Bubbi er vonarstjarna aðildarsinna

Meirihluti þjóðarinnar vill draga umsókn Íslands um aðild að Evrópusambandinu tilbaka. Aðildarsinnar reyna að þegja af sér skoðanakönnun Heimssýnar frá í dag og hafa ekkert að segja.

Jú, annars, aðildarsinnar leita í smiðju hagspekingsins og hugsuðarins Bubba Morthens og fá hjá honum vísdóm um að krónan sé verri en evran.

Við erum stúmm.

Alþingi komi saman og dragi ESB-umsókn tilbaka

Þjóðin er andvíg aðild Íslands að Evrópusambandinu, það hafa margar skoðanakannanir staðfest. Ný skoðanakönnun Heimssýnar sýnir meirihluta þjóðarinnar hlynnt því að misráðin umsókn Íslands um aðild að Evrópusambandinu verði dregin tilbaka.

Á alþingi liggur fyrir þingsályktunartillaga Unnar Brár Konráðsdóttur og fleiri um að Ísland dragi umsóknina um aðild að Evrópusambandinu tilbaka.

Alþingi ætti að koma strax saman til að draga umsóknina tilbaka.

Meirihluti vill draga ESB-umsóknina til baka

Evrópusambandið útrýmir þjóðum

Þjóðir gera með sér sáttmála um ríkisvald. Sameiginleg tunga, menning og félagsgerð er forsenda fyrir sátt um ríkisvald þjóðríkisins. Evrópusambandið vinnur skipulega að afnámi þjóðríkja vegna þess að þau standa í vegi fyrir Stór-Evrópu.

Evrópusambandið útrýmir þjóðum í kafkískum stíl skrifræðis sem hægt en örugglega spinnur sinn vef til að fanga fullveldi þjóða.

Haraldur Hansson bloggar um þróun hugtaksins þjóðar í sáttmálum Evrópusambandsins.

Í Rómarasáttmálanum var talað um þjóðir (peoples), þ.e. að Evrópuþingið skuli samanstanda af fulltrúum þjóða aðildarríkjanna.
Á ensku: "... shall consist of representatives of the peoples of the States."

Með Lissabon bandorminum var þessu breytt. 

Í nýjum texta 14. greinar Maastricht segir að þingmenn á Evrópuþinginu skuli vera fulltrúar borgara Sambandsins. 
Áensku: "... shall be composed of representatives of the Union's citizens."

Ekki aðeins hafa "þjóðir" vikið fyrir "borgurum". Nú er ekki lengur talað um aðildarríkin í fleirtölu, heldur Sambandið í eintölu og með stórum staf. Svona breytingar verða ekki af tilviljun.

Það rímar fullkomlega við stefnuna um aukinn pólitíska samruna (ever closer union) að Brussel skilgreini almenning sem "þegna Evrópuríkisins".

Þetta er eitt af þeim fjölmörgu atriðum sem embættismenn földu vandlega og pössuðu að enginn fengi að kjósa um, enda þykir þeim óþarfi að flækja hlutina með einhverju lýðræðisveseni.

 

Aðildarsinnar undirbúa uppgjöf í sjávarútvegsmálum

Lissabonsáttmálinn kveður ótvírætt og afgerandi á um það að Evrópusambandið fer með æðsta vald yfir fiskveiðum aðildarríkja. Aðildarsinnar vita að það er langsótt að Evrópusambandið breyti Lissabonsáttmálanum til að þóknast Íslendingum.

Þess vegna heitir það í munni aðildarsinna að tryggja eigi að ,,afraksturinn" af fiskveiðiauðlindinni verði eftir á Íslandi.

Evrópuvaktin vekur athygli á þessari nýju línu aðildarsinna. Tilboðið er að við sættum okkur við að verða á ný hjálenda þar sem völd og forræði okkar mála eru á meginlandi Evrópu.

Grikkland með eða án gjaldþrots

Gríska þingið greiðir atkvæði í dag um ríkisfjárlög sem hækka skatta, einkavæða opinberar eigur og skera niður velferðarþjónustu. Ef Grikkir samþykkja ekki þessar ráðstafanir fá þeir ekki næstu fjárveitingu frá Evrópusambandinu og Alþjóða gjaldeyrissjóðnum og verða þar með gjaldþrota um miðjan júlí.

Grikkjum er sagt að það sé ekki til nein varaáætlun, þeir verði að framfylgja samþykktri stefnu.

Markaðurinn, á hinn bóginn, telur hvorttveggja að Grikkland verði gjaldþrota næstu misserin og virðist í ofanálag fúlsa við gríska fjölskyldusilfrinu. Telegraph segir að hafnir, flugvellir og annað góss sem hafi verið falboðið fái dræmar undirtektir þar sem grískt stjórnkerfi þykir markað spillingu og skrifræði. 

Grikkir eru dæmdir á hvorn veginn sem er. 

Grein Telegraph hér að neðan

http://www.telegraph.co.uk/finance/financialcrisis/8604489/EU-commissioner-Olli-Rehn-warns-Greek-austerity-package-must-be-approved.html

 

Össur: Spánverjar ráða inngöngu Íslands

Össur Skarphéðinsson segir Spánverja ráða því hvort Ísland gangi í Evrópusambandið. Samkvæmt Euobserver er það mat utanríkisráðherra Íslands að ef Íslendingar fái góðan samning um fiskveiðar muni þjóðin samþykkja aðild.

Spánverjar eru helsta fiskveiðiþjóð Evrópusambandsins. Össur viðurkennir þar með að Evrópusambandið er hagsmunabandalag þar sem hver otar sínum tota.

Ísland mun fá 0,8 prósent atkvæðavægi í ráðherraráði og leiðtogaráði, sem fer með æðstu völdin í Evrópusambandinu en Spánn er með tífalt meira vægi. 

 

Frétt Euobserver

http://euobserver.com/9/32555 

N-Evrópa hafnar Evrulandi; Össur vill inn

Bretland, Danmörk og Svíþjóð ætla ekki inn í Evrulandið þar sem 17 þjóðir berjast vonlausri baráttu við að halda lifandi gjaldmiðli sem getur ekki virkað nema ríkin 17 sameinist um ein fjárlög fyrir allt evru-svæðið. Það yrði ígildi stofnunar Evruríkis.

Í aðildarumræðunni hér á landi hefur evran verið helsta trompið. Nú þegar fyrir liggur að evran er gjaldmiðill sem verður ekki til í núverandi mynd eftir fáein ár er trompið orðið að Svarta-Pétri.

Össur utanríkis og Samfylkingin munu sitja uppi með Svarta-Pétur og sökkva hægt en örugglega í evru-kviksyndið. 

Söguleg stund fyrir Ísland

Evrópusambandið er klofið, umsóknin er dauðaósk

Af 27 ríkjum Evrópusambandsins eru 17 með sameiginlegan gjaldmiðil og kallast Evruland. Vandræði Evrulands yfirskyggja þá staðreynd að þau tíu ríki sem ekki þvældust út í myntsamstarfið keppast við að þvo hendur sínar af mistökunum sem Frakkar og Þjóðverjar bera mestu ábyrgðina á.

Pólverjar hafa lagt á hilluna áform um að taka upp evru, Bretland neitar að greiða í björgunarsjóð fyrir Grikkland sem er að kikna undna evru-skuldbindingum. Danir og Svíar eru ekki á leið í Evruland fremur en aðrir sem standa utan. Eina Norður-Evrópuríkið sem gerir evru-gælur er Ísland með umsókn sinni um aðild að Evrópusambandinu.

Klofningurinn milli Evrulands annars vegar og hins vegar annarra ESB-ríkja mun taka á sig ákveðnari mynd næstu misserin eftir því sem fjármálakreppan verður pólitískari.

Össur Skarphéðinsson utanríkisráðherra og stjórnvitringur lætur eins og hann viti ekki um klofninginn í Evrópusambandinu. Þegar evran, sem var helsta tromp aðildarsinna, gjöreyðileggur efnahagskerfi jaðarríkja Evrópusambandsins verður umsókn Íslands um aðild að téðu sambandi nánast eins og efnahagsleg dauðaósk. 

Fari Grikkir í greiðslufall mun Evrópa spjara sig

Evrupartíið er búið

Að veita Grikkjum lán er eins og að gefa manni í sjálfsmorðshugleiðingum mjúkt reipi til að hengja sig, segir í samantekt á umfjöllun vítt og breitt um leiðaraskrif í fjölmðlum Evrópu.

Open Europe blog tók saman sjónarmið víða úr Evrópu. Aðildarsinnar gerðu margt verra en að kynna sér pælingar um evruna.

Hér er dýrðin:

http://openeuropeblog.blogspot.com/2011/06/verdict-from-europe-what-do-say-about.html

 

Markaðurinn ráðleggur Brussel

Markaðurinn er, eins og allir vita, ekki til. Aftur á móti eru til menn (sjaldnast konur, því miður) sem geta gert kröfu um að tala fyrir hönd markaðarins. Einn þeirra er Jim O'Neill, aðalkallinn hjá fjárfestingabankanum Goldman Sachs í Bretlandi.

O'Neill skrifar grein í Telegraph um grísk-evrópsku kreppuna og framtíð evrunnar og þar með Evrópusambandins. Greiningin er sú að Evrulandið er ekki heppilegt myntsvæði sökum þess að 

a) efnahagskerfi þjóðríkjanna eru sundurleit

og

b) stjórnun Evrulands er sjálfri sér sundurþykk þar sem þjóðhöfðingjar stærstu ríkjanna þjarka sín á milli og valdamiðstöðvar í Brussel (frakvæmdastjórnin og leiðtogaráðið) og Frankfurt (seðlabankinn) reyna að passa upp á sitt.

Lausn O'Neill er eftirfarandi: Búið til sameiginlega skuldabréfaútgáfu, evruskuldabréf, og allir verða kátir. Grikkir fá sömu lánakjör og Þjóðverjar og geta þar með greitt upp sínar skuldir, eða mest allar.

Markaðurinn segir í gegnum O'Neill að forsenda lausnar á grísk-evrópsku skuldakreppunni er að fjármagnseigendur fái trygga ávöxtun. Það sem O'Neill segir ekki er að til að þýskur almenningur samþykki ábyrg á grískum ríkisfjármálum verður þýska þjóðarsálin að hafa hamskipti.

Markaðslausnir á pólitískum vanda er einmitt upphaf vandræðanna í Evrulandi. Sameiginleg mynt átti að auka menningarlega, félagslega og pólitíska eindrægni þjóðríkjanna í Evrulandi. Það gerðist ekki og meira af því sama mun ekki leysa vanda Evrulands. 

 

Grein Jim O'Neill

http://www.telegraph.co.uk/finance/financialcrisis/8598760/Greek-debt-crisis-Jim-ONeill-warns-eurozone-leaders-be-bold-or-the-grand-project-of-Europe-faces-serious-trouble.html