Hljóðleg áminning um stefnu ríkisstjórnarinnar í ESB-málum

Hópur fólks sem er andvígur inngöngu Íslands í ESB tók sig til og minnti á stefnu ríkisstjórnarflokkanna og stjórnarinnar í heild í ESB-málum við setningu Alþingis í dag. Þarna var um þögula áminningu til stjórnarinnar að ræða og fór athöfnin vel fram í alla staði, ekki síður en setning Alþingis sjálfs.

Meðfylgjandi eru myndir sem Morgunblaðið birti meðal annars af áminningunni við þingsetninguna.

  

 

Ríkisstjórnin minnt á stefnuna á Austurvelli

Í tilefni af setningu Alþingis ætla nokkrir félagar í Heimssýn að hittast á Austurvelli á þingsetningardeginum, þriðjudaginn 9. september klukkan 13. Félagarnir ætla að standa saman í kyrrðarstöðu við styttu Jóns Sigurðssonar.

 

Þeir sem eru viljugir til að taka þátt í þessu vinsamlegast mæti á skrifstofu Heimssýnar, Lækjartorgi 5 á milli 12 og 13. Sími hópsins er 825 0088.

Stöðugur og góður meirihluti gegn aðild að ESB

Það er alveg sama hvað ESB-aðildarsinnar reyna þessa dagana: Það er stöðugur og góður meirihluti Íslendinga sem er þeirrar skoðunar að best sé að Ísland sé utan ESB.

Annars er ýmislegt óljóst með þessa könnun eins og sjá má hér. 

Fréttin á mbl.is er birt hér í heild sinni: 

 

Meiri­hluti and­víg­ur aðild að ESB

Nor­d­en.org

Meiri­hluti Íslend­inga er and­víg­ur aðild að Evr­ópu­sam­band­inu sam­kvæmt niður­stöðum nýrr­ar skoðana­könn­un­ar sem Capacent gerði fyr­ir sam­tök­in Já Íslandsem hlynnt eru aðild að sam­band­inu. Spurt var í skoðana­könn­un­inni hvernig aðspurðir myndu greiða at­kvæði ef kosið yrði um aðild að ESB. 54,7% sögðu að þau myndu hafna aðild en 45,3% að þeir myndu styðja hana. 

Greint var frá niður­stöðum skoðana­könn­un­ar­inn­ar á aðal­fundi Já Ísland sem fram fór í dag. Sam­kvæmt henni er meiri­hluti kjós­enda Fram­sókn­ar­flokks­ins (92%) og Sjálf­stæðis­flokks­ins (83%) and­víg­ur aðild að ESB en meiri­hluti kjós­enda Sam­fylk­ing­ar­inn­ar (89%), Bjartr­ar framtíðar (81%), Vinstri­hreyf­ing­ar­inn­ar - græns fram­boðs (55%) og Pírata (55%) hlynnt­ir henni.

Skoðana­könn­un­in var gerð dag­ana 29. júlí – 10. ág­úst 2014. Um var að ræða net­könn­un meðal 1.500 manns á öllu land­inu, 18 ára og eldri sem voru hand­vald­ir úr Viðhorfa­hópi Capacent Gallup. Þátt­töku­hlut­fall var 54,6%. 

Meirihluti andvígur aðild að ESB

Draghi blæs sig bláan í glæður evrunnar

Seðlabanki Evrópu reynir að blása í glæður atvinnulífsins í evrulöndunum. Lítið dugar. Hvenær gefst Draghi upp á þessum blæstri og reynir nýja lífgunaraðferð fyrir efnahagslíf Evrópu sem er nánast í kyrrstðöðu.

Seðlabanki Evrópu lækkar stýrivexti

Mogherini vill innlima Ísland í ESB

Verðandi utanríkismálastjóri ESB á þá ósk heitasta að Ísland og önnur umsóknarríki verði sem fyrst hluti af ESB. Þetta kemur fram í ummælum hennar í tengslum við mannabreytingar hjá ESB og mbl.is greinir frá.

 

Á meðan við erum skilgreind sem umsóknarríki bíður ESB hvers færis að innlima Ísland. Við yrðum að kyngja reglum þeirra og lögum í auknum mæli, ESB myndi ráða formlega yfir fiskimiðunum og við yrðum þvinguð til að taka upp evru, gjaldmiðilinn sem heldur evrusvæðinu í efnahagsfrosti.

 

Það var okkar mesta happ að við vorum ekki með evruna fyrir hrunið og að neyðarlögin voru samþykkt áður en evrulöndin gátu í gegnum AGS þvingað íslenska ríkið (les: skattgreiðendur) til að taka á sig ábyrgð á Icesave-skuldunum.

 

Hvenær ætla menn að læra? Hvenær ætla menn að skilja? Hvenær ætla menn að hafa dug til þess að standa almennilega í lappirnar?

 

 

Vill áframhaldandi stækkun ESB

Var það Ingibjörg Sólrún, Árni eða Geir sem spurði Rehn?

Þetta þarf nú að rifja upp eða leita nánari skýringar á? Hver í íslenska stjórnkerfinu hafði samband við ESB eins og Olli Rehn lýsir í bréfi sínu og í umboði hverra? Hver hafði lýðræðislegt umboð til að bera fram þessa spurningu? Og með hvaða hætti var hún borin upp?

Eyjan.is skýrir svo frá:

Íslensk stjórnvöld fóru fram á það við Evrópusambandið að íslenska krónan yrði „evruvædd“ í kjölfar hruns íslensku krónunnar árið 2008. Framkvæmdastjórn Evrópusambandsins hafnaði þeirri ósk.

Þetta kemur fram í bréfi sem Olli Rehn hefur sent Danny Alexander, aðstoðarfjármálaráðherra Bretlands í tengslum við þjóðaratkvæðagreiðslu Skotlands.

Rehn segir í bréfinu:  Ég minnist þess að árið 2008 falaðist þáverandi ríkisstjórn Íslands eftir þeim möguleika að „evruvæða“ einhliða íslensku krónuna í því skyni að koma á stöðugleika í peningamálum og stytta leið Íslands í Evrópusambandið, framkvæmdastjórnin einfaldlega hafnaði þessu þar sem það braut í bága við sáttmála sambandsins.

Lögum þvingað á Breta

Eins og þessi frétt ber með sér hefur fjölda laga verið þröngvað upp á Breta þótt þingmenn þeirra séu þeim andsnúnir. Alls hafa 485 frumvörp af 576 sem meirihluti breskra þingmanna var á móti orðið að lögum. Bresku þingmennirnir hafa þannig orðið undi rí 86% þeirra tilfella þegar þeir hafa lagst gegn setningu laga.

Bretar búa því við minna lýðræði vegna aðildar að ESB. 

Sjá nánar í meðfylgjandi frétt Morgunblaðsins. 

Bretar í flestum tilfellum tapað

Áróðursmeistari ESB á Íslandi kominn í ljós

Síðustu mánuði hefur verið óljóst hvort Evrópustofu yrði lokað eða hvort hún yrði starfandi áfram í einhverri mynd. Nú er komið í ljós að eitthvað verða menn að gera við þau hundruð milljóna króna sem voru eyrnamerkt í verkefnið Áróður á Íslandi. Þýsku sérfræðifyrirtæki í áróðurstaktík var falið að halda stofunni opinni og eins og meðfylgjandi frétt ber með sér er nú komið í ljóst hver fer að nafninu til fyrir starfseminni hér á landi. Áróðursmeistari ESB á Íslandi er nú kominn í ljós.

Dóra nýr framkvæmdastjóri Evrópustofu