ESB vill banna áramótagleðina!

DV greinir frá því að nú sé síðasti séns fyrir skotglaða Íslendinga að skjóta upp kraftmiklum flugeldum. ESB hafi bannað þá frá og með næstu áramótum. EF það eru ekki bognir bananar sem reglugerðir ESB fyrirskipa, þá eru það kraflausar ryksugur eða sturtuhausar með dropateljara.

Hvað kemur næst?

Frétt DV er hér.

Vilja aðild að ESB þótt það þjóni ekki hagsmunum Íslands

Píratar og fylgiflokkar þeirra vilja í raun aðild að ESB jafnvel þótt það þjóni ekki hagsmunum Íslands. Krafa um aðildarviðræður er krafa um aðlögun að ESB - eins og allir vita. Þegar samningum er náð á viðræðuríkið að vera búið að uppfylla öll skilyrði ESB. Jón Baldur Lorange bendir á hversu furðuleg þessi aðferðafræði Pírata og fylgiflokka þeirra er. Hann segir í bloggi sínu:

 

Aðferðafræði Pírata og fylgiflokka þeirra við myndun ríkisstjórnar vekur athygli. Flokkarnir vilja ekki hefja formlegar viðræður fyrr en allir fimm flokkarnir hafa komist að niðurstöðu um að þeir vilji starfa saman og hafa komist að niðurstöðu um málamiðlanir í stærstu málunum. Þá fyrst á að hefja formlegar stjórnarmyndunarviðræður.

Í sjálfu sér má skrifa upp á þessa aðferðafræði. En hafandi í huga að þetta er allt sömu stjórnmálaflokkarnir sem hafa talað fyrir því að hefja formlegar viðræður um aðild Íslands að Evrópusambandinu áður en þeir hafa komist að niðurstöðu um hvort það þjóni hagsmunum Íslands að gerast aðili eða ekki, og áður en komist er að niðurstöðu um hvort stærstu hagsmunamál Íslands í þeim viðræðum, svo sem í sjávarútvegsmálum, þá vantar eitthvað upp á samkvæmnina í þessu. Þar er í fínu lagi að sækja um aðild og hefja formlegar viðræður og aðlögun að Evrópusambandinu - en að hefja formlegar stjórnarmyndunarviðræður þessara flokka, það er má alls ekki fyrr en sést til lands í viðræðunum.

Eitthvað finnst mér, jú, vanta upp á samkvæmnina í þessum vinnubrögðum.

Elsti banki í heimi veldur titringi í evrulöndunum

Elsti banki í heimi, ítalski bankinn Monte dei Paschi, veldur nú titringi á evrusvæðinu. Seðlabanki Evrópu hefur neitað bankanum um frekari frest til þess að afla fjármagns til að tryggja áframhaldandi starfsemi bankans. Staða og áhrif bankans er enn ein birtingarmynd vandræðanna í fjármálum á evrusvæðinu.

Sjá nánar hér:

Viðskiptablaðið 12. desember 2016.

The Guardian 9. desember 2016.

BBC 5. desember 2016. 

Forbes.com 9. desember 2016.

Forbes.com 10. desember 2016.

 

 

 

 

Ítalir valda titringi í evruhópnum

Enn á ný hriktir í stoðum ESB. Evrukreppan hefur varað í næstum áratug og nú vill einn helsti stjórnmálaflokkurinn á Ítalíu að fram fari þjóðaratkvæðagreiðsla þar í land um það hvort Ítalir eigi að taka upp eigin gjaldmiðil.

Mbl.is greinir svo frá:

Fimm stjörnu hreyf­ing­in á Ítal­íu vill að fram fari þjóðar­at­kvæði þar í landi um evr­una. Flokk­ur­inn er helsti stjórn­ar­and­stöðuflokk­ur­inn á Ítal­íu og var fremst í flokki þeirra sem börðust gegn breyt­ing­um á stjórn­skip­un lands­ins í ný­af­staðinni þjóðar­at­kvæðagreiðslu. Breyt­ing­un­um var hafnað sem varð til þess að Matteo Renzi for­sæt­is­ráðherra sagði af sér.

Hugs­an­legt er að Fimm stjörnu hreyf­ing­in eigi eft­ir að taka sæti í næstu rík­is­stjórn Ítal­íu. Haft er eft­ir Al­ess­andro Di Batt­i­sta, ein­um að leiðtog­um flokks­ins, í ít­alska dag­blaðinu La Repubblica í gær að þar á bæ sé vilji til þess að leggja það í dóm þjóðar­inn­ar hvort hætt verði að nota evr­una og sjálf­stæður ít­alsk­ur gjald­miðill tek­inn upp í staðinn á nýj­an leik. 

Vilja þjóðaratkvæði um evruna

RUV segir ekki frá BREXIT-samþykkt þingsins?

Athygli hefur verið vakin á því að Ríkisútvarpið hefur ekki sagt frá þeirri samþykkt stórs meirihluta neðri deildar breska þingsins, með 461 atkvæði gegn 89, að virkja grein 50 í Lissabon-sáttmála ESB þannig að hægt verið að hefja útgöngu Breta.

Sé þetta misskilningur skal hann leiðréttur - en hefur annars nokkur séð eða heyrt þessa frétt hjá RUV nokkurs staðar?

  

Grikkir mótmæla álögum ESB

Þúsundir grískra launþega tóku í dag þátt í mótmælum gegn kjaraskerðingum, sem þing landsins afgreiðir á sunnudaginn kemur að kröfu lánardrottna landsins, sem eru fyrst og fremst ESB og ýmsar stofnanir þess og aðildarríki. Að sögn lögreglunnar mótmæltu fimmtán þúsund manns í höfuðborginni Aþenu og fimm þúsund í Þessalóníku.

Opinberir starfsmenn, starfsfólk í bönkum og fleiri starfstéttir eru í verkfalli í einn sólarhring til að mótmæla því að laun verða lækkuð og skattar hækkaðir að kröfu lánardrottna gríska ríksins. Áætlað er að með hækkuðum sköttum aukist tekjur ríkissjóðs um einn milljarð evra eða svo. Hækka á skatta af bílum, eldsneyti, tóbaki, kaffi og bjór svo nokkuð sé nefnt. Áformað er að lækka laun, eftirlaun og greiðslur til bótaþega um 5,7 milljarða evra.

Stéttarfélög í Grikklandi hafa einnig mótmælt því að til standi að auka tekjur ríkissjóðs um tvær milljónir evra með því að selja ríkisfyrirtæki, þar á meðal flugvelli á landsbyggðinni.

Þetta hafa Grikkir upp úr því að gerast aðilar ESB og evrusvæðinu.

Rothögg fyrir breska Brexit-andstæðinga

Andstæðingar Brexit vonuðu sumir að breska þingið myndi stöðva útgönguferli Breta - og lögðu því fram kæru til dómstóla. Undirréttur úrskurðaði að breska þingið yrði að taka málið fyrir. Hæstiréttur ætlar að taka málið fyrir. Nú hefur breska þingið samþykkt með 461 atkvæði gegn 89 að virkja grein 50 í Lissabon-sáttmála ESB þannig að hægt verði að hefja útgöngu Breta.

Með þessu hefur Theresa May, forsætisráðherra Breta, sigrað andstæðinga Brexit á tæknilegu rothöggi.

Breska þingið samþykkti Brexit

Hugtakaruglingur á Ríkisútvarpinu

Þorvaldur Friðriksson fréttamaður sagði í hádegisfréttum Ríkisútvarpsins rétt í þessu að niðurstaða þjóðaratkvæðagreiðslunnar á Ítalíu í gær um stjórnarskrárbreytingar væri túlkuð sem áfall fyrir Evrópusinna í landinu. Þessi orðanotkun er ónákvæm og er í raun áróðursbragð þeirra sem aðhyllast aðild Íslands að ESB. Það er jafn fjarri lagi í þessu samhengi að tala um Ítala sem Evrópusinna og það að tala um íbúa Reykjavíkur sem Íslandssinna. Ísland er þar sem það er og Reykvíkingar eru hluti af því á sama hátt og Ítalía er og verður hluti af Evrópu. Það sem verið er að vísa til snýst ekki um Evrópu heldur um Evrópusambandið. Það er allt annað. Á sama hátt er rétt að tala um ESB-þingið en ekki Evrópuþingið.