Leita í fréttum mbl.is

Bloggfærslur mánaðarins, apríl 2012

Krónan, ESB-umsóknin og sjálfstraust þjóðar

ESB-sinnar herjuðu í tíma og ótíma á krónuna og fundu henni allt til foráttu. Íslendingar geta ekki haldið úti eigin gjaldmiðli hét það í áróðrinum. Samanlagðar hagfræðibókmenntir geyma hvergi upplýsingar um hve stórt eða lítið gjaldmiðlasvæði þarf að vera til að lukkast.

Árásir á krónuna dugðu vel til að skapa ótta og draga úr sjálfstrausti þjóðarinnar. Krónan tók dýfu þegar efnahagsaðstæður gjörbreyttust við hrunið. Til samanburðar stóð evran keik. En þegar rann upp fyrir alþjóð að evran hélst stöðug en velferð jaðarríkja evrulands hrundi dró heldur úr ljóma evrunnar.

Íslendingar eru óðum að öðlast sjálfstraust á ný, krónan að eignast nýja bandamenn og þeim fækkar sem vilja Ísland í Evrópusambandi. Allt hangir þetta saman.


mbl.is Einhliða upptaka veikasti kosturinn
Tilkynna um óviðeigandi tengingu við frétt

Evran og lýðræðið eru andstæður

Sósíalistinn Francois Hollande, sem líklega mun sigra Sarkozy Frakklandsforseta eftir viku, segist ætla að rífa upp sáttmálann um fjármálabandalag 25 ESB-ríkja. Merkel kanslari Þýskalands og Sarkozy sömdu fyrir nokkrum vikum um fjármálabandalagið, er kveður t.d. á um hámarksfjárlagahalla evru-ríkja.

Merkel kanslari hefur ítrekað í vikunni að ekki komi til greina að endurskoða sáttmálann. Til að bjarga evrunni verður að beita niðurskurði hjá þeim ríkjum sem söfnuðu skuldum í góðæri lágra vaxta, segir Merkel.

Telegraph segir Hollande eiga bandamenn meðal ráðamanna á Ítalíu og Spáni, sem vilja ekki þýskan niðurskurð. Taki Suður-Evrópuþjóðir höndum saman um að breyta fjármálasáttmálasáttmálanum, sem Þjóðverjar telja nauðsynlegan, neyðist Merkel til að þóknast þýskum þjóðarvilja og draga Þýskaland úr evru-samstarfinu.

Lýðræðisvilji Evrópuþjóða birtist í kjöri til þjóðþinga. Evran er ekki með neitt þjóðþing á bakvið sig og mun víkja. Spurningin er aðeins hvenær.


mbl.is Hollande með gott forskot
Tilkynna um óviðeigandi tengingu við frétt

Þjóðin afþakkar ferð með Titanic

Afgerandi meirihluti þjóðarinnar afþakka boðsferð Samfylkingar með ESB-Titanic sem steytir á ísjaka á hverri stundu, samkvæmt orðum spænska utanríkisráðherrans. Ný skoðanakönnun staðfestir að fullveldissinnar eru harðari í afstöðu sinni til ESB-aðildar en fylgjendur, sem eru hálfvolgir í trúnni.

Aularök Össurar og samfylkingarfólks um að ,,kíkja í pakkann" er gersneydd sannfæringu og virkar ekki á aðra en þá sem vita sama og ekkert um hvað málið snýst.

Þjóðin veit sínu viti og hafnar aðild að Evrópusambandinu. Næstu vikur og mánuði mun þess afstaða harðna og ESB-leiðangur samfylkingarhluta ríkisvaldsins steytir á skeri. Það verður fleira sem sekkur en ESB-umsóknin.


mbl.is Mikill meirihluti vill ekki í ESB
Tilkynna um óviðeigandi tengingu við frétt

Krónan og fullveldi til framtíðar

Æ fleiri sannfærast um að framtíðarhagsmunum þjóðarinnar er best borgið með fullveldinu óskertu og krónunni sem gjaldmiðli. Bæði hafa aðstæður innanlands þróast á þann veg að rökin fyrir sjálfstæðum gjaldmiðli eru sterkari en áður og svo er hitt að tilraun 17 evru-ríkja með einn gjaldmiðil er að renna út í sandinn.

Vegna krónunnar tókst Íslendingum betur að vinna sig úr kreppunni en til dæmis Írum, sem enn eru í verulegum vanda með ríkisfjármálin og sitja uppi með tvöfalt meira atvinnuleysi á við.

Framsóknarflokkurinn hefur tekið afgerandi afstöðu með fullveldinu og krónunni. Flokkurinn mun njóta þess í næstu þingkosningum.


mbl.is Vill halda í íslensku krónuna
Tilkynna um óviðeigandi tengingu við frétt

Sarkozy tilbúinn að fórna evrunni

Þverrandi pólitískur stuðningur við evruna einmitt þegar gjaldmiðillinn er hvað veikastur fyrir mun óhjákvæmilega leiða til upplausnar evru-samstarfsins. Þjóðverjar, sem segja má að haldi evrunni á floti, hafa gert kröfu um ríkisfjármálabandalag með banni við fjármálahalla upp á meira en 3 prósent.

Hollenska ríkisstjórnin féll vegna aðhaldskröfu nýja ríkisfjármálabandalagsins innan evrulands. Sarkozy Frakklandsforseti, sem nú berst fyrir endurkjöri, segist tilbúinn að setja ríkisfjármálabandalagið í þjóðaratkvæði. Þar með hefur Sarkozy sagt sig úr bandalaginu við Þjóðverja - en það bandalag hefur haldið evrusamstarfinu gangandi í skuldakreppu síðustu 4 ára.

Endatafl evrunnar er að hefjast.


mbl.is Sarkozy lofar þjóðaratkvæði
Tilkynna um óviðeigandi tengingu við frétt

Noregur: ESB gerir árás á Ísland

Æðsta vald Evrópusambandsins gerir árás á Ísland vegna makríldeilunnar, segir í frétt ABC-fréttastofunnar í Noregi. Ráðherraráð ESB mun samþykkja víðtækar heimildir til að kúga Íslendinga til hlýðni í makríldeilunni: löndunarbann á íslensk skip, bann á kaupum og sölu skipa til og frá Íslandi, hafnbann á íslensk skip í höfnum ESB-ríkja og viðskiptabann á útgerðavörur til Íslands.

Norðmenn eru undrandi á hörkunni sem Evrópusambandið sýnir Íslandi. En á meðan íslensk stjórnvöld sýna engin viðbrögð önnur en auðmýkt gagnvart Brussel fær málstaður Íslendinga engan stuðning í Noregi.

Ríkisstjórn Samfylkingar og VG lætur yfir Ísland ganga ofbeldi frá æðstu valdastofnunum Evrópusambandi vegna þess að þröngir flokkshagsmunir eru teknir fram yfir þjóðarhag.


mbl.is Ekki í höndum Samfylkingarinnar
Tilkynna um óviðeigandi tengingu við frétt

Evran hótar heimskreppu

Hvorki Bandaríkin né Kanada samþykktu aukin framlög til Alþjóða gjaldeyrissjóðsins á nýafstöðnum vorfundi sjóðsins. Smærri þjóðir, Bretland til dæmis, voru knúnar til að gefa loforð um aukin framlög.

Allir vita að evru-kreppan er ástæðan fyrir því að Alþjóða gjaldeyrissjóðurinn hamstrar fé til að byggja upp varajóði. ´

Pólitískt uppreisn í evrulandi gegn þýskum fjármálaaga fékk útrás í frönsku forsetakosningunum þar sem fimmtungur kjósenda studdi Le Pen sem vill Frakkland út úr evrunni. Í Holland féll ríkisstjórnin vegna þess að hún gat ekki mætt aðhaldskröfum Evrópusambandsins.

Evran ógnar alþjóðahagkerfinu og gæti leitt yfir okkur heimskreppu.


mbl.is Pólitíkin hefur áhrif á hlutabréf
Tilkynna um óviðeigandi tengingu við frétt

ESB og lýðræðið

Þjóðir Suður-Evrópu mega sitja undir afskiptum Evrópusambandsins af innanlandsmálum sínum vegna þess að þær eru staurblankar og orðnar vanar því að fá peningasekki frá norðri. Þjóðir Norður-Evrópu, aftur á móti, eru ekki á hnjánum þótt halli á ríkissjóði sé meiri en samþykktir ESB leyfa.

Hollendingar munu ekki láta yfir sig ganga miðstýrð fjárlög frá Brussel þegar það rennur upp fyrir þeim að lýðræðislegt vald yfir menntamálum, heilbrigðismálum og almannatryggingum er komið yfir landamærin til Belgíu.

Í umræðunni um skuldakreppu evrulands fer lítið fyrir lýðræðishallanum sem stóraukist hefur með viðbótum við stofnsáttmála ESB, t.d. fjárhagsbandalaginu. Lýðræðishallinn verður brátt meira áberandi með þeim afleiðingum að lögmæti ESB-samvinnunnar verður dregið í meiri efa en hingað til.


mbl.is Hvetur hollensk stjórnvöld að reyna niðurskurð áfram
Tilkynna um óviðeigandi tengingu við frétt

Kvak gærdagsins og staða Íslands

Evruland 17 ESB ríkja deyr á næstu misserum eða árum. Aðeins kjánar láta sig dreyma um að Ísland verði aðili að evrulandi. Krónan er og verður okkar gjaldmiðill næstu árin. Eftir að evruland liðast í sundur verða til ný viðmið í gjaldmiðlamálum heimsins þar sem dollarinn mun eiga fullt í fangi með að halda sínu.

Evru-umræðan er kvak gærdagsins. ESB-umsóknin er óðum að fara í sama flokk, - tilgangslaus umræða þar sem staðfesta þjóðarinnar gegn aðild fer vaxandi samtímis sem staða ESB versnar vegna evru-kreppunnar.

Ísland á ekki heima í Evrópusambandinu. Þegar það hefur verið stðafest þarf að staðsetja okkur upp á nýtt - og það verður aðeins gert með virkri samvinnu við  önnur strandríki í okkar heimshluta: Grænlandi, Færeyjum og Noregi. 


mbl.is Evran engin lausn
Tilkynna um óviðeigandi tengingu við frétt

Jóhanna og ESB-umsóknin eru eitrið

Ofuráhersla Samfylkingarinnar, einkum Jóhönnu, á Evrópusambandið eitraði tilveru ríkisstjórnarinnar frá upphafi. Vinstri græn eru í bóndabeygju út af Evrópuferðinni og geta ekki á heilum sér tekið. Því hefur kvarnast svo úr fylgi stjórnarinnar, að hún hefur tæpan meirihluta, sem dugar alls ekki til afgreiðslu allra mála. Sjálfur styð ég aðildina, en hafna offorsi Jóhönnu. Hún getur ekki troðið aðild upp á þjóð, sem er í vaxandi andstöðu við aðild. En Jóhanna er svo einþykk, að hún skilur þetta ekki. Jóhanna og Evrópa eru eitrið í stjórnarsamstarfinu, sem hindrar hvert stjórnarmálið á fætur öðru.

Tekið af Jónasi

http://www.jonas.is/leidarar/greininp.lasso?id=16533

 


Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 164
  • Sl. sólarhring: 415
  • Sl. viku: 2021
  • Frá upphafi: 1109309

Annað

  • Innlit í dag: 152
  • Innlit sl. viku: 1763
  • Gestir í dag: 151
  • IP-tölur í dag: 151

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband