Leita í fréttum mbl.is

Bloggfærslur mánaðarins, september 2012

Össur boðar fullveldi og sjálfstæða mynt í New York

Aðaltalsmaður ESB-umsóknar Íslands, Össur Skarphéðinsson utanríkisráðherra, eyddi ekki einu orði á Evrópusambandið og umsóknina í ræðu sinni á allsherjarþingi Sameinuðuþjóðanna. Þvert á móti auglýsti hann eymd atvinnuleysis í Evrópu og lagði áherslu á að íslenska leiðin út úr kreppunni virkaði.

Hér er sá bútur ræðunnar sem fjallar um viðspyrnu úr kreppu og hvernig Ísland stendur betur að vígi en löndin í Evrópu.

Times have been tough in Iceland. In the recession in Europe we were the first country down, but we were also the first country up. If there is any lesson to be drawn from the Icelandic recovery it is that austerity doesn't work on it's own. Iceland certainly went through her share of austerity, but we also raised taxes, especially on the wealthy, and used the revenue to stimulate growth and ensure the welfare system was intact. Today, we have some of the lowest unemployment in Europe, and robust economic growth. The Icelandic model works.

Ef reynslurökin sýna ótvírætt að fullveldi og sjálfstæð mynt sé forsenda þess að komast skikkanlega úr kreppu hvers vegna er Ísland þá með standandi umsókn um aðild að Evrópusambandinu?


mbl.is „Netanyahu - rífðu niður vegginn“
Tilkynna um óviðeigandi tengingu við frétt

Merkel vill sameiginleg fjárlög evru-landanna

Þjóðverjar ætla að leggja fram tillögu á næsta leiðtogafundi evru-ríkjanna 17 að þau taki upp sameiginleg fjárlög. Þessi tillaga er róttækasta hugmyndin sem komið hefur fram um lausn á kreppunni sem kennd er við sameiginlegan gjaldmiðil Evrópusambandsins.

Die Welt segir að hugmyndin sé til þess ætluð að kveða í kútinn umræðu um sameiginlega skuldabréfaútgáfu evru-ríkjanna. Rök þýsku ríkisstjórnarinnar er að með sameiginlegum fjárlögum fylgist að fjármagn og ábyrgð.

Sameiginleg fjárlög fælu í sér stóraukinn samruna evru-landanna 17og þau yrðu viðskila við hin tíu sem eru í Evrópusambandinu en búa við eigin gjaldmiðil.


mbl.is Þurfa 59,3 milljarða evra fjárhagsaðstoð
Tilkynna um óviðeigandi tengingu við frétt

ASÍ lokar á lýðræðið, styður Samfylkingu

Alþýðusamband Ísland á að heita samtök í almannaþágu. Samtök í þágu Samfylkingar væri meira réttnefni. Forysta ASÍ styður í blindni stefnu Samfylkingar að Ísland skuli verða aðili að Evrópusambandinu. ASÍ-forystan hefur ekki haft fyrir því að spyrja félagsmenn sína hvort þeir vilja inngöngu í samband sem festir í sessi langtímaatvinnuleysi og skilur eftir sig sviðna jörð í jaðarríkjum.

Verkalýðsfélög vítt og breitt í Evrópusambandinu standa fyrir verkföllum til að mótmæla stefnu sambandsins sem veldur 20 til 30 prósent atvinnuleysi í löndum eins og Írlandi, Portúgal, Spáni og Grikklandi. Forysta ASÍ, sem iðulega gumar af sterkum tengslum við verkalýðshreyfinguna í Evrópu, steinþegir um þjáningar launafólks í löndum Evrópusambandsins.

Blind þjónkun forystu ASÍ við þrönga flokkshagsmuni Samfylkingar er andstæð grundvallarhagsmunum launafólks.


mbl.is ASÍ tjái sig ekki um ESB
Tilkynna um óviðeigandi tengingu við frétt

Jóhanna er hætt að ræða ESB-umsóknina

Toppkratinn frá Bretlandi, David Milliband, kom til Íslands og sagði á opnum fundi að Evrópusambandið væri í tilvistarvanda og myndi ekki komast í gegnum brimskaflinn í heilu lagi - ef það kæmist yfir höfuð úr öldurótinu en sykki ekki til botns með evrunni.

Síðan skreppur Milliband á einkafund með toppkratanum á Íslandi sem hingað til hefur verið býsna skilningssljór á stöðu mála í Evrópusambandinu. Jóhanna Sig. forsætis fær lof frá þeim breska fyrir hagvöxt með krónu og lágt atvinnuleysi utan Evrópusambandsins.

Í fréttatilkynningu forsætisráðuneytisins segir að toppkratarnir hafi rætt ,,Evrópumál." Ekki er vikið einu orði að umsókn Íslands um aðild að Evrópusambandinu. Ætli Jóhanna Sig. sé loksins að fatta að umsóknin sé dauð?


mbl.is Jóhanna fundaði með Miliband
Tilkynna um óviðeigandi tengingu við frétt

Grikkir og ónýta evran

Evran er gjaldmiðill sem skilur eftir sig sviðna jörð í jaðarríkjum Evrópusambandsins. Aðild að Evrópusambandinu með evru sem viðbót er ávísun á efnahagshrun, pólitískt öngþveit og síðast en ekki síst bjargleysi.

Þrátt fyrir samfélagslega upplausn í Grikklandi þorir þjóðin ekki að varpa af sér oki evrunnar.

Aðild að Evrópusambandinu og evru-samstarfi er uppskrift að langvarandi eymd og volæði.  


mbl.is Allsherjarverkfall í Grikklandi
Tilkynna um óviðeigandi tengingu við frétt

Heimskreppan herðir tökin

Heimskreppan á upptök sín í Bandaríkjunum annars vegar og hins vegar í Evrópusambandinu, sérstaklega evru-ríkjunum 17. Til að komast úr kreppunni þurfa þessi svæði hagvöxt. Til skamms tíma stóðu vonir til að eftirspurn í Kína og frá löndum eins og Brasilíu og Rússlandi myndi slá á kreppuna.

Ekki lengur. Kína stendur frammi fyrir snarminnkuðum hagvexti og útlitið er ekki bjart hjá nýmarkaðslöndum.

Samhliða er komin þreyta í evru-ríkin sem horfa fram á enn eitt niðurskurðarárið. Það er stórt gat í fjárlögum Grikkja og þeir þurfa nýjan björgunarpakka innan fárra mánaða. Ríkisstjórn Portúgals stendur höllum fæti eftir að þjóðin hafnaði skattahækkunarstefnu sem kom ofan á niðurskurð síðustu ára.

Heimskreppan mun bíta á næsta ári.


mbl.is IMF boðar lækkun hagvaxtarspár
Tilkynna um óviðeigandi tengingu við frétt

Evra og tvískipt ESB

Af 27 þjóðum Evrópusambandsins eru 17 með evru sem gjaldmiðil. Meðal ríkja sem standa utan evru-samstarfsins eru Bretland, Danmörk, Svíþjóð og Pólland. Ekkert þessara ríkja mun taka upp evru í fyrirsjáanlegri framtíð.

Einn af höfundum evru-samstarfsins, Yves-Thibault de Silguy, var hér í heimsókn í síðustu viku. Í viðtali við Fréttablaðið viðurkennir hann að tveggja hraða Evrópusamband er orðið að veruleika.

ESB er náttúrulega tvískipt nú þegar. Það eru 27 ríki í ESB en bara 17 þeirra nota evruna. Mörg ríkjanna sem eru utan þess uppfylla enn ekki skilyrðin en önnur eru efins um upptöku evru. Ég held að það sé nauðsynlegt að auka efnahagslega samþættingu evruríkja og ég held að það verði gert. Þau ríki sem eru efins um upptöku evru verða án efa óánægð með það en þau munu að lokum sætta sig við það ef lögð verður nægileg áhersla á að þetta er opið kerfi.

Evru-ríkin innan ESB munu á næstu árum freista þess að komast yfir kreppuna sem stefnir sjálfri tilvist evru-samstarfsins í voða. Á meðan þeirri vegferð stendur munu þau ríki sem standa utan samstarfsins og eiga eitthvað undir sér ekki láta sér til hugar koma að ganga til samstarfs um gjaldmiðil í tilvistarvanda.


mbl.is Mikil einföldun að ESB-aðild snúist um evru
Tilkynna um óviðeigandi tengingu við frétt

Krónan, evran og pólitíski vandinn

Gjaldmiðlar sem slíkir valda ekki kreppu. Mistæk hagstjórn er nærtækasti sökudólgurinn á efnahagskreppu, þegar óviðráðanlegum aðstæðum sleppir, s.s. náttúruhamförum.

Mistök í hagstjórn eru ástæður kreppunnar á Íslandi og Evrópusambandinu. Íslendingar hafa leiðrétt sín mistök, afskrifað ónýtar skuldir og sett banka í gjaldþrot. Evrópusambandið á eftir að leiðrétta mistökin.

Með krónu og fullveldi tókst Íslendingum að leysa hagsstjórnarvandann fljótt og vel í þágu almennings. Með evru og skert fullveldi tekst þeim 17 ríkjum sem mynda evruna ekki að klára sín mál svo vit sé í.

Reynslurökin eru einhlít: það borgar sig að hafa eigin gjaldmiðil og fullveldi. Punktur.


mbl.is Evran notuð sem blóraböggull
Tilkynna um óviðeigandi tengingu við frétt

Atvinnulífið hafnar evru og ESB-aðild

Katrín Pétursdóttir forstjóri Lýsis talaði fyrir munn margra atvinnurekenda þegar hún hafnaði upptöku evru í fyrirsjáanlegri framtíð. Katrín sagði mörg önnur brýnni verkefni í efnhagsmálum landsins en að taka upp evru.

Skýrsla Seðalbanka Íslands geymir mörg sterk rök fyrir afstöðu Katrínar. Hér eru nokkur dæmi

„ ... evrusvæðið glímir nú við flókið samspil margvíslegra erfiðleika sem gætu í
versta tilviki ógnað sjálfri tilvist þess, ef fjarar undan pólitískum stuðningi
við myntbandalagið. Þeir efnahagslegu og fjármálalegu erfiðleikar sem við er að
glíma á evrusvæðinu eiga að hluta til rætur að rekja til þess að ásamt
Bandaríkjunum, Bretlandi og Sviss var evrusvæðið ein af upptökum
fjármálakreppunnar sem hófst um mitt ár 2007 og náði hámarki haustið 2008."
(bls. 59)

Ennfremur:
„Íslensk hagsveifla hefur verið í takmörkuðum tengslum við hagsveiflur
evrusvæðisins og reyndar flestra annarra svæða og ríkja. Gerð íslenskrar
útflutningsstarfsemi er einnig nokkuð frábrugðin því sem þekkist meðal annarra
þróaðra ríkja." (bls. 60)

Og þetta:
„Aðild að evrusvæðinu fylgir hins vegar einnig áhætta fyrir Ísland. Ekki yrði
lengur hægt að beita sjálfstæðri peningastefnu og sveigjanlegu gengi til að
draga úr áhrifum áfalla og hraða aðlögun þjóðarbúsins að breyttum þjóðartekjum.
Þessi möguleiki hefur við vissar aðstæður nýst Íslendingum." (bls. 62)


Jafnframt kemur fram í glærukynningu forsvarsmanna bankans um skýrsluna þetta:
„En Ísland er enn í þeim hópi Evrópuríkja sem minnstan ábata hefðu af
EMU-aðild..." 


mbl.is Upptaka evru ekki tímabær
Tilkynna um óviðeigandi tengingu við frétt

Hálf-dauð evra og líkfylgd Samfylkingar

Evran skilur eftir sig sviðna jörð á Írlandi, Spáni, Portúgal, Grikklandi og Ítalíu. Kostirnir sem evru-þjóðirnar 17 standa frammi fyrir verða æ skýrari. Annað tveggja að stofna til ríkisvalds utanum evruna, nokkurs konar Stór-Evrópu, eða að vinda ofan af gjaldmiðlasamstarfinu.

Rómanska myntsamstarfið frá 1865, sem var sögulegur forveri evru-samstarfsins, var áratugi að liðast í sundur. Ef evran springur ekki með hvelli gæti hún hökt og skrölt um langa hríð.

Engin þjóð með viti lætur sér til hugar koma að ganga inn í evru-samstarfið um þessar mundir. Nema, auðvitað, þjóð sem býr svo illa að hafa yfir sér stjórnvald eins og Samfylkinguna sem ólm vill að Ísland fylgi evrunni síðasta spölinn inn í fyrirséðar hörmungar.


mbl.is Verkefnið að bæta umgjörð krónunnar
Tilkynna um óviðeigandi tengingu við frétt

Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 25
  • Sl. sólarhring: 432
  • Sl. viku: 1882
  • Frá upphafi: 1109170

Annað

  • Innlit í dag: 20
  • Innlit sl. viku: 1631
  • Gestir í dag: 20
  • IP-tölur í dag: 20

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband