Leita í fréttum mbl.is

Bloggfærslur mánaðarins, október 2011

Evran klýfur ESB í tvennt

Suður-Evrópuríki hafa tapað 30 til 40 prósent af samkeppnishæfni sinni gagnvart ríkjum Norður-Evrópu, einkum Þýskalands, á þeim áratug sem liðinn er síðan evran varð sameiginlegt mynt ólíkra hagkerfa Evrópusambandsins.

Ambrose Evans-Pritchard líkir evrunni við óhamingjusamt hjónaband þar sem annar helmingurinn, Suður-Evrópa, er orðinn þurfalingur og upp á Norður-Evrópu kominn um lífsbjargir.

Andstaðan gegn evru-samstarfinu eykst bæði í Norður-Evrópu, þar sem fólk er ekki tilbúið að niðurgreiða lífskjör sunnar í álfunni, og í Suður-Evrópu, þar sem andúðin á kröfum að norðan um skert lífskjör er talin miskunnarlaus inngrip í innanríkismál.

Evran er um það bil að ganga af Evrópusambandinu dauðu.


mbl.is Evran dæmd til að falla
Tilkynna um óviðeigandi tengingu við frétt

Vinstri grænir boða herta ESB-andstöðu

Landsfundur Vinstri grænna herti á andstöðu flokksins við ESB-leiðangur samfylkingarhluta ríkisvaldsins. Vinstri grænir eru andvígir aðild sem fyrr og setja auk þess fram fortakslausar kröfur. Í ályktun landsfundarins er því hafnað að Össur utanríkis framselji landhelgina til Brussel og að Íslendingar haldi samningsumboði fullvalda þjóðar í fiskveiðimálum.

Lissabon-sáttmálinn, grunnlög Evrópusambandsins, fyrirskipar yfirráð sambandsins  yfir fiskveiðilandhelgi aðildarríkja og samningsumboðið um fiskveiðar er í Brussel.

Aðlögunarferlinu er hafnað með þessum orðum:  ,,Þá mun VG tryggja að íslenskt stjórnkerfi verði ekki aðlagað stjórnkerfi ESB á meðan á aðildarviðræðum stendur."

Landsfundurin hvetur trúnaðarmenn Vinstrihreyfingarinnar græns framboðs að tóna andstöðuna við ESB-aðild.

Samfylkingin er með andvana ESB-umsókn í fanginu. 


mbl.is Ályktun um utanríkismál samþykkt
Tilkynna um óviðeigandi tengingu við frétt

Evru-rökin fyrir ESB-aðild eru ónýt

Sterkustu rök aðildarsinna eru að evran sem gjaldmiðill færi Íslandi hagsæld. Eftir að evran tók upp á því að færa Írum, Grikkjum og Portúgölum eymd og volæði féll á rökin. Í síðustu viku komu til landsins alþjóðlegt lið hagfræðinga til að taka stöðuna á Íslandi og kreppunni.

Skemmst er frá að segja að hagfræðingarnir töldu íslensku krónuna hafa bjargað því sem bjargað varð við hrunið.

Paul Krugman nóbelsverðlaunahafi í hagfræði fer sérstaklega yfir evru-rökin og úrskurðar þau léttvæg.

Þegar sterkustu rökin fyrir aðild Íslands að Evrópusambandinu eru fokin út í veður og vind er næsta mál á dagskrá að leggja umsóknina til hliðar. Skrifum undir hjá skynsemi.is


mbl.is Hafnar rökum stuðningsmanna evru
Tilkynna um óviðeigandi tengingu við frétt

Óbreytt andstaða Vinstri grænna við ESB-aðild

Formaður Vinstrihreyfingarinnar græns framboðs, Steingrímur J. Sigfússon, boðaði óbreytta andstöðu flokksins við aðild að Evrópusambandinu. Ríkisstjórnarhluti Samfylkingar mun halda til streitu umsókninni en þingmenn og ráðherrar Vinstri grænna berjast gegn framgangi umsóknarinnar.

Evrópusambandið krefur Ísland um aðlögun að Evrópusambandinu. Á einhverjum tímapunkti þarf ríkisstjórnin annað hvort að sleppa eða halda umsókninni.

Naumur meirihluti ríkisstjórnarinnar á alþingi mun leiðir til þess að hvorki mun miða afturábak né áfram með ESB-umsóknina.


mbl.is Stefnan óbreytt
Tilkynna um óviðeigandi tengingu við frétt

Setulið ESB ræður ferðinni í Aþenu

Evran leysir ekki vanda heldur býr hún til skelfilegar aðstæður eins og Grikkir reyna nú um stundir. Í neyðaráætlun sem leiðtogar Evrópusambandsins samþykktu í Brussel í vikunni er gert ráð fyrir því að setulið frá ESB muni yfirtaka rekstur gríska efnahagskerfisinsog sjá til þess að niðurskurður sem ákveðinn er í Brussel verði framkvæmdur í Grikklandi.

Þegar gríska efnahagskerfið steytti á skeri var ríkisstjórninni í Aþenu nauðugur kostur að þiggja lánsfé frá Evrópusambandinu. Án eigin gjaldmiðils var ekki hægt að ná tilbaka tapaðri samkeppnisstöðu með gengisfellinu.

Ítrekuð lán til Grikkja eru veitt með æ harðari skilmálum. Brusselvaldið vill senda þau skilaboð í hvern krók og kima evrulands að lán frá Evrópusambandinu fæst ekki án þess að leifum fullveldis sé fórnað.

Grikkir verða hjálenda Evrópusambandsins, sem var kannski ekki hugmyndin þegar land Platón og Sókratesar gekk inn í ESB.

 


mbl.is Evran hefði ekki bjargað
Tilkynna um óviðeigandi tengingu við frétt

ESB og evra er tilboð um áhrifaleysi og eymd

Innganga í Evrópusambandið fæli í sér framsal á auðlindum og við fengjum áhrifaleysi í staðinn. Upptaka evru myndi valda efnahagslegri eymd þar sem við myndum farga krónunni en hún hefur einmitt aðlagað hagkerfið breyttum aðstæðum.

Matin Wolf á Financial Times afhjúpaði blekkingar aðildarsinna á fundi í gær. Salurinn hló þegar hann spurði Jóhönnu, Össur og kó. hvort þau höfðu ekki fylgst með því sem væri að gerast í Evrópusambandinu. Hláturinn stafaði eflaust af því að áheyrendur vissu sem er að ríkisstjórnin er með bundið fyrir bæði augu í Brusselleiðangri sínum.

Martin Wolf var til skamms tíma einarður talsmaður evru og Evrópusambandsins. Hann hefur horft upp á evrusamstarfið gliðna séð hversu veikar undirstöðurnar eru undir sambandinu. Sumir læra af reynslunni á meðan aðrir stinga höfðinu í sandinn. 


mbl.is Wolf segir krónuna reynast vel
Tilkynna um óviðeigandi tengingu við frétt

Ísland á skuldabál evru-ríkjanna

Evrópusambandið getur ekki komið sér saman um hverjir eigi að sitja neyðarfundi um framtíð evrunnar. Sarkozy forseti Frakklands sagði um helgina að Cameron forsætisráðherra Breta ætti ekki að sitja fundi um evruna þar sem Bretland væri eitt af tíu ríkjum Evrópusambandsins sem ekki hefði evru að lögeyri.

Hroki Sarkozy er í engu samræmi við eymdarstöðu evru-ríkjanna 17. Þau kölluðu snemma til Alþjóða gjaldeyrissjóðinn til að hjálpa sér; síðan voru Bandaríkin spurð um fjármagn til að leysa skuldakreppuna og því næst Kína. Um helgina fóru evru-ríkin með betlistaf til smáríkisins Noregs og báðu um framlag í neyðarsjóð til hjálpar Grikkjum, Spánverjum, Ítölum, Írum og Portúgölum.

Evru-svæðið stendur í ljósum logum skuldabáls og samdráttar. Enginn möguleiki er að vandi evrulands hjaðni í bráð. Og þangað ætlar ríkisstjórn Jóhönnu og Steingríms J. með lýðveldið okkar.


mbl.is Beðið eftir fregnum af evru-svæðinu
Tilkynna um óviðeigandi tengingu við frétt

Þjóðríkin í uppreisn gegn Evrópusambandinu

Ríkisstjórn Bretlands fékk kjaftshögg í gær þegar 80 stjórnarþingmenn studdu kröfu um þjóðaratkvæðagreiðslu um áframhaldandi aðild Breta að Evrópusambandinu. Þýska þingið ræðir í dag nýjustu tillögur um að dæla peningum þýskra skattgreiðenda í hít evrópskrar samneyslu, þar sem Berlín borgar en Aþena eyðir.

Þýskir fjölmiðlar gera ekki ráð fyrir að ákvarðanir á vettvangi Evrópusambandsins muni bjarga sambandinu úr úlfakreppu skuldavandans. Evrópusambandið getur ekki tekið erfiðar ákvarðanir vegna þess að sameiginleg ábyrgð aðildarríkja á sambandinu þynnir út ábyrgð hvers og eins.

Samdrátturinn sem blasir við í hagkerfi álfunnar mun hraða þeirri þróun að þjóðríkin taki málin í sinar hendur. Evrópusambandið er komið í tilvistarkreppu.


mbl.is Samdráttur er yfirvofandi í Evrópu
Tilkynna um óviðeigandi tengingu við frétt

Aðeins 18,6% Norðmanna vilja í ESB

Stuðningur við aðild að Evrópusambandinu hefur aldrei mælst minni í Noregi. Samkvæmt nýrri skoðanakönnun vilja aðeins 18, 6 prósent Norðmanna aðild að Evrópusambandinu en 70,8 prósentu eru á móti og rúm tíu prósent óákveðin.

Í sex og hálft ár hafa mælingar sýnt meirihluta Norðmanna á móti aðild.

Norðmenn hafa í tvígang fellt aðildarsamning í þjóðaratkvæðagreiðslu, árin 1972 og 1994.


50% afsláttur til Grikkja,hvað með Spán, Írland og Portúgal?

,,Sjálfviljug" afskrift banka á 50 prósent af ríkisskuldum Grikkja er krafa Evrópusambandsins sem annars hótar að setja Grikki í gjaldþrot - og þá fá bankarnir ekki neitt. Fyrir utan þá ömurlegu aðstöðu sem Grikkland er í, að vera leiksoppur í slagsmálum stórvelda við fjármálamarkaði, vaknar sú spurning hvað verður um ríkisskuldir annarra stórskuldugra evru-ríkja.

Afskriftir á ríkisskuldum Grikkja undir forræði Evrópusambandsins skapar fordæmi fyrir önnur evru-ríki með óviðráðanlegar skuldir.

Neyðarfundur evru-ríkja á miðvikudag verður kannski helst sögulegur fyrir að búa til ný vandamál.

 


mbl.is Bankar gefi Grikkjum 50% afslátt
Tilkynna um óviðeigandi tengingu við frétt

Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 46
  • Sl. sólarhring: 437
  • Sl. viku: 1903
  • Frá upphafi: 1109191

Annað

  • Innlit í dag: 38
  • Innlit sl. viku: 1649
  • Gestir í dag: 38
  • IP-tölur í dag: 38

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband