Leita í fréttum mbl.is

Bloggfærslur mánaðarins, nóvember 2011

Aðför að Jóni Bjarnasyni vegna ESB-andstöðu hans

Jón Bjarnason sjávarútvegs og landbúnaðarráðherra hefur fylgt yfirlýstri stefnu Vinstri grænna um að Íslandi er betur borgið utan Evrópusambandsins en innan þess. Aðförin að Jóni í ráðherraembætti er vegna þess að hann stendur við loforð Vinstri grænna að Ísland fari ekki í aðlögunarferli að Evrópusambandinu.

Nái aðförin fram að ganga og Jóni verði bolað úr ríkisstjórn Íslands eru ESB-sinnar einráðir í stjórnarráðinu.

Ríkisstjórnin er þar með komin í beina andstöðu við 65 prósent hluta þjóðarinnar sem er andvíg aðild Íslands að Evrópusambandinu. Hversu lengi getur það gengið?


mbl.is Vilja Jón áfram sem ráðherra
Tilkynna um óviðeigandi tengingu við frétt

Ísland með krónu betri en ESB og evran

Ef Ísland hefði verið í evru-samstarfið væri þar meira atvinnuleysi og hagvöxtur nánast enginn, skrifar viðskiptaritstjóri Daily Telegraph, Ambrose Evans-Pritchard. Hann ber saman atvinnuleysi og hagvaxtarhorfur nokkurra evru-ríkja við spá OECD fyrir Ísland og kemst að eftirfarandi niðurstöðu:

Ísland með eigin mynt og fullveldi gat brugðist við hruninu á skilvirkari og skynsamari hátt en þær þjóðir sem búa við evru og Evrópusambandið.

Samt er á Íslandi til fólk sem vill fórna fullveldinu fyrir aðild að Evrópusambandinu. Það er ekki allt í lagi heima hjá okkur.


Evran á tíu daga eftir, nema...

Dagar evrunnar eru taldir nema leiðtogaráð Evrópusambandsins samþykki þríþætta grundvallarstefnubreytingu á næsta neyðarfundi, þann 9. desember. Í fyrsta lagi að Evrópski seðlabankinn fá leyfi til að prenta peninga, í öðru lagi útgáfu evru-skuldabréfa, þar sem ríku Norður-Evrópuþjóðirnar niðurgreiða vexti Suður-Evrópu. Í þriðja lagi þarf að stofna sameiginlegt fjármálaráðuneyti fyrir evrulöndin 17.

Greiningin kemur frá Wolfgang Münchau sem þungaviktarmaður í fjármálaumræðunni og skrifar í Financial Times.

Það er sem sagt lengra til jóla en að evran leggist í kör.


mbl.is AGS á ekki í viðræðum við Ítali
Tilkynna um óviðeigandi tengingu við frétt

Stór-Evrópa - kaputt evra

Eina leiðin til að bjarga Evrópusambandinu úr skuldakreppunni sem stafar af evru-samstarfinu er að leggja niður sem sjálfstæð þjóðríki þau 17 lönd sem mynda evruland. Tálsýn var að aukinn samruni á sviði fjárlagagerðar sé nóg til að bjarga evru-samstarfinu.

Hagfræðingurinn Liam Haligan greinir málið á þennan veg

There is clearly no hope of Germany stumping up any more bail-out cash without tighter controls on the “Club Med” countries’ purse strings. Such controls may be put in place. But that’s not “fiscal union”. The only way a single currency can work in the long term is by pooling a large share of total tax revenues and having intra-regional fiscal transfers, as in the US. Yet that will never happen in Western Europe.

Haligan segir Stór-Evrópu ekki í augsýn og því sé endatafl evrunnar á næsta leiti. Hvernig evru-samstarf ríkjanna 17 mun liðast í sundur er ómögulegt að spá um. Aðeins eitt er öruggt. Evran eins og hún er í dag er kaputt.


mbl.is Ítalir mótmæla einkavæðingu
Tilkynna um óviðeigandi tengingu við frétt

Merkel og íslenska umsóknin

Merkel kanslari Þýskalands sagði á leiðtogafundi í gær vanda evrusvæðisins aðeins leystan með breytingum á stofnsáttmálum Evrópusambandsins og samruna ríkisfjármála aðildarríkjanna. Aumingja Össur utanríkis á Íslandi sagði í fyrradag að skuldakreppan í álfunni væri efnahagslegt lítilræði hvers lausn væri þegar ,,teiknuð."

Samkvæmt Financial Times hefur Merkel ekki áður tekið jafn sterkt til orða um nauðsyn samruna ríkisfjármála. Samruninn felur í sér að fjárlagavaldið flyst frá þjóðríkjum til framkvæmdastjórnarinnar í Brussel.

Ráðuneytið á Rauðarárstíg er ekki með heimild frá alþingi að flytja valdheimildir um íslensk ríkisfjármál til Brussel. Umsóknina um aðild Íslands að Evrópusambandinu verður að afturkalla.

(Tekið héðan.)


Össur fávís um ESB

Pólitískar breytingar á starfsemi Evrópusambandsins voru kynntar í gær, þar sem sambandið tekur sér heimildir til að grípa inn í fjárlög aðildarríkja. Í Evrópu er umræðan öll á þann veg að Evrópusambandið sé búið að vera í núverandi formi og ekkert annað en gerbreyting á stofnanakerfi þess geti bjargað sambandinu.

Vorskipin eru ekki enn komin í höfn hjá utanríkisráðuneyti Íslands með tíðindi úr Evrópu. Í gær stóð í ræðustól alþingis Össur Skarphéðinsson ráðherra utanríkismála og aðlahöfundur umsóknar Íslands um aðild að Evrópusambandinu. Hér er endursögn af málflutningi hans

Össur segist vera þeirrar skoðunar að menn séu búnir að skilgreina vandann í Evrópu. Menn viti í hverju hann liggi. „Þetta er fyrst og fremst skuldakreppa ríkjanna. Menn þekkja vandann og menn þekkja umfang hans,“ segir Össur og bætir við að menn hafi teiknað upp leiðir til að taka á þeim vanda.

Utanríkisráðherra sem ekki er betur að sér um helsta viðfangsefni ráðuneytisins ætti að íhuga nýjan starfsvettvang. Til dæmis að telja fiska.


mbl.is Umræðan „súrrealísk“
Tilkynna um óviðeigandi tengingu við frétt

Fullveldi fórnað fyrir framtíð evrulands

Evru-samstarf 17 af 27 ríkjum Evrópusambandsins krefst æ meira af fullveldi aðildarríkjanna. Framkvæmdastjórnin í Brussel ætlar sér að handstýra ríkisútgjöldum einstakra ríkja. Agavaldi Brussel verður mætt með efnahagslegri skæruliðastarfsemi. Nú þegar neita Grikkir að borga snarhækkaða rafmagnsreikninga.

Tilraunir til herða reglurnar og yfirtaka fullveldi þjóðríkja evrunni til bjargar eru dæmdar til að mistakast að dómi þeirra Simon Tilford og Philip Whyte sem birtu nýlega greiningu á evru-samstarfinu.

Tilford og Whyte eru hlynntir samrunaþróun ESB og þeirra greining er að yfirþjóðlegt vald Stór-Evrópu sé eina meðalið til bjargar - annars sé evru-samstarfið dauðadæmt.


mbl.is Tillögur ESB kynntar í dag
Tilkynna um óviðeigandi tengingu við frétt

Skynsemi.is og ályktun Sjálfstæðisflokksins

Um 9300 manns hafa skrifað undir ályktun á skynsemi.is þar sem segir: ,,Við skorum á alþingi að leggja til hliðar aðildarumsókn að Evrópusambandinu." Efnislega er áskorunin samhljóða ályktun Sjálfstæðisflokksins um að gera hlé á við ræðum við Evrópusambandið, en þar segir

Landsfundur ályktar að gera skuli hlé á aðildarviðræðum við Evrópusambandið og þær ekki hafnar að nýju nema það verði samþykkt í þjóðaratkvæðagreiðslu.

Skynsemin segir okkar að skrifa undir hjá skynsemi.is


Skýr andstaða Sjálfstæðisflokksins við ESB-aðild

Sjálfstæðisflokkurinn vill hætta umsóknarferlinu gagnvart Evrópusambandinu og ekki leggja af stað á ný í þann leiðangur nema að undangenginni þjóðaratkvæðagreiðslu. Hér er málsgreinin um Evrópumál í ályktun landsfundarins

Sjálfstæðisflokkurinn telur að hagsmunum Íslands sé betur borgið með því að standa fyrir utan Evrópusa bandið (ESB) og styður því ekki aðildarviðræður ríkisstjórnarinnar. Samstarfinu við ESB er best viðhaldið og það eflt á grundvelli EES-samningsins. Sjálfstæðisflokkurinn varaði við því að hafnar yrðu aðildarviðræður við ESB án þess að ákvörðun um að óska eftir aðild væri tekin á grundvelli breiðrar samstöðu í samfélaginu og án þess að skýr samningsmarkmið lægju fyrir. Ekkert tillit var tekið til þeirra aðvarana og eru aðildarviðræðurnar nú í ógöngum á ábyrgð klofinnar ríkisstjórnar til málsins. Landsfundur ályktar að gera skuli hlé á aðildarviðræðum við Evrópusambandið og þær ekki hafnar að nýju nema það verði samþykkt í þjóðaratkvæðagreiðslu.

Með þessari samþykkt er enn á ný staðfest einangrun Samfylkingarinnar í Evrópumálum. Allir flokkar nema Samfylkingin eru andvígir aðild Íslands að Evrópusambandinu.


mbl.is Harðlínuöfl ofan á
Tilkynna um óviðeigandi tengingu við frétt

Hlé á ESB-viðræðum, þjóðaratkvæði um framhaldið

Landsfundur Sjálfstæðisflokksins samþykkti ályktun um utanríkismál þar sem segir að hlé skuli gert á aðildarviðræðum við Evrópusambandið og þær ekki hafnar að nýju nema það verði samþykkt í þjóðaratkvæðagreiðslu.

Landsfundurinn ítrekar að Sjálfstæðisflokkurinn er andvígur aðild Íslands að Evrópusambandinu.

Samfylkingin er eini stjórnmálaflokkurinn í landinu sem vill aðild Íslands að Evrópusambandinu.


mbl.is Felldu tillögu um að draga umsókn til baka
Tilkynna um óviðeigandi tengingu við frétt

Næsta síða »

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 203
  • Sl. sólarhring: 393
  • Sl. viku: 2060
  • Frá upphafi: 1109348

Annað

  • Innlit í dag: 185
  • Innlit sl. viku: 1796
  • Gestir í dag: 182
  • IP-tölur í dag: 181

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband