Skarð fyrir skildi

 

Styrmir Gunnarsson starfaði af krafti með Heimssýn og var af honum mikill styrkur. Hjálögð mynd var tekin af þeim Ögmundi Jónassyni á fullveldishátíð 2019, en þar höfðu þeir báðir framsögu. Heimssýn vottar fjölskyldu Styrmis innilega samúð og harmar fráfall hans mjög.  Eftirfarandi eru minningarorð Jóns Bjarnasonar.

 

"Alþingi verður að draga umsóknina frá 2009 að Evrópusambandinu til baka. Yfirlýsingar einstakra ráðherra eða ríkisstjórnar án samþykkis Alþingis eru marklausar.

Slíkt getur aðeins þýtt að einstakir hlutar ESB-ferlisins verða settir á bið eða fá önnur andlit.

Þriðji Orkupakki ESB sem samþykktur var á Alþingi sl. vetur er dæmi um þennan pólitíska tvískinnung stjórnmálamanna sem skortir hugsjónir.

Við verðum að halda baráttunni áfram til verndar fullveldinu"

Á þessa lund voru ein síðustu orðin sem fóru milli okkar Styrmis sl. vor á fundi hjá Heimsýn.

Ég kynntist Styrmi vel þegar ég tók sæti 2013 í stjórn Heimsýnar baráttusamtaka gegn inngöngu Íslands í ESB.

En ég var þar formaður í nokkur ár.

Þetta voru miklir baráttu tímar.

Alþingi samþykkti naumlega vorið 2009 að senda inn umsókn um inngöngu Í ESB. Ég var umsókninni afar andvígur 

Inngöngubeiðnin var undirrituð af þáverandi forsætisráðherra og utanríkisráðherra án fyrivara af Íslands hálfu. Í umsókninni fólst skuldbinding um að hlíta öllum reglum og kröfum ESB í því ferli.
Barátta okkar í Heimssýn snerist um að stöðva umsóknarferlið og draga umsóknina formlega til baka með samþykkt Alþingis.

Við  Styrmir og fleiri í Heimsýn bundum miklar vonir við að ríkisstjórn Sjálfstæðisflokks og Framsóknarflokks sem var mynduð 2013 undir forystu Sigmundar Davíðs Gunnlaugssonsr og Bjarna Benediktssonar stæði við gefin fyrirheit: "Að Alþingi samþykkti að afturkalla umsóknina frá 2009 að ESB".

Því miður gugnaði ríkisstjórn þessara flokka á að fylgja eftir þessum loforðum sínum. En settu umsóknina aðeins í bið.

Og þó við Styrmir deildum ekki skoðunum í einstökum grundvallarmálum  stjórnmálanna dáðist ég að stefnufestu hans og víðtækri þekkingu á fjölbreyttum sviðum þjóðlífsins innanlands sem utan. 
Við Styrmir störfuðum allnáið saman á þessum Heimsýnarárum. Og við áttum fundi með forseta Íslands, ráðherrum í ríkisstjórn og innlendum sem erlendum stjórnmálaleiðtogum í baráttunni fyrir fullveldi þjóðarinnar; Að Ísland gæti tekið þátt í samstarfi þjóða á aþjóðavettvangi sem fullvalda ríki á jafnréttis grunni en ekki sem hluti borgríkis ESB.

Það var gott að sitja á milli þeirra félaganna Ragnars Arnalds og Styrmis Gunnarssonar á Heimsýnarfundum:

"Sjálfstæðið er sívirk auðlind"  var boðorð Ragnars. Þar var samstaðan þétt.

Baráttuhugur og djörf sýn Styrmis Gunnarssonar fylgir okkur sem leiðarljós til sigurs í þeirri eilífu vegferð sem sjálfstæðisbarátta lítillar þjóðar er. 

Grein Styrmis í Morgunblaðinu í dag "Menning og pólitík" segir margt um sýn Styrmis á samhengi hlutanna. 

Pólitik án siðmenningar er "ógeðsleg" eins og hann sjálfur komst að orði. 

Með Styrmi Gunnarssyni er fallinn einn áhrifamesti einstaklingur íslenskrar stjórnmála og stjórnmálumræðu síðustu áratuga.

Með þökk fyrir samferðina

Blessuð sé minning Styrmis Gunnarssonar 

Fjölskyldu Styrmis sendi ég innilegar samúðarkveðjur

   

Svarið liggur fyrir

Hópur, sem flestir líta á sem auðtrúa sérvitringa, vill fyrir alla muni færa ríkisvaldið til útlanda.  Hópurinn býður fram í næstkomandi Alþingiskosningum. 

Einn þeirra skrifar í Vísi og vill “útkljá vafamál” og “fá svör við spurningum” í svokölluðum viðræðum við Evrópusambandið. 

Svarið liggur fyrir.  Það er að Evrópusambandið ræður innan Evrópusambandsins.  Sambandið er í langvinnu samrunaferli og það er í besta falli barnalegt að halda að einhver “vafamál” hvort heldur er í nútíð eða framtíð verði útkljáð í inngönguferli.  Formlegar valdheimildir Evrópusambandsins og aðferðir sem það getur beitt gagnvart erfiðum hreppum eru slíkar að textar í gömlum samningum vega létt. Tíminn vinnur fljótt á svoleiðis samningum.  Hverjum datt t.d. í hug árið 1994, að eftir aldarfjórðung fengi Evrópusambandið í skjóli EES að skikka Íslendinga til að heimila innflutning á ófrosnu kjöti og að framselja dómsvald í orkumálum?

https://www.visir.is/g/20212141447d/um-spaenska-togara-og-hraedsluarodur

 

Þeim svipar saman, hjörtum á Íslandi og í Kína

Í Kínaveldi býr gömul, nægjusöm og þakklát kona.  Hún á tengdason sem býr í Vesturheimi.  Tengdasonurinn hefur efasemdir um að allt gott í Kína sé kommúnistaflokknum að þakka, en það skilur sú gamla illa.  Hún spyr: “Hvernig dettur þér í hug að efast um ágæti flokksins sem hefur útvegað mér ómælda vinnu, húsaskjól og nægar núðlur alla ævi?”.     

Á Íslandi er maður sem öðru hverju skrifar um dásemdir Evrópusambandsins og hvernig allt gott er því að þakka.  Hann heitir Ole Anton Bieltvedt.  Þeim svipar dæmalaust saman, hjörtum Ole Antons og þeirrar kínversku.