Leita í fréttum mbl.is

Bloggfærslur mánaðarins, febrúar 2012

67% þjóðarinnar segja NEI við ESB-aðild

Meirihluti þjóðarinnar vill draga tilbaka ESB-umsókn samfylkingarhluta ríkisvaldsins. Afgerandi meirihluti, 56 prósent, er andvíg aðild Íslands að Evrópusambandinu og heil 67 prósent myndu segja nei í þjóðaratkvæðagreiðslu um aðild.

Skoðanakönnun sem Capacent Gallup gerði fyrir Samtök iðnaðarins sýnir einangrun sértrúarsafnaðarins í kringum Samfylkinguna sem vill troða Íslandi inn í Evrópusambandið með góðu eða illu.

Ótækt er að alþingi láti viðgangast að utanríkismál þjóðarinnar séu í gíslingu sértrúarsöfnuðar.


mbl.is 67% myndu hafna ESB-aðild
Tilkynna um óviðeigandi tengingu við frétt

Utanríkismál flokksvædd í þágu Samfylkingar

Þjóðarhagsmunir víkja fyrir flokkshagsmunum Samfylkingar í utanríkismálum Íslands. Samfylkingin er eini flokkurinn á alþingi sem er með aðild að Evrópusambandinu á stefnuskrá sinni. Með gíslatöku Samfylkingar á Vinstri grænum samþykkti alþingi naumlega að senda umsókn til Brussel sumarið 2009.

Umsóknin um aðild Íslands kemst hvorki lönd né strönd vegna þess að enginn áhuginn er í þjóðfélaginu að framselja fullveldið til Brussel. Fáeinar klíkur í stjórnkerfinu, sem byggja afkomu sína á dagpeningum, sýna inngöngu áhuga í eiginhagsmunaskyni.

Áróðurinn fyrir aðild er aumingjalegur. ,,Klárum ferlið," er til merkis um uppgjöf þar sem ESB-sinnar eru löngu hættir að halda fram rökum fyrir inngöngu, - að klára samninginn er sjálfstætt markmið. Og eftir því sem Evrópusambandið breytist vegna aðgerða til að bjarga álfunni frá skuldakreppunni verður viðrinisháttur íslensku ESB-sinnanna meiri. Helstu málpípur þeirra segja ekki múkk um þróunina á meginlandi Evrópu.

Spurningin er hve lengi stjórnmálaflokkar á alþingi ætla að leyfa Samfylkingunni að einoka utanríkismál Íslendinga.


mbl.is Segir Össur vilja draga málið á langinn
Tilkynna um óviðeigandi tengingu við frétt

Össur og Árni Þór skella á Ögmund: Jón Bjarna til bjargar

Ögmundur bauð Össuri utanríkis upp á að klára aðildarsamninga á næstu mánuðum og fá þjóðaratkvæði til að skera úr um hvort Ísland ætti heima í Evrópusambandinu eða ekki. Össur og laumuaðildarsinninn í VG, Árni Þór Sigurðsson, hafna báðir málaleitan Ögmundar.

Næsta skref Ögmundar er að taka undir með Jóni Bjarnasyni um að styðja þingsályktunartillögu Vigdísar Hauksdóttur um að umsóknar- og aðlögunarferlið að Evrópusambandinu verði lagt undir dóm þjóðarinnar í sumar.

Samfylkingin vill hvorki þjóðaratkvæði um ESB-umsóknin né vill Samfylkingin ljúka ESB-ferlinu. Ástæðan er sú að Samfylkingin vill nota ESB-málið til að halda utanum 30 prósent fylgi sem ESB-aðild hefur í samfélaginu. Hér komið klassískt dæmi um sértrúarsöfnuð sem kemst í aðstöðu til að kúga meirihlutann.


mbl.is Ögmundur skorar á Össur
Tilkynna um óviðeigandi tengingu við frétt

Dagsetjum viðræðulok, segir Ögmundur

Ögmundur Jónasson innanríkisráðherra leggur til á heimasíðu sinni að viðræðulok við Evrópusambandið verði dagsett. Af orðum Ögmundar er helst að ráða að liggi ekki fyrir aðildarsamningur verði viðræðum hætt. Orðrétt segir Ögmundur

Lagt er til að viðræðum við ESB verði hraðað. Dagsetning ákveðin fyrir þjóðaratkvæðagreiðslu í síðasta lagi undir lok þessa kjörtímabils. Samninganefndum okkar og ESB verði gerð grein fyrir því að þetta afmarki þann tímaramma sem þær hafi til að fá efnislegar niðurstöður í þeim málaflokkum sem helst varða okkar hag.

Hér er nokkurt nýmæli er ESB-umræðunni. Dagsetningin sem Ögmundur ræðir getur í síðasta lagi verið næsta vor, þegar þingkosningar verða.


Ögmundur fastur í gildru: ESB niðurlægir okkur

Evrópusambandið niðurlægir Ísland með afskiptum af innanríkismálum okkar, sagði Ögmundur Jónasson innanríkisráðherra og flokksráðsfundi Vinstri grænna. Hann uppskar lófatak þegar sagðist vilja koma þessu ,,óþurftarmáli út úr heiminum" með þjóðaratkvæðagreiðslu.

Ögmundur og meirihluti þingflokks Vinstri grænna var leiddur í gildru af Össuri Skarphéðinssyni ESB-plottara Samfylkingarinnar í upphafi ríkisstjórnarsamstarfsins. Gildran var Ögmundi og öðrum í þingflokknum var talin trú um að hægt væri að sækja um, semja og greiða þjóðaratkvæði um inngöngu á 18-24 mánuðum.

En þannig ganga hlutirnir ekki fyrir sig í Brussel. Evrópusambandið klára ekki samninga við umsóknarríki nema nokkurn veginn tryggt sé að þjóðaratkvæðagreiðsla leiði til jákvæðrar niðurstöðu fyrir Evrópusambandið. Þökk sé misráðinni og vanhugsaðri ESB-umsókn erum við komin á krókinn hjá Evrópusambandinu og núna er Brusselvaldið að þreyta smáfiskinn Ísland.

Eina leið Ögmundar og félaga er að afturkalla ESB-umsóknina.


mbl.is Ögmundur: Ógeðfellt aðlögunarferli
Tilkynna um óviðeigandi tengingu við frétt

ASÍ boðar ESB-eymd

Atvinnuleysi í ríkjum Evrópusambandsins er víð 15 til 20 prósent og atvinnuleysi ungs fólks allt upp í 40 prósent. Evrópska félagskerfið er hrunið og langtímakreppa að leggjast yfir álfuna.

Hvað gerir Alþýðusamband Íslands? Jú, kontóristarnir krefjast þess að Ísland verði aðili að ESB-eymdinni með því að ganga inn í sambandið.

Alþýðusambandið er löngu hætt að tala fyrir almenning. Kontóristarnir tala fyrir dagpeningafólkið sem ferðast fyrir vinnuna til Brussel og safnar þannig ferðapunktum handa sjálfu sér og fær þar með niðurgreiðslu á sumarleyfinu.


mbl.is Evrópska félagsmálakerfið horfið
Tilkynna um óviðeigandi tengingu við frétt

Evran er ónýt röksemd fyrir ESB-aðild

Evruland er á leið í samdrátt sem mun annað tveggja leiða til uppbrots á gjaldmiðlasvæðinu, sem núna telur 17 þjóðir, eða stórfelldrar miðstýringar á efnahagskerfum þessara landa - þ.e. myndun Stór-Evrópu.

Í nýrri skýrslu um valkosti Grikklands sem bandarísk rannsóknastofnun gaf út er útskýrt hvernig valið stendur um evru-samstarf og áratuga kreppu annars vegar og hins vegar að taka upp eigin gjaldmiðil og eiga möguleika á viðspyrnu og hagvexti.

Gerólík innbyrðis staða evru-ríkjanna kallar á gerólíkar efnahagsráðstafanir. Evru-svæðið býður á hinn bóginn aðeins upp á eina uppskrift. Niðurskurður í ríkisútgjöldum dýpkar kreppuna og framlengir.

Æ skýrara verður að Ísland á ekkert erindi inn á evru-svæðið. Ísland vinnur sig hratt og vel út úr kreppunni sem evrulöndin komast ekki upp úr vegna þess að gjaldmiðillinn og miðstýringin frá Brussel tekur af þeim bjargirnar.


mbl.is Þrjú evruríki verr metin en Ísland
Tilkynna um óviðeigandi tengingu við frétt

Grikkir vilja ESB-peninga en ekki ESB-yfirvald

Evran lagði grískt efnahagskerfi í rúst vegna þess að verðlag evrunnar tekur ekki mark á grískum veruleika heldur þýskum. Grikkir fá í annað sinn á fáeinum mánuðum björgunarfé frá Evrópusambandinu.

Stíf skilyrði fylgja lánum frá Brussel og finnst mörgum Grikkjanum, líklega með réttu, að fullveldi landsins hafi verið tekið eignarnámi af Evrópusambandinu.

Grikkir vilja peninga frá Evrópusambandinu en þeir vilja ekki afskipti sambandsins af grískum innanlandsmálum. En það er ekki í boði.

Evran gerir grísk innanlandsmálefni, s.s. fjárlög og skattheimtu, að vandamáli Evrópusambandsins. Fjárreiður gríska ríkisins skapa ólgu á öllu evru-svæðinu. Þess vegna fá Grikkir þá ráðleggingu frá Þýskalandi að taka upp drökmu, sinn gamla gjaldmiðil, til hliðar við evru.


mbl.is Grikkland í C-flokk
Tilkynna um óviðeigandi tengingu við frétt

Stjórnarskráin, ESB-umsóknin og valkvætt lýðræði

Ríkisstjórnin hyggst boða til kosninga í sumar, samhliða forsetakosningum, um stjórnarskrárbreytingar. Rökin fyrir kosningunum er að almenningur eigi að fá að segja álit sitt á mikilvægum málefnum landsstjórnarinnar.

Fyrirliggjandi á alþingi er tillaga Vígdísar Hauksdóttur og fleiri um þjóðaratkvæði um umsóknar- og aðlögunarferli Íslands að Evrópusambandinu. Bæði ESB-sinnar og fullveldissinnar eru sammála um að aðild að Evrópusambandinu er stærsta álitamál seinni tíma stjórnmálasögu.

Við viljum þjóðaratkvæði í sumar um umsóknar- og aðlögunarferli Íslands að Evrópusambandinu. Ríkisstjórnin hefur lagt fram rökin. Neiti ríkisstjórnin kröfu um þjóðaratkvæði um umsóknina en haldi atkvæðagreiðslu um stjórnarskrána er það ekki lýðræðisást sem knýr áfram meirihlutann á alþingi.


mbl.is Vill ESB-tillögu á dagskrá
Tilkynna um óviðeigandi tengingu við frétt

Stjórnvöld grafa undan gjaldmiðli þjóðarinnar

Nóbelsverðlaunahafar í hagfræði, t.d. Paul Krugman, segir að sjálfstæður gjaldmiðill hafi bjargað Íslandi frá langvarandi kreppu eftir hrun. Reynslurökin staðfesta orð fræðimanna: Ísland fékk nýlega hækkaða lánshæfiseinkunn.

Þrátt fyrir öflugt efnahagskerfi og gjaldmiðil sem þjónar kerfinu vel nota stjórnvöld hvert tækifæri til að tala niður krónuna. Össur Skarphéðinsson utanríkisráðherra, maður sem segir á ,,rekord" í rannsóknaskýrslu alþingis að hann hafi ekki hundsvit á efnahagsmálum, býr til leikfléttu á alþingi til að sverta krónuna.

Stjórnvöld sem níða skóinn af gjaldmiðli þjóðarinnar starfa ekki í þágu almannaheilla.


mbl.is Enn veikist krónan
Tilkynna um óviðeigandi tengingu við frétt

Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 170
  • Sl. sólarhring: 416
  • Sl. viku: 2027
  • Frá upphafi: 1109315

Annað

  • Innlit í dag: 158
  • Innlit sl. viku: 1769
  • Gestir í dag: 157
  • IP-tölur í dag: 157

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband