Kynningarátak Nei við ESB um hvað í umsókn felst

Eins og fram kemur þessari frétt er herferð framundan hjá Nei við ESB til að kynna það sem felst í umsókn að ESB. 

 

Samtökin NEI við ESB ráðast nú í upplýsinga- og kynningarátak um hvað felst í umsókn að ESB og því framsali á lýðræðisrétti og fullveldi þjóðarinnar sem aðild að sambandinu hefur í för með sér. Fyrir utan framsal á löggjafarvaldi og dómsvaldi snertir aðildin að ESB ekki hvað síst forræði okkar á náttúruauðlindum, sjávarútvegi, fiskimiðum, landbúnaði og matvælavinnslu í landinu. Sóknarfærin eru fólgin í sjálfstæðum samskiptum við aðrar þjóðir.

Fyrstu baráttufundir eru:

Á Sauðárkróki, Kaffi Krók, miðvikudaginn 19. febrúar, kl.20:30.

Á Blönduósi, Pottinum og Pönnunni, fimmtudaginn 20. febrúar, kl. 20:30.

Ávörp flytja: Vigdís Hauksdóttir, alþingismaður og formaður Heimssýnar; Jón Bjarnason, fyrrverandi ráðherra og varaformaður Heimssýnar; Halldóra Hjaltadóttir, formaður Ísafoldar; Erna Bjarnadóttir, aðstoðarframkvæmdastjóri Bændasamtaka Íslands; Árni Gunnarsson, fyrrverandi alþingismaður, Sauðárkróki; Sigríður Ólafsdóttir, bóndi og ráðunautur, Víðidals­tungu; Guðrún Lárusdóttir, bóndi Keldudal, formaður Búnaðarsambands Skagfirðinga; og Gísli Árnason, framhaldsskólakennari, Sauðárkróki.

Fundarstjórar: Agnar Gunnarsson bóndi, Miklabæ, og Björn Magnússon, bóndi, Hólabaki. 

Ráðast í kynningarátak á því hvað felst í umsókn

Athugasemdir

[Jón Sigurðsson (IP-tala skráð) 18.2.2014 kl. 10:49]

Hvar finn ég ársreikning Heimssýnar á ykkar heimasíðu?

Munið þið skila styrkunum sem þið fenguð frá ESB en um leið halda styrkjunum sem þið hafa fengið frá LÍÚ og öðrum tengdum sérhagsmunsamtökum?