Evran kremur efnahag Finna

Þátttaka Finna í gjaldmiðilsbandalagi Evrópu, evrunni, hefur gert það að verkum að vinnuaflskostnaður er fimmtungi hærri í Finnlandi en í samkeppnislöndunum Svíþjóð og Þýskalandi. Þess vegna hefur útflutningur átt undir högg að sækja í Finnlandi, hagvöxtur verið daufur og atvinnuleysi of mikið. Þetta bitnar svo að sjálfsögðu á þjónustugetu hins opinbera í Finnlandi.

Fyrir vikið er Finnland kallað veiki maðurinn í Evrópu.

Nú hafa stjórnvöld í Finnlandi í bígerð að bregðast við þessu með því að fækka frídögum og veikindagreiðslum. 

Það er líklegt að Finnum muni þykja óbragð að þeim meðulum sem þeir þurfa að taka vegna þeirra kvilla sem evran veldur þeim.