Leita í fréttum mbl.is

Bloggfærslur mánaðarins, janúar 2012

Atvinnuleysi og matarmiðar í sæluríki Samfylkingar

Samfylkingin vill gera Ísland að evru-landi með 10,4 prósent atvinnuleysi að meðaltali. Samfylkingin vill færa Ísland á menningarstig þar sem matarmiðum er dreift í grunnskóla til vannærða barna vegna þess að mamma og pabbi eru atvinnulaus og samfélagið gjaldþrota.

Í Evrópusambandinu ríkir upplausnarástand vegna þess að lausn á skuldakreppu álfunnar er hvergi nærri í augsýn. Grikkland er í reynd gjaldþrota og Portúgal komið á sama stig. Í biðröðinni eru Spánn og Ítalía.

Sæluríki Samfylkingarinnar með fátækt, pólitískri upplausn og svörtum framtíðarhorfum verður ekki stundinni lengur framtíðarsýn íslenskra stjórnvalda þegar loksins loksins kjósendur fá tækifæri að losa sig við óværun.


mbl.is Atvinnuleysið 10,4% á evrusvæðinu
Tilkynna um óviðeigandi tengingu við frétt

Prófessor gerir könnun í þágu ESB-aðildar

ESB-sinnar lærðu það snemma að í áróðrinum ber fremur að tala um ,,viðræður“ við Evrópusambandið en aðildarumsókn,- og hvað þá aðlögun. Fólk er hvatt til að skoða hvað er „pakkanum.” Viðræður er saklaust orðalag og gefur til kynna að engar skuldbindingar fylgi. En það er öðru nær.

Ríki sem sækir um aðild að Evrópusambandinu fer inn í aðlögunarferli þar sem umsóknarríki tekur jafnt og þétt upp lög og reglugerðir Evrópusambandsins. Ráðamenn í Brussel gera ráð fyrir að umsóknarríki hafi gert upp hug sinn og vilji inn í félagsskapinn. Evrópusambandið býður ekki upp á neinar óskuldbindandi viðræður. Orðrétt segir Evrópusambandið

First, it is important to underline that the term "negotiation" can be misleading. Accession negotiations focus on the conditions and timing of the candidate's adoption, implementation and application of EU rules - some 90,000 pages of them. And these rules (also known as "acquis", French for "that which has been agreed") are not negotiable.

Víkur þá sögunni að Rúnari Vilhjálmssyni prófessor sem keypti könnun af Félagsvísindastofnun til að kanna afstöðu þjóðarinnar til umsóknarferlisins. Rúnar gefur sig út fyrir að vera áhugamaður um opinbera umræðu um Evrópumál og hefur gagnrýnt fyrri kannanir.

Hvaða spurningu kaupir Rúnar af Félagsvísindastofnun, líklega fyrir um 150 - 200 þús. kr? Jú, hún er þessi: „Hver er afstaða þín til aðildarviðræðna Íslands og Evrópusambandsins? Vilt þú halda aðildarviðræðunum áfram eða hætta þeim?”

Til að stimpla það inn í huga þeirra sem svara eru búnar til tvær spurningar þar ,,aðildarviðræður“ koma fram og þar með er áfram spunnin sá þráður að við séum í viðræðum til að sjá hvað er í boði.

Hlutlægari mæling á afstöðu þjóðarinnar til núverandi stöðu málefna Íslands og Evrópusambandsins er að spyrja um afstöðuna til umsóknarinnar. Capacent Gallup spurði fyrir Heimssýn eftirfarandi spurningar ,,Hversu hlynnt(ur) eða andvíg(ur) ert þú að Ísland dragi til baka umsókn sína um aðild að Evrópusambandinu?“

Niðurstaðan var eftirfarandi

51,0 prósent sögðust hlynnt því að umsóknin yrði dregin tilbaka.

10,5 prósent sögðust hvorki hlynnt né andvíg

38,5 prósent sögðust andvíg því að umsóknin yrði dregin tilbaka.

Könnunin var gerð 16. til 23 júní. Fjöldi svarenda var 820.


mbl.is Helmingur vill viðræður áfram
Tilkynna um óviðeigandi tengingu við frétt

Norðmenn óttast flóttamenn frá evru-svæðinu

Efnahagskerfi evru-svæðisins, einkum Suður-Evrópu, býður þegnum sínum upp á 15-25 prósent atvinnuleysi. Norðmenn óttast að með hækkandi sól komi efnahagslegir flóttamenn frá sæluríki Samfylkingarinnar í austri og setjist upp á norska velferðakerfið.

Flóttamönnum frá evru-svæðinu finnst betra að liggja í almenningsgörðum á Norðurlöndum en lepja dauðan úr skel í evrulandi.

Samfylkingin stefnir að fullri aðild Íslands að evrulandi. Vá, hvað við hlökkum til.


ESB tekur Grikkland upp í skuld

Grikkland er ófullvalda hjálenda Evrópusambandsins sem skipar grísku ríkisstjórninni yfirráðherra er fer með neitunarvald á öllum útgjöldum gríska ríkisins. Evrópusambandið krefst þess að 150 þúsund opinberum starfsmönnum verði sagt upp í Grikklandi til að lækka ríkisútgjöld.

Í textasem Financial Times birtir eru kröfur Evrópusambandsins settar fram. Tryggingar fyrir endurgreiðslu á alþjóðlegum lánum til Grikkja verða m.a. að sérstakur framkvæmdastjóri frá ESB, nokkurs konar yfirráðherra, verði settur yfir fjármál gríska ríkisins.

Grikkir, sem hafa hótað að fara í gjaldþrot, verður meinuð sú útgönguleið með því að lögfesta algjöran forgang lánadrottna að skatttekjum gríska ríkisins.

Land Sókratesar, Platón og Artistótelesar er ekki lengur fullvalda lýðræðisríki. 


mbl.is ESB taki yfir fjármál Grikkja
Tilkynna um óviðeigandi tengingu við frétt

Króötum hótað endurtekinni ESB-kosningu

Króötum var hótað að kysu þeir ekki ,,rétt" í nýafstaðinni þjóðaratkvæðagreiðslu um aðild að Evrópusambandinu yrði kosið aftur. Atkvæðagreiðslan var háðung fyrir þarlenda stjórnmálaelítu og Evrópusambandið; aðeins 44 prósent kosningabærra tók þátt.

Tæp 29 prósent Króata sagði já við aðild, um 14,5 prósent sögðu nei en rúm 56 prósent mættu ekki á kjörstað.

Króatísk stjórnvöld höfðu látið þau boð út ganga að ef þjóðin segði nei við aðild yrði kosið að nýju. Áhugaverð umgengni við lýðræðið, svo ekki sé meira sagt.


Steingrímur J. í alvöruviðræðum við ESB

Steingrímur J. Sigfússon formaður VG segir í Morgunblaðinu í dag að eftir heimsókn sína til Brussel verði hafnar ,,alvöurviðræður" við Evrópusambandið um aðild Íslands. Til skamms tíma þóttist Steingrímur J. vera andstæðingur aðildar Íslands að ESB.

Núna er Steingrímur J. aftur helsta von aðildarsinna að þvæla Íslandi inn í Evrópusambandið með góðu eða illu. 

Til upprifjunar fyrir Steingrím J. er stefna Vinstrihreyfingarinnar græns framboðs í Evrópumálum eftirfarandi. 

Vinstrihreyfingin - grænt framboð telur nú sem fyrr að hagsmunum Íslands sé best borgið utan Evrópusambandsins. Landsfundurinn ályktar að í yfirstandandi aðildarviðræðum beri að hafna því að Ísland afsali sér forræði og yfirstjórn sjávarauðlinda innan íslenskrar efnahagslögsögu og leggur áherslu á að Ísland haldi samningsrétti vegna deilistofna á Íslandsmiðum, s.s. makríl, kolmunna, úthafskarfa, loðnu og norsk-íslensku síldinni. Sama á við hvað varðar umfang á stuðningi við íslenskan landbúnað svo og um náttúruauðlindir sem fyrirhugað er að lýsa þjóðareign í nýrri stjórnarskrá.

Landsfundurinn bendir á þá miklu skerðingu lýðræðis sem felst í ESB-aðild ásamt fullveldisafsali á fjölmörgum sviðum. Þróun innan ESB að undanförnu, nú síðast vegna átaka um framtíð evru-samstarfsins, stefnir í átt að enn frekari samruna með hertri miðstýringu. Með Lissabon-sáttmálanum er einnig kominn vísir að samstarfi um utanríkis- og hernaðarmálefni. Jafnframt eiga félagsleg sjónarmið, umhverfisvernd, fæðu- og matvælaöryggi og réttindi launafólks undir högg að sækja innan sambandsins. Þá mun VG tryggja að íslenskt stjórnkerfi verði ekki aðlagað stjórnkerfi ESB á meðan á aðildarviðræðum stendur. (leturbr Heimssýnarblogg)

Landsfundurinn telur það vera eitt af forgangsverkefnum VG, flokkseininga og þingflokks, að herða róðurinn við að upplýsa þjóðina um eðli og afleiðingar ESB-aðildar

 


Elítan makar krókinn, almenningur borgar

Dagpeningar og ferðapunktar eru fríðindi þeirra sem starfa sinna vegna ferðast erlendis. Embættismenn og stjórnendur hagsmunasamtaka eru reglulega í förum til Brussel, bæði vegna ESB-umsóknarinnar og margvíslegs samstarfs á Evrópska efnahagssvæðinu.

Einkahagsmunir þessara hópa eru að Ísland verði aðili að Evrópusambandinu. Ekki aðeins yrðu fríðindin meiri heldur atvinnumöguleikar þessa fólks stórum meiri. Stjórnkerfi ESB er mannað fólki frá aðildarríkjum og Ísland fengi starfsmannakvóta í Brussel við inngöngu.

Íslenskur almenningur mun borga fyrir nýju stjórnsýsluna. Varleg áætlun segir að árlega muni almenningur greiða 15 milljarða til Evrópusambandsins. Styrkirnir sem kæmu á móti rynnu í gegnum hendurnar á nýju yfirstéttinni sem sæi um tengsl almennings við yfirvaldið i Brussel.


mbl.is Stofnanaveldið ánetjast ESB
Tilkynna um óviðeigandi tengingu við frétt

Grískur harmleikur um tapað fullveldi og eilíft ábyrgðarleysi

Grikkir eru fjárhagslega gjaldþrota eftir margra ára óreiðu í skjóli evrunnar. Þeir eru siðferðilega gjaldþrota eftir margbrotin loforð um að taka til í eigin ranni. Die Welt líkir Grikklandi við sáluga austur-þýska alþýðulýðveldið og vill reka Grikki úr evru samstarfinu.

Grikkir þurfa a.m.k. 70 prósent afskrif af skuldum sínum til að sjá til lands. Afskriftir af þeirri stærðargráðu skapa fordæmi fyrir önnur Suður-Evrópuríki að greiða ekki skuldir sínar. Þá er allsendis óvíst að Grikkir hætti óráðsíunni þegar þeir komast upp á lagið með að aðrir borgi hana.

Í evru-skjólinu komust Grikkir upp á lagið með að láta aðra bera ábyrgð á ríkisfjármálum sínum. Grikkir fórnuðu fullveldinu fyrir eilífa meðgjöf frá ríku Norður-Evrópuþjóðunum - eða svo héldu þeir. 


mbl.is Hvetja til samkomulags
Tilkynna um óviðeigandi tengingu við frétt

Á eftir landsdómi kemur ESB-umsóknin

Eitt stærsta mál ríkisstjórnar Jóhönnu Sigurðardóttur var að efna til uppgjörs við hrunið, fyrst með ítarlegri rannsóknaskýrslu og síðan með málshöfðun gegn ráðherrum hrunsstjórnarinnar. Málshöfðunin rann út í sandinn þegar ekki tókst samstaða um að ákæra nema einn ráðherra: Samfylkingin fékk sitt fram og meirihluti alþingis sýknaði fyrirfram ráðherra Samfylkingar í hrunstjórninni.

Þegar Samfylkingin fellur frá stuðningi við eitt aðalbaráttumál Vinstri grænna, uppgjörið við hrunið, þá hlýtur að vera réttmætt að Vinstri grænir dragi tilbaka stuðning sinn við baráttumál Samfylkingarinnar númer eitt, tvö og þrjú: ESB-umsóknina.

Vinstri grænir þurfa jú að huga að næstu kosningum og það stendur skrifað skýrt í stefnuyfirlýsingu þeirra að hagsmunum Íslands sé betur borgið utan Evrópusambandsins en innan þess.


mbl.is Hart sótt að Ögmundi
Tilkynna um óviðeigandi tengingu við frétt

ASí veit betur en bæði Eurostat og Seðlabanki Evrópu

Hans Haraldsson vekur athygli á nýjum möguleika Íslands til útflutnings á þekkingu. Í Silfur Egils mættu gáfnatröll frá Alþýðusambandinu, Gylfi Arnbjörnsson og Ólafur Darri Andrason, og lögðu fram útreikninga sem sýndu að Hagstofa Evrópusambandsins, Eurostat, hefur reiknað húsnæðiskostnað Íslendinga of hátt.

Með álíka göldrum, segir Hans, mætti reikna út nýjar hagstærðir í ESB og veitir ekki, samanber ónýt evru-hagkerfi í Grikklandi, Portúgal, Spáni, Ítalíu og á Írlandi.

Ekki nóg með að félagarnir frá ASÍ reikni Eurostat í kaf þá hafa þeir leiðrétt Seðlabanka Evrópu og gefið bankanum heimild til að verða lánveitandi til þrautavara.

Brilljant menn, Gylfi og Ólafur Darri.


Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 110
  • Sl. sólarhring: 425
  • Sl. viku: 1967
  • Frá upphafi: 1109255

Annað

  • Innlit í dag: 101
  • Innlit sl. viku: 1712
  • Gestir í dag: 100
  • IP-tölur í dag: 100

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband