Evrukrísan stærsta efnahagsógn heimsins segir fjármálaráðherra Breta

Geor­ge Os­borne, fjár­málaráðherra Bret­lands, hef­ur varað við því að ágrein­ing­ur milli stjórn­valda í Grikklandi og ráðamanna í Brus­sel um skulda­upp­gjör Grikkja, sé stærsta ógn­in sem steðjar að efna­hags­stöðug­leika í heim­in­um.

Svo segir í frétt á mbl.is.

Hérna eru hlutirnir orðaðir kurteislega og af tillitsemi við helstu forysturíki evrunnar. Allir vita hins vegar að það er fyrirkomulag evrusamstarfsins sem á hér stærstan hlut að máli. Evran hefur valdið aukinni misskiptingu auðs og tekna á milli norðurhluta álfunnar og suðurhlutans. Evrusamstarfið heldur jaðarlöndunum í skrúfstykki og á stóran þátt í því að atvinnuleysi meðal ungs fólks er um eða yfir 50 prósent í Grikklandi og á fleiri svæðum.

Er nokkur sem enn talar fyrir því að Íslendingar eigi að taka upp evru. Alltént finnst spútnikhagfræðingi Dana engin ástæða til þess fyrir Íslendinga að ana út í það fen.

 

Stærsta ógnin við stöðugleika

Obama skilur vanda Grikkja en ekki Merkel

Það segir sína sögu um stöðu mála í Grikklandi og í ESB að leiðtogar í Bandaríkjunum hafa betri skilning á ískyggilegri stöðu Grikklands en samherjarnir svokölluðu í Þýskalandi og víðar í ESB. Aukin og langdregin efnahagsvandræði á evrusvæðinu íþyngja heimsbyggðinni nánast allri. Það virðist hins vegar ekki skipta Merkel nokkru máli.

Það er einnig eftirtektarvert að núverandi leiðtogar grísku þjóðarinnar segjast ekki ætla að samþykkja fríverslunarsamninginn við Bandaríkin sem verið er að vinna að. 

Obama stendur með Grikkjum