Leita í fréttum mbl.is

Bloggfærslur mánaðarins, júní 2016

ESB-marineruðum kerfiskrötum líkar ekki lýðræðið!

arniPOkkur andstæðingum aðildar Íslands að ESB hefur verið legið á hálsi fyrir að hafa haldið því fram að ríki gæti ekki sagt sig úr ESB eftir að það er einu sinni komið inn. Þetta er ekki alls kostar rétt. Samþykktir ESB hafa verið misjafnar í gegnum tíðina hvað þetta varðar en eftir samþykkt Lissabonsáttmálans voru sett inn ákvæði um úrsögn í margrumræddri 50. grein.

Vissulega gengu Grænlendingar úr sambandinu eftir að Danir höfðu ákveðið að ganga þangað inn. En útgönguferlið var Grænlendingum þungt og langdregið. Og nú hafa Bretar samþykkt í þjóðaratkvæðagreiðslu að nýta sér téða 50. grein til útgöngu. En þá rísa upp ESB-marineraðir kerfiskratar og íhaldsmenn í Bretlandi og víðar og segja að nú verði þingið að taka málið til sín. Það sé ekki hægt að láta þjóðina ákveða í einfaldri atkvæðagreiðslu svona stórt og flókið mál. Þessir aðilar, sem eru t.d. virkir í Verkamannaflokknum, segja nú m.a. að ekki hafi verið búið að samþykkja lög og móta þá leið sem fara eigi við útgöngu! 

Í svipaðan streng tók Árni Páll Árnason,fyrrverandi formaður Samylkingarinnar, í viðfestri grein úr mbl.is. 

Hvað er að þessu fólki? Árni Páll og ýmsir breskir kratar virðast telja vafasamt að láta þjóðir kjósa um jafn stóir mál og aðild að ESB eða úrsögn úr því eftir atvikum. Þessir ESB-marineruðu kerfiskratar vilja að aðeins stjórnmálamenn og embættismenn sem hafa hlotið hæfilega Brussel-skólun fái að vega og meta kosti og galla ESB-aðildar og ákveða leiðir.

Það hefur lengi verið talað um lýðræðishallann í ESB út frá ýmsum forsendum. Síðustu daga hefur lýðræðishallinn náð nýjum hæðum í huga Árna Páls og annarra ESB-krata.

 


mbl.is Breska þjóðaratkvæðið „furðuflipp“
Tilkynna um óviðeigandi tengingu við frétt

Áráttuhegðun innan ESB

Það er undarleg þessi árátta ESB-aðildarsinna að segja mönnum að hunskast í burtu. Juncker forseti framkvæmdastjórnar sagði breskum fulltrúum á þingi ESB að koma sér heim og nú heimtar íhaldsmaðurinn Cameron að kratinn Corbyn hunskist heim til sín. Kannski þarf að senda sáttasemjara frá SÞ á svæðið?


mbl.is „Í guðs bænum, farðu!“
Tilkynna um óviðeigandi tengingu við frétt

Munchau: Íslenska leiðin er best eftir Brexit!

Wolfgang Munchau, þekktur fréttaskýrandi um Evrópumál, skrifar í Financial Times í dag að Bretar eigi að velja norsku leiðina í Evrópusamstarfi eftir Brexit. Hann minnist hvergi á Ísland sem er þó í sömu stöðu og Noregur. Það er kannski of erfitt fyrir breska stórblaðið Financial Times að nefna Ísland sem fyrirmynd eftir leikinn í gær?


Til hamingju Ísland!

lididÁrangur íslenska karlalandsliðsins er frábær.

Ætli Englendingar heimti nokkuð að leikurinn verði endurtekinn! :-)

Til hamingju Ísland!


mbl.is Áttuðu sig ekki á íslensku geðveikinni
Tilkynna um óviðeigandi tengingu við frétt

Til hamingju, Guðni Th. Jóhannesson!

gudniVið óskum Guðna Th. Jóhannessyni, nýkjörnum forseta Íslands, til hamingju með kjörið. Jafnframt óskum við honum velfarnaðar í starfi, þjóð og landi til heilla. 


Misskipting auðs í ESB

Vaxandi misskipting auðs í ESB-löndum er ein af ástæðum þess hversu margir eru óánægðir með sambandið. Jón Bjarnason, fyrrverandi ráðherra og formaður Heimssýnar, kom inn á þetta í viðtali í hádegisfréttum Ríkisútvarpsins rétt í þessu. 

Viðtalið var tekið í tilefni af úrsögn Breta úr ESB en Jón sagði að sú niðurstaða væri sigur lýðræðisins gegn hinu miðstýrða bandalagi. Þá sagði Jón að misskipting auðs væri gífurleg í ESB-ríkjunum.  

Jón sagði sagði rétt fyrir Íslendinga að draga þá ályktun af kosningunni í Bretlandi að Alþingi samþykkti að draga umsóknina frá 2009 að ESB formálalaust til baka.

Því má svo bæta við hér að það er ekki bara misskiptingin innan ESB-ríkja sem er vandamálið, heldur ekki síður það að auðurinn hefur færst frá jaðarlöndunum í suðri til Þýskalands og fáeinna annarra ríkja. Fyrir vikið hefur skuldasöfnun, atvinnuleysi og efnahagsbasl aukist í jaðarríkjunum í suðri sem þekkt er.


Una ekki lýðræðislegri niðurstöðu

Það er athyglisvert að ýmsir Bretar una ekki þeirri lýðræðislegri niðurstöðu sem fengin var í gær með Brexit. Nú krefjast þeir að það verði kosið aftur og að ekki sé hægt að samþykkja úrsögn nema með þröngum skilyrðum. Þetta leiðir hugann að því háttalagi ESB-sinnaðra ríkisstjórna á fyrri árum að láta kjósa aftur og aftur um samninga og mál þar til sú niðurstaða fæst sem er ESB þóknanleg. 

Þessar kosningar í Bretlandi í gær eru verulega athyglisverðar. Bretar gengu í forvera ESB árið 1973 með samþykkt ríkisstjórnar Íhaldsflokksins. Tveimur árum síðar fékk breska þjóðin að segja sitt um þetta ESB-light sem þá var fremur lítil reynsla komin á.

Þá vildu átta milljónir Breta ekki vera í því sambandi.

Nú þegar ríflega fjörutíu ára reynsla er komin á aðildina sögðu ríflega 17 milljónir Breta að þeir vildu ekki vera í þessu ESB-regular sem stefnir að því að verða ESB-extra. Andstaðan er misjafnlega mikil eftir svæðum, aldri og ýmsum hópum. Svo er alltaf.

En þetta er niðurstaða í lýðræðislegri þjóðaratkvæðagreiðslu sem er það form sem þjóðir hafa valið til að leysa úr ágreiningi um stór mál.


mbl.is „Látum ekki taka Evrópu frá okkur“
Tilkynna um óviðeigandi tengingu við frétt

Brexit eru góð tíðindi fyrir Ísland

Þetta kemur fram í viðtali við Ólaf Ragnar Grímsson, forseta Íslands á mbl.is í dag. Ólafur Ragnar segir:

Nú ger­ist það í þriðja sinn á ör­fá­um árum að þjóð rís upp gegn ráðandi stefnu Evr­ópu­sam­bands­ins. Það hlýt­ur að vera öll­um stuðnings­mönn­um Evr­ópu­sam­bands­ins, hvort sem þeir eru hér á Íslandi eða ann­ars staðar, al­var­legt um­hugs­un­ar­efni að eft­ir ára­tugareynslu af sam­band­inu skuli meiri­hluti Breta segja nei.


mbl.is Mjög góð tíðindi fyrir Ísland
Tilkynna um óviðeigandi tengingu við frétt

EFTA mun styrkjast við útgöngu Breta úr ESB

ragnar_arnaldsLíkleg er að EFTA muni styrkjast við útgöngu Breta úr ESB. Þetta er mat Ragnars Arnalds, fyrrverandi fjármálaráðherra, þingmanns og fyrsta formanns Heimssýnar, eins og fram kemur hér í viðtali Morgunblaðsins við hann. 

Ragnar hefur marga fjöruna sopið í stjórnmálum síðustu 50 árin og hefur því meiri yfirsýn en margur. Hann telur að úrsögn Breta úr ESB muni hafa áhrif á umræðuna víða í Evrópu, ekki hvað síst á Norðurlöndum og að hér á landi muni fylgjendur aðildar eiga erfiðar uppdráttar í ljósi þessara merkilegu tíðinda frá Bretlandi.

 

Bretar lausir við evruna - en vilja samt fara

Hér má svo bæta því við að það er ennþá merkilegra við þessar kosningar að Bretar eru með pund en ekki evru. Þessum sameiginlega gjaldmiðli, evrunni, hefur veri hallmælt mjög á undanförnum árum og henni kennt um ýmislegt sem aflaga hefur farið í efnahagsmálum, einkum á suðurjaðri evrusvæðisins. En Bretar eru með sitt pund og hafa verið ánægðir með það til þessa. Það að þeir skuli samt vilja fara úr ESB, verandi lausir við evruna, er því enn merkilegra.

 


mbl.is Mikil áhrif hér á landi
Tilkynna um óviðeigandi tengingu við frétt

Ein stærsta stund í sögu ESB og Bretlands: Bretar yfirgefa ESB

Nú á sjötta tímanum á þessum fallega föstudgsmorgni 24. júní 2016 er orðið ljóst að Bretar hafa ákveðið að yfirgefa ESB. Alls hafa 52% breskra kjósenda lýst þeim vilja sínum að Bretland skuli ganga úr sambandinu. Niðurstaðan er reiðarslag fyrir Cameron forsætisráðherra Bretlands og alla forystu Evrópusambandsins. Bretar hafa hafnað hinu ólýðræðislega sambandi og þeim ókostum sem því fylgir.

Eins og búast má við gætir nokkurrar geðshræingar á mörkuðum sem eiga það nú til að bregðast fyrst hart við stórum atburðum af þessu tagi. Viðbúið er að þessi geðshræring verði dálítið ofan á í herbúðum fylgjenda aðildar, á mörkuðum og í stjórnkerfi ESB-landanna fyrstu dagana. Það tekur hins vegar tíma fyrir Breta að komast út úr sambandinu. Það er hins vegar nú þegar ljóst að niðurstaðan í Bretlandi mun ýta undir kröfur víðar um úrsögn úr ESB. Þegar hafa heyrst raddir um slíkt frá Hollandi og búast má við að andstæðingar í Danmörku, Ungverjalandi, Svíþjóð og víðar muni herða á kröfum sínum um að löndin segi skilið við ESB.

Bretar höfnuðu í gær hinu skrifræðislega bákni sem ESB er. Þeir höfnuðu þeim lýðræðishalla sem fólst í þátttöku í ESB, þeir höfnuðu fjarlægðinni sem er á milli kjósenda og fulltrúa þeirra í ESB og þeir höfnuðu því ósjálfstæði sem felst í aðild að ESB. Bretar vilja nú taka málin í eigin heldur, ráða sínum málum sjálfir en ekki láta einhverja skriffinna með hagsmuni ESB og Brussel á oddinum ráða ferð. 

Þetta hlýtur allt saman að vera umhugsunarefni fyrir okkur hér á Íslandi. Niðurstaðan staðfestir þá miklu óánægju sem er ekki aðeins í Bretlandi með ESB, heldur miklu víðar. Og sú óánægja er vaxandi. Hér á landi þora stjórnmálamenn ekki lengur að viðurkenna að þeir vilji að Ísland gangi í ESB eins og sést á því hvernig svokölluð Viðreisn var kynnt til sögunnar. Samfylkingin, sá flokkur sem hafði ESB-aðild mest allra flokka á stefnuskrá sinni, er við það að hverfa. 

ESB er stundum eins og klístur sem þú losnar ekki við. Það var upplifun þeirra Svisslendinga sem höfnuðu aðild að ESB (reyndar EES, en um leið ESB) en drógu umsóknina ekki formlega til baka. Þrátt fyrir að umsóknin hefði legið í dvala í mörg ár og væri í huga ýmissa dautt plagg, þá var ekki litið þannig á í ýmsum stofnunum ESB. Þess vegna þótti svissneskum stjórnmálamönnum nauðsynlegt að draga umsóknina til baka með formlegum hætt. Það var gert nýlega.

Er nú ekki kominn tími til að Ríkisstjórn Ísland fylgi eftir því stefnumáli sínu að halda Íslandi utan ESG og dragi umsóknina formlega til baka?


mbl.is Bendir enn til útgöngu Breta
Tilkynna um óviðeigandi tengingu við frétt

Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 27
  • Sl. sólarhring: 430
  • Sl. viku: 1884
  • Frá upphafi: 1109172

Annað

  • Innlit í dag: 22
  • Innlit sl. viku: 1633
  • Gestir í dag: 22
  • IP-tölur í dag: 22

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband