Mun evran lifa af?

Daniel Hannan, þingmaður á Evrópusambandsþinginu, velti fyrir sér framtíðarmöguleikum evrunnar á bloggsíðu sinni fyrir helgi. Hann segist ekki hafa verið tilbúinn að taka undir spár um að evrusvæðið kynni að líða undir lok til þessa, þá aðallega vegna þess að hann teldi að forystumenn Evrópusambandsins myndu ekki leyfa því að gerast. Þeir væru búnir að fjárfesta of mikið í evrunni pólitískt. En nú væru farnar að renna á hann tvær grímur.

Sjá nánar á nýrri heimasíðu Heimssýnar www.heimssyn.is.

Hoppað á ESB-vagninn

Bjarni Harðarson fjallaði á bloggsíðu sinni á dögunum um misvísandi skilaboð frá aðilum innan Vinstrihreyfingarinnar - græns framboðs um Evrópumál og hvort sækjast eigi eftir inngöngu í Evrópusambandið eða ekki. Vitnaði hann þar til eftirfarandi ummæla Lilju Mósesdóttur, hagfræðings og frambjóðanda hjá VG, í Speglinum í Ríkisútvarpinu.

Sjá nánar á nýrri heimasíðu Heimssýnar www.heimssyn.is.

Evran einn versti gjaldmiðill heimsins?

Greiningardeild breska stórbankans HSBC segir í nýrri skýrslu að norska krónan sé sennilega besti gjaldmiðill heims um þessar mundir. Frá þessu var greint á norska viðskiptavefnum E24 í dag. Þar segir að miðað sé við vöxt vergrar þjóðarframleiðslu, verðbólgu, lánshæfismat, afkomu ríkissjóðs og utanríkisviðskiptastefnu. Norska krónan hafi í öllum þessum flokkum verið í einu af þremur efstu sætunum.

Sjá nánar á nýrri heimasíðu Heimssýnar www.heimssyn.is.

Evran gerir efnahagskrísuna erfiðari viðfangs

Wilhelm Hankel, hagfræðiprófessor við Háskólann í Frankfurt, sagði í viðtali við þýska dagblaðið Frankfurter Rundschau nýverið að hann teldi evruna standa í vegi fyrir því að hægt væri að takast á við efnahagskísuna sem geysar um þessar mundir. Evran væri hindrun í vegi þess að koma mætti böndum á hana og koma hlutunum í réttan farveg á ný.

Sjá nánar á nýrri heimasíðu Heimssýnar www.heimssyn.is.

Evrópusambandið getur breytt löggjöf sinni um sjávarútvegsmál að vild

Stefán Már Stefánsson, prófessor í lögfræði við Háskóla Íslands og sérfræðingur í Evrópurétti, segir að Evrópusambandið geti hvenær sem er breytt löggjöf sinni á sviði sjávarútvegsmála að vild með auknum meirihluta. Þetta var meðal þess sem kom fram í erindi Stefáns á hádegisverðarfundi á vegum Lögfræðingafélags Íslands á Grand Hóteli 18. febrúar sl.

Sjá nánar á nýrri heimasíðu Heimssýnar www.heimssyn.is.

Maastricht-skilyrðin koma fyrst og síðan ERM II

Ferenc Karvalits, aðstoðarseðlabankastjóri Ungverjalands, sagði á ráðstefnu um efnahagsmál í vikunni að Ungverjar ættu aðeins að gerast aðilar að ERM II, undirbúningsferlinu fyrir upptöku evrunnar, þegar það væri alveg ljóst að þeir væru við það að uppfylla skilyrðin sem sett eru fyrir upptöku hennar og kennd hafa verið við Maastricht. Seðlabanki Póllands sendi frá sér skýrslu sl. þriðjudag þar sem m.a. kemur fram að bankinn mæli ekki með inngöngu Póllands í ERM II á meðan núverandi efnahagsástand er til staðar.

Sjá nánar á nýrri heimasíðu Heimssýnar www.heimssyn.is.

Meiri efnahagssamdráttur á evrusvæðinu en í Bandaríkjunum

Efnahagssamdráttur var meiri í Evrópusambandinu en í Bandaríkjunum á síðasta fjórðungi ársins sem leið. Þetta kemur fram í gögnum sem Eurostat, hagstofa sambandsins, gaf út í gær. Samdrátturinn nam hálfu öðru prósenti á evrusvæðinu á þessum tíma, en einu prósenti vestan hafs. Þessar tölur eru taldar hnekkja staðhæfingum forystumanna í Evrópusambandsríkjunum um að efnahagserfiðleikar séu ekki eins alvarlegir í evruríkjunum og í Bandaríkjunum.

Sjá nánar á nýrri heimasíðu Heimssýnar www.heimssyn.is.

Sífellt færri Danir vilja skipta dönsku krónunni út fyrir evru

Leita þarf aftur til ársins 2001 til að finna jafn lítinn stuðning á meðal Dana við að skipta dönsku krónunni út fyrir evruna og í niðurstöðum nýrrar skoðanakönnunar Gallup fyrir danska dagblaðið Berlingske Tidende sem birtar voru í blaðinu í gær. Ef marka má þær skiptast Danir nú í tvær jafn stórar fylkingar með og á móti upptöku evrunnar. 42% vilja halda í krónuna á meðan 42% vilja taka upp evru.

Sjá nánar á nýrri heimasíðu Heimssýnar www.heimssyn.is.

Var EES-samningurinn heillaskref?

Var samningurinn um Evrópska efnahagssvæðið heillaskref? Hvort skrifast frjálst flæði afbrotamanna á milli Evrópulanda á reikning Schengen eða fjórfrelsisins? Er fullveldishugtakinu misbeitt í Evrópuumræðunni? Þetta og margt fleira var meðal þess sem bar á góma í líflegum umræðum á fundi Heimssýnar á Kaffi Rót síðastliðinn sunnudag. Umræðuefni dagsins var nýútkomin bók Björns Bjarnasonar, alþingismanns og fyrrv. ráðherra, um Ísland og Evrópusamabndið.

Sjá nánar á nýrri heimasíðu Heimssýnar www.heimssyn.is.

Efnahagsástandið alvarlegt í ESB-ríkinu Lettlandi

Staða efnahagsmála er mjög alvarleg í Lettlandi. Ríkisstjórn landsins hefur lagt áherslu á að viðhalda tengingu gjaldmiðils landsins við evruna með því að grípa til óvinsælla efnahagsráðstafana eins og launalækkana, skattahækkana og mikils niðurskurðar hjá hinu opinbera í samræmi við lánasamkomulag við Alþjóðagjaldeyrissjóðinn.

Sjá nánar á nýrri heimasíðu Heimssýnar www.heimssyn.is.