til niðursveiflu
Tilkynna um óviðeigandi tengingu við frétt

Unga fólkið varar við ESB-flandri

Einörð afstaða Jóns Bjarnasonar gegn aðild Íslands að Evrópusambandinu varð til þess að honum var ýtt út úr ríkisstjórninni. Ísafold, félags ungs fólks gegn ESB, harmar brottvikningu Jóns í ályktun.

Í ályktunninni er jafnframt bent á skuldakreppu Evrópusambandsins sem síst linnir og undirstrikar að Ísland á ekkert erindi í sambandið. Ísafold segir

Nú er evrukreppa í aðsigi og til stendur að auka efnahagslega miðstýringu innan Evrópusambandsins svo um munar. Við þessar víðsjáverðu aðstæður innan ESB, reynir ríkisstjórn Íslands eftir fremsta megni að gera lítið úr eða afneita vandanum með vísun í „tímabundna örðugleika“ á evrusvæðinu. Evrópusambandið brennur undir fiðluleik ríkisstjórnar Jóhönnu Sigurðardóttur.

Unga fólkið veit sínu viti.

 


mbl.is Gagnrýna „ólýðræðisleg vinnubrögð“
Tilkynna um óviðeigandi tengingu við frétt

Björgunaráætlun evrunnar liðast í sundur

Lækkun á lánshæfismati evru-ríkja eykur kostnaðinn við björgunaráætlun evrunnar, þar sem lánveitendur krefjast hærri vaxta. Eins og það sé ekki nóg virðist samstaða evru-ríkjanna vera að bila um hörð viðurlög við fjárlagahalla, sem átti að vera kjarninn í nýjum ,,stöðugleikasáttmála."

Þjóðverjar lögðu ofurkapp á sjálfvirkar refsingar yrðu við brotum á ríkisfjármálahalla. Framkvæmdastjórn ESB átti að draga brotleg ríki fyrir Evrópudómstólinn, hvorki meira né minna.

Síðustu fréttir herma að ekki sé samstaða um hörð viðurlög og ekki einu sinni hvernig eigi að reikna fjárlagahallann. Danir, til að mynda, segjast ekki vilja fórna velferðarríkinu fyrir bókstafinn.

Björgunaráætlunin var samþykkt í desember og áætlað að hún verði samþykkt í mars. Það verður ,,of lítið of seint," líkt og fleiri áætlanir um evrubjörgun.

 


mbl.is Tvöfalt áfall fyrir Evrópu
Tilkynna um óviðeigandi tengingu við frétt

Aginn byrjar heima, það veit Már

Evran elur á ónýtri hagstjórn; það sést á Írum, Grikkjum, Portúgölum, Spánverjum og Ítölum sem allir eru með evru og í efnahagslegri eymd. Ónýta hagstjórn þurfa Íslendingar ekki að flytja inn frá útlöndum - úrvalið er nóg heima fyrir.

Undir fjármálaaga, segir Arnór Sighvatsson aðstoðarseðlabankastjóri, gæti ísland dafnað.

Og aginn byrjar heima. Það veit Már Guðmundsson, yfirmaður Arnórs.


mbl.is Ísland gæti dafnað undir aga í hagstjórn
Tilkynna um óviðeigandi tengingu við frétt

England hótar Skotum með evrunni

Evran er orðin að alþjóðlegu skammaryrði um ónýta mynt. Forsætisráðherra Bretlands, David Cameron, nýtti sér það þegar hann sendi sjálfstæðissinnuðum Skotum tóninn. Cameron sagði að sjálfstætt Skotland gæti misst breska pundið sem gjaldmiðil og sæti uppi með evruna.

Sjálfstæði verður ekki keypt með ónýtri evru. Það vita allir.

Nema ríkisstjórn Íslands. 


mbl.is Litlar breytingar á evrunni
Tilkynna um óviðeigandi tengingu við frétt

« Fyrri síða | Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 148
  • Sl. sólarhring: 188
  • Sl. viku: 2260
  • Frá upphafi: 1112302

Annað

  • Innlit í dag: 123
  • Innlit sl. viku: 2031
  • Gestir í dag: 121
  • IP-tölur í dag: 120

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband