Gerandi í ljótum leik

Stundum sprettur upp umræða um Evrópusambandið í tengslum við vexti og gengi gjaldmiðla.  Má þá ráða að þar fari atriði sem gætu útvegað einhverjum Íslendingum ódýrari peninga.  Allt bendir til þess að það sé úr lausu lofti gripið. 

Í vaxtaumræðunni gleymist að Evrópusambandið er annað og meira en bandalag um gjaldmiðil.  Í Austur-Evrópu er um þessar mundir rekið risastórt fangelsi fyrir unga menn.  Á degi hverjum eru nokkur hundruð þeirra teknir af lífi.  Evrópusambandið sem slíkt og þau ríki sem þar ráða leika stórt hlutverk í þeim leik. Það er í samræmi við þeirra eðli.

Þeir sem telja sig friðarsinna ættu að hafa þetta í huga.  Og aldrei að gleyma því.

 

Athugasemdir

[Guðmundur Ásgeirsson, 1.10.2023 kl. 15:05]

Vextir til neytenda eru mjög misjafnir í aðildarríkjum ESB. Þeir eru lágir í ríkjum eins og Þýskalandi og Hollandi, en það eru alls ekki öll lönd eins og þau. Vextir eru jafnan hærri í jaðarríkjum eins og Eystrasaltslöndunum og ef Ísland væri í ESB væri það líklega í flokki jaðarríkja. Þetta er aldrei minnst á í orðræðu aðildarsinna heldur alltaf látið eins og með aðild myndi Ísland breytast í Þýskaland.