Enn er litið á Ísland sem umsóknarríki

Styrmir Gunnarsson fjallar um það á bloggsíðu sinni nýverið að enn sé litið á Ísland sem umsóknarríki hjá Evrópusambandinu.

Styrmir segir:

Framkvæmdastjórn Evrópusambandsins hefur gefið út nýja spá um hagþróun í einstökum aðildarríkjum á þessu ári sem nefnist European Economic Forecast-Spring 2015. Spá þessi nær líka til ríkja sem sótt hafa um aðild að ESB og í þeim hópi er Ísland að því er fram kemur í þessari skýrslu.

Kaflinn um Ísland er nr. 30 og er á bls 126 í skýrslunni. 

Þar segir að efirspurn heima fyrir hafi verið helzti drifkraftur íslenzka hagkerfisins á síðasta ári. Því er spáð að verðbólga muni aukast í náinni framtíð.

Sú staðreynd að fjallað er um Ísland sem umsóknarríki í nýrri skýrslu ESB tæpum tveimur mánuðum eftir að utanríkisráðherra sendi bréf sitt til Brussel bendir til þess að ekkert mark hafi verið tekið á því bréfi enn sem komið er.

 

 

Erpur segir ESB gamaldags nýlenduveldabandalag

Tónlistarmaðurinn Erpur Eyvindarson lýsir Evrópusambandinu í meðfylgjandi viðtali sem gamaldags nýlenduveldabandalagi sem hefur lokað sinn inni í tollamúrum.

Sjón er sögunni ríkari:

https://www.youtube.com/watch?v=I0YH4rMPQLA  

Fullveldissjóður Bjarna Ben styrkir krónuna

Bjarni Bene­dikts­son, fjár­mála- og efna­hags­ráðherra, vill stofna sér­stak­an orku­auðlinda­sjóð, svokallaðan fullveldissjóð, sem all­ar arðgreiðslur frá Lands­virkj­un og öðrum orku­fyr­ir­tækj­um eiga að renna í. Sjóður­inn á að vera vara­sjóður til þess að tryggja stöðug­leika og jafna út efna­hags­sveifl­ur.

Þetta kom fram í ræðu hans á árs­fundi Lands­virkj­un­ar í gær.

Þessi fullveldissjóður Bjarna Ben kæmi á stöðugleika í efnahagslífi landsmanna og gæti þar með stuðlað að stöðugra gengi krónunnar. 

Fullveldissjóður Bjarna myndi þannig styrkja enn frekar krónuna sem gjaldmiðil okkar til framtíðar.

 

Bjarni vill stofna varasjóð

Heimssýn fundaði með Ólafi Ragnari Grímssyni, forseta Íslands

Stjórnarmenn úr Heimssýn undir forystu Jóns Bjarnasonar, formanns Heimssýnar áttu fund með  forseta Íslands, herra Ólafi Ragnari Grímssyni, mánudaginn 27. apríl síðastliðinn. Á fundinum var rætt um stöðu Íslands gagnvart Evrópusambandinu, þróun umsóknarferils, lærdómana sem draga má af viðræðum í opinberri heimsókn forseta til Frakklands og Þýskalands árið 2013 sem og líklega afstöðu Evrópusambandsins á komandi árum í ljósi atburðarásar undarfarinna ára og innri stöðu sambandsins og afstöðu einstakra ríkja, bæði nú, á undanförnum árum sem og í framtíðinni.

Að sögn Jóns Bjarnasonar, formanns Heimssýnar, var fundurinn mjög upplýsandi og gagnlegur fyrir samtökin.

Norðmenn vilja losna við EES-samninginn

Norðmenn vilja margir hverjir losna við EES-samninginn. Þetta kom fram í Spegli Ríkisútvarpsins rétt í þessu. Þar var greint frá baráttumálum Norðmanna á fyrsta maí og var ein krafan sú að Norðmenn losuðu sig undan EES-samningnum.

Um þetta sagði Arnar Páll Hauksson, þáttagerðarmaður RUV:

Nei við EES
Í göngunni í Stavanger voru þó nokkur kröfuspjöld um að Noregur segi upp EES samningnum sem Ísland er líka aðili að. Krafan er að hætta í EES og gera þess í stað viðskiptasamninga við Evrópusambandið. Leif Olsen formaður samtakanna Nei til EU í Stavagner sem segja á að séu systursamtök Heimssýnar hér heima sem berst gegn aðild að ESB. Hann segir að í gegnum EES samninginn hafi Noregur neyðst til að taka upp ýmsar tilskipanir frá Evrópusambandinu þó að Normenn hafi í tvígang í þjóðaratkvæðagreiðslu hafnað aðild að sambandinu. EES samningurinn hafi í raun leitt til laumuaðildar að ESB. Þetta komi víða fram og tilskipanir sem gangi þvert á reglur sem gilda á norskum vinnumarkaði. Hann segir að þegar hafi þrjú sambönd innan Alþýðusambandsins krafist þess að Noregur segi sig frá EES samningnum. Hann telur að krafan eigi fylgi að fagna. Tilskipanir frá ESB hafi meðal annars leitt til þess að erlendir starfsmenn fái ekki greidd laun samkvæmt norskum kjarasamningum.

Leif segist gera sér grein fyrir því að ef Noregur segi upp EES samningnum þýði það endalok samningsins. Evrópusambandið muni eftir sem áður halda áfam viðskiptum við Noreg því sambandið þurfi á norskri framleiðslu að halda. En þá geti Norðmenn samið við Evrópusambandið á jafnréttisgrundvelli svipað og Svisslendingar geri. Hann segist líka gera sér grein fyrir því að ef Norðmenn hætti í EES verði engin samningur lengur fyrir Ísland. Hins vegar geti Íslendingar auðveldlega gert samninga við ESB því eftirspurn eftir fiski verði áfram í Evrópusambandslöndunum.

Þorir ESB og ESB-sinnar í raunverulega þjóðaratkvæðagreiðslu?

ESB og ESB-sinnar þora varla i raunverulega þjóðaratkvæðagreiðslu um ESB og evruna. Ekki á Íslandi sumarið 2009. ESB-aðildarsinnar voru á móti þjóðaratkvæðagreiðslu um Icesave. ESB-sinnar í Bretlandi, þeir hörðustu eins og breskir kratar, eru alveg á móti því að breska þjóðin fái að kjósa um veruna í ESB. Lista yfir aðildarsinna af ýmsu tagi og í ýmsum löndum sem helst vilja láta stjórnmála- og embættismanna-elítu ráða ferð inn í og innan ESB mætti lengja talsvert. 

Grikkir eru búnir að koma sér í svo mikil vandræði með hjálp ESB og evrunnar að þeir komast trauðla úr hinni erfiðu stöðu sinni án hjálpar. Vissulega gætu þeir bjargað sér sjálfir en þá með gífurlegum efnahagsskruðningum. Þess vegna er líklegt að á þessari stundu myndu þeir kjósa með áframhaldandi sambúð við evrusvæðið.

En líklega fáum við aldrei að vita um það því ESB og ESB-sinnar þora varla í atvæðagreiðslu þarna nú fremur en árið 2011.

Vill þjóðaratkvæði um evruna

Verkafólk tapar á ESB

Verkafólk hefur víða farið illa út úr aðild sinna landa að ESB. Atvinnuleysið hefur verið að meðaltali á bilinu 10-12 prósent í evru- og ESB-löndunum. Evrusvæðið stendur sig að jafnaði heldur verr en önnur lönd í ESB að þessu leyti. Ein af ástæðum þess að Samfylkingin hefur ekki náð því flugi sem stofnendur hennar vonuðust í upphafi er að hún misreiknaði það hvaða þýðingu ESB og evran hefur fyrir venjulegt verkafólk. Það tapar nefnilega að meðaltali mest á ESB og evrunni eins og sést í Grikklandi, Spáni, Ítalíu, Portúgal, Írlandi, Eistlandi og víðar. Stjórnsýslu- og embættismannaelítan og ákveðnir hópar í kringum hana tapa minnst.

Forysta ASÍ hefur algjörlega misskilið hlutverk sitt og gert það að köllun sinni að þrýsta Íslendingum inn í ESB og evrusamstarfið. Þessi tengslalausa forysta hefur ekkert umboð til þess frá venjulegu verkafólki á Íslandi að tifa og tönnlast stöðugt á því að Ísland eigi að ganga í ESB og taka upp evru. 

Í gær minnti hópur fólks í tengslum við Heimssýn, Nei við ESB, Herjan og Ísafold á að ekki er heppilegt fyrir Íslendingar að binda trúss sitt við ESB og evruna og tók þátt í fyrsta maí göngunni undir merkjum Nei við ESB.

Það var þörf áminning um það hvað er heppilegt og hvað ekki fyrir verkafólk á Íslandi.

Meðfylgjandi eru myndir sem voru teknar í göngunni og síðan af hluta af okkar fólki eftir gönguna:

 

 

 

 

 

 

 

 

 

 

 

 

 

 

 

 

 

 

 

Það er enn hörkuvetur í Grikklandi

Það hefur verið kuldalegt um að litast á evrusæðinu, efnahagslega séð. Álfan hefur búið við hið mikla sjúkdómseinkenni, verðhjöðnun, um nokkurt skeið. Heldur hefur hið efnahagslega hitastig þokast upp á við, eða úr mínus 0,1 og upp í núll frá mars til apríl. En það er með þetta eins og annað í efnahagsmálum og hagfræði. Meðaltalið segir aðeins hluta sögunnar. Þótt hið efnahagslega hitastig sé nú bærilegt í Þýskalandi og helstu nágrannalöngum þess er enn frostavetur á Spáni og í Grikklandi. Þar er um fjórðungur íbúa án átvinnu og um helmingur ungmenna er hvorki í skóla né vinnu. 

Mbl.is greinir svo frá:

Verðbólga í 19 ríkj­um evru­svæðis­ins mæld­ist eng­in, eða 0%, en 0,1% verðhjöðnun mæld­ist í mars. Helsta skýr­ing­in á verðhjöðnun­inni und­an­farna mánuði er lækk­un á orku­kostnaði. 

Ljóst er að Seðlabanki Evr­ópu mun fagna þess­um frétt­um en í mars var gripið til viðamestu aðgerða sem bank­inn hef­ur gripið til í pen­inga­stefnu­mál­um.

At­vinnu­leysi er áfram 11,3% en það mæld­ist 11,7% fyr­ir ári síðan. Afar mis­mun­andi er eft­ir evru­ríkj­un­um hversu hátt hlut­fall íbú­anna er án at­vinnu. Í Þýskalandi mæl­ist at­vinnu­leysið 4,7% á meðan það er 25,7% í Grikklandi. Um helm­ing­ur ung­menna í Grikklandi og Spáni eru án at­vinnu.

Verðhjöðnun að baki á evrusvæðinu