Eyþóri Arnalds finnst athyglisverð ábending seðlabankastjóra um evrusvæðið

Eyþór Arnalds segir í nýlegu bloggi sínu að honum hafi fundist athyglisvert að seðlabankastjóri hafi í viðtali við Sigurjón Egilsson á Bylgjunni í morgun tekið fram að þróun á evrusvæðinu væri það ólík þróuninni hér að sama vaxtastefna hentaði ekki. Sem sagt það hentar ekki Íslandi að vera í myntsamstarfi með öðrum Evrópuþjóðum.

 

Með orðum Eyþórs: 

 

Annað atriði sem mér fannst athyglisvert var að seðlabankastjórinn sagði að ekki væri hægt að bera saman íslenskt hagkerfi við evrusvæðið, enda glímdi það við allt annan vanda. Margir telja að upptaka evru (sem er aðeins möguleg með inngöngu í ESB) leysi okkar vanda, en hér kom skýrt fram að vandinn á evrusvæðinu er samdráttarvandi með verðhjöðnun, en vandinn á Íslandi hefur verið verðbólguvandi og hér er hagvöxtur talsverður. Vaxtastefna evrulanda hlýtur því að vera allt önnur en vaxtastefna á Íslandi miðað við þessi orð seðlabankastjóra. Þetta hljóta að vera fréttir fyrir suma.  

Athugasemdir

[Ufsi (IP-tala skráð) 9.3.2014 kl. 18:08]

Rétti upp hönd sem eru sammála vaxtastefnu seðlabankastjóra.

[Eyþór Laxdal Arnalds, 9.3.2014 kl. 20:03]

Sæll "Ufsi" - það er kannski ekki það sem er aðalmálið hér hvort einhver sé sammála vöxtum einstakra banka, heldur það að seðlabankastjóri staðfestir hér að hagkerfi Íslands sé í grundvallaratriðum ólíkt evrulöndunum um þessar mundir. Nokkur Evrópuríki eru í vexti, en þau eru flest utan evrusvæðisins. Má hér nefna Bretland, Svíþjóð og Noreg.

[Ómar Bjarki Kristjánsson, 10.3.2014 kl. 01:22]

Skrif íslenskra andsinna 2014, bæði ofsamanna til hægri og vinstri ásamt miðju-þjóðrembingum - eru nákvæmlega sama eðlis og skrif þjóðviljans gamla, Einar Olgeirssonar og Magnúsar og þeirra félaga, gegn Evrópu og lýðræðisríkjum þar um 1960 og þar um kring.

Haha. Þetta er alveg makalaust. Hugmynda- og hugarfarsleg stöðnun í um 50 ár.

Þess má geta, vegna þess að ísl. almennt eru ekki sterkir í sagnfræði og landafræði (en vita hinsvegarallt um efnahags- og peningamál og fjármálavafstur allra handa. Eru þar genatískt snillingar sem frægt er orðið.) - að þeir þjóðviljamenn, Einar, Magnús og félagar - voru að berjast fyrir sem mestu samskiptum við einræðis- og harðstjórnarríkið Sovétríkin!! Og gott ef þeir vildu ekki í raun að Ísland geðist barasta aðili að Sovétríkjunum!!

Að íslenskir þingmenn 2014 og sveitarstjórnarmenn víða um land séu aðilar að klúbbi eins og Heimssýn - það er barasta hneisa fyrir Ísland og íslensku þjóðina. Stórleg hneisa.