Enn er litið á Ísland sem umsóknarríki

Styrmir Gunnarsson fjallar um það á bloggsíðu sinni nýverið að enn sé litið á Ísland sem umsóknarríki hjá Evrópusambandinu.

Styrmir segir:

Framkvæmdastjórn Evrópusambandsins hefur gefið út nýja spá um hagþróun í einstökum aðildarríkjum á þessu ári sem nefnist European Economic Forecast-Spring 2015. Spá þessi nær líka til ríkja sem sótt hafa um aðild að ESB og í þeim hópi er Ísland að því er fram kemur í þessari skýrslu.

Kaflinn um Ísland er nr. 30 og er á bls 126 í skýrslunni. 

Þar segir að efirspurn heima fyrir hafi verið helzti drifkraftur íslenzka hagkerfisins á síðasta ári. Því er spáð að verðbólga muni aukast í náinni framtíð.

Sú staðreynd að fjallað er um Ísland sem umsóknarríki í nýrri skýrslu ESB tæpum tveimur mánuðum eftir að utanríkisráðherra sendi bréf sitt til Brussel bendir til þess að ekkert mark hafi verið tekið á því bréfi enn sem komið er.

 

 

Athugasemdir

[Anna Sigríður Guðmundsdóttir, 7.5.2015 kl. 13:58]

Og Styrmir Gunnarsson þykist ekki hafa vitað um þá staðreynd, að Ísland hefur alla tíð verið umsóknarríki að ESB?

Það væri fróðlegt að skyggnast inn í samvisku/siðferðisþroska Styrmis Gunnarssona, og verk hans upp í gegnum áratugina.

Ég skil að allir eru á einhvern hátt gallaðir persónuleikar.

Þar með er Styrmir Gunnarsson líka á einhvern hátt gallaður persónuleiki. Ég óska honum góðs bata á sínum göllum. Ég óska líka öllum öðrum góðs bata á gölluðum persónuleikum sínum.

Gagnrýnins-hugsun og rétt upplýstur skilningur allra, er traustur grunnur að bættu siðferðissamfélagi.

M.b.kv.