ESB vill senda rjúpnaveiðimenn í geðrannsókn!

ESB vill nú að allir veiðimenn í álfunni verði sendir í geðrannsókn. Þetta eru viðbrögð við hryðjuverkaókninni sem nú vofir yfir álfunni. Fregnir af tillögum í þessa veru hafa fengið veiðimenn til að skipta skapi, sérstaklega í Svíþjóð, þar sem frægir stórveiðimenn eru alveg öskuillir yfir þessu uppátæki. 

Einn þeirra er Leif GW Persson, prófessor í lögreglufræðum, spennusagnahöfundur, álitsgjafi og stórveiðimaður (skýtur elg og stærri dýr). Hann segir þessar tillögur ógna friðhelgi einkalífs, sé brot gegn stjórnarskrárvörðum réttindum og algjörlega óraunhæft að senda hópa af fólki með þessum hætti í geðrannsókn. Ýmsir stjórnmálamenn hafa tekið undir með Persson í þessum efnum.

Nái þessar tillögur fram að ganga er það spurningin hvort íslensk stjórnvöld neyðist ekki til að senda alla rjúpna-, gæsa- og hreindýraveiðimenn hér á landi í geðrannsókn. Svona til að sýna lit! 

Athugasemdir

[Ásthildur Cesil Þórðardóttir, 29.11.2015 kl. 18:54]

Það er enginn andskotans endir á vitleysunni. Svona verður þetta þegar lobbyistum í Brussel er gefið of mikil völd, fólk sem hefur aldrei lifað í náttúrunni, einhverskonar möppudýr sem hafa komist til valda og eru litlu betri en ÍSIS, sem allt vilja undir kontról.  Losið okkur við þessa hryðjuverkamenn á frjálsan heim. 

Ekki það að ég væri alveg til í að senda veiðimenn í sálrannsóknir, til að komast að því hvað veldur þessari drápsfíkn þeirra.  En það er bara allt önnur saga.  Íslenskir rjúpnadráparar eru veiðimenn frá frumtímanum og myndu aldrei skjóta fólk, þetta er svo arfavitlaust. 

En loksins fer vonandi að opnast augun á fólki fyrir því hversu arfavitlaust það er að þjóna þessum kerfiskörlum sem eru búnir að koma sér fyrir vel og vandlega í Brussel og ætla að ráða yfir heiminum með sinni brengluðu mynd af alþjóðarsamfélaginu.

Komum þeim burtu og förum aftur til baka til að skilja og viðurkenna eðli frumbyggja og sambýlis í litlum samfélögum, sem þetta rusl er búið að rústa, og forma okkur öll inn í milljónasamfélög. Burt með þetta lið segi og skrifa.  

[Halldór Egill Guðnason, 30.11.2015 kl. 01:02]

ESB er hælistækt, sama hvaða viðmið eru notuð. Að enn skuli finnast aðilar hérlendis, sem mæra þennan ófögnuð, er skelfilegt. Reyndar eiginlega geðveikt, eins og sagt er.

Góðar stundir, með kveðju að sunnan.

[Jón Valur Jensson, 30.11.2015 kl. 04:50]

Svo eru þessir desperat óvitar að gæla við að fá Tyrkland inn í þetta Evrópusamband sitt! ----> http://astromix.blog.is/blog/astromix/entry/2160763/

[S i g u r ð u r S i g u r ð a r s o n, 30.11.2015 kl. 20:29]

Ég er alveg sammála kommiserunum í Brussel, við sem höfum iðkað veiði hér á landi erum gjörsamlega klikkaðir. Vappandi út um guðsgræna náttúruna til að skjóta hænsfugla og annað álíka. Halló, fæst þetta ekki allt í Bónusinu, Hagkaupinu eða Nettóinu svo dæmi séu tekin?

Byrjum á rjúpnaveiðimönnum, þeir eru vitlausastir. Síðan gæsaveiðimenn og síðast hreindýraveiðimenn. Þurfi einhver að fara þrisvar eða oftar í geðrannsóknn, þá verður bara að hafa það.

Svo tökum við til með að rannsaka restina af þjóðinni og kanna hvers vegna í ósköpunum þetta fólk er ekki með byssu- og veiðileyfi. Halló. Heldur þetta fólk að kjötið í Bónusinu, Hagkaupinu og Nettóinu svo dæmi sé tekið verði bara til úr engu.

Að loknum öllum þessum rannsóknum væri tilvalið að fá styrk frá ESB til að byggja hæli fyrir alla þessa íslensku vitleysinga sem hrikaleg ógnun við heimsfriðinn.

[ólafur (IP-tala skráð) 30.11.2015 kl. 23:48]

He He magnað. En kemur ekki á óvart. EU hafa skoðun á því hvað bananr meiga vera mikið bognir. Já og sniglar. EU vill meina að þeir séu fiskar.. Svo þetta er nú ekki neitt sem kemur á óvart;o)

[Ásthildur Cesil Þórðardóttir, 1.12.2015 kl. 12:48]

Ég vil samt byrja á lögfræðingum, það þarf einhvernveginn að ná úr þeim græðginni. :)