ESB fær íslenska lýtaaðgerð

Já Ísland, vettvangur evrópusinna, birti heilsíðuauglýsingu í Morgunblaðinu 19. nóvember. Fyrirsögnin er “Vissir þú?” og svo eru settar fram ýmsar upplýsingar sem eiga að sannfæra lesandann um ágæti þess að ganga í ESB. En er hægt að treysta þessum upplýsingum? Skoðum það.

“Að 2,5% Íslendinga skrifuðu undir áskorun um að draga umsóknina um aðild að Evrópusambandinu til baka, sem staðið hefur yfir síðan í byrjun september.”

>Nú hafa hátt í 9.000 skrifað undir áskorun www.skynsemi.is  Sá fjöldi myndi duga til að fylla Austurvöll og daglega bætast fleiri í hópinn þótt lítið sé auglýst. Aðildarsinnar láta hér í veðri vaka að 97.5% þjóðarinnar hafi ekki hug á því að skrifa undir áskorunina.

“Að 53% landsmanna vilja klára viðræðurnar við ESB og fá að kjósa um málið í þjóðaratkvæðisgreiðslu.”

>Réttara væri  “53% af þeim sem tóku afstöðu”, annars er gefið í skyn að engir hafi verið óákveðnir og grunsamlegt að gefa ekki upp hlutfall þeirra. 

Í könnun MMR fyrir Andríki 14. nóvember var spurt um afstöðu til viðræðna án þess að spyrða þjóðaratkvæðagreiðslu við annan valkostinn. Niðurstaðan var mjög afgerandi. Minnihluti, eða 35,3%, vill halda umsókninni til streitu en 50,5% vilja draga umsóknina til baka, 14,4% taka ekki afstöðu. Af þeim sem tóku afstöðu vildu 59% draga umsóknina til baka en 41% vildu það ekki. 

“Að 84% íslenskra ungmenna langar að vinna í öðru Evrópuríki til lengri eða skemmri tíma, sem er hæsta hlutfall allra ungmenna í Evrópu.”

>Um þetta er ekkert nema gott að segja, enda veitir EES aðild nú þegar íslenskum ungmennum færi á því að leita sér að vinnu í aðildarlöndum. Það gæti þó verið erfitt í reynd því atvinnuleysi er afar mikið meðal ungmenna í ESB og er 47% á Spáni, þar sem það er hæst.

“Að fólk í Evrópusambandinu hefur fæst heyrt um verðtryggingu, enda er hún afar sjaldgæf í aðildarríkjum ESB.”

>Alveg rétt. En innganga í ESB er samt hvorki nauðsynleg né nægileg til að losna við verðtryggingu. Upptaka evru mun ekki vera í boði fyrr en hér er kominn verðstöðugleiki og skuldir hafa lækkað. Mörg ár geta liðið frá inngöngu og þar til evra er tekin upp. Fram að því verður verðtrygging og lengur, nema við ákveðum annað á Alþingi.

“Að á sama tíma og íbúi í ESB borgar eitt og hálft hús þegar hann kaupir hús, borgum við tvö og hálft hús.”

>Þarna er vitnað í Vísbendingu 2010 sem vitnar í könnun Neytendasamtakanna frá 2005 sem ályktaði að hér væru raunvextir af húsnæðislánum 2,5-5% hærri en í 10 evrópulöndum.

Á hveitbrauðsdögum evrunnar voru vextir vissulega jafn lágir í öllum evruríkjum óháð því hversu skuldug þau voru. En það gjörbreyttist með skuldakreppuni 2008. Ísland og íslensk heimili munu ekki fá lága vexti fyrr en eftir að við höfum greitt niður megnið af skuldunum.

“Að við inngöngu í Evrópusambandið myndu tollar á vörum og landbúnaðarafurðum frá ríkjum ESB falla niður. Því má, samkvæmt nýrri skýrslu, gera ráð fyrir að verð á kjúklingum, eggjum og svínakjöti lækki um 40 – 50% og að verð á mjólkurafurðum lækki um 25%”

>Meðhöfundur umræddar skýrslu hefur nú sent grein í Fréttablaðið til að leiðrétta ofangreiddar afbakanir á niðurstöðunum og segir: “Sannleikurinn er sá að þar stendur mjög lítið um verð til neytenda. Erfitt er að draga nokkrar ályktanir um útsöluverð búvara út frá því sem fram kemur í skýrslunni.” og “Niðurstöður skýrslunnar byggja á mun sterkara gengi krónu en við búum við í dag”.

“Að krónan hefur misst 99.5% af verðgildi sínu gagnvart danskri krónu frá því að hún var tekin í notkun.”

>Gjaldmiðlar sveiflast verulega yfir löng tímabil. Vissir þú að USD hefur frá 1970 tapað 85% af verðgildi sínu gagnvart japönsku yeni? Það sem skiptir mestu er að hér á Íslandi hefur hagkerfið vaxið gríðarlega frá því að þjóðin fékk sjálfstæði. Þjóðin var ein sú fátækasta í Evrópu en telst nú meðal ríkustu þjóða heims. Trúir því nokkur að við værum 200 sinnum ríkari ef við hefðum haft hér danska krónu? (99.5%/0.5%=200) Framundan er ekki sami vöxtur og var frá 1944 og því er ólíklegt að óstöðugleiki krónu verði eins mikill í framtíðinni.

“Að meirihluti atvinnulífsins telur annan gjaldmiðil en krónuna þjóna Íslandi betur.

Annar gjaldmiðill 61%

Íslenska krónan 24%

Hvort sem er       15%”

>Vitnað er í skýrslu Viðskiptaráðs sem kom út í febrúar 2011. Könnunin hefur líklega verið gerð nokkru áður og er því nær ársgömul. Í ljósi þeirra óskapa sem hafa dunið á evrusvæðinu undanfarna mánuði, kæmi ekki á óvart ef áhugi atvinnulífsins á evruaðild sé töluvert minni. Einnig spyrja hvort “Annar gjaldmiðill” á við um evru? Vildu þessir menn kannski fremur USD, NOK, CAD?

“Kaupmáttur frá 2008

Ísland - 8,1%

Finnland  4,5%

Svíþjóð  2,3%

Danmörk     1%”

Hér er tímabilið valið af kostgæfni; Ísland nýbúið að lenda í bankahruni. Reyndar furðulegt að lífskjörin hafi ekki versnað enn meir en þetta. Hvers vegna ekki bera Ísland saman við lönd sem lendu í sæmilegu hruni eins og Írland eða Grikkland? Þetta er villandi samanburður ætlaður til að veikja trú á krónunni.

“Inn- og útflutningur vöru og þjónustu 2010 eftir löndum

ESB ríkin Innfl.: 56,2%    Útfl.: 70,5%

Þar af evru ríkin Innfl.: 27,2%   Útfl.: 49,8%

>Af þessu gæti grandalaus ályktað að útflutningur Íslands sé nánast 50% í evrum. Það er ekki svo, því helmingurinn af útflutingi okkar til evru ríkja er ál sem er verðlagt í USD. Útflutningur er því 37% í USD, en aðeins 27% í EUR. 14% er í GBP og afgangur í öðrum myntum.

-

Svo virðist sem Já Ísland hafi með þessari auglýsingu seilst full langt til að fegra málstaðinn. Slíkrar fegrunar ætti einmitt ekki að vera þörf ef aðild að ESB væri jafn frábær og aðildarsinnar vilja trúa

(Tekið héðan).

Kvótahopp í boði Össurar

Bretar og Írar kynntust kvótahoppi spænskra útgerða strax eftir inngöngu Spánverja í Evrópusambandið um miðjan níunda áratuginn. Með styrkjum frá ESB keyptu Spánverjar útgerðir á Írlandi, Skotlandi og Englandi og komust þannig yfir kvótann. Reynt var að reisa skorður við yfirgangi Spánverja en það kom fyrir lítið. Auðvelt var að sniðganga kvaðir um ,,efnahagsleg tengsl" við það ríki sem í hlut átti.

Aðalsamningamaður Össurar Skarphéðinssonar segir hreint út að Íslendingar verða ofurseldir kvótahoppi gangi þeir í Evrópusambandið

Kolbeinn Árnason, formaður samningshóps um sjávarútvegsmál við Evrópusambandið, segir að ljóst sé að ef Ísland gangi í Evrópusambandið verði borgurum annarra ríkja ESB heimilt að fjárfesta í sjávarútvegsfyrirtækjum á Íslandi en hægt er að krefjast þess að eigendur útgerða hafi efnahagsleg tengsl við það ríki sem úthlutar þeim aflaheimildum.

Innganga í Evrópusambandið er efnahagslegt sjálfsmorð fyrir Íslendinga.

Öðrum leyft að fjárfesta hér

Ómarktæk könnun ESB-sinna

ESB-sinnar keyptu eftirfarandi spurningu hjá Capacent Gallup:

Hvort vilt þú slíta aðildarviðræðum við ESB eða ljúka aðildarviðræðum og fá að kjósa um samning í þjóðaratkvæðagreiðslu?

Með því að tengja þjóðaratkvæðagreiðsluna við aðildarviðræður er sótt í þann hóp fólks sem er hlynnt þjóðaratkvæðagreiðslum - en þarf ekkert endilega að vera hlynnt aðildarviðræðum. Spurningin heldur ekki máli faglega.

Skoðanakönnun sem MMR gerir fyrir Andríki sýnir að meirihluti landsmanna, 50,5 prósent, vill draga aðildarumsóknina tilbaka en 35,3 prósent halda umsókninni til streitu.

Capacent Gallup gerði hliðstæða könnun fyrir Heimssýn í sumar og þar 51 prósent landsmanna fylgjandi því að draga umsóknina tilbaka.

Í báðum þessum könnunum var fylgt heiðarlegum vinnubrögðum og spurt hlutlaust. 

MMR spurði fyrir Andríki svona

„Hversu fylgjandi eða andvíg(ur) ertu því að íslensk stjórnvöld dragi umsókn um aðild að Evrópusambandinu til baka?“

Capacent Gallup spurði fyrir Heimssýn á þennan veg

,,Hversu hlynnt(ur) eða andvíg(ur) ert þú að Ísland dragi til baka umsókn sína um aðild að Evrópusambandinu?“

Með svindlkönnun ESB-sinna, þar sem fylgjendur þess að klára aðildarviðræður eru lagðir saman við þá sem hlynntir eru þjóðaratkvæðagreiðslum, tekst að kreista hlutfallið upp í 53,1 prósent. 

Litlu verður Vöggur feginn.

(Tekið héðan.)

Meirihluti vill kjósa um ESB

Afturköllum ESB-umsóknina, segir þjóðin

Meirihluti þjóðarinnar vill afturkalla umsókn Samfylkingarinnar um aðild Íslands að Evrópusambandinu. Könnun MMR fyrir Andríki sýnir sömu niðurstöðu og könnun Capacent Gallup í sumar fyrir Heimssýn.

Í báðum tilvikum vilja rúm 50 prósent draga umsóknina tilbaka en 35 til 38 prósent vilja halda umsókninni til streitu.

Aðildarsinnar á Íslandi eru fyrir löngu búnir að tapa slagnum um það hvort þjóðin sé fylgjandi eða andvíg aðild Íslands að Evrópusambandinu.

Seinni víglína aðildarsinna, ,,að klára umsóknina til að kíkja í pakkann," er að hrynja.

Fleiri vilja hætta við umsókn

Svindlkönnun ESB-sinna fyrir landsfund

Á morgun verður birt skoðanakönnun aðildarsinna þar sem Capacent Gallup hefur selt trúverðugleika sinn og hannað niðurstöður fyrir aðildarsinna. Spurning Capacent Gallup er þessi:

 

Hvort vilt þú slíta aðildarviðræðum við ESB eða ljúka aðildarviðræðum og fá að kjósa um samning í þjóðaratkvæðagreiðslu?

1  Slíta aðildarviðræðum

2 Ljúka aðildarviðræðum við ESB og fá að kjósa um samninginn í þjóðaratkvæðagreiðslu.

3 Vil ekki svara

4 Veit ekki

Framsetningin á spurningunni þverbrýtur meginreglur skoðanakannana. Viðskeytið ,,fá að kjósa um samninginn í þjóðaratkvæðagreiðslu" við einn svarmöguleikann skekkir niðurstöðuna. Þeir sem vilja slíta aðildarviðræðum þurfa að vera á móti þjóðaratkvæðagreiðslum - en það er óvart tveir aðskildir hlutir.

Skoðanakönnunin verður kynnt á landsfundi Sjálfstæðisflokksins og til þess gerða að hafa áhrif á landsfundarfulltrúa.

Líklega verður næsta skoðanakönnun aðildarsinna á þessa leið: viltu fá samning við Evrópusambandið og betra veðurfar?

(Tekið héðan.)

Svindlkönnun ESB-sinna fyrir landsfund

Á morgun verður birt skoðanakönnun aðildarsinna þar sem Capacent Gallup hefur selt trúverðugleika sinn og hannað niðurstöður fyrir aðildarsinna. Spurning Capacent Gallup er þessi:

 

Hvort vilt þú slíta aðildarviðræðum við ESB eða ljúka aðildarviðræðum og fá að kjósa um samning í þjóðaratkvæðagreiðslu?

1  Slíta aðildarviðræðum

2 Ljúka aðildarviðræðum við ESB og fá að kjósa um samninginn í þjóðaratkvæðagreiðslu.

3 Vil ekki svara

4 Veit ekki

Framsetningin á spurningunni þverbrýtur meginreglur skoðanakannana. Viðskeytið ,,fá að kjósa um samninginn í þjóðaratkvæðagreiðslu" við einn svarmöguleikann skekkir niðurstöðuna. Þeir sem vilja slíta aðildarviðræðum þurfa að vera á móti þjóðaratkvæðagreiðslum - en það er óvart tveir aðskildir hlutir.

Skoðanakönnunin verður kynnt á landsfundi Sjálfstæðisflokksins og til þess gerða að hafa áhrif á landsfundarfulltrúa.

Líklega verður næsta skoðanakönnun aðildarsinna á þessa leið: viltu fá samning við Evrópusambandið og betra veðurfar?

(Tekið héðan.)

Dregur saman með frambjóðendum

Þjóðverjar og Bretar og ólík ESB-framtíð

Þjóðverjar krefjast þess að Bretar borgi meira til að bjarga evru-samstarfinu. Ítalía og önnur Suður-Evrópuríki eru komin að fótum fram og þurfa meiri efnahagsaðstoð en Þjóðverjar og Frakkar hafa efni á að veita.

Bretar, á hinn bóginn, eru ekki í evru-samstarfinu og hafa auk þess allt aðra sýn á framtíð Evrópusambandsins en Frakkar og Þjóðverjar. Bretar sjá fyrir sér fríverslunarbandalag en meginlandsþjóðirnar sameinaða Evrópu.

Telegraph fjallar um ásakanir Þjóðverja á hendur Bretum að þeir vilji ekki borga fyrir sameiginlegar þarfir Evrópusambandsins en aðeins njóta ávaxtanna. Bretar svara á móti að það sé evru-samstarfið sem sé í uppnámi en ekki Evrópusambandið sjálft.

Orrahríðin er rétt að hefjast. Til að bjarga evru-samstarfinu verður að stórauka miðstýringu á ríkisfjármálum þeirra 17 ríkja af 27 ESB-ríkjum sem eru með evru fyrir lögeyri. Miðstýring frá Brussel er eitur í beinum Breta.

Evru-löndin munu engjast í skuldakreppum um langt árabil og deilurnar milli Frakka og Þjóðverja annars vegar og hins vegar Breta stigmagnast. Gagnólík sýn á framtíð Evrópusambandsins leiðir fyrr heldur en seinna til klofnings. Nema, auðvitað, að evru-samstarfið hrynji áður. Þá er alltbú.

 

Álag á ítölsk skuldabréf rúm 7%

Þjóðverjar þurfa ekki evruna

Vandamál evrusvæðisins er fremur styrkur Þýskalands en veikleiki Grikklands, því það er styrkur þýsks efnahagslífs sem skapar mesta ójafnvægið.

Þetta vilja ýmsir evrusinnar ekki heyra á minnst, en ýmsir þýskir hagfræðingar hafa þó komið inn á svipaða hluti, t.d. Heiner Flassbeck, einn af yfirmönnum hjá Sameinuðu þjóðunum, sem heimsótti Ísland fyrir nokkru.

Markmið sumra með því að stofna Evrópusambandið var að koma í veg fyrir að Þjóðverjar yrðu of öflugir, en stofnun myntbandalags Evrópu hefur þrátt fyrir það leitt til þess að efnahagsstyrkur Þýskalands hefur vaxið gífurlega á meðan jaðarríkin í bandalaginu hafa veikst. 

Lausnin gæti því verið að Þjóðverjar færu út úr evrunni, tækju upp markið aftur, sem myndi styrkjast og draga úr hagkvæmni útflutnings frá Þýskalandi. Þannig kæmist kannski fyrst á jafnvægi í Evrópu.

 

Aukinn hagvöxtur í Þýskalandi

Raddir Evrópu

Heimssýn eru víðsýn samtök. Þess vegna gerði tíðindamaður samtakanna sér far um það þegar hann átti þess kost að fara um nokkrar borgir í Mið-Evrópu að hlusta á rök heimamanna. Það sem kom á óvart var að þau voru flest á einn veg og það var viss beygur í fólki. Myntsamstarfið hefur leikið lönd Evrópu með misblíðum hætti. Sum hafa blómstrað eins og Þýskaland. Önnur hafa ekki komist almennilega á skrið, eins og Slóvakía.

Leiðsögumaður í Vínarborg óttaðist að evran myndi draga Austurríki enn frekar inn í skuldabaslið í álfunni. Þjónn á veitingahúsi í borginni sem var frá Túnis var búinn að fá sig fullsaddan af ástandinu og því að fólk gæti verið heima á fínum bótum þegar fólk vantaði í vinnu í hans geira. Hann var sjálfur á leið til Túnis!

Leigubílstjóri í Bratislava í Slóvakíu var verkfræðingur án verkefna í því fagi. Honum var tíðrætt um dýrtíðina með evrunni, mikið atvinnuleysi og erfiðleika hjá fólki við að ná endum saman.

Tékkar hafa ekki tekið upp evruna og þykjast margir hólpnir. Þegar ég greindi ungum tékkneskum hjónum frá ummælum Merkel um erfiðleika í Evrópu á næstunni kom skelfingarsvipur á andlit þeirra. Þau höfðu nýverið staðið í fjárfestingum á nýju húsnæði. Ef atvinna minnkar eiga þau erfitt með að standa í skilum.

Hagfræðiprófessor frá Póllandi þakkaði sínum sæla fyrir að Pólverjar hefðu ekki tekið upp evruna. Hann óttaðist verulega að ef af því yrði myndi pólskur iðnaður lúta í lægra haldi í samkeppninni við velsmurða iðnaðarmaskínu Þýskalands. Hann sá enga aðra lausn fyrir Evrópu í þessum efnum en að gjaldmiðilssamstarfinu yrði skipt upp að einhverju leyti.

Evrópskir vinir mínir spurðu um stöðuna á Íslandi. Ég sagði þeim að hagvöxtur væri á Íslandi og atvinna að aukast og að við værum í vissu skjóli frá atburðarásinni á meginlandinu.

-s

Hjálendustefna Samfylkingar

Samfylkingarhluti ríkisvaldsins er skipaður úrtölufólki sem notar hvert tækifæri til að tala niður kjark og dug þjóðarinnar.  Ráðherrar Samfylkingar sjá Ísland fyrir sér sem hjálendu Evrópusambandsins.

Gjaldmiðilinn, efnahagsstefnuna og aðrar bjargir eigum við að sækja til Brussel, segja þau Jóhanna, Össur og Árni Páll.

Hjálendustefnan elur á eymd og volæði.

Sveiflast milli bjartsýni og svartsýni