Leita í fréttum mbl.is

Bloggfærslur mánaðarins, október 2017

Flokkarnir svara spurningum Heimssýnar um afstöðu til ESB

Heimssýn sendi nýverið spurningar til þeirra stjórnmálaflokka sem bjóða fram lista til Alþingis í komandi þingkosningum um afstöðu þeirra til aðildar að ESB. Nú þegar hafa borist svör frá Alþýðufylkingunni, Samfylkingunni, Miðflokknum, Viðreisn, Framsóknarflokknum, Pírötum, Sjálfstæðisflokknum, Dögun og VG. Önnur svör verða birt um leið og þau berast (beðist er afsökunar á því að umbrotið er ekki fullkomið).

Spurningarnar sem sendar voru eru eftirfarandi:

1.      Sé flokkurinn hlynntur þjóðaratkvæðagreiðslu um umsókn um aðild Íslands að Evrópusambandinu, hvernig telur flokkurinn að orða beri spurningu þar að lútandi?

2.      Eftirfarandi spurningar eiga við, verði sótt um aðild að Evrópusambandinu á ný:

a)      Mun flokkurinn gera að skilyrði að Íslensk stjórnvöld hafi algert forræði yfir auðlindum í sjó, undir hafsbotni og á landi?

b)      Mun flokkurinn styðja öll lagafrumvörp á Alþingi sem verða til komin vegna krafna um aðlögun að lögum og reglum Evrópusambandsins?

c)      Hvernig mun flokkurinn beita sér fyrir því að útganga Íslands úr ES yrði framkvæmanleg, en ekki allt gert til að bregða fyrir hana fæti eins og gert er í sambandi við Brexit?

d)      Hversu lengi telur flokkurinn að umsóknarferli án niðurstöðu geti staðið til að fullreynt sé að ekki sé grundvöllur fyrir inngöngu Íslands í Evrópusambandið?

e)      Telur flokkurinn að gera eigi að skilyrði að réttindi launþega og vinnuréttur verði ekki að neinu leyti lakari en hann er hverju sinni samkvæmt íslenskum lögum?

f)       Telur flokkurinn að matvæla- og fæðuöryggi sé ófrávíkjanleg krafa?

g)      Mun flokkurinn samþykkja allar þær kröfur frá Evrópusambandinu sem lúta að einka- og/eða markaðsvæðingu starfsemi sem nú er í höndum opinberra aðila?

h)      Hvernig telur flokkurinn að bregðast eigi við hagsveiflum eftir að tekin hefur verið upp evra?

i)       Mun flokkurinn samþykkja allar tilskipanir og kröfur Evrópusambandins sem lúta að ríkisfjármálum?

j)       Hvernig telur flokkurinn að Ísland eigi að mæta kröfum Lissabonsáttmálans um hervæðingu?

k)      Hversu mikið framlag telur flokkurinn að Ísland eigi að reiða fram í tengslum við stofnun og rekstur Evrópuhers, sbr. ályktun Evrópuþingsins í febrúar 2009.

 

Svör hafa borist frá Alþýðufylkingunni, svohljóðandi:

Góða kvöldið,

svar Alþýðufylkingarinnar við spurningum Heimssýnar:

  1. Alþýðufylkingin er fortakslaus andstæðingur ESB-aðildar. Við viljum bara slíta viðræðunum, punktur. Helst í eitt skipti fyrir öll. Við viljum ekki þjóðaratkvæðagreiðslu um áframhald viðræðnanna vegna þess að við teljum nú þegar of langt gengið inn í ESB og sjáum þjóðaratkvæðagreiðslu sem frekara skref í þá átt, frá því sem nú er. En ef atkvæðagreiðsla yrði knúin í gegn með meirihluta á Alþingi þætti okkur eðlilegast að spurt væri: Vilt þú að Ísland gangi í Evrópusambandið? Til skýringar á andstöðu okkar við ESB-aðild ber að nefna að til að okkar stefna, félagsvæðingin, gæti náð fram að ganga, væri markaðshyggja ESB mikil hindrun; félagsvæðing yrði miklum mun örðugri ef við værum með ESB-stjórnarskrá og ótal markaðsvæðingar-tilskipanir fyrir okkur; við viljum halda fast í fullveldið vegna þess að við þurfum að nota það til að byggja upp félagsvædda innviði í landinu. Og við skiljum að ESB kæmi í veg fyrir það.

 

  1. Ef sótt yrði um aðild að nýju mundi Alþýðufylkingin vinna þeirri umsókn og tilheyrandi aðlögun allt til óþurftar en halda hagsmunum landsins til streitu:
  2. a) Alþýðufylkingin mundi gera íslenskt forræði yfir íslenskum auðlindum að ófrávíkjanlegu skilyrði.
  3. b) Alþýðufylkingin mundi ekki styðja nein lagafrumvörp á Alþingi sem væru til komin vegna aðlögunarkröfu, nema svo ólíklega vildi til að þau lagafrumvörp bættu stöðu alþýðunnar gagnvart auðvaldinu.
  4. c) Alþýðufylkingin mundi krefjast skýrra uppsagnarákvæða sem væri gerlegt að framkvæma.
  5. d) Alþýðufylkingin telur að eftir því sem umsóknarferlið er lengur á ís, því fjarstæðukenndara sé að taka það upp aftur.
  6. e) Alþýðufylkingin gerir ófrávíkjanlega kröfu um að réttindi allra launþega í íslenskri lögsögu (og efnahagslögsögu) séu að minnsta kosti jafngóð og samningar íslenskra stéttarfélaga.
  7. f) Alþýðufylkingin telur að matvæla- og fæðuöryggi séu ófávíkjanleg krafa, sem og vernd íslenskra dýrastofna.
  8. g) Alþýðufylkingin mun ekki samþykkja neina kröfu frá Evrópusambandinu um aukna einka- eða markaðsvæðingu starfsemi sem nú er á höndum opinberra aðila.
  9. h) Alþýðufylkingin vill alls ekki taka upp evruna vegna þess að án sjálfstæðrar peningastefnu eru einu leiðirnar til að bregðast við hagsveiflum að lækka skatta, afnema regluverk, lækka laun eða auka atvinnuleysi.
  10. i) Alþýðufylkingin mun ekki samþykkja neinar tilskipanir eða kröfur Evrópusambandsins sem lúta að ríkisfjármálum nema svo ólíklega vilji til að þær þjóni hagsmunum alþýðunnar gegn auðvaldinu.
  11. j) Alþýðufylkingin vill ekki að Ísland mæti neinum kröfum Lissabonsáttmálans um aukna hervæðingu.
  12. k) Alþýðufylkingin vill ekki að Ísland reiði fram svo mikið sem eina krónu í tengslum við stofnun Evrópuhers.

Kv. Vésteinn Valgarðsson

varaformaður Alþýðufylkingarinnar

 

 

Svör Samfylkingarinnar við spurningum Heimssýnar

 

  1. Sé flokkurinn hlynntur þjóðaratkvæðagreiðslu um umsókn um aðild Íslands að Evrópusambandinu, hvernig telur flokkurinn að orða beri spurningu þar að lútandi?

Samfylkingin hefur ekki tekið eindregna afstöðu til orðalags spurningar í umræddri þjóðaratkvæðagreiðslu. Hvernig væri: Ertu hlynntur því að samningum um aðild að Evrópusambandinu verði haldið áfram?

  1. Eftirfarandi spurningar eiga við, verði sótt um aðild að Evrópusambandinu á ný:
  2. a)Mun flokkurinn gera að skilyrði að Íslensk stjórnvöld hafi algert forræði yfir auðlindum í sjó, undir hafsbotni og á landi?

Já. Forræði þessara auðlinda á að vera í höndum íslenskra stjórnvalda fyrir hönd eigenda þeirra, þjóðarinnar.

  1. b)Mun flokkurinn styðja öll lagafrumvörp á Alþingi sem verða til komin vegna krafna um aðlögun að lögum og reglum Evrópusambandsins?

Þessu er ómögulegt að svara fyrirfram, en hingað til hafa EES-frumvörp flest verið samþykkt án ágreinings, og ekki sennilegt að misklíð skapaðist um lög sem vörðuðu aðild eftir að sú stefna hefði verið mörkuð..

  1. c)Hvernig mun flokkurinn beita sér fyrir því að útganga Íslands úr ES yrði framkvæmanleg, en ekki allt gert til að bregða fyrir hana fæti eins og gert er í sambandi við Brexit?

Samfylkingin kannast ekki við alþjóðasamtökin ES. Sé átt við Evrópusambandið er flokkurinn ekki reiðubúinn að fallast á þá túlkun Heimssýnar að „allt sé gert til að bregða fæti fyrir hana“. Það kemur á hinn bóginn ekki á óvart að aðilar hafi misjafna sýn eftir samvinnu í hálfan fimmta tug ára. Ekki er þó að efa að aðskilnaðurinn talist að lokum, þótt hann verði líklega ekki Bretum (– Englendingum og Vallendingum?) til góðs.

  1. d)Hversu lengi telur flokkurinn að umsóknarferli án niðurstöðu geti staðið til að fullreynt sé að ekki sé grundvöllur fyrir inngöngu Íslands í Evrópusambandið?

Samfylkingin skilur ekki þessa spurningu. Ekki er líklegt að langur tími líði til samninga í framhaldsviðræðum Íslendinga við sambandið. Niðurstaðan yrði síðan ákveðin í þjóðaratkvæðagreiðslu.

  1. e)Telur flokkurinn að gera eigi að skilyrði að réttindi launþega og vinnuréttur verði ekki að neinu leyti lakari en hann er hverju sinni samkvæmt íslenskum lögum?

Já, það er eitt af því sem leggja þarf hvað mesta áherslu á í samningaviðræðunum.

  1. f)Telur flokkurinn að matvæla- og fæðuöryggi sé ófrávíkjanleg krafa?

Samfylkingin telur mikilvægt að Íslendingar búi við matvæla- og fæðuöryggi en á ekki von á að Evrópusambandið hyggist skerða það í aðildarsamningum.

  1. g)Mun flokkurinn samþykkja allar þær kröfur frá Evrópusambandinu sem lúta að einka- og/eða markaðsvæðingu starfsemi sem nú er í höndum opinberra aðila?

Þátttaka Lýðveldisins Íslands í EES hefur leitt til ýmissa breytinga á þessu sviði. Sumar þeirra hentuðu okkur ekki, a.m.k. á sínum tíma, svo sem um raforkunytjar. Flokkurinn á ekki von á því að fram komi einkavæðingar- eða markaðsvæðingarkröfur í aðildarviðræðum. Ljóst er hins vegar að landbúnaðurinn stendur frammi fyrir ýmiss konar áskorunum og kerfisbreytingum, meðal annars frá alþjóðasamtökum, svo sem viðskiptaþjóðum okkar í ESB og Alþjóða-viðskiptastofnuninni. Við þær breytingar yrði betra fyrir bændur og  búalið að standa innan Evrópusambandsins en utan.

  1. h)Hvernig telur flokkurinn að bregðast eigi við hagsveiflum eftir að tekin hefur verið upp evra?

Hagsveiflum er hægt að mæta með ýmsum öðrum hætt en gengisfellingu, svo sem opinberri sjóðsöfnun í umsjá Seðlabanka til að jafna mestu sveiflurnar. Einn af helstu kostum ESB-aðildar nú er einmitt evran, sem smám saman kæmi í stað gömlu dönsku krónunnar, og mundi draga úr verðbólgu og ýktum hagsveiflum.

  1. i)Mun flokkurinn samþykkja allar tilskipanir og kröfur Evrópusambandsins sem lúta að ríkisfjármálum?

Við könnumst ekki við þessar stórfenglegu kröfur. Aðildarríkin leggja á skatta eins og þeim sýnist og ráðstafa tekjum á eigin vegum. Á evrusvæðinu er svo settur ákveðinn rammi um rekstur ríkissjóðs, sem flokkurinn telur sjálfsagðan þátt í gjaldmiðilssamstarfi af því tagi.

  1. j)Hvernig telur flokkurinn að Ísland eigi að mæta kröfum Lissabonsáttmálans um hervæðingu?

Engar slíkar kröfur eru uppi. Talað er um stofnun svokallaðrar hraðsveitar til skyndi-inngripa. Þær yrðu mannaðar úr her einstakra aðildarríkja. Íslendingar eru herlaus þjóð og taka því aldrei þátt í hraðsveitarstarfinu.

  1. k)Hversu mikið framlag telur flokkurinn að Ísland eigi að reiða fram í tengslum við stofnun og rekstur evrópuhers, sbr. ályktun Evrópuþingsins í febrúar 2009.

Ekkert. Öryggissamstarfi okkar er fyrirkomið með tilteknum hætti, án herrekstrarkostnaðar af Íslands hálfu, og engar breytingar yfirvofandi í þeim efnum næstu áratugi.

Sendandi: Sólveig Skaftadóttir.

 

Svör Miðflokksins

Sunna Gunnars Marteinsdóttir sendi eftirfarandi svar fyrir hönd Miðflokksins:

 

Við teljum að hagsmunum Íslands sé betur borgið utan Evrópusambandsins.

 

Fyrir hönd Miðflokksins,

Sunna

 

Svör Viðreisnar

 

Páll Rafnar sendi eftirfarandi svör Viðreisnar

 

  1.     Sé flokkurinn hlynntur þjóðaratkvæðagreiðslu um umsókn um aðild Íslands að Evrópusambandinu, hvernig telur flokkurinn að orða beri spurningu þar að lútandi?

Ert þú samþykk/ur því að Ísland hefji á ný aðildarviðræður við ESB?

Nei

  1.     Eftirfarandi spurningar eiga við, verði sótt um aðild að Evrópusambandinu á ný:
  2. a)      Mun flokkurinn gera að skilyrði að Íslensk stjórnvöld hafi algert forræði yfir auðlindum í sjó, undir hafsbotni og á landi?

ESB hefur ekkert um auðlindir á landgrunni (undir hafsbotni) og á landi að segja. Ísland hefur ekki í dag algert forræði yfir auðlindum í sjó enda aðili að Hafréttarsáttmála SÞ. Viðreisn hefur það ekki á stefnuskrá sinni að Ísland segi sig frá Hafréttarsáttmála SÞ.

  1. b)      Mun flokkurinn styðja öll lagafrumvörp á Alþingi sem verða til komin vegna krafna um aðlögun að lögum og reglum Evrópusambandsins?

Ísland er nú þegar skuldbundið til þess að innleiða allar reglur ESB er varða innri markaðinn og hin ýmsu svið honum tengd. Viðreisn telur ekki ástæðu til þess að víkjast undan þeim skuldbindingum.

  1. c)      Hvernig mun flokkurinn beita sér fyrir því að útganga Íslands úr ES yrði framkvæmanleg, en ekki allt gert til að bregða fyrir hana fæti eins og gert er í sambandi við Brexit?

Ferill útgöngu aðildarríkja er fastmótaður í sáttmála ESB. Heimatilbúinn vandi Breta hefur ekkert með það að gera.

  1. d)      Hversu lengi telur flokkurinn að umsóknarferli án niðurstöðu geti staðið til að fullreynt sé að ekki sé grundvöllur fyrir inngöngu Íslands í Evrópusambandið?

Dæmin sýna að ríki geta haft stöðu umsóknarríkis áratugum saman.

  1. e)      Telur flokkurinn að gera eigi að skilyrði að réttindi launþega og vinnuréttur verði ekki að neinu leyti lakari en hann er hverju sinni samkvæmt íslenskum lögum?

Íslenskur vinnuréttur er nú þegar samræmdur evrópskum rétti í krafti EES samningsins.

  1. f)       Telur flokkurinn að matvæla- og fæðuöryggi sé ófrávíkjanleg krafa?

Ísland hefur þegar tekið upp matvælalöggjöf ESB í gegnum EES samninginn. Það var mikið framfaraspor.

  1. g)      Mun flokkurinn samþykkja allar þær kröfur frá Evrópusambandinu sem lúta að einka- og/eða markaðsvæðingu starfsemi sem nú er í höndum opinberra aðila?

Ekki er gert ráð fyrir því að aðild að ESB muni breyta neinu varðandi skuldbindingar Íslands vegna EES samningsins um samkeppnisreglur og ríkisaðstoð.

  1. h)      Hvernig telur flokkurinn að bregðast eigi við hagsveiflum eftir að tekin hefur verið upp evra?

Meginástæða þess að Viðreisn stefnir á upptöku evru er sú að með því móti muni hagsveiflum fækka og þær verði viðráðanlegri.

  1. i)       Mun flokkurinn samþykkja allar tilskipanir og kröfur Evrópusambandins sem lúta að ríkisfjármálum?

Á Íslandi hefur undanfarin ár verið stefnt að því að uppfylla svonefnd Maastricht skilyrði, sem Viðreisn telur til mikilla bóta.

  1. j)       Hvernig telur flokkurinn að Ísland eigi að mæta kröfum Lissabonsáttmálans um hervæðingu?

Með viðeigandiandi hætti.

  1. k)      Hversu mikið framlag telur flokkurinn að Ísland eigi að reiða fram í tengslum við stofnun og rekstur evrópuhers, sbr. ályktun Evrópuþingsins í febrúar 2009.

Mátulegt framlag.

 

Svör Framsóknarflokksins

 

Einar Gunnar Einarsson sendi Heimssýn eftirfarandi svör:

 

Hér að neðan eru svör Framsóknarflokksins:

 

Við Framsóknarmenn höfnum aðild að Evrópusambandinu. Við teljum hagsmunum Íslands best borgið með því að vera áfram sjálfstæð þjóð utan Evrópusambandsins. Breska þjóðin hefur ákveðið að yfirgefa sambandið og því er komin upp gjörbreytt staða innan Evrópusambandsins. Framtíðarskipulag Evrópu mun taka breytingum á næstu misserum og því er brýnt að tryggja efnahags- og viðskiptalega hagsmuni Íslands gagnvart Bretlandi. Stefnumótun í utanríkismálum á miðast að þessu breyta heimi.

 

Við teljum EES-samninginn vera mikilvægasta og umfangsmesta efnahagssamningur Íslands og því þurfi að tryggja skilvirka framkvæmd hans í aukinni samvinnu við löggjafarvaldið. Brátt eru liðin 25 ár frá því Ísland gekk í EES. Samstarfið hefur tekið miklum breytingum á þeim tíma og frekari breytingar í vændum t.d. með útgöngu Bretlands úr ESB. 

 

Svör Pírata

Björn Leví Gunnarsson sendi Heimssýn svör Pírata, svohljóðandi:

 

  1. Spurningin þarf að vera skýr á þann veg að fólk viti afleiðingar þess ef ákveðin niðurstaða fæst, þannig að eitthvað eins og:
    "Á Ísland að ganga í Evrópusambandið?

    Já - Nei

Ef meira en helmingur svaranna er "Já" þá mun sá samningur sem Ísland hefur undirritað við Evrópusambandið verða gildur og Ísland verður hluti af Evrópusambandinu. Ef meira en helmingur svaranna er "Nei" þá ógildist undirskrift Íslands að aðildarsamningi við Evrópusambandið strax"

Píratar vilja samt auðvitað kjósa fyrst um það hvort halda eigi áfram aðildarviðræðum til þess að sama hvaða ríkisstjórn sem situr hafi skýrt umboð til þess að sinna samningaviðræðum óháð eigin skoðunum á málinu.

 

  1. a) Auðvitað, meðal annars þess vegna er ný stjórnarskrá svo mikilvæg. 
  2. b) Nei, Píratar myndu vilja undanþágu frá 2006/24/EC og 1869/2005/EC. Að auki er auðvitað ekki hægt að kvitta fyrirfram upp á samþykki við einu og öllu. Píratar horfa alltaf til grundvallarréttinda, gagnsæis, upplýsingaskyldu stjórnvalda og beins lýðræðis. 
  3. c) Með því að gera umboðið til þess skýrara. Í staðinn fyrir að gera bara eina "allt eða ekkert" útgöngukosningu þá væru tekin smærri skref í einu þar sem þjóðin fengi fullt aðgengi að ferlinu og möguleikann á að segja sína skoðun. Vandamálið við Brexit var meðal annars að útkoman úr atkvæðagreiðslunni, hvað ákvörðunin þýddi, var ekki skýr þegar fólk greiddi atkvæði.
  4. d) Það myndi alltaf koma niðurstaða á einn veg eða annan. Hlutverk samninganefndar væri auðvitað að fá sem bestan samning fyrir Ísland. Ef fólki er haldið upplýstu um hvar ferlið er statt og hvernig horfurnar eru þá verðum við fljótt var við það hvort eitthvað sé teygjast óeðlilega mikið á langinn. Ef nýja stjórnarskráin væri til dæmis komin í gagnið þá gæti þjóðin stigið inn í slíkt ferli og slitið því. Tíminn sem það tekur á því ekki að vera vandamál, frekar að hafa upplýsingaflæðið í lagi.
  5. e) Það er hlutverk Alþingis að útfæra viðmið ESB, það fer að vísu eftir því hvaða tegund af viðmiðum er um að ræða, tilskipun, reglur, ákvarðanir, tilmæli eða skoðanir. Reglur virka sjálfkrafa alls staðar. Tilskipun setur ákveðin markmið sem lönd þurfa að ná í sínum lögum. Ákvarðanir eru bindandi en miðast yfirleitt að einhverju einu landi. Tilmæli eru ekki bindandi og skoðanir ekki heldur. Það sem helst hefur áhrif hérna eru þá tilskipanirnar, þær skilgreina "að minnsta kosti" þannig að þetta er ekki vandamál.
  6. f) Já auðvitað. Þetta er ekki eitthvað sem þyrfti að hafa áhyggjur af og líklegra en ekki að matvæla- og fæðuöryggi væri meira sem aðili að ESB.
  7. g) Spurningin verður að vera afmarkaðri en þetta. Við hvaða starfsemi er átt? Það er að minnsta kosti ekkert sem bendir til þess að neitt breytist hvað þetta varðar.
  8. h) Við tökum auðvitað ekki upp evruna fyrr en við erum búin að ná stöðugri lausbindingu við hana í langan tíma. 
  9. i) Það þarf ekki að samþykkja tilskipanir óbreyttar. Það er þó nokkuð svigrúm í innleiðingu tilskipanna. Það er ekki hægt að gera neitt við reglunum (regulations) en allar aðrar kröfur um lagasetningu eða annað er hægt að aðlaga að íslenskum aðstæðum.
  10. j) Ísland þarf ekki að hervæðast út af ESB
  11. k) Ekki krónu (né evru ef það eru aðstæðurnar). Það er ekki til neinn ESB her, ennþá amk.

 

Svör frá Sjálfstæðisflokknum:

 

Hér að neðan má nálgast svör Sjálfstæðisflokksins við spurningum Heimssýnar.

 

1.      Sé flokkurinn hlynntur þjóðaratkvæðagreiðslu um umsókn um aðild Íslands að Evrópusambandinu, hvernig telur flokkurinn að orða beri spurningu þar að lútandi?

Sjálfstæðisflokkurinn stefnir ekki að þjóðaratkvæðagreiðslu um aðild að Evrópusambandinu en ef til kæmi væri eðlilegast að spyrja beint um afstöðu til aðildar en ekki afstöðu til aðildarumsóknar, aðildarviðræðna eða aðlögunarferlis. Varðandi alla stafliði spurningarinnar hér á eftir eiga þær frekar við hjá þeim flokkum sem stefna að aðild. Sjálfstæðisflokkurinn telur að Ísland sé betur sett utan ESB en innan en ef til aðildarviðræðna kæmi er það afdráttarlaus krafa sjálfstæðismanna að íslenskra hagsmuna skuli gætt í hvívetna og sérstaða Íslands varin. Í því sambandi verður þó jafnan að minnast þess að aðildarferli felur ekki í sér eiginlegar samningaviðræður við Evrópusambandið heldur aðlögun umsóknarríkis að regluverki sambandsins.

 

2.      Eftirfarandi spurningar eiga við, verði sótt um aðild að Evrópusambandinu á ný:

 

a)      Mun flokkurinn gera að skilyrði að Íslensk stjórnvöld hafi algert forræði yfir auðlindum í sjó, undir hafsbotni og á landi?

b)      Mun flokkurinn styðja öll lagafrumvörp á Alþingi sem verða til komin vegna krafna um aðlögun að lögum og reglum Evrópusambandsins?

c)      Hvernig mun flokkurinn beita sér fyrir því að útganga Íslands úr ES yrði framkvæmanleg, en ekki allt gert til að bregða fyrir hana fæti eins og gert er í sambandi við Brexit?

d)      Hversu lengi telur flokkurinn að umsóknarferli án niðurstöðu geti staðið til að fullreynt sé að ekki sé grundvöllur fyrir inngöngu Íslands í Evrópusambandið?

e)      Telur flokkurinn að gera eigi að skilyrði að réttindi launþega og vinnuréttur verði ekki að neinu leyti lakari en hann er hverju sinni samkvæmt íslenskum lögum?

f)       Telur flokkurinn að matvæla- og fæðuöryggi sé ófrávíkjanleg krafa?

g)      Mun flokkurinn samþykkja allar þær kröfur frá Evrópusambandinu sem lúta að einka- og/eða markaðsvæðingu starfsemi sem nú er í höndum opinberra aðila?

h)      Hvernig telur flokkurinn að bregðast eigi við hagsveiflum eftir að tekin hefur verið upp evra?

i)       Mun flokkurinn samþykkja allar tilskipanir og kröfur Evrópusambandins sem lúta að ríkisfjármálum?

j)       Hvernig telur flokkurinn að Ísland eigi að mæta kröfum Lissabonsáttmálans um hervæðingu?

k)      Hversu mikið framlag telur flokkurinn að Ísland eigi að reiða fram í tengslum við stofnun og rekstur Evrópuhers, sbr. ályktun Evrópuþingsins í febrúar 2009.

 

Svör Dögunar:              

 

  1. Sé flokkurinn hlynntur þjóðaratkvæðagreiðslu um umsókn um aðild Íslands að Evrópusambandinu, hvernig telur flokkurinn að orða beri spurningu þar að lútandi?

Svar: Varðandi framhald á mögulegum aðildarviðræðum, þá yrði þjóðin spurð álits, það er stefna Dögunar. En orðalag spurningar gæti mögulega verið: Vilt þú að haldið verði áfram með umsókn Íslands að ESB (Evrópusambandinu) ?

 

  1. Eftirfarandi spurningar eiga við, verði sótt um aðild að Evrópusambandinu á ný: 
  2. a) Mun flokkurinn gera að skilyrði að Íslensk stjórnvöld hafi algert forræði yfir auðlindum í sjó, undir hafsbotni og á landi? Sökum veiðireynslu myndi Ísland halda forræði yfir auðlindum Íslands og ESB hefur ekki rétt til þess að sölsa undir sig auðlindir landsins (og ekki annarra aðildarríkja).
  3. b) Mun flokkurinn styðja öll lagafrumvörp á Alþingi sem verða til komin vegna krafna um aðlögun að lögum og reglum Evrópusambandsins? Ef Ísland myndi ákveða að sækja um aðild að ESB, þá myndi landið að öllum líkindum eins og önnur umsóknarlönd, en myndi væntanlega líka sækja um og reyna ná fram sérlausnum við hæfi, rétt eins og önnur lönd hafa gert.
  4. c) Hvernig mun flokkurinn beita sér fyrir því að útganga Íslands úr ES yrði framkvæmanleg, en ekki allt gert til að bregða fyrir hana fæti eins og gert er í sambandi við Brexit? Það er ekki á dagskrá innan flokksins að Ísland gangi úr EES og hefur s.s. ekki verið rætt. Hér væri líka hægt að spyrja þjóðina. En hverjir eru að bregða fæti fyrir hvern í Brexit? Um hvað er þessi spurning?
  5. d) Hversu lengi telur flokkurinn að umsóknarferli án niðurstöðu geti staðið til að fullreynt sé að ekki sé grundvöllur fyrir inngöngu Íslands í Evrópusambandið? Það er afstætt, út frá hvaða forsendum er gengið í þessari spurningu eiginlega? Að við séum eins og Tyrkland?
  6. e) Telur flokkurinn að gera eigi að skilyrði að réttindi launþega og vinnuréttur verði ekki að neinu leyti lakari en hann er hverju sinni samkvæmt íslenskum lögum? Það er eðlilegt.
  7. f) Telur flokkurinn að matvæla- og fæðuöryggi sé ófrávíkjanleg krafa? Um hvað er þessi spurning? Stærsti þátturinn í matvæla og fæðuöryggi Íslands eru tryggar samgöngur við landið, til sjós og lands. Án þeirra er fæðu og matvælaöryggi Íslendinga í mikilli hættu, þar sem stærstur hluti matvæla er innfluttur, bæði frá Evrópu og Bandaríkjunum.
  8. g) Mun flokkurinn samþykkja allar þær kröfur frá Evrópusambandinu sem lúta að einka- og/eða markaðsvæðingu starfsemi sem nú er í höndum opinberra aðila? Það mál þyrfti að skoða sérstaklega og þá komum við aftur inn að það sem kallast sérlausnir í samningum umsóknarríkis og ESB.
  9. h) Hvernig telur flokkurinn að bregðast eigi við hagsveiflum eftir að tekin hefur verið upp evra? Ekki með því að fella gengið, því það er ekki hægt með evru, en ákveðnar líkur eru á að hagsveiflur myndu minnka með upptöku evru, en þetta er annars mjög langsótt spurning. Það væri líka möguleiki á að fara dönsku leiðina og tengja íslensku krónuna við evruna.
  10. i) Mun flokkurinn samþykkja allar tilskipanir og kröfur Evrópusambandsins sem lúta að ríkisfjármálum? Ef Ísland myndi ganga í ESB myndi það þurfa að lúta sameiginlegum ákvörðunum í sambandi við ríkisfjármál og hefði þar væntanlega eitthvað um málið að segja í samstarfið við önnur ríki (annað en með EES-samningnum). Á undanförnum misserum hefur aðhald og ákvarðanir í ríkisfjármálum hér á landi að mörgu leyti verið á pari við það sem er að gerast í Evrópu og Ísland er hluti af regluverki ESB á mörgum sviðum fjármálalífs, í gegnum EES.
  11. j) Hvernig telur flokkurinn að Ísland eigi að mæta kröfum Lissabonsáttmálans um hervæðingu? Ísland var hlutlaust í báðum heimsstyrjöldunum og hefur verið herlaust síðan 2006 og vill/á að vera það áfram. Í stefnu Dögunar segir: „Ísland á að vera herlaust og kjarnorkuvopnalaust land.“
  12. k) Hversu mikið framlag telur flokkurinn að Ísland eigi að reiða fram í tengslum við stofnun og rekstur Evrópuhers, sbr. ályktun Evrópuþingsins í febrúar 2009.

Hér væri nú sniðugt að láta fylgja með slóð inn á þessa ályktun, en Ísland er friðelskandi land og vill vera það áfram. En við eru með í NATO og höfum verið frá upphafi.

Sendandi fyrir hönd Dögunar: Gunnar Hólmsteinn Ársælsson.

 

Svör frá VG:

 

Spurning 1:

"Stefna Vinstri grænna er sú að standa utan Evrópusambandsins. Vinstri græn eru hins vegar reiðubúin að leggja það mál í hendur þjóðarinnar enda um stórt mál að ræða sem eðlilegt er að allur almenningur taki ákvörðun um. Við teljum í ljósi stöðunnar, þar sem útganga Bretlands úr sambandinu stendur yfir, og Evrópusambandið hefur lýst því yfir að ekki sé stefnt að því að ræða frekari fjölgun ríkja fyrr en 2019, að slík þjóðaratkvæðagreiðsla sé vart raunsær kostur um þessar mundir. Hins vegar höfum við sagt að ekkert útiloki að þar sé spurt fleiri en einnar spurningar til að fá sem skýrasta leiðsögn þjóðarinnar."

 

Spurning 2: 

"Vinstrihreyfingin grænt framboð telur að hagsmunum Íslands sé best borgið utan ESB, meðal annars vegna þeirra atriða sem nefnd eru undirliðum þessarar spurningar ykkar. Kannanir hafa sýnt að afgerandi meiri hluti þjóðarinnar er sammála þeirri afstöðu."

 

Kær kveðja,

Magnús Sveinn Helgason

Vinstrihreyfingin grænt framboð


Jón Baldvin flengir Ágúst Ólaf

DSC_0597[1]Það var sjón að sjá Jón Baldvin Hannibalsson kratahöfðingja rasskella Ágúst Ólaf Ágústsson samfylkingarframbjóðanda í þættinum Tæpitungulaust á ÍNN rétt í þessu. Þegar Ágúst Ólafur hóf hinn hjárænulega söng Samfylkingar um ágæti evrunnar stoppaði Jón Baldvin þáttastjórnandi hann og sagði að evran væri ekki á dagskrá og ESB ætti nóg með að leysa eigin vandamál. Evran og ESB eru ekki á dagskrá sagði Jón Baldvin við Ágúst Ólaf. Segðu hvað þú ætlar að gera á næsta kjörtímabili. Lítið varð um svör frá Ágústi. 


Kristín ritstjóri haldin evruglýju

KristinThorstKristín Þorsteinsdóttir, ritstjóri Fréttablaðsins, er haldin evruglýju. Hún telur að ef við skiptum út krónu fyrir evru í greiðslumiðlun muni vextir lækka og hagsæld aukast til frambúðar. Hið sama héldu Grikkir og ýmsir láveitendur þeirra þegar Grikkland fékk að fljóta með við upptöku evrunnar. Nú súpa Grikkir seyðið af því.

Svipað á við um Spánverja, Ítali, Portúgala, Íra, Finna og fleiri. Vissulega lækkuðu vextir hjá Grikkjum þegar þeir fengu sín evrulán eftir upptöku evrunnar. Það var vegna þess að markaðir misskildu stöðuna og töldu að með evru væri varla minni áhætta að lána grískum fyrirtækjum og gríska ríkinu en þýskum aðilum. Grikkir, Spánverjar, Ítalir, Kýpurbúar og fleiri fengu traust að láni um stund frá Þjóðverjum. Allt þar menn áttuðu sig á því er evrukreppan reið yfir að þetta voru stórhættuleg mistök. Vextir ráðast nefnilega að mestu leyti af aðstæðum í viðkomandi landi. Evrukreppan hefur undirstrikað að aðstæður í ólíkum löndum breytast ekki við það eitt að hafa sama gjaldmiðil. Að því leyti hafa hinir upprunalegu evrusmiðir kolfallið á eigin prófi. Flestir hafa áttað sig á þessu en ekki ritstjóri Fréttablaðsins sem enn er haldin mikilli evruglýju. Það eru nefnilega aðstæður hér á landi, fyrirkomulag og staða á hinum ýmsu mörkuðum og rekstur fyrirtækja, ekki hvað síst fjármálafyrirtækja, sem ræður mestu um vaxtastigið. Úrelt hókuspókus-stefna eins og lesa má um í leiðara Fréttablaðsins er stórhættuleg - og reyndar furðulegt að sæmilega læst fólk skuli enn halda í þessar bábiljur eftir nær tíu ára evrukreppu og þrautir Grikkja og fleiri vegna evrunnar og ESB.


Andstaða við evruna

Fleiri lands­menn eru and­víg­ir því að evr­an verði tek­in upp sem gjald­miðill á Íslandi í stað krón­unn­ar en eru hlynnt­ir því sam­kvæmt niður­stöðum skoðana­könn­un­ar sem gerð var af Gallup fyr­ir sam­tök­in Já Ísland sem hlynnt eru inn­göngu í Evr­ópu­sam­bandið.

Þannig eru 43,3% and­víg því að taka upp evr­una sem gjald­miðil hér á landi en 39,4% eru því hlynnt. Sé aðeins miðað við þá sem eru hlynnt­ir eða and­víg­ir upp­töku evr­unn­ar eru 52,3% and­víg því að taka upp evr­una en 47,3% því hlynnt.

Þetta kemur fram hjá mbl.is í dag


Íslendingar vilja ekki aðildarviðræður við ESB

neiesbkrofugangaFleiri eru and­víg­ir því að taka upp aðild­ar­viðræður við Evr­ópu­sam­bandið á nýj­an leik en þeir sem eru því hlynnt­ir sam­kvæmt niður­stöðum skoðana­könn­un­ar sem gerð var af Gallup fyr­ir sam­tök­in Já Ísland sem eru hlynnt inn­göngu Íslands í sam­bandið.

Þannig eru 47,8% and­víg því að taka upp viðræður við inn­göngu í Evr­ópu­sam­bandið en 38,3% eru því hlynnt. Ef aðeins er miðað við þá sem taka af­stöðu með eða á móti eru 55,5% and­víg því að hefja slík­ar viðræður en 44,5% því hins veg­ar hlynnt.

Þetta kemur fram á mbl.is í dag.


Öruggur og stöðugur meirihluti gegn aðild að ESB

neiesb1mai2015Mik­ill meiri­hluti lands­manna er and­víg­ur því að Ísland gangi í Evr­ópu­sam­bandið sam­kvæmt niður­stöðum skoðana­könn­un­ar sem Gallup gerði fyr­ir sam­tök­in Já Ísland sem hlynnt eru inn­göngu í sam­bandið. Sam­tals eru 59,8% and­víg inn­göngu í Evr­ópu­sam­bandið og 40,2% henni hlynnt. Meiri­hluti hef­ur verið and­víg­ur inn­göngu í sam­bandið í öll­um könn­un­um sem gerðar hafa verið frá því sum­arið 2009 eða und­an­far­in átta ár.

Svo segir á mbl.is

Þar segir einnig:

Ef horft er til þeirra sem vilja ekki ganga í Evr­ópu­sam­bandið seg­ist meiri­hluti þeirra vera „ör­ugg­lega“ á móti inn­göngu eða 41,1% en 18,7% „senni­lega“ and­víg henni. Af þeim sem eru hlynnt því að ganga í sam­bandið segj­ast 15,6% ör­ugg­lega hlynnt inn­göngu en 24,6% hins veg­ar senni­lega á móti inn­göngu.

Skoðana­könn­un­in var gerð dag­ana 11.-24. sept­em­ber. Úrtakið var 1.435 manns á öllu land­inu. Fjöldi svar­enda var 854 og svar­hlut­fall 59,5%.


Opinn stjórnarfundur Heimssýnar

AtliHardarsonHeimssýn, hreyfing sjálfstæðissinna í Evrópumálum, heldur opinn stjórnarfund næstkomandi fimmtudag, 12. október 2017, klukkan 17:30 í Ármúla 3 í Reykjavík, 2. hæð.

Atli Harðarson, heimspekingur og dósent við Menntavísindasvið Háskóla Íslands, flytur erindi.

Atli er þekktur áhugamaður um Grikkland og hefur nýlega birt mjög fróðlegar greinar um þróun mála í Grikklandi í Morgunblaðinu og á heimasíðu sinni, sjá: https://notendur.hi.is/atlivh/.

Það verður spennandi að hlýða á Atla fara yfir þróun mála í Grikklandi undanfarin ár.

Félagar eru hvattir til að mæta og taka með sér gesti.

 


Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 137
  • Sl. sólarhring: 414
  • Sl. viku: 1994
  • Frá upphafi: 1109282

Annað

  • Innlit í dag: 126
  • Innlit sl. viku: 1737
  • Gestir í dag: 125
  • IP-tölur í dag: 125

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband