Leita í fréttum mbl.is

Hljóðleg áminning um stefnu ríkisstjórnarinnar í ESB-málum

thingmenntilstarfa3Hópur fólks sem er andvígur inngöngu Íslands í ESB tók sig til og minnti á stefnu ríkisstjórnarflokkanna og stjórnarinnar í heild í ESB-málum við setningu Alþingis í dag. Þarna var um þögula áminningu til stjórnarinnar að ræða og fór athöfnin vel fram í alla staði, ekki síður en setning Alþingis sjálfs.

Meðfylgjandi eru myndir sem Morgunblaðið birti meðal annars af áminningunni við þingsetninguna.

  

thingmenntilstarfa2

 


« Síðasta færsla | Næsta færsla »

Athugasemdir

1 identicon

Heldur er þetta lítilfjörlegt í samanburði við mótmælin gegn því að ríkisstjórnin svíki loforðið um þjóðaratkvæðagreiðslu um framhald aðildarviðræðna. Nokkrar hræður vs fleiri þúsund.

Það er þó merkilegt hve margir krefjast þess að ríkisstjórnin svíki slík loforð. Slíkt gera ekki ríkisstjórnir nema kannski í bananalýðveldum.

Með loforðinu um þjóðaratkvæðagreiðslu varð ljóst að stefnan næði ekki fram að ganga nema með samþykki meirihluta í kosningu. 

Ásmundur (IP-tala skráð) 9.9.2014 kl. 18:12

2 Smámynd: Elle_

Engin slík loforð voru gefin af ríkisstjórninni.  Og ef það var ekki nógu mikið af fólki þarna fyrir ykkur Brusselfara, lýsir það frá mínum sjónarhóli hvað fólk er orðið öruggt með að þessi ESB-vitleysa verði stoppuð.

Elle_, 9.9.2014 kl. 20:26

3 Smámynd: Jón Valur Jensson

Ríkisstjórnin hefur aldrei gefið neitt "loforð um þjóðaratkvæðagreiðslu um framhald aðildarviðræðna," þótt Ásmundur ESB-málpípa haldi því fram. Sjálfstæðisflokkurinn fór t.d. í kosningabaráttuna með þá eindregnu landsfundarstefnu í vegarnesti, að binda bæri enda á umsóknarferlið. En ef sótt yrði um aftur (einhvern tímann í kannski fjarlægri framtíð), yrði fyrst að leita álits þjóðarinnar um það.

Bjarni og Sigmundur verða menn að meiri, ef þeir ganga skeleggir til verks í þessu máli. Við getum látið bleiku flokkana um sína draumóra um að koma okkur undir helsi Brusselvaldsins. Ríkisstjórnin á ekki að vera geymslustofnun fyrir slíka Össurarumsókn af landráða-taginu.

Jón Valur Jensson, 9.9.2014 kl. 21:13

4 identicon

Flestir ráðherrar Sjálfstæðisflokksins ásamt Sigmundi Davíð gáfu loforð um þjóðaratkvæðagreiðslu ef þeir næðu kosningu.

Upptökur af þessum loforðum eru til og hafa verið spilaðar margoft eftir að tillagan um að slíta viðræðum kom fram. Einnig lýstu margir þingmenn úr báðum ríkisstjórnarflokkunum yfir stuðningi við þjóðaratkvæði.

Mjög líklega hafa þessi loforð ráðið úrslitum um að þessir tveir flokkar gátu myndað ríkisstjórn. Í ljósi þess væri það meiriháttar pólitískt hneyksli ef þeir kæmust upp með að slíta viðræðunum án samþykkis þjóðarinnar.

Dæmi um að menn geti notað kosningaárangur sem fékkst með svikum til að taka stórpólitíska ákvörðun gegn vilja þjóðarinnar þekkjast ekki nema hugsanlega hjá mjög vanþróuðum ríkjum.

Þeir sem krefjast þess að þetta loforð verði svikið eru því ekki vandir að virðingu sinni - vægast sagt.

Ásmundur (IP-tala skráð) 9.9.2014 kl. 21:43

5 identicon

.......ef þeir kæmust í meirihluta í stað ef þeir næðu kosningu.

Ásmundur (IP-tala skráð) 9.9.2014 kl. 21:47

6 Smámynd: Helga Kristjánsdóttir

Þetta er rangt ,þessir flokkar voru kosnir einmitt vegna andstöðu og vilja til að slíta þessum viðræðum,sem voru allan tímann á fölskum forsendum. Ég/við krefjumst þess að Gunnar Bragi dragi miðann sem lak til Esb, upp úr forarvilpu fallandi sambandsins,sem er farið að gera sig breiða í austurvegi og æsa til hernðar.Ekki er það gæfulegt og er enn ein ástæða til að forða okkur sem lengst frá því.

Helga Kristjánsdóttir, 10.9.2014 kl. 03:15

7 Smámynd: Jón Valur Jensson

Þessi "loforð", sem Ásmundur tíundar með almennum orðum, voru gjarnan túlkuð og teygð úr samhengi af Samfylkingarsinnuðum fjölmiðlamönnum 365 og Rúv; en leyfislaust gagnvart flokkum sínum gerðu Bjarni og fáeinir aðrir þetta, Bjarni svíkjandi landsfund sinn, eins og allir vissu, eins og þegar hann sveik hann og þjóðina kuldalega í Icesave-málinu. Slíkur maður á að víkja úr sessi --- rétt eins og annar ósvífinn pólitíkus sem "Ásmundur" lætur sem hann muni ekki eftir, þ.e. Steingrímur J. Sigfússon. ÁN ÞESS AÐ Rúv hermdi þau kosningasvik upp á þann mann komst hann upp með að ljúga að kjósendum vorið 2009 og svíkja sitt kosningaloforð um að flokkur hans væri og yrði í hópi hinna hörðustu gegn "ESB-aðild" -- svo tók hann fullan þátt í Össurarumsókninni stjórnarskrárandstæðu! (Auk þess sveik hann eigin yfirlýsingar um AGS-andstöðu og um Icesave-samninga-andstöðu!)

Hvað olli hinni ólíku umfjöllun Rúvara (starfsmanna þjóðarinnar) á orðum og gjörðum StgrJ. árið 2009 og Bjarna Ben. árið 2014? Blasa þau ekki við, æpandi hlutleysisbrotin?!!!

Jón Valur Jensson, 10.9.2014 kl. 12:44

8 identicon

Jón Valur, 80% þjóðarinnar er ekki í Samfylkingunni en það er sá fjöldi sem skv skoðanakönnun vill fá þjóðaratkvæðagreiðslu um áframhald viðræðna.

Í fullyrðingu Steingríms fyrir kosningarnar 2009 um að VG myndi ekki styðja ESB-umsókn fólst aðeins skoðun eða sannfæring. Þetta kom skýrt fram vegna þess að hann bætti við sem rök að flokksráð myndi ekki samþykkja það. Þar misreiknaði hann sig.

Svo er auðvitað gífurlegur munur á því að svíkja loforð um þjóðaratkvæðagreiðslu og að samþykkja þjóðaratkvæðagreiðslu sem var ekki á stefnuskránni. Þeir sem bera enga virðingu fyrir lýðræðinu sjá ekki muninn.

Að lokum má benda á að samþykki VG var vegna breyttra aðstæðna þegar ljóst varð að ekki væri hægt að mynda vinstri stjórn nema að sótt yrði um ESB-aðild. 

Það er hins vegar ekki hægt að réttlæta tillögu um slit á viðræðum með breyttum aðstæðum. Þess vegna stefnir jafnvel í svívirðilegustu svik íslenskrar stjórnmálasögu.

Ásmundur (IP-tala skráð) 10.9.2014 kl. 15:40

9 Smámynd: Jón Valur Jensson

"Svívirðilegustu svik" segir aðeins sá sem sjálfur vill undirokun íslanzka lýðveldisins undir valdfrekar stjórnunarstofnanir stórveldisbandalags gamalla nýlenduvelda og gefa því æðsta löggjafarvald yfir landi og þjóð. "Svívirðilegustu svik" segir sá nafnleysingi í raun, sem meðan á Icesave-málinu stóð barðist gegn íslenzkum þjóðarhagsmunum, enda var hann þar samstiga sjálfu ESB-skurðgoði sínu í því máli. "Svívirðilegustu svik" segir sá, sem aldrei hefur áfellzt Evrópusambandið vegna ófyrirleitni þess gagnvart Íslendingum, Færeyingum og Grænlendinum í hinum afar mikilvægu makríl-veiðimálum.

Skammastu þín, Huldu-Ásmundur! 

Jón Valur Jensson, 11.9.2014 kl. 02:25

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 13
  • Sl. sólarhring: 101
  • Sl. viku: 2125
  • Frá upphafi: 1112167

Annað

  • Innlit í dag: 12
  • Innlit sl. viku: 1920
  • Gestir í dag: 12
  • IP-tölur í dag: 12

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband