Ómar Ragnarsson segir leiðtoga ESB ekkert hafa lært af sögunni

Ómar Ragnarsson skrifar athyglisverða bloggfærslu í dag þar sem hann líkir meðferð ESB á Grikkjum nú við þá auðmýkingu sem Þjóðverjar upplifðu eftir Versalasamningana í lok fyrri heimsstyrjaldar þegar þeir voru látnir borga himinháar skaðabætur. Sú auðmýking var talin skýra uppgang Hitlers og nasista sem leiddi að lokum til síðari heimsstyrjaldarinnar.

Ómar segir bjöllurnar frá 1918 og 1918 klingja og spyr hvað verði gert ef Grikkir gefist upp við að borga?

Hjörleifur um ESB-umsókn Íslands í ljósi Grikklandsfársins

Hjörleifur Guttormsson, náttúrufræðingur og fyrrverandi ráðherra, ritar mjög góða grein sem birt var í Morgunblaðinu síðastliðinn fimmtudag um reynslu Grikkja af Evrópusambandinu sem sé ekki aðeins mikil lexía fyrir Grikki heldur einnig fyrir Íslendinga. Í lok greinarinnar fjallar Hjörleifur um ESB-umsóknina frá 2009 í ljósi Grikklandsfársins. Þar segir:

 

ESB-umsókn Íslands í ljósi síðustu atburða

Þeir sem stóðu fyrir því 2009 að Ísland sækti um aðild að ESB hafa hægt um sig þessa dagana. Reynslan frá Grikklandi og mörgum fleiri ESB-ríkjum að undanförnu sýnir hvílíkt glapræði þar var á ferðinni og aðför að sjálfstæði og velferð Íslendinga. Af hálfu talsmanna ESB-aðildar Íslands síðasta áratuginn hefur áherslan á upptöku evru verið meginstefið sem bæta átti upp augljóst framsal fullveldis og aðgang að fiskimiðunum. Það er mál til komið að þeir sem börðust fyrir ESB-aðild í tíð síðustu ríkisstjórnar séu látnir horfa í spegil frammi fyrir alþjóð í ljósi þess sem nú er að gerast á meginlandinu. Það er ekki síður sögulegt að um þessar mundir er reynt að stofna stjórnmálaflokk hérlendis undir merki viðreisnar með það meginerindi að knýja á um ESB-aðild Íslands.

Óháð og sjálfbært Ísland

Spennitreyja evrunnar er að verða óbærileg, ekki aðeins fyrir grískan almenning. Þær fórnir sem færðar hafa verið til að viðhalda sameiginlegri mynt koma víða fram í niðurskurði til velferðarmála, stórfelldu atvinnuleysi og samþjöppun auðs í hendur fjármálastofnana og fjölþjóðafyrirtækja. Forysta Evrópusambandsins hefur um skeið haft tilbúnar tillögur til að knýja á um næstu skref í fjármálalegum og pólitískum samruna. Aðeins núverandi brestir í innviðum ESB hafa komið í veg fyrir að þær séu lagðar á borðið. Íslendingar geta prísað sig sæla að þurfa ekki að taka við slíkum boðskap. Eitt brýnasta verkefni íslenskra stjórnmála er að móta skýra stefnu um óháð Ísland og sjálfbæra nýtingu og skiptingu gæða lands og sjávar. Slík stefna felur ekki í sér einangrun heldur grunn til heilbrigðs samstarfs og gefandi samskipta við aðrar þjóðir.

Sjá hér ýmsar fleiri greinar eftir Hjörleif Guttormsson.

Uppsetning og leturbreyting: Heimssýn

Lars Christiansen segir evruna vera algjört klúður

Hinn kunni danski hagfræðingur, Lars Christiansen, sá er varaði fyrstur við falli stóru íslensku bankanna, segir á heimasíðu sinni allt í kringum evruna hafa verið eintómt klúður. Evran sé meiriháttar efnahagslegt, fjármálalegt, pólitískt og félagslegt glæfraspil. Mbl.is endursegir svo sjónarmið Christiansens ef evran hefði ekki verið tekin upp:

„Sum­um ríkj­anna gengi vel og öðrum gengi illa. En haldið þið í al­vöru að við stæðum frammi fyr­ir jafn djúpri efna­hagskreppu og við höf­um orðið vitni að und­an­far­in sjö ár inn­an Evr­ópu­sam­bands­ins? Haldið þið að lands­fram­leiðsla Grikk­lands hefði hrapað um 30%? Að lands­fram­leiðsla Finn­lands hefði minnkað meira en í krepp­unni miklu og bankakrís­unni í land­inu á tí­unda ára­tugn­um sam­an­lagt? Haldið þið að evr­ópsk­ir skatt­greiðend­ur hefðu þurft að dæla millj­örðum evra í að bjarga rík­is­stjórn­um í Suður- og Aust­ur-Evr­ópu auk þýskra og franskra banka?“ spyr Christian­sen og held­ur áfram:

„Haldið þið að jafn­mik­il óein­ing ríkti inn­an Evr­ópu­sam­bands­ins og raun­in er nú? Haldið þið að við stæðum frammi fyr­ir sama fjand­skapn­um á milli Evópuþjóða? Haldið þið að við yrðum vitni að upp­gangi stjórn­mála­flokka eins og Gull­inn­ar dög­un­ar og Syr­iza í Grikklandi og Podemos á Spáni? Að andúð á inn­flytj­end­um og vernd­ar­hyggja færi vax­andi um alla Evr­ópu líkt og verið hef­ur? Haldið þið að evr­ópski banka­geir­inn hefði verið nær lamaður und­an­far­in sjö ár? Og það sem mestu máli skipt­ir, haldið þið að 23 millj­ón­ir manna væru at­vinnu­laus­ar inn­an Evr­ópu­sam­bands­ins? Svarið við öll­um þess­um spurn­ing­um er NEI!“

Sök­in hjá stjórn­mála- og emb­ætt­is­mönn­um ESB

Christian­sen seg­ir þá stöðu sem upp er kom­in vera „ógeðslega“. Sök­in liggi að hans mati hjá stjórn­mála­mönn­um og emb­ætt­is­mönn­um evru­svæðis­ins sem og hag­fræðing­um sem hafi ekki varað við hætt­unni af því að koma evr­unni á lagg­irn­ar en þess í stað stutt þau áform sem hafi verið „brjálæðis­leg“ frá efna­hags­leg­um sjón­ar­hóli. Ekki sé hægt að segja að eng­inn hafi varað þá við. Það hafi til að mynda banda­ríski hag­fræðing­ur­inn og Nó­bels­verðlauna­haf­inn Milt­on Friedm­an og fleiri gert. Þar á meðal Bern­ard Connolly sem hafi í kjöl­farið verið vikið úr fram­kvæmda­stjórn Evr­ópu­sam­bands­ins árið 1995.

„Brott­vikn­ing Bern­ards Connolly er því miður lýs­andi fyr­ir þann skort á umræðu um pen­inga­stefnu­leg mál sem er fyr­ir hendi inn­an Evr­ópu­sam­bands­ins. Öll andstaða við „verk­efnið“ er þögguð niður. Til­gang­ur­inn helg­ar alltaf meðalið,“ seg­ir hann enn­frem­ur. Fáir aðrir en sænsk­ir og dansk­ir kjós­end­ur hafi fengið að greiða at­kvæði um evr­una í þjóðar­at­kvæðagreiðsluna og haft vit á því að hlusta ekki á yf­ir­stétt­ir landa sinna. Fyr­ir vikið væru Dan­ir og Sví­ar í miklu betri mál­um í dag en þeir hefðu ann­ars verið. Auðvelt væri að skilja óánægju kjós­enda í evru­ríkj­un­um enda hafi verið logið að þeim.

„Ég get aðeins sagt að ég skilji reiði Grikkja eft­ir að hafa upp­lifað efna­hags­lega og fé­lags­lega erfiðleika í sjö ár og ég get líka skilið að skatt­greiðend­ur í Finn­landi vilji ekki standa und­ir enn ein­um til­gangs­lausa björg­un­ar­pakk­an­um fyr­ir Grikk­land. En þeir ættu ekki að kenna hvor­ir öðrum um. Þeir ættu að beina reiði sinni að evr­ópsku stjórn­mála­mönn­un­um sem komu þeim inn á evru­svæðið.“

Evran „meiriháttar glæfraspil“

ESB vill hirða fullveldið af Grikkjum

Nú skulu öll ráð af Grikkjum tekin. Þeir þurfa að afhenda ríkiseignir sem tryggingu fyrir lánum og setja allar aðgerðir í lög. Allt traust er farið og yfirstjórn ESB ákveður aðferðir og leiðir og skammtar svo úr hnefa.

Mbl.is segir hér:

 

Stjórn­völd í Grikklandi verða af fram­selja yf­ir­ráðin yfir rík­is­eign­um að verðmæti 50 millj­arða evra í hend­ur evru­svæðis­ins sem trygg­ingu fyr­ir því að ráðist verði í um­fangs­mikla einka­væðingu í land­inu. Standi grísk­ir ráðamenn ekki við kröf­ur um einka­væðingu verða eign­irn­ar seld­ar.

Þetta kem­ur meðal ann­ars fram í til­lögu að sam­komu­lagi um skulda­vanda Grikk­lands sem sett var sam­an á fundi fjár­málaráðherra evru­ríkj­anna í dag sam­kvæmt frétt breska dag­blaðsins Guar­di­an. Þar seg­ir að verði til­lag­an að raun­veru­legu sam­komu­lagi við grísk stjórn­völd yrði um að ræða gríðarlegt framsal á full­veldi. Jafn­vel í til­felli rík­is sem verið hafi und­ir eft­ir­liti Evr­ópu­sam­bands­ins, Evr­ópska seðlabank­ans og Alþjóðagjald­eyr­is­sjóðsins síðustu fimm ár.

Þeim mögu­leika er haldið opn­um í til­lögu fjár­málaráðherra evru­ríkj­anna að Grikk­land fari tíma­bundið út af evru­svæðinu ef grísk stjórn­völd fall­ast ekki á sam­komu­lag við alþjóðlega lán­ar­drottna lands­ins. Þjóðverj­ar höfðu áður lagt þá til­lögu til. Ná­ist sam­komu­lag þurfa Grikk­ir lík­lega á bil­inu 82-86 millj­arða evra sam­kvæmt til­lögu ráðherr­anna.

Verða að afhenda ríkiseignir

Der Spiegel segir framtíð ESB í húfi

Þýska blaðið Der Spiegel segir að kanslari Þýskalands standi frammi fyrir því verkefni að bjarga Evrópusambandinu, hvorki meira né minna.

Finnar vilja ekki veita Grikkjum meiri aðstoð. Fjármálaráðherra Þýskalands, sem heimtaði nýjar tillögur frá Grikkjum, segir nú þegar þeir koma með tillögurnar nýju að Grikkjum sé ekki treystandi! Fundur leiðtoga ESB um málið var boðaður í dag en svo afboðaður með nánast engum fyrirvara. Þjóðverjar eru sagðir vera með plan um að henda Grikkjum út úr evrusamstarfinu í 5 ár.

Á sama tíma eykst eymdin í Grikklandi.

Eru það ýkjur að segja að nú sé allt í uppnámi í Brussel?

Allt á suðupunkti í Brussel

Er þá ekki næst að loka Evrópustofu?

Svo virðist samkvæmt þessari frétt að stofnanir í Evrópusambandsbákninu séu smám saman að færa Ísland úr stöðu umsóknarríkis. Áþreifanlegt skref í þá átt hlýtur að vera að loka Evrópustofu, áróðursskrifstofu fyrir aðild Íslands að ESB.

Sjá hér einnig blogg Jóns Bjarnasonar: Sigmundur Davíð - Tusk og Evrópustofa.

Breytt Ísland á kortum ESB

Björgun Grikklands miðar að björgun evrunnar

Björgunaraðgerðir í Grikklandi munu miða að því að bjarga evrunni. Hagur grísku þjóðarinnar er þar aukaatriði.

Aðalmarkmiðið er nú það að koma í veg fyrir þær hörmungar sem evran getur komið Evrópu í. Evrópa er greinilega ekki hagkvæmt myntsvæði.

En enn vilja Árni Páll og Guðmundur Steingríms taka upp evru og enn vilja Katrín Jakobsdóttir og Steingrímur Sigfússon undirbúa upptöku evru með því að klára aðlögunarviðræður við ESB.

Hvenær mun þetta fólk átta sig á villu síns vegar?

 

Vilja forðast sundrung Evrópu

AGS tekur völdin af ESB í Grikklandsmálinu

Svo virðist af þessari frétt sem AGS sé að taka völdin af ESB í Grikklandsmálinu. Evrópusambandið hefur farið fram af mikilli hörku gegn Grikkjum. Nú er meira að segja Alþjóðagjaldeyrissjóðnum nóg boðið.

Í þessari frétt á visir.is segir:

Grísk stjórnvöld munu leggja til að skuldir gríska ríkisins verði lækkaðar um 30 prósent á neyðarfundi leiðtoga evruríkjanna í dag. Þetta sagði Giorgos Stathakis, efnahagsmálaráðherra Grikklands, við BBC í gær.

Tillagan er sögð í samræmi við skýrslu sem Alþjóðagjaldeyrissjóðurinn (AGS) gaf út í síðustu viku þar sem fram kom að skuldahlutfall gríska ríkisins væri orðið ósjálfbært. Lána þyrfti Grikkjum 60 milljarða evra til viðbótar á næstu árum. Skuldir gríska ríkisins eru yfir 310 milljarðar evra eða sem nemur um 177 prósentum af landsframleiðslu.

Christine Lagarde, framkvæmdastjóri AGS, sagði að stofnunin væri tilbúin að veita Grikkjum hjálp óskuðu þeir þess.