Leita í fréttum mbl.is

Bloggfærslur mánaðarins, júlí 2012

Atvinnuleysisbandalag Evrópu og Ísland

Atvinnuleysi í Evrópusambandinu mælist núna 11,2 % og nálgast að vera tvöfalt atvinnuleysi á Íslandi. Vaxandi atvinnuleysi í Evrópusambandinu er til marks um stöðugt dýpri kreppu sem ekki sér fyrir endann á.

Í jaðarríkum evrunnar eru atvinnuleysi hærra en meðaltalið, tæp 15 prósent á Írlandi og nærri 25 prósent á Spáni.

Ríkisstjórn Jóhönnu Sig. er með umsókn um aðild að atvinnuleysisbandalagi Evrópu.


mbl.is Aldrei meira atvinnuleysi á Ítalíu
Tilkynna um óviðeigandi tengingu við frétt

Hr. Evra: aðeins nokkrir dagar í evru-hrun

Eftir tvo mánuði gæti evran ekki lengur verið til, segir Jean-Claude Juncker forsætisráðherra Lúxembúrgar og formaður evru-hópsins svokallaða þar sem í sitja 17 fjármálaráðherrar evru-landa. Juncker er stundum kallaður Hr. Evra.

Í samtali við þýskt dagblað um helgina boðaði Juncker örvæntingaraðgerðir Seðlabanka Evrópu til að bjarga evrunni. Formaður evru-hópsins styður Mario Draghi, seðlabankastjóra, sem vill að bankinn kaupi ríkisskuldabréf Spánar og Ítalíu til að lækka ávöxtunarkröfuna sem er að sliga ríkissjóði þessara landa. Seðlabanki Þýskalands leggst gegn slíkum áformum.

Verkefni Junckers og Draghi næstu vikur er að halda Grikklandi í evru-samstarfinu annars vegar og hins vegar að lækka ávöxtunarkröfu á suður-evrópsk ríkisskuldabréf. Þjóðverjar eru meira og minna búnir að gefast upp á Grikkjum og þeim gest ekki að tilhugsuninni að veðsetja þýskan fjármálastöðugleika fyrir spænsk og ítölsk ríkisverðbréf.

Hr. Evra er skiljanlega í nokkurri geðshræringu.


mbl.is Markaðir undir áhrifum loforða
Tilkynna um óviðeigandi tengingu við frétt

Evran afhjúpar pólitískt gjaldþrot Evrópu

Á nýöld hét Evrópa ,,hinn kristni heimur." Á tímum kalda stríðsins var aldrei talað um Evrópu sem eina heild heldur var henni skipt í austur og vestur. Eftir fall Berlínarmúrsins fékk hugtakið ,,Evrópa" pólitíska merkingu með Evrópusambandinu. Ákvörðun um sameiginlegan gjaldmiðil Evrópu var tekin í samhengi við sameiningu þýsku ríkjanna.

Evrópa er ekki ýkja hátt skrifuð í pólitískri meðvitund almennings. Evran þótti hagkvæmt verkfæri til að stunda viðskipti en breytti litlu um það að Frakkar vilja helst starfa og búa í Frakkland og það sama gildir um þorra almennings í þeim 17 ríkjum sem mynda evru-samstarfið.

Evran þykir ekki lengur hagkvæm mynt vegna þess að hún skapar kreppu í Suður-Evrópu sem aftur kalla fram kröfu til íbúa Norður-Evrópu að veita fjármagni suður á bóginn. Íbúar Norður-Evrópu eru á hinn bóginn aldeilis ekki á því að niðurgreiða lífskjör sunnanmanna.

Án fjármagnsflutnings frá norðri til suðurs er evru-samstarfið búið að vera.

Stóra fréttin í evru-umræðunni er að Evrópuhugsjónin er pólitískt gjaldþrota.


mbl.is 51% Þjóðverja vill evruna burt
Tilkynna um óviðeigandi tengingu við frétt

90% líkur að Merkel/Hollande verði ósannindafólk

Kanslari Þýskalands og forseti Frakklands ætla að gera ..allt" til að verja evru-samstarf 17 ríkja. Það felur í sér að Grikkir haldi áfram í samstarfinu. Bandaríski bankinn Citigroup telur 90 prósent líkur á að Grikkir yfirgefi evru-samstarfið á næstu misserum.

Til að Grikkir haldist innan evrunnar þarf að útbúa nýjan björgunarpakka handa þeim, þann þriðja. Grikkir eru komnir upp á lagið að skrifa upp á samninga um tiltekt í ríkisfjármálum en efna ekki sinn hluta samningsins og fá lengri frest og meiri stuðning.

Ef þolinmæðina gagnvart Grikkjum þrýtur ekki mun Spánverjar trúlega feta sömu slóð og fá niðurgreiðslu á lífskjörum sínum frá Norður-Evrópu.

Á næsta ári eru kosningar í Þýskalandi. Merkel mun ekki líðast að grafa undan þýskum fjármálastöðugleika með auknum stuðningi við ríkisfjármál óreiðuríkja.


mbl.is „Gera allt til að verja evrusvæðið“
Tilkynna um óviðeigandi tengingu við frétt

Erik Boel: aðeins bjánar vanmeta ESB-andstöðu Íslendinga

Landhelgin og evru-kreppan eru aðeins yfirvarp fyrir andstöðu Íslendinga að ganga í Evrópusambandið. Í reynd er það sjálfstæðið sem er ástæðan fyrir því að tveir þriðju hlutar eyþjóðarinnar eru á móti inngöngu í ESB.

Á þessa leið skrifar Erik Boel formaður dönsku Evrópuhreyfingarinnar. Erik hefur komið til Íslands nokkrum sinnum. Hann er ESB-sinni í húð og hár og sá fyrir sér að innganga Íslands myndi hafa í för með sér aukinn áhuga fyrir Evrópusambandinu í Noregi og Færeyjum.

En núna segir Erik aðeins bjána vanmeta andstöðu Íslendinga við að afsala fullveldinu til Evrópusambandsins.  


Ólafur Ragnar og utanríkisstefna þjóðarinnar

Ólafur Ragnar Grímsson forseti talar fyrir utanríkisstefnu þjóðarinnar þegar hann hafnar aðild Íslands að Evrópusambandinu. Afgerandi meirihluti þjóðarinnar er á móti aðild og stjórnmálaályktanir þriggja flokka af fjórum á alþingi hafna aðild. Aðeins Samfylkingin vill Ísland inn í Evrópusambandið.

Ólafur Ragnar útskýrir í nokkrum setningum hvers vegna Ísland á ekki heima í Evrópusambandinu.

Mín afstaða hefur byggst á nokkrum atriðum. Eitt er að við erum hluti af Norður-Atlandshafinu og norðurhluta Evrópu. Nágranni okkar í vestri, Grænland ákvað að yfirgefa Evrópusambandið. Nágranni okkar í austri, Noregur, gekk tvisvar í gegnum þjóðaratkvæðagreiðslur um inngöngu í Evrópusambandið og mistókst í bæði skiptin. Ef þú ferð um alla norðanverða Evrópu frá Grænlandi gegnum Ísland, Bretland, Noreg, Danmörku og Svíþjóð er það ekki fyrr en á Finnlandi sem þú finnur evruríki.

Í reynd hefur nánast öll Norður-Evrópa ákveðið að halda í eigin gjaldmiðil og ef þú bætir við landfræðilegri staðsetningu okkar og hvernig nágrannaríki okkar hafa valið að fara aðra leið í gjaldmiðilsmálum og bætir svo við yfirráðunum yfir landhelginni og auðlindum landsins. Það hefur alltaf verið mitt mat að það væri betra fyrir Ísland, að þessu gefnu, að halda þjóðinni utan við Evrópusambandið,“ sagði Ólafur Ragnar.

Er ekki ráð að ríkisstjórnin setjist á skólabekk á Bessastöðum?


mbl.is „Sigur lýðræðislegrar byltingar“
Tilkynna um óviðeigandi tengingu við frétt

5 ára neyðaráætlun til bjargar evru

Evru-kreppan kallar fram margvísleg viðbrögð, til dæmis að reisa tollmúra. Einir 17 alþjóðlega viðurkenndir hagfræðingar sendu frá sér 5 ára neyðaráætlun til að bjarga evrunni. Hagfræðingarnir eru ESB-sinnar og telja Evrópusambandið i hættu fari illa fyrir evrunni.

Hagfræðingarnir segja evru-samstarfið byggja á rangri hönnun sem þurfi að leiðrétta. Leiðréttingin fæli í sér að smíða sérstakar stofnanir um evruna, s.s. sérstakt eftirlit með fjármálastofnunum og ríkisfjármálum.

Til að ná tökum á skuldavandanum verða ríku evruþjóðirnar Þýskaland, Austurríki, Finnland og Holland að veita aukinn stuðning til Suður-Evrópuþjóða.

Neyðaráætlunin er byggð á traustri hagfræðilegri greiningu en jafnframt innblásin ESB-pólitík. Neyðaráætlun til fimm ára sýnir hversu langt er í land í evru-kreppunni.


mbl.is Vilja endurskoða fríverslunarsamning
Tilkynna um óviðeigandi tengingu við frétt

Þýska stjórnin í hættu vegna Grikklands

Grikkland þarf þriðja björgunarpakkann upp á 30 til 50 milljarða evra til að landið verði áfram í evru-samstarfinu. Eftir því sem Grikkland færist nær bjargbrúninni vex þrýstingur á þýsk stjórnvöld að grípa í taumana og samþykkja ný neyðarlán.

Die Welt segir deiluna um hvort bjarga eigi Grikklandi eða ekki geta fellt ríkisstjórn Angelu Merkel.

Á meðan gríska vandamálið er óleyst sekkur Spánn dýpra í kviksyndi evru-kreppunnar.


mbl.is Spánn sekkur enn dýpra
Tilkynna um óviðeigandi tengingu við frétt

75% ESB-andstaða í Noregi

Um 75 prósent Norðmanna hafna aðild að Evrópusambandinu, samkvæmt nýrri skoðanakönnun. Norðmenn hafa í tvígang hafnað í þjóðaratkvæðagreiðslu, árin 1972 og 1994. Eftir því sem evru-kreppan dýpkar eykst andstaðan í Noregi við aðild að ESB.

Efasemdir um annað evrópskt samstarf eykst einnig í Noregi. Þigmaður Miðflokksins vill að Noregur hætti Schengen-samstarfinu. Schengen auðveldar glæpamönnum flutning milli landa.

Kreppan í Evrópusambandinu mun hafa ófyrirséðar afleiðingar.


Meiri miðstýring til að bjarga evrunni

Evru-kreppan stafar af hönnunargalla. Sameiginlegt mynt 17 ríkja flytur ríkisfjármálavanda eins ríkis yfir á önnur án þess að nokkur sameiginleg úrræði séu fyrir hendi til að taka á vandanum.

Mario Draghi bankastjóri Seðlabanka Evrópu segir í viðtali sem birtist í þýðingu á Evrópuvaktinni að aukin miðstýring sé forsenda fyrir því að hægt sé að ná tökum á evru-kreppunni.

Í Evrópusambandinu er 27 ríki en aðeins 17 hafa evruna sem lögeyri. Þau tíu ríki sem ekki búa við evru munu ekki taka þátt í aukinni miðstýringu evru-ríkja.


Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 19
  • Sl. sólarhring: 426
  • Sl. viku: 1876
  • Frá upphafi: 1109164

Annað

  • Innlit í dag: 15
  • Innlit sl. viku: 1626
  • Gestir í dag: 15
  • IP-tölur í dag: 15

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband