Tveir kostir evrulands

Evru-ríkin 17 standa frammi fyrir tveim kostum. Í fyrsta lagi að ríkin sameinist um ein ríkisfjárlög, eitt skattheimtuvald - með öðrum orðum eitt ríkisvald. Í öðru lagi að leysa upp evru-samstarfið. Í Telegraph er þetta orðað svona

1) The folding together of the eurozone states, with a debt pool, shared budgets, joint taxation, and fiscal union.

In other words, the nation states must abolish themselves (leaving only the shell), and Germany must cease to exist in any meaningful form. This was always the inherent logic of EMU. We are coming close to the moment when it must be decided.

2) The system blows apart. From a German point of view, Target2 means if the deed were done "twere better it were done quickly". Perhaps very quickly.

http://blogs.telegraph.co.uk/finance/ambroseevans-pritchard/100016361/george-soros-and-the-bundesbanks-patriotic-putsch/ 

Sumarið gæti orðið spennandi í evrulandi. 

 

Skuldakreppunni ekki lokið

Lítið og lélegt, Össur

Össur Skarphéðinsson, sem á að heita utanríkisráðherra Íslands, fagnar í nokkra daga meðákæru framkvæmdastjórnar ESB gegn Íslandi í Icesave-málinu. 

Umræðan knýr Össur til láta ekki flokkshagsmuni Samfylkingar ráða för heldur þjóðarhagsmuni.

Þá lætur Össur aðstoðarmann sinn koma athugasemdum á framfæri við aðstoðarmann sendiherra ESB á Íslandi.

Össur lætur hagsmuni þjóðarinnar um lönd og leið til að þjóna sértrúarsöfnuðinum sem vil Ísland fyrir alla muni inn í Evrópusambandið. 

Framkoma ESB óeðlileg

Össur kann ekki erlend samskipti

Ísland situr uppi með utanríkisráðherra sem kann ekki erlend samskipti. Í bríari sækir hann um aðild að Evrópusambandi þar sem jaðarþjóðir sæta efnahagslegum misþyrmingum og sitja uppi með gjaldmiðil er veldur atvinnuleysi og eymd. Enginn talar lengur fyrir ESB-umsókninni en Össur situr við sinn keip.

Þegar íslenskum hagsmunum er ógnað með meðákæru framkvæmdastjórnar ESB með eftirlitsstofnun EFTA, sem vill að íslenskir skattborgarar ábyrgist innlán í einkabanka í útlöndum, þá tekur utanríkisráðherra undir með ESB og segir meðákæruna styrkja málstað Íslendinga.

Nokkrum dögum síðar er mótmælir Össur sjálfum sér og þykist núna gagnrýninn á meðákæruna.

Össur gerir allt vitlaus - bæði heima og erlendis. 

Hafa mótmælt afskiptum ESB

ESB-umsókn er aðskotahlutur

Ríkisstjórnin ber ábyrgð á ESB-umsókninni. Talsmenn ríkisstjórnarinnar eiga að útskýra hvaða erindi Ísland á í Evrópusambandið. ESB-umsókninni var hent til Brussel í bráðræði eftir hrun, mest til að ryðja öðrum málum af opinberri dagskrá, t.d. frammistöðu Samfylkingar í hrunstjórninni.

Rökþrot ráðherra VG og Samfylkingar birtast alþjóð ítrekað þegar þeir tala um að ,,þjóðin eigi að ákveða" úrslit ESB-málsins. Það er ekki boðlegt að ráðherrar þegi þunnu hjóði um málefnaleg rök fyrir aðild Íslands að Evrópusambandinu.

Ráðherrar hafa ekki svo mikið sem lagt fram samningsmarkmið Íslands. Ekki heldur hafa ráðherrar neitt að segja um þróun mála hjá Evrópusambandinu sem er að stökkbreytast í ríkisfjármálabandalag.

ESB-umsóknin lifir einangruðu lífi frá almennri þjóðfélagsumræðu. Hvers vegna? Jú, ESB-umsóknin er aðskotahlutur sem passar ekki inn í íslenskan veruleika.

Aðskotahlutinn þarf að fjarlægja með því að afturkalla ESB-umsóknina. 

Hvað sagði Steingrímur?

Andstæðir hagsmunir Íslands og ESB

ESB-umræðan á Íslandi frá 16. júlí 2009, þegar umsóknin var samþykkt á alþingi, staðfestir andstæða grundvallarhagsmuni Íslands og Evrópusambandsins. Burtséð frá Icesave-málinu, sem er einstakt, eru aðrir hagsmunir sem eru eins varanlegir og þeir eru ósamrýmanlegir. 

Deilurnar um markílveiðar eru skýrt dæmi um fullkomlega andstæða hagsmuni Íslands og ESB. Ef Ísland væri aðili að ESB fengjum við örlítið brot af þeim afla sem við eigum rétt á sem strandríki. Árlega er líklega um að ræða 40 milljarða króna aflaverðmæti í makríl.

Strandríkjahagsmunir Íslands fara einfaldlega ekki saman við meginlandshagsmuni ESB.

Skuldakreppan í Evrópu bitnar harðast á þeim ríkjum sem búa við evru sem lögeyri. Reynslan hefur sýnt að þjóðríki eru ekki í sama efnahagstakti og Þjóðverjar eiga undir högg að sækja í sameiginlegu myntsamstarfi - svo vægt sé til orða tekið.

Evrópusambandið freistar þess að auka miðstýringuna til að ráða bug á kreppunni. Óvíst er hvort það gangi eftir. En fari svo er enn minni ástæða til að Ísland gangi inn í Evrópusambandið.

Aukin miðstýring Evrópusambandsins fæli í sér að frá Íslandi yrðu sendar bænarskár um hvernig við viljum búa í okkar landi. Þetta fyrirkomulag var reynt hér á landi frá gildistöku Gamla sáttmála 1263/1264 til 1918, þegar við fengum fullveldi, og gafst ekki vel. 

Þrýst á um viðræðuslit

ESB-umsóknin leggur VG í eyði

Vinstrihreyfingin grænt framboð bauð fram til þingkosninga stefnuskrá um fullvalda Ísland er væri betur borgið utan Evrópusbandsins en innan þess. Svik forystu VG við stefnuskrá og kjósendur 16. júlí 2009, þegar alþingi samþykkti ESB-umsókn, urðu til þess að þingmenn hrökkluðust frá borgði og fjölmargir flokksfélagar sögðu skilið við flokkinn.

VG heldur lífinu í ESB-umsókninni sem löngu er orðið ljóst að þjónar aðeins hagsmunum Samfylkingar.

VG fékk 22 prósent atkvæðanna við síðustu kosningar. Núna mælist flokkurinn með 8,5 prósent fylgi. 

Þolinmæði Vinstri grænna þrotin

ESB-flokkar tapa fylgi

Flokkarnir sem bera ábyrgð á ESB-umsókn Íslands, Samfylking og VG, tapa helmingnum af fylginu sem þeir höfðu við síðustu kosningar. Í kosningunum 2009 fengu ríkisstjórnarflokkarnir 53 prósent atkvæða.

Í dag mælist Samfylking með 15 prósent fylgi og VG með 8,5 prósent.

Umsóknin um inngöngu í framtíðarlandið í austri er ekki beinlínis að gera sig fyrir vinstriflokkana.

Sjálfstæðisflokkurinn fengi 43%

Blekkingar í þágu ESB

Íslensk stjórnvöld stunda blekkingar gagnvart þjóðinni til að fegra málstað Evrópusambandsins sem ítrekað ræðst að íslenskum hagsmunum. Utanríkisráðherra, Össur Skarphéðinsson, segir það styrkja málstað Íslands í Icesave-deilunni að Evrópusambandið taki pólitíska afstöðu með andskotum okkar, sem er eftirlitsstofnun EFTA.

Íslensk stjórnvöld vissu með löngum fyrirvara að framkvæmdastjórn ESB ætlaði að lýsa yfir stuðningi við kröfu Hollendinga og Breta um að íslenska ríkið ábyrgist innlánareikninga einkabanka. Þrátt fyrir það er látið undir höfuð leggjast að grípa til mótmæla.

Ríkisstjórn Jóhönnu Sigurðardóttur er á bandi Evrópusambandsins gegn íslensku þjóðinni.

Ráðherra hélt málinu leyndu

Ögmundur stendur í lappirnar, Össur er á hnjánum

Ögmundur Jónasson innanríkisráðherra segir það ósvífni af framkvæmdastjórn ESB að leggjast á sveif með kröfu ESA að almenningur ábyrgist skuldir einkabanka á Icesave-innlánum í Hollandi og Bretlandi.

Össur Skarphéðinsson utanríkisráðherra talar á hinn bóginn fyrir hagsmunum ESB, bæði í makríl-deilunni og Icesave-málinu.

Ögmundur bendir á að enginn tilgangur sé lengur með aðildarviðræðum við ESB.

Við skulum þess vegna slíta viðræðunum.

Segir ESB vilja Íslendinga niður á hnén

ESB-umsóknin einangrar Ísland

Norðmenn eru afgerandi á móti aðild að Evrópusambandinu. Færeyingar ætla ekki að sækja um aðild að ESB og Grænlendingar eru eina þjóðin sem hefur sagt sig úr Evrópusambandinu. Þessar þrjár nágrannaþjóðir okkar vita að hagsmunabandalagið á meginlandi Evrópu þjónar ekki strandríkjum á Norður-Atlantshafi.

ESB-umsókn samfylkingarhluta ríkisvaldsins einangrar Íslendinga frá öðrum strandríkjum á Norður-Atlantshafi.

Yfirveguð afstaða Norðmanna, Færeyinga og Grænlendinga í utanríkispólitík sýnir hversu illa er komið fyrir hagsmunum Íslendinga þegar Samfylkingin fær að stjórna utanríkismálum okkar.

Þrír af hverjum fjórum á móti aðild