Svarið liggur fyrir

Hópur, sem flestir líta á sem auðtrúa sérvitringa, vill fyrir alla muni færa ríkisvaldið til útlanda.  Hópurinn býður fram í næstkomandi Alþingiskosningum. 

Einn þeirra skrifar í Vísi og vill “útkljá vafamál” og “fá svör við spurningum” í svokölluðum viðræðum við Evrópusambandið. 

Svarið liggur fyrir.  Það er að Evrópusambandið ræður innan Evrópusambandsins.  Sambandið er í langvinnu samrunaferli og það er í besta falli barnalegt að halda að einhver “vafamál” hvort heldur er í nútíð eða framtíð verði útkljáð í inngönguferli.  Formlegar valdheimildir Evrópusambandsins og aðferðir sem það getur beitt gagnvart erfiðum hreppum eru slíkar að textar í gömlum samningum vega létt. Tíminn vinnur fljótt á svoleiðis samningum.  Hverjum datt t.d. í hug árið 1994, að eftir aldarfjórðung fengi Evrópusambandið í skjóli EES að skikka Íslendinga til að heimila innflutning á ófrosnu kjöti og að framselja dómsvald í orkumálum?

https://www.visir.is/g/20212141447d/um-spaenska-togara-og-hraedsluarodur

 

Athugasemdir

[Gunnar Heiðarsson, 11.8.2021 kl. 23:30]

 Það er sorglegt að fólk sem vill láta taka sig alvarlega skuli ekki þekkja ESB betur en fram kemur í viðhengdri grein. Umsóknarríki að esb verður að aðlaga sig að lögum þess. Annað er fullkominn ómöguleiki fyrir sambandið. Því er ekkert um að semja, einungis aðild með öllum kostum og göllum sem því fylgja.

Menn geta hins vegar deilt um þá kosti og galla, en því miður er málflutningur esb sinna ekki á þann hátt. Þeir þykjast geta samið.

Sá er þessa athugasemd ritar er ekki í vafa um að fyrir lítið eyland, langt frá meginlandi Evrópu, eru gallar yfirþyrmandi umfram kosti aðildar. Auðvitað má finna einhverja kosti við aðild, en þeir eru léttvægir.

[Halldór Jónsson, 12.8.2021 kl. 07:53]

 Hversvegna veiddu spánskir og franskir togarar við Skotland? Hver leyfði þeim það?