Hugtakaruglingur á Ríkisútvarpinu

Þorvaldur Friðriksson fréttamaður sagði í hádegisfréttum Ríkisútvarpsins rétt í þessu að niðurstaða þjóðaratkvæðagreiðslunnar á Ítalíu í gær um stjórnarskrárbreytingar væri túlkuð sem áfall fyrir Evrópusinna í landinu. Þessi orðanotkun er ónákvæm og er í raun áróðursbragð þeirra sem aðhyllast aðild Íslands að ESB. Það er jafn fjarri lagi í þessu samhengi að tala um Ítala sem Evrópusinna og það að tala um íbúa Reykjavíkur sem Íslandssinna. Ísland er þar sem það er og Reykvíkingar eru hluti af því á sama hátt og Ítalía er og verður hluti af Evrópu. Það sem verið er að vísa til snýst ekki um Evrópu heldur um Evrópusambandið. Það er allt annað. Á sama hátt er rétt að tala um ESB-þingið en ekki Evrópuþingið. 

Athugasemdir

[Elle_, 5.12.2016 kl. 20:12]

Já svona ruglingur er óþolandi.  Ríkisútvarpið ætti ekki að nota svona villandi orð.  Orðið "Evrópusinni" er orðskrípi notað af alloft mörgum og oftast af ESB-sinnum.  Orðið segir beint og óbeint að allir þeir sem vilji ekki ganga í eða eru hreinlega á móti ESB valdabákninu, séu á móti Evrópu og Evrópubúum og jafnvel hati Evrópu. 

Svo er það andstæðu-orðskrípið "Evrópuandstæðingur".  Hvað er "Evrópuandstæðingu"?  Jú manneskja sem er á móti Evrópu.  Veit ekki um neinn sem er á móti álfunni Evrópu, nema villimenn ISIS. Það var læknir í Moggablogginu sem notaði það orð nýlega.