Það fást styrkir

Langt viðtal er við forsætisráðherra á Bylgjunni í fyrradag.

Stjórnandinn vill ódýra peninga, en Kristrún veit líklega sem er að aðild að Evrópusambandi upptaka evru er ekki ávísun á slikt.  Margoft hefur verið bent á að vextir eru mjög breytilegir innnan evrusvæðisins. 

Þess utan eru raunvextir hinn sanni mælikvarði á leiguverð peninga og munur á raunvöxtum á Íslandi og mörgum Evrópulöndum er ekki alltaf ýkja mikill.   Það er með öðrum orðum ekki augljóslega ranglátt að borga 10% vexti, ef launin og húsið hækka um 15%

Þess í stað fer forsætisráðherra nokkrum orðum um girnilega styrki sem fást í Evrópusambandinu.  Styrkir eru peningar sem Evrópusambandið hefur sótt til aðildarlanda.  Styrkir ganga út á að færa fé á milli vasa - með afföllum, því kerfið sjálft þarf sitt. 

 

  

Húsfyllir og varnaðarorð

Það eru margir sem taka til máls þessa dagana til að mæla gegn því að Íslendingar afhendi erlendum stórveldum völd yfir landinu. 

Borwick lávarður tók á sig ferð til Íslands til að vara Íslendinga við.  Honum sé þökk.

Í safnaðarheimili Seltjarnarneskirkju höfðu Arnar Þór Jónsson og Haraldur Ólafsson framsögu gegn bókun 35 á fjölsóttum fundi. Margir tóku til máls og segja má að það hafi verið hvasst.  Þess er von að ríkisstjórnin hætti þessu bókunarnuddi og snúi sér að þarfari málum.

https://www.facebook.com/photo/?fbid=10162928931004603&set=gm.877929577833001&idorvanity=439592811666682

Bara á Íslandi - og auglýsing um fund

Svokallaðir Evrópusinnar á Íslandi tala í sífellu um að Norðmenn séu alveg við það að ganga í Evrópusambandið. 

Umræða um inngöngu Norðmanna í Evrópusamandið er hvergi.  Nema í þröngum hópi á Íslandi.

https://www.stjornmalin.is/?p=15538

 

 

Baráttufundur verður í Seltjarnarneskirkju um bókun 35 kl. 20:00, mánudaginn 12. maí 2025

 

https://www.facebook.com/photo/?fbid=10163060063192905&set=gm.1683129745904825&idorvanity=558637601687384

Er þetta eitt stórt A-Þýskaland í öðru veldi?

Sífellt kemur skýrar í ljós að ýmis grundvallarmannréttindi í þeim ríkjum sem stjórna Evrópusambandinu standa ótraustum fótum. Vægast sagt. 

Nú síðast fréttist af því að þýskt yfirvald bannar að menn sýni sovéska fána þegar minnst er að 80 ár eru liðin frá lokum síðari heimsstyrjaldarinnar.  Þýskur dómstóll staðfestir að ekkert sé við það að athuga. 

Líklega hefðu menn fengið að veifa í friði bandarískum fána í A-Þýskalandi við sambærileg tækifæri á sínum tíma. 

Er ekki örugglega best að íslenskt stjórnvald, sem hægt er að kjósa burt, ákveði hverju megi veifa á Íslandi?

https://www.tagesschau.de/inland/regional/berlin/rbb-verbot-russischer-flaggen-bei-gedenken-zu-kriegsende-in-berlin-bleibt-bestehen-100.html 

 

 

Skondin mótsögn

Nú vill ríkisstjórnin hækka veiðigjöld töluvert.  

Þessi sama ríkisstjón vill ýta af stað ferli sem miðar að því að Ísland gangi í Evrópusambandið. 

Ef Ísland er í Evrópusambandinu mun kvótinn með einum eða öðrum hætti leka til annarra landa í Evrópusambandinu.  Þannig er kerfið núna og því verður ekki breytt, nema í mesta lagi tímabundið. 

Íslenska ríkið mun ekki geta lagt veiðigjöld á það sem erlend skip veiða. 

 

Það vill þetta enginn

Guðmundur Árni Stefánsson, varaformaður Samfylkingarinnar talar afdráttarlaust á Útvarpi sögu. Hann er algerlega andvígur vígvæðingarstefnu Evrópusambandsins og styrjaldarrekstri.  

Allt bendir til að Guðmundur Árni og meginþorri íslensku þjóðarinnar séu sammála í þessu máli.

Það liggur í eðli málsins að Guðmundur Árni er allt annað en ákafamaður um að gera Íslendinga þegna í þessu stríðsæsta verðandi herveldi.  Hann segir það nánast beint út.  Líklega eru þau sammála um þetta, formaðurinn og varaformaðurinn. 

Þau vita sem er að fylgi Samfylkingarinnar byggir á því að reyna ekki að færa Íslendinga undir vald Evrópusambandsins, frekar en orðið er. 

Í raun er það bara einn stjórnmálaflokkur sem vill þröngva Íslendingum þarna inn.  Hann heitir Viðreisn.  Viðreisn fékk töluvert fylgi í síðustu kosningum með því að tala ekki um Evrópusambandið.  

Væri það ekki einkennilegt lýðræði ef þessi litli flokkur kæmi til leiðar, með brögðum, að Ísland óskaði eftir innlimun í Evrópusambandið með þeim gríðarlega kostnaði sem því fylgir og botnlausum ófriði. 

 

 https://utvarpsaga.is/varar-vid-vaxandi-hernadarstefnu/

Blessaður orkupakkinn sem gaf okkur ódýrt rafmagn

Verið er að færa völd yfir orkuauðlind Íslendinga til erlends ríkjasambands sem stjórnað er af gömlu nýlenduveldunum á meginlandi Evrópu.   Valdatilfærslan gerist í mörgum misstórum skrefum.  Skrefin eru bálkar laga og reglugerða og eru oft kölluð orkupakkar.  

Nýlega samþykkti Alþingi orkupakka 3 og orkupakki 4 er í farvatninu.

Rökin gegn þessu ferli eru að það sé best að Íslendingar stjórni sjálfir eigin orkumálum.  Þeirra hagsmunir fari ekki endilega saman við hagsmuni ríkja á meginlandi Evrópu, enda eru aðstæður þar allt öðruvísi en á Íslandi. Fyrr eða síðar kæmi þetta Íslendingum í koll.

Rökin með ferlinu voru þokukennd, en gengu annars vegar út á að Evrópusambandið vildi þetta og að það væri alls ekki öruggt að hið nýja fyrirkomulag yrði Íslendingum til mikils tjóns.  Þá var stundum fullyrt að rafmagnið yrði ódýrara og öruggara. Hið síðarnefnda var þó í mikilli þoku, enda vissu allir að það var bara bull, eins og komið hefur á daginn.  Ekki bara á Íslandi, heldur enn frekar í Noregi, þar sem fleiri og fleiri andvarpa þegar minnst er á EES.

https://www.mbl.is/vidskipti/frettir/2025/05/03/haekkun_a_raforkuverdi_virdist_blasa_vid/

Það slapp í þetta sinn

Fullyrt er að hefðu Frakkar ekki haft trausta orkugjafa á borð við kjarnorku hefði bilunin á Spáni breiðst út um allt á meginlandi Evrópu. 

Magnús Þór Pálsson hefur eftir ónefndum manni að kerfið hafi ekki verið rekið á verkfræðilegum forsendum, heldur bjartsýni. 

Er ekki undarlegt að einhver á Íslandi skuli vilja að menn sem hafa hannað svona kerfi fái að stjórna orkumálum á Íslandi?  

 

https://www.facebook.com/watch/?v=704218405381708