Leita í fréttum mbl.is

Ríkisstjórnin lætur undan hótunum og misbeitingu valds

Minnihluti þingmanna var þeirrar skoðunar sumarið 2009 að Ísland ætti að gerast aðili að Evrópusambandinu. Þessi minnihluti knúði það hins vegar í gegn að sótt yrði um aðild að ESB.

Þar beitti Samfylkingin öllu sínu afli til að ná sínu máli í gegn og hlustaði ekkert á kröfur um að vísa ætti umsókninni til úrskurðar þjóðarinnar. 

Nú er líka minnihluti þingmanna þeirrar skoðunar að Ísland eigi heima í ESB. Þessum minnihluta hefur hins vegar tekist að stöðva ríkisstjórnarflokkana í að fylgja fram stefnu sinni. 

Það er eitthvað sérstakt við fulltrúalýðræðið þegar minnihlutinn ræður stöðugt ferðinni. 


mbl.is Samkomulag um þinglok
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Já, er það ekki. Heimssýn vill úrskurð þjóðarinnar.

Sjálfum sér samkvæmir, labbakútarnir. 

Haukur Kristinsson (IP-tala skráð) 10.5.2014 kl. 10:54

2 identicon

Aðildarumsókn var samþykkt með 33 atkvæðum, það kallast ekki minnihluti. Munaði þar ekki minnst um stuðning nokkurra þingmanna Framsóknarflokks og Sjálfstæðisflokks. Þar samþykkti Alþingi að sækja um aðild og hlustaði ekkert á kröfur minnihlutans um að vísa ætti umsókninni til úrskurðar þjóðarinnar. 

Í dag eiga Framsóknarflokkur og Sjálfstæðisflokkur í erfiðleikum með að afturkalla umsóknina en nokkrir innanbúðarmenn standa þar í vegi. Ríkisstjórnin virðist ekki hafa þingmeirihluta til að koma því máli í gegn.

Það væri eitthvað sérstakt við fulltrúalýðræðið ef minnihlutinn réði stöðugt ferðinni.

Ufsi (IP-tala skráð) 10.5.2014 kl. 11:56

3 identicon

Ekki veit ég hvað Bjarni Ben er að hugsa. Með þessum aumingjahætti er hann að ganga verulega á þá innistæðu velvildar sem hann naut meðal kjósenda flokksins. Engu líkara er en að hann sé að taka upp stefnumál Hönnu Birnu, samræðustjórnmál, sem felur í sér að gera ekki neitt.

Við sjáum árangurinn af þessu hjá Hönnu Birnu, hún er umkringd hýenum sem hún ætlaði að tala við, hún er særð, ein og yfirgefin þarna úti á sléttunni, búin að bíta af sér samherjana, þar sem Sjálfstæðismenn almennt hafa lítinn áhuga á þessari stefnu, sem felst í sífelldri eftirgjöf til pólitískra andstæðinga. Ætlar Bjarni að fara sömu leið?

Það er niðurlægjandi fyrir Sjálfstæðismenn að kratinn Óskar Nafnleyndar skuli ráða stefnu flokksins, þvert á samþykkta stefnu flokksins.

hilmar (IP-tala skráð) 10.5.2014 kl. 13:51

4 Smámynd: Jón Valur Jensson

Þetta er mjög góður Heimssýnarpistill, segir sannleikann í málinu.

Tek líka undir orð Hilmars hér.

Vitað er, að Samfylkingin þvingaði Vinstri græn til að fylgja sér í AGS-, Icesave- og ESB-málunum við stjórnarmyndun 2009, þvert gegn stefnu VG!

VG hafði m.a.s. stóraukizt fylgi í kosningunum 2009 út á það að formaðurinn uppteiknaði flokkinn sem skeleggastan allra flokka GEGN Evópusambandsumsókn. Svo var jafnvel það fylgi notað gegnum umboðs-svíkjandi kjörna þingmenn VG til að sækja um inntöku Íslands í stórveldið!

Liljurnar grætti Steingrímur og tókst með einhverjum hætti að snúa svo upp á aðra þingmenn flokks síns að þeir kusu með landsölumönnunum í Samfylkingu!

Eins var það í Icesave-málinu, og tók nokkur ár að losna úr því helsi sem Steingrímur og Jóhanna vildu þar leggja á okkur, með öllum sínum fylginautum, þvert gegn stefnu VG fyrir kosningarnar 2009!

Samfylkingarforingjarnir láta sem sjálfstæðis- og framsóknarmenn hafi verið að svíkja kosningaloforð sín frá í vor (þótt landsfundur og flokksþing flokkanna hafi skýlaust viljað viðræðuslit og enga ESB-aðild), en þessir bleiku blekkjendur voru samt sjálfir meðvirkir í því (Árni Páll og Katrín Júl. sem ráðherraefni Samfylkingar 2009) að þvinga Steingrím og VG-þingflokkinn til að svíkja sín kosningaloforð með því að taka þátt í ólögmætu atferli kratanna í ESB- og Icesave-málunum.

Framið var stjórnarskrárbrot með afgreiðslu ESB-málsins 2009 og margföld brot gegn rétti Íslands og þjóðarhagsmunum í Icesave-málinu.

Og nú má ætla, að hugdeigir menn í Sjálfstæðisflokki hafi hugsað sér að gefast upp fyrir þessu hræsnisfulla liði og aðdáendum Evrópusambndsins!

Til hvers er þá slíkur flokkur, ef leiðtogar hans SVÍKJA LANDSFUND ÍTREKAÐ? Hvenær kemur að því, að landsfundur neyðist til að víkja síkum leiðtogum frá að fullreyndu?

Jón Valur Jensson, 10.5.2014 kl. 18:01

5 identicon

Mikill er styrkur Samfylkingarinnar. Þvingaði þingmenn Vg, Sjálfstæðisflokks og Framsóknar til að samþykkja aðildarumsókn. Og nú kúga hinir 9 súperþingmenn Samfylkingarinnar 38 varnarlausa þingmenn Sjálfstæðisflokks og Framsóknar til hlýðni. Mikill er máttur Samfylkingar.

Aðildarumsókn var samþykkt með 33 atkvæðum og ég kýs að lýta svo á að þingmenn hafi ekki framið stjórnarskrárbrot og kosið eftir eigin samvisku. Ég tel líklegra að sú sé raunin frekar en að gefa mér að þessir stjórnmálamenn hafi verið fullkomlega heiðarlegir þegar þeir voru að ganga í augun á stuðningsmönnum og á atkvæðaveiðum. Ég vill trúa því að hvaða dellu, skáldskap og brandara sem stjórnmálamenn láta útúr sér við fylgissmölun þá virði þeir stjórnarskrána sem þingmenn. Ég vill trúa því að stjórnarskráin trompi framboðsræður. Það er aumt líf og súrt hugarfar hjá þeim sem ætíð er tilbúinn til að trúa hinu versta um náungan.

Þingmenn eru eingöngu bundnir við sannfæringu sína og ekki við neinar reglur frá kjósendum sínum eða ályktunum landsfunda flokkana. Og hver sá þingmaður sem fer eftir samþykktum landsfunda frekar en eigin samvisku er að brjóta stjórnarskrá. Jón Valur á að láta það ógert að saka þingmenn um stjórnarskrárbrot í hvert sinn er þeir kjósa ekki eins og hann vill hafi hann ekki útprentun á þeirra sannfæringu. Ég vona að komist Jón Valur á þing þá verði hann ekki fjarstýrð strengjabrúða voldugustu afla landsfundar eins og hann er að ætlast til af öðrum.

Ufsi (IP-tala skráð) 10.5.2014 kl. 19:14

6 Smámynd: Jón Valur Jensson

Ég sakaði þingmenn ekki um að brjóta stjórnarskrá með því að greiða atkvæði eftir eigin sannfæringu. En ég saka Össur Skarphéðinsson og ríkisstjórn Jóhönnu um að brjóta ákvæði 16.-19. gr. stjórnarskrár lýðveldisins með því að sniðganga þau með öllu eftir að þingsályktunartillaga þeirra um Evrópusambands-umsókn var naumlega samþykkt. Þeim bar skylda til að leggja svo mikilvægt mál fram í ríkisráði, bera það upp fyrir forseta landsins (18. gr.) og leita samþykkis hans (öðruvísi væri því máli ekki veitt neitt gildi, ---> 19. greinin), en þau gerðu það ekki, heldur rauk Össur út í lönd með þingsályktunina ósatðfesta! (Sbr. hér: Árni Páll Árnason minnir óvart á að ESB-umsókn Össurar og hans eigin flokks var ólögmæt! (stjórnarskrárbrot).

Og þótt sú þingsályktun hafi verið samþykkt með naumum meirihluta í þinginu, þá var það gert með einhverjum þumalskrúfuaðferðum sem gengu þvert gegn sannfæringu viðkomandi undirokaðra þingmanna, eins og vitað var um sannfæringu þeirra rétt fyrir kosningarnar, og jafnvel báru fáeinir þessara þingmanna því vitni, þegar þeir gerðu grein fyrir atkvæði sínu, að þeir vildu raunar ekki samþykkja þetta! Þvingunin var því sérstakt brot á 48. gr. stjórnarskrárinnar, sem fjallar um, að þingmenn séu "eingöngu bundnir við sannfæringu sína og eigi við neinar reglur frá kjósendum sínum."

----> HÉR er líka mikilvæg grein í kvöld!

Nafnleysinginn "Ufsi", málpípa ESB, mætti svo lesa þetta að auki:

Landsfundur talaði skýrt

Eftir Sigríði Ásthildi Andersen (Mbl. 20.2. 2014)

 

"Landsfundur hafnaði því að gert skyldi hlé á viðræðunum en samþykkti að aðildarviðræðum yrði hætt."

 

Stefna Sjálfstæðisflokksins í málefnum Evrópusambandsins er ákaflega skýr. Hana mótaði síðasti landsfundur, æðsta vald í málefnum flokksins. Í fyrsta lagi er stefna Sjálfstæðisflokksins sú að Ísland gangi ekki í Evrópusambandið. Í öðru lagi, og það er mjög mikilvægt, tók landsfundur þá skýru ákvörðun að Sjálfstæðisflokkurinn vill að aðildarviðræðum verði hætt. Þótt slík stefna liggi auðvitað í augum uppi, fyrst flokkurinn vill að Ísland standi utan Evrópusambandsins, var mjög mikilvægt að landsfundur kvæði skýrt á um að aðildarviðræðum yrði hætt.

 

Landsfundur sagði meira

En landsfundur sagði ekki aðeins að aðildarviðræðum yrði hætt. Fundurinn gerði fleira og það skiptir einnig verulegu máli. Það var nefnilega lagt til, í upphaflegum drögum að ályktun, að stefna Sjálfstæðisflokksins yrði sú að gert yrði „hlé“ á aðildarviðræðunum. Því hafnaði landsfundurinn. Landsfundur beinlínis hafnaði þeirri tillögu að gert yrði hlé á viðræðunum og ákvað að stefna Sjálfstæðisflokksins væri þvert á móti sú að viðræðunum skyldi slitið. Það var í þessu samhengi sem fundurinn bætti því við að slíkar viðræður, sem þá skyldi búið að slíta, skyldu aldrei hafnar aftur án þjóðaratkvæðagreiðslu. Þjóðaratkvæðagreiðslan var varnagli. Þannig er stefna flokksins auðvitað ekki sú að efnt skuli til atkvæðagreiðslu núna, um það hvort aðlögunarviðræðunum verði haldið áfram. Landsfundur, æðsta vald í málefnum Sjálfstæðisflokksins, tók af skarið. Viðræðunum skal einfaldlega slitið. Og að því búnu skal það tryggt að aldrei verði farið aftur í slíkar viðræður án þjóðaratkvæðagreiðslu.

Þetta var allt skýrt

Til að ekkert færi milli mála var forysta flokksins sérstaklega spurð á landsfundinum um skilning sinn á þessu skýra atriði, áður en greidd voru atkvæði um ályktunina. Formaður flokksins svaraði fyrirspurninni á fundinum og skildi ályktunina auðvitað eins og blasir við að skilja hana, að Sjálfstæðisflokkurinn myndi ekki efna til atkvæðagreiðslu um „framhald viðræðna“, enda væri landsfundurinn að ákveða að stefna flokksins væri sú að ekki yrði gert neitt hlé á viðræðum, heldur skyldi þeim slitið. Formaðurinn bætti við að slík kosning kæmi svo ekki til greina, nema flokkar, sem hefðu skýra stefnu um að ganga í Evrópusambandið, fengju meirihluta í þingkosningum. Í síðustu þingkosningum urðu úrslit svo þau að þeir tveir flokkar sem áhuga hafa á inngöngu í Evrópusambandið fengu rúmlega 20% fylgi.

Málið liggur ljóst fyrir

Allt ber að sama brunni. Mikill meirihluti lýðræðislega kjörinna alþingismanna vill ekki að Ísland gangi í Evrópusambandið. Hvorugur ríkisstjórnarflokkurinn vill það. Landsfundur Sjálfstæðisflokksins, æðsta vald í málefnum flokksins, hefur markað þá skýru stefnu að flokkurinn vilji ekki „hlé“ á viðræðum heldur að þeim sé slitið og að eftir slík slit megi ekki fara af stað í nýjar viðræður án leyfis þjóðarinnar. Þeir flokkar, sem vilja að Ísland gangi í Evrópusambandið, fengu rúm 20% atkvæða í síðustu þingkosningum. Við þessar aðstæður blasir við að alþingi á að gera það eina rétta og afturkalla inngöngubeiðni Íslands í Evrópusambandið. Það þurfti enga þjóðaratkvæðagreiðslu til að senda þá inngöngubeiðni og það þarf auðvitað enga þjóðaratkvæðagreiðslu til þess að afturkalla hana, allra síst við núverandi aðstæður. Alþingi vill ekki að Ísland gangi í Evrópusambandið og við þær aðstæður er fráleitt að Ísland haldi áfram að vera umsóknarríki að Evrópusambandinu. Þetta skilja allir nema áköfustu Evrópusambandssinnar landsins.

Höfundur er lögmaður og varaþingmaður.

Jón Valur Jensson, 11.5.2014 kl. 00:08

7 identicon

Mér er nokk sama hvað landsfundir segja, þeir ráða engu og enginn þingmaður er bundinn af landsfundarbulli.

Ályktanir Alþingis eru ekki alltaf löggjafarmál eða stjórnarerindi, þannig að nefndar stjórnarskrárgreinarnar þurfa ekki að eiga við. Umsókn er bara umsókn ekki aðild. Aðild þarf allar undirskriftir, umsókn þarf bara ákvörðun Alþingis. Og þá er sama hvort Alþingi sækir um afslátt af áskriftargjaldi Séð og Heyrt eða aðild að einhverjum samtökum, hvorugt er sjálfkrafa löggjafarmál eða stjórnarerindi.

Og eftir sem áður er varasamt að taka öll orð pólitíkusa sem hinn heilaga endanlega sannleik, jafnvel þegar orð þeirra hljóma eins og englasöngur í þín eyru. Enda efast ég um að þú berir svo mikla virðingu fyrir gáfnafari Árna Páls að þú teljir hann óskeikulan.

Var ekki einhver sem sagði "Af ávöxtum þeirra skuluð þér þekkja þá."  Ávextirnir eru atkvæðin að mínu mati og verkin tala sannar en tungan. Ég er því enn á því að þingmenn hafi ekki framið stjórnarskrárbrot og kosið eftir eigin sannfæringu sama hvað þeir segja við kjósendur. En þú villt halda þig við það að sama hvað þeir geri þá gildi framboðsræðurnar og auglýsingaskrumið. Sannfæring þingmanna við atkvæðagreiðslu verður seint sönnuð þannig að hér er bara um mismunandi lífsspeki og viðhorf til samferðamanna að ræða. Sumir vilja dæma aðrir ekki.

Ufsi (IP-tala skráð) 11.5.2014 kl. 03:27

8 identicon

Haukur Kristinsson (IP-tala skráð) 11.5.2014 kl. 12:04

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 129
  • Sl. sólarhring: 184
  • Sl. viku: 2241
  • Frá upphafi: 1112283

Annað

  • Innlit í dag: 104
  • Innlit sl. viku: 2012
  • Gestir í dag: 102
  • IP-tölur í dag: 101

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband