Píratar ræða við Heimssýn

Ásta Guðrún Helgadótir þingmaður Pírata verður sérstakur gestur á opnum stjórnarfundi Heimssýnar sem haldinn verður á morgun, miðvikudaginn 27. janúar, klukkan 20:00 í fundarsal á annarri hæð í Iðnó við Tjörnina í Reykjavík. 

Ásta Guðrún mun ræða um stefnur og strauma í Evrópumálum enda hefur hún nokkra reynslu á því sviði og er ýmsum hnútum kunnug í þeim efnum.

Allt áhugafólk um tengsl Íslands og ESB og um sjálfstæði Íslands er velkomið á fundinn.

Athugasemdir

[Heimssýn, 26.1.2016 kl. 18:24]

Við fylgjum þeim viðmiðum að athugasemdir séu málefnalegar. Þess vegna líðum við ekki að einstaklingar eða hópar séu uppnefndir. Af þeim sökum hefur athugasemd sem var sett hér inn í dag verið felld brott.

[Anna Sigríður Guðmundsdóttir, 26.1.2016 kl. 21:11]

Gott mál. Það ættu sem flestir að mæta, þrátt fyrir tengsl við ólíka flokka og fylkingar. Það er skaðlegt að fordæma og útskúfa þá sem eru ekki sammála okkar eigin fastmótuðu og vanþróuðu sjónarmiðum.

Það er ávalt af hinu góða ef fólk hlustar á ólík sjónarmið. Lærdómurinn í lífsins skóla felst í friðsamlegum umræðum og áheyrn um málefni, frá ólíkum sjónarmiðum.

M.b.kv.