Leita í fréttum mbl.is

Bloggfærslur mánaðarins, júní 2014

Reiður Cameron rauk inn á ESB-fund

David Cameron, forsætisráðherra Breta, er reiður þessa dagana yfir þróuninni í ESB og það var greinilegt að reiðin var ekki úr honum rokin er hann fór í hálfgerðu fússi inn á fund  ESB-toppanna í dag, svo sem sjá má í sjónvarpsfréttum BBC.

Cameron hefur verið skilinn eftir úti á berangri af leiðtogum Þýskalands, Svíþjóðar og Hollands sem gáfu honum vilyrði um stuðning gegn útnefningu Junckers í stöðu forseta framkvæmdastjórnar ESB. Fyrir vikið vex óánægjan í Bretlandi með ESB.

Í sama fréttatíma og BBC sýndi reiðan Cameron rjúka inn á ESB-fundinn var frétt um að mesta áhyggjuefni Breta þessa dagana væri frjáls för fólks í ESB. Tekið var fram að þetta væri í fyrsta skipti í langan tíma sem efnahagsmálin væru ekki aðaláhyggjuefni Bretanna. Jafnframt kemur fram í breskum miðlum að óánægja hafi aukist með þá spennu sem fjölmenningarsamfélagið skapar.

Á sama tíma eykst þeim máttur í Bretlandi sem gagnrýna ESB harðlega. Sem dæmi um það eru skrif fréttaskýrandans Leo McKinstry í Daily Express í gær. Þar segir McKinstry að Juncker, næsti æðstráðandi ESB, sé fanatískur federalisti sem hafi verið einn af arkítektum evrusvæðisins, sem vilji að ESB hafi eigið dómsvald, her, lögreglu og skattakerfi. Hann hafi jafnvel mælt fyrir því að þegnar ólíkra landa fengju að kjósa í kosningum hverjir hjá öðrum (ekki er ljóst hvort hann hafi átt hugmyndina að því að landslið ESB-landa væru með ESB-fánann í barminum - kannski eins gott að ekki varð úr því miðað við frammistöðu sumra Evrópuliða á HM núna ...).

Annars segir McKinsey í grein sinni í Daily Express í gær að landamæraeftirlit sé í molum í Bretlandi vegna ESB með þeim afleiðingum að innflutningur fólks hafi aukist verulega. Um eitt hundrað þúsund manns komu þannig til London á síðasta ári. Komið hefur fram að margt af þessu fólki hefur komið með ólöglegum hætti sem stúdentar, en af allri mannfjölgun í Bretlandi síðasta árið hefur um helmingur, eða tvö hundruð þúsund, verið vegna innflutnings. Nú sé svo komið að Bretland sé að verða útnára í ESB.

Með þessari frásögn er ekki verið að taka undir sjónarmið McKinsey heldur reyna að lýsa því hvernig umræðan er í Bretlandi. Hann segir að reglur ESB hafi gert það að verkum að verið sé að eyðileggja bresk þjóðareinkenni en skapa ein einkenni fyrir allt ESB, auk þess sem verið sé að íþyngja verulega ýmsum samfélagsstofnunum. Hann minnir á að í Ungverjalandi sé ríkisborgararéttur seldur og að frá 2011 hafi meira en hálf milljón manna keypt ríkisborgararétt í ESB og hafi þar með fengið frjálsan aðgang að öllum ESB löndum og flestir kjósi að leita til Bretlands.

Pistlahöfundurinn segir málamyndagiftingar hafa aukist í þeim tilgangi að fólk geti sest að í Bretlandi. Alls hafi 9.100 slík brúðkaup verið tilkynnt á síðasta ári. Þar á meðal voru hjónabönd kvenna í Búlgaríu sem fluttust til Bretlands til þess eins að ganga í málamyndahjónaband við Pakistana í Bretlandi.

Svona er umræðan í Bretlandi. Kannski má ekki segja frá eða ræða svona hluti annars staðar.

Alltént þykir þessum ívitnaða pistlahöfundi að Juncker og aðrir af því tagi vilji eyða öllum sérkennum Evrópuþjóða og búa til nýja þjóð sambandsríkis ESB.

Þannig er nú það. Og þess vegna vann UKIP kosningarnar í Bretlandi í vor og þess vegna eru Bretar, eins og staðan er nú, á leið út úr ESB. 

 

 

 


Evrópskir kratar eru hundóánægðir með ESB og Juncker

Svíar styðja Jean-Claude Juncker sem formann framkvæmdastjórnar ESB með hangandi haus. Jafnaðarmenn í Evrópu skilyrða stuðning sinn við að látið verði af þeim efnahagsaðgerðum sem leitt hafa fjöldaatvinnuleysi, fátækt og aukna mismunun kyjnanna yfir Evrópu. Alls gera jafnaðarmenn 50 kröfur sem uppfylla þarf ef ganga á endanlega frá kjöri Junckers.
 
Þetta má m.a. lesa í Europaportalen.se.  
 
Það er hins vegar athyglisvert að íslenskir kratar undir forystu Árna Páls Árnasonar eru nokkuð ánægðir með ESB.  
 
Flest bendir til þess að stjórnmálaleiðtogar ESB-landanna muni velja Juncker í hina valdamiklu stöðu á morgun.  
 
Sjá hér einnig m.a. blogg Jóns Bjarnasonar

Albanía í stað Bretlands

Um leið og Albanía færist hænuskrefi nær aðild að ESB eins og tengd frétt ber með sér aukast líkur á því að Bretar segi skilið við sambandið. 

David Camoron forsætisráðherra Bretlands hefur gefið skýrt til kynna að ef hinn mikli ESB-sambandssinni, Jean-Claude Juncker, verði kjörinn í æðstu stöðu í Brussel þá muni það auka líkur á þjóðaratkvæðagreiðslu í Bretlandi um aðild að ESB og úrsögn Breta úr sambandinu. 

Þetta er eitt aðalefni breskra fjölmiðla í dag og í gær

Bretar eru orðnir þreyttir á þróun ESB í átt til sambandsríkis og á þeim lögum og reglum sem aðildinni fylgir.

Cameron hefur lengi barist gegn því að Juncker fái stöðu formanns framkvæmdastjórnar ESB. Verði breski forsætisráðherrann undir í því máli mun það verða vatn á myllu óánægjuaflanna í Bretlandi og styrkja ESB-andstöðuna enn frekar í landinu.

Vert er að minnast þess að andstæðan við aðild Bretlands að ESB fékk byr undir báða vængi í kosningum til ESB-þingsins í síðasta mánuði, en hliðstæð útkoma varð reyndar í fjölmörgum ESB-löndum.

Það er því veruleg andstaða við stöðu og þróun ESB í ESB-löndunum. 

Hér á landi er minnihluti manna þeirrar skoðunar að rétt sé að fylgja Albaníu inn í ESB. 


mbl.is Albanía formlega umsóknarríki
Tilkynna um óviðeigandi tengingu við frétt

Ekki rætt um aðild að ESB ef maður vill ekki inn

Hvað þarf að tyggja þessa hluti oft ofan í fólk: Það er algjörlega út í hött að vera með umsókn í gangi að ESB ef hvorki þing, stjórn né þjóð vilja inn.

Þetta er náttúrulega rétt athugað hjá Eyjunni.

Það er líka athyglisvert sem fyrrum fulltrúi Frjálslynda flokksins, Kjartan Eggertsson, segir:  

Ef við værum í ESB værum við ekki sjálfstæð þjóð um þá hluti sem skipta okkur mestu máli.


Nú, jæja! Vilja fleiri Bretar úr ESB?

Hvernig á að túlka þessa frétt? Er hægt að túlka hana öðruvísi en svo að Bretar eru hundóánægðir með ESB og vilja helst vera lausir við það eins og það hefur þróast og er í dag?
 
Hvers vegna ættu Íslendingar að vera að sækja í slíkt samband?
 
Mbl.is segir svo frá: 
 

Bret­ar myndu yf­ir­gefa Evr­ópu­sam­bandið ef þjóðar­at­kvæði færi fram um það núna sam­kvæmt niður­stöðum nýrr­ar skoðana­könn­un­ar sem unn­in var fyr­ir breska dag­blaðið Obser­ver. Sam­kvæmt könn­un­inni vilja fleiri Bret­ar úr sam­band­inu en þeir sem vilja að Bret­land verði áfram inn­an þess.

Fram kem­ur í frétt breska dag­blaðsins Guar­di­an að 48% séu mjög eða frek­ar hlynnt því að Bret­land gangi úr Evr­ópu­sam­band­inu en 37% séu mjög eða frek­ar and­víg því. Staðan breytt­ist hins veg­ar þegar spurt var um af­stöðu fólks til ver­unn­ar í sam­band­inu ef Dav­id Ca­meron, for­sæt­is­ráðherra Bret­lands, tæk­ist að end­ur­semja með hag­stæðum hætti um hana. Þá sögðust 42% vilja vera áfram í Evr­ópu­sam­band­inu en 36% vera and­víg því.

Hins veg­ar seg­ir í frétt­inni að mikl­ar efa­semd­ir séu uppi um að Ca­meron tak­ist að end­ur­semja um veru Breta í Evr­ópu­sam­band­inu en hann hef­ur heitið því að þjóðar­at­kvæði fari fram um málið árið 2017 ef flokk­ur hans, Íhalds­flokk­ur­inn, vinni hrein­an meiri­hluta á breska þing­inu í kosn­ing­un­um á næsta ári. Þjóðar­at­kvæðið færi þá fram að aflokn­um viðræðum við sam­bandið um breyt­ing­ar á aðild­ar­skil­mál­um Breta. 

Minnihluti Breta vill vera í ESB

Samkvæmt þessari frétt mbl.is vill minnihluti Breta vera í ESB, eða 44%. Að vísu eru það fleiri en þeir sem vilja fara úr sem eru 36%. Aðrir eru óákveðnir. Það að óákveðnir og andvígir veru  í ESB séu fleiri en þeir sem vilja vera í ESB, miðað við áratuga reynslu, er náttúrulega stór frétt - sem mbl. ætti vitaskuld að setja sem fyrirsögn. Ekki rétt?
 
 
 
Fleiri Bret­ar vilja að Bret­land verði áfram aðili að Evr­ópu­sam­band­inu en vilja yf­ir­gefa sam­bandið sam­kvæmt niður­stöðum nýrr­ar skoðana­könn­un­ar sem fyr­ir­tækið YouGov fram­kvæmdi fyr­ir breska götu­blaðið Sun.

Sam­kvæmt könn­un­inni eru nú 44% Breta hlynnt ver­unni í Evr­ópu­sam­band­inu en 36% henni and­víg. Þetta mun vera mesta fylgi við áfram­hald­andi veru í sma­band­inu frá því í sept­em­ber 2010.


Illugi segir umsókn hafa verið feigðarflan

Illugi Gunnarsson mennta- og menningarmálaráðherra telur að litlar forsendur hafi verið til að sækja um aðild að ESB, enda hefur þjóðin ekki verið hlynnt þeirri vegferð. Mikilvægara sé að sinna öðrum málum en að vera að kíkja frekar í reglugerðarpakka ESB. 
 
Sjá hér nánari umfjöllun um sjónarmið Illuga eins og þau birtast á mbl.is: 
 
 
 

For­send­an að vilja í ESB

Illugi Gunnarsson, mennta- og menningarmálaráðherra, og kona hans Brynhildur Einarsdóttir, á Hrafnseyri í dag.stækka

Ill­ugi Gunn­ars­son, mennta- og menn­ing­ar­málaráðherra, og kona hans Bryn­hild­ur Ein­ars­dótt­ir, á Hrafns­eyri í dag. Ljós­mynd/​Ill­ugi Gunn­ars­son

„Við hóf­um aðild­ar­viðræður við ESB á mjög veik­um póli­tísk­um grunni, með klofið þing og klofna rík­is­stjórn. Viðræðurn­ar sigldu í strand á síðasta kjör­tíma­bili og á síðasta þingi var lögð fram til­laga um form­leg slit viðræðnanna, sem ekki tókst að af­greiða.“

Þetta sagði Ill­ugi Gunn­ars­son, mennta- og menn­ing­ar­málaráðherra, í ræðu sem hann flutti á Hrafns­eyri við Arn­ar­fjörð, fæðing­arstað Jóns Sig­urðsson­ar for­seta. Þar gerði hann sam­skipti Íslands og Evr­ópu­sam­bands­ins ekki síst að um­fjöll­un­ar­efni sínu. Lagði hann áherslu á að áður en hægt væri að ákveða þess hvort Ísland ætti að hefja viðræður við Evr­ópu­sam­bandið um inn­göngu í það þyrfti að taka af­stöðu til þess hvort þjóðin vildi taka þátt í þeirri samrunaþróun sem átt hefði sér stað inn sam­bands­ins.

„Ég tel okk­ur Íslend­inga ekki þurfa, né sé það brýn­ast um þess­ar mund­ir, að kíkja náið í reglu­verk ESB til að geta átt upp­lýsta umræðu um stöðu og framtíð ESB og hvort sú framtíð sé ein­mitt sú sem við vilj­um gera að okk­ar og vera aðilar að. Við get­um áreiðan­lega fengið ein­hverj­ar minni­hátt­ar tíma­bundn­ar und­anþágur frá nú­gild­andi reglu­verki; en aðild að ESB er tæp­ast aft­ur­kræf aðgerð. Hitt er veiga­meira og um það þurf­um við að gefa okk­ur tíma til að ræða; erum við sem þjóð reiðubú­in að taka þátt í þeirri veg­ferð sem sann­ar­lega er haf­in inn­an ESB? Við verðum líka að svara þeirri spurn­ingu af hrein­skilni hvaða mögu­leika við get­um átt, 300 þúsund manna þjóð, til að hafa ein­hver telj­andi áhrif á þróun sam­bands­ins. Nógu erfitt sýn­ist það fyr­ir stór og öfl­ug ríki meg­in­lands­ins,“ sagði hann.

Leiðir óumflýj­an­lega til sam­bands­rík­is

Umræðan til þessa hafi því miður verið föst í fjötr­um þeirr­ar hugs­un­ar að ekki væri hægt að ræða þessi mál með upp­lýst­um hætti nema samn­ing­ur við Evr­ópu­sam­bandið lægi fyr­ir. „Ég tel að það sé mik­il­vægt að við leys­um þessa fjötra og ræðum um og ger­um upp við okk­ur hvort við vilj­um taka þátt í sam­starfi evru­ríkj­anna sem óumflýj­an­lega mun leiða í átt til sam­bands­rík­is, ef það sam­starf á að skila ár­angri. Ætlum við að hoppa upp í þenn­an vagn­inn, vit­andi hvert ferðinni er heitið? Vilj­um við deila veru­leg­um hluta full­veld­is okk­ar með þeim þjóðum sem mynda evru­banda­lagið? Sam­rým­ist það hags­mun­um og sjálfs­mynd okk­ar Ísland­inga í bráð og lengd?“

Ill­ugi sagði að upp­lýst umræða þyrfti að fara fram í þess­um efn­um þar sem spurn­ing­um sem þess­um væri svarað áður en leitað væri eft­ir samn­ingi um inn­göngu í Evr­ópu­sam­bandið. Ekki væri auðvelt að leiða spurn­ing­una um sam­band Íslands við sam­bandið til lykta en það væri engu að síður óumflýj­an­legt verk­efni. Um leið þyrfti að svara þeirri spurn­ingu hverra annarra kosta þjóðin ætti völ á.

„Til þess að svo megi verða þurf­um við að rök­ræða um meg­in­efni máls, átta okk­ur á því að áður en til aðild­ar­viðræðna kem­ur þarf að liggja fyr­ir að meiri­hluti þjóðar­inn­ar vilji taka þátt í samruna­ferli evruland­anna, vilji að Ísland verði hluti af hinu sam­einaða evru­svæði inn­an ESB. Það er hin upp­lýsta umræða sem þarf að fara fram.“ 

Evrópustofa spreðar í lævísan áróður

Evrópustofa er enn að störfum við lævísan áróður fyrir ESB, eins og gefur að skilja. Áróðurspeningarnir eru ekki allir búnir og nú fer áróðursmaskínan þá leið að fara með evrópskar kvikmyndir um landið. 

Það er út af fyrir sig ágætt að peningum sé varið í að kynna evrópska og íslenska kvikmyndalist. En það er líka ágætt að fólk viti hvaðan peningarnir koma og í hvaða tilgangi fjárveitandinn er svona örlátur. 


Elliði segir Evrópusinna færa áhersluna til hægri

Óumdeildur sigurvegari síðustu sveitarstjórnakosninga, Elliði Vignisson, bæjarstjóri í Vestmannaeyjum, segir stofnun nýs hægriflokks um inngöngu í ESB myndi í raun færa áherslu í stjórnmálum til hægri á Íslandi. Slíkur flokkur myndi fyrst og fremst sækja fylgi til Samfylkingar og Bjartrar framtíðar.
 
Þetta kemur fram í frétt á mbl.is í dag: 
 
 

Fyr­ir­huguð stofn­un nýs hægri­flokks hlynnt­um inn­göngu í Evr­ópu­sam­bandið væri til hags­bóta fyr­ir hægri­menn á Íslandi. Þetta seg­ist Elliði Vign­is­son, odd­viti sjálf­stæðismanna í Vest­manna­eyj­um, vera sann­færður um á Face­book-síðu sinni í dag. Slíkt myndi skapa ró inn­an Sjálf­stæðis­flokks­ins ogum leið færa hina al­mennu áherslu til hægri.

Elliði bend­ir á að stefna Sjálf­stæðis­flokks­ins sé skýr þegar kem­ur að Evr­ópu­sam­band­inu. Flokk­ur­inn sé and­víg­ur inn­göngu í sam­bandið. Stefn­an sé mótuð með lýðræðis­leg­um hætti inn­an hans. Hins veg­ar felli ákveðinn hóp­ur sig illa við þá niður­stöðu og gripið til þess ráðs að kalla þá sjálf­stæðis­menn sem eru þeim ekki sam­mála ýms­um ónefn­um. Við þær aðstæður fari bet­ur á því að myndaður sé hægris­innaður flokk­ur um þetta mál.

„Stuðning­ur minn við Sjálf­stæðis­flokk­inn er vegna þeirr­ar hug­mynda­fræði sem hann stend­ur fyr­ir. Ég tel lík­legra að þessi hug­mynda­fræði nái fram að ganga með því að það fólk sem ekki sætt­ir sig við hug­mynda­fræðina leiti hóf­anna á nýj­um stað. Ef þessu góða fólki ber gæfa til að gera það án þess að brenna brýr til okk­ar sem eig­um svo margt sam­eig­in­legt með þeim þá eyk­ur það lík­urn­ar á því að hinar sam­eig­in­legu hug­sjón­ir nái fram að ganga,“ seg­ir hann.

Elliði seg­ist enn­frem­ur telja lík­legt að slík­ur hægris­innaður flokk­ur með áherslu á Evr­ópu­sam­bandið ætti einkum eft­ir að höggva í raðir annarra flokka með sömu stefnu líkt og Bjartr­ar framtíðar og Sam­fylk­ing­ar­inn­ar og færa þar með áhersl­una í stjórn­mál­un­um til hægri. 

mbl.is Færir áhersluna til hægri
Tilkynna um óviðeigandi tengingu við frétt

Minnkandi evrustuðningur meðal forystumanna ESB-landanna

Nú virðist stefna í að næsti forseti framkvæmdastjórnar ESB verði enginn sérstakur stuðningsmaður evrusamstarfsins. Forystumenn Breta, Svía og fleiri þjóða vilja ekki að evrustuðningsmaðurinn Jean-Claude Juncker verði næsti aðalforystumaður ESB.

Evran veldur enn vandræðum í álfunni. Seðlabanki evrópu óttast verðhjöðnun og er því búist við að hann lækki vexti í vikunni eða grípi til annarra eftirspurnarhvetjandi aðgerða. Atvinnuleysi hefur lítið minnkað í álfunni og er nálægt 12%, verðbólgan er nánast engin og sama má segja um hagvöxt.  


mbl.is Merkel vill Breta áfram í ESB
Tilkynna um óviðeigandi tengingu við frétt

Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 19
  • Sl. sólarhring: 428
  • Sl. viku: 1876
  • Frá upphafi: 1109164

Annað

  • Innlit í dag: 15
  • Innlit sl. viku: 1626
  • Gestir í dag: 15
  • IP-tölur í dag: 15

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband