F...frétt í RÚV

RÚV heldur áfram að mylja undir ESB-sinna og tekur undir áróðurinn um að matvælaverð sé yfirþyrmandi hagstætt í Evrópusambandinu. Í frétt um páskana sagði RÚV frá verslunarferðum Norðmanna til Svíþjóðar og klykkti út með þessum orðum

Munur á matarverði milli Noregs og Svíþjóðar hefur aukist stöðugt frá því Svíar gengu í Evrópusambandið fyrir 18 árum. Nú fullyrða kaupmenn að þeir geti selt mat, til dæmis nautakjöt, á hálfvirði miðað við verð í Noregi. Oft munar þó þriðjungi.

Svíar eru með eigin gjaldmiðil sem endurspeglar sænskt efnahagskerfi. Gagnvart norskri krónu eru matarinnkaup hagstæð í Svíþjóð.

Danir, sem eins og Svíar eru í Evrópusambandinu, eru með sína krónu beintengda við evruna. Þeir stórgræða að versla í Svíþjóð, borga helmingi minna, samanber þessa frétt í DR 

De danske forbrugere må betale mere end dobbelt så meget for dagligvarerne som forbrugerne i Sverige. Det viser en stikprøveundersøgelse, som avisen 24timer har lavet.

Ef ESB-... á fréttastofu RÚV kynnu eitthvað fyrir sér í fréttamennsku hefu þau komið auga á hlutverk sænsku krónunnar í innkaupaákefð Dana og Norðmanna. En við það myndi áróðursgildið tapast.

DR í Danmörku stendur fyrir það sama RÚV á Íslandi. Munurinn er sá að í DR skrifa ... ekki fréttirnar.

(Fyrirsögn og tveim orðum breytt kl. 20:59 að ósk siðfræðings Heimssýnar. Þrípunktar (...) settir í staðinn.)

 

Boston frekar en Brussel

ESB-sinnar reyna reglulega að telja okkur trú um að vöruverð sé margfalt hagstæðara í Evrópusambandinu en á Íslandi. Jón Gerald Sullenberger kaupmaður í Kosti segir það fleipur. Í viðtali við Viðskiptablaðið segir Jón Gerald

Stjórnvöld eru mjög upptekin af því að koma okkur inn í ESB og margir tala um að með inngöngu muni matvöruverð lækka. Staðreyndin er nú samt sú að matvöruverð innan ESB er um 20-40% dýrara en í Bandaríkjunum. Það er alltaf verið að tala um hvað matvöruverð sé hátt á Íslandi en ég get ekki séð að það muni lækka með inngöngu í ESB.

Jón Gerald heldur áfram og segir

Maður gat hvergi lesið um það fyrir síðustu jól að það væri uppselt í verslunarferðir til London eða Kaupmannahafnar, en þess í stað var uppselt í allar ferðir til Boston. Þrýstingur á verð í Bandaríkjunum er mjög mikill og það framkallar þetta lága vöruverð.

Við förum sem sagt vestur í leit að lágu vöruverði. Í austur fara Íslendingar aðeins til að tapa fullveldinu og verða hornkerling hjá Evrópusambandinu.

 

Þýskir fjölmiðar: evran tekin í sundur

Tvö áhrifamestu dagblöð Þýskalands, Welt og Frankfurter Allgemeine Zeitung, fjalla ítarlega um niðurstöðu samkeppni breska auðkýfingsins Wolfson lávarðar um hvernig best verði undið ofan af evru-samstarfinu.

Um 400 tillögur bárust. Dómnefnd valdi sex tillögur í undanúrslit. Í sumar verður tilkynnt hvaða tillaga að afnámi evrunnar verður metinn raunhæfust.

Umfjöllun þýsku blaðanna sýnir að í Þýskalandi er ekki litið á afnám evrunnar sem fjarlægan fræðilegan möguleika heldur raunhæfan efnahagspólitískan kost.

Í Þýskalandi er óðum að myndast samstaða um að óbreytt staða myntsamstarfs 17 ríkja sé óhugsandi. Evran grefur undan pólitískum stöðugleika jaðarríkja og veldur óeiningu í Evrópusambandinu. Þar með er myntin farin að vinna gegn tilgangi sínum.

Evran er að breytast í vítisvél sem verður að taka í sundur áður en það verður um seinan.

 

Evru-útför í Aþenu, stefnubreyting í Reykjavík

Sjálfsmorð ellilífeyrisþega á Syntagmatorgi í Aþenu safnar í brennipunkt grískri andstöðu við helsi evrunnar. Vegna evrunnar mun Grikkland í fyrsta lagi réttar úr kútum eftir 2020 - fari allt á besta veg. Blaðafulltrúi ríkisstjórnarinnar, Jóhann Hauksson, boðar brotthvarf frá fyrri stefnu, sem var að ESB-aðild og upptaka evru eigi að endurreisa Ísland.

Jóhann skrifaði fyrir nokkrum dögum grein um Írland og eymdina þar vegna evrunnar. Í gær heggur Jóhann í sama knérunn með gagnrýni á evruvanda Grikklands.

Blaðafulltrúi Jóhönnu Sig. og Össurar er annað tveggja að grafa undan vinnuveitendum sínum eða að boða stefnubreytingu í Evrópumálum.

Hundruð viðstödd útförina

Hagfræði evrunnar og pólitík skipbrotsins

Sameiginlegt skipbrot Evrópusambandsins er Lettum huggulegri framtíðarsýn en opinn faðmur rússneska bjarnarins. Lettar vilja inn í evruland til að öðlast þegnrétt sem Vestur-Evrópuþjóð. Aftur á móti er ekki ýkja mikill áhugi hjá evru-ríkjunum 17 að bæta við sig enn einum ómaganum.

Þjóðverjar borga brúsann þegar kemur að gjaldþrota evru-þjóðum. Jón Helgi Egilsson tekur evruna og Írland fyrir og útskýrir hvernig ,,stöðugleiki" evrunnar veldur ójafnvægi í efahagskerfinu sem birtist m.a. í atvinnuleysi. Til að bæta gráu ofan á svart er írska efnahagskerfið háð lánum frá Evrópska Seðlabankanum, en þau lán ábyrgjast Þjóðverjar.

Á evru-svæðinu er niðurskurður eina uppskriftin að endurreisn efnahagskerfa sem hafa farið á hliðina. Í Telegraph er útskýrt hvers vegna nær ómögulegt er að útfæra svokallaðar björgunaraðgerðir.

Til að bjarga efnahagskerfum Grikkja, Íra, Portúgala, Spánverja og Ítala þarf að fara fram svokölluð ,,innri gengisfelling". Hún felur í sér að launataxtar eru lækkaðir tugi prósenta. Með þeim hætti verða efnahagskerfi þessara ríkja samkeppnishæf.

Vandamálið er að samanlagðar hagfræðibókmenntir Vesturlanda segja lækkun launataxta nær ómögulegan. Aðeins undir sérstökum kringumstæðum s.s. í fasistaríki Mússólíni tókst að skrúfa niður launataxta.

Fyrr gliðnar evruland í sundur en að fasismi komi evrunni til bjargar. 

Hindruð í að taka upp evruna

Makríll afsökun fyrir ónýtri ESB-umsókn

ESB-umsókn Íslands frá 16. júlí 2009 er ónýt. Hún var knúin áfram af Samfylkingunni sem fékk 29 prósent fylgi í þingkosningum og leidd í gegnum alþingi með svikum VG sem höfðu og á stefnuskrá sinni, og hafa enn, að Íslandi sé betur borgið utan Evrópusambandsins en innan.

Allar mælingar sýna þjóðina staðfasta í andstöðu sinni við inngöngu í Evrópusambandið. Engu að síður er fjármunum og mannafla kastað á glæ umsóknarinnar. Ástæðan er sú að stjórnkerfið, bæði stjórnmálamenn og embættismenn, eru að vinna í eigin þágu en ekki almannahags. Æ erfiðara verður þó fyrir elítuna að réttlæta flónskuna.

Deilur um marílveiðar Íslendinga stefna í að vera þægileg afsökin fyrir því að við svo búið megi ekki standa.

Gæti tafið ESB-viðræðurnar

Evru-rökin auglýst í vitlausu landi

Atvinnuleysi á Spáni er yfir 20 prósent og fer hækkandi. Í Aþenu eru framin sjálfsmorð á götum úti til að mótmæla efnahagsástandinu. Á Írlandi er 15 prósent atvinnuleysi og landflótti.

Löndin þrjú eru öll með evru sem gjaldmiðil og dæmd til langtímakreppu. En samkvæmt ESB-sinnum á Íslandi er hvergi betra að búa en einmitt í evrulandi.

ESB-sinnar á Íslandi ættu kannski að sannfæra íbúa jaðarríkja evru-svæðisins um ágæti myntarinnar áður en þeir keyra upp áróðurinn hér á landi?

 

Margfalt meiri verðhækkanir hér

Evran, atvinnuleysi og óstöðugleiki

Á fyrstu árum evrunnar var viðvarandi atvinnuleysi í evrulandi um tíu prósent að meðaltali. Eftir að efnahagsleg og síðar pólitísk kreppa reið yfir evruland jókst atvinnuleysið að meðaltali nokkuð en þó munaði mestu um hve ójafnt atvinnan dreifist á þau 17 ríki sem nota evruna fyrir lögeyri.

Atvinnuleysi í Þýskalandi hefur minnkað enda drýpur þar smjör af hverju strái. Aftur er stóraukið atvinnuleysi í jaðarríkjum evrulands: Grikklandi, Spáni, Portúgal og Írlandi.

Evran ýtir undir efnahagslegan óstöðugleika.

23,6% atvinnuleysi á Spáni

Evrópuherinn, Guðmundur Andri og Summa lastanna

Evrópuherinn er til umfjöllunar hjá aðildarsinnanum Guðmundi Andra Thorssyni í pistli í Fréttablaðinu. Guðmundur þakkar samninganefnd Íslands sérstaklega fyrir að vekja máls á herleysi landsins. 

Samlestur á pistli Guðmundundar Andra og ádrepu Tómasar Inga Olrich fyrrum menntamálaráðherra og sendiherra vekur á hinn bóginn ekki miklar vonir um að herleysi Íslands verði virt ef við álpuðumst þar inn.

Timo Summa sendiherra ESB hér á landi stundar frekleg inngrip í íslenska stjórnmálaumræðu með farandsýningu Evrópustofu um sveitir landsins. Framferði Summa er brot á Vínarsáttmálanum er kveður á um að erlendir stjórnarerindrekar skipti sér ekki af innanlandsmálum þar sem þeir eru gestir.

Evrópuherinn mun ekki virða herleysi Íslands ef skortur er ungum drengjum í fallbyssufóður. Vínarsáttmálinn er fótum troðinn af stórveldinu og það sýnir sig trekk í trekk að hagsmunir Evrópusambandsins og stórríkjanna inna sambandsins ganga fyrir lífshagsmunum smáríkjanna.    

Tómas Ingi Olrich: Summa diplómatískra lasta

Evruland er lítill vöxtur og mikið atvinnuleysi

Evran er að drepa meginland Evrópu. Þau 17 ESB-ríki sem nota evru eru með gerólík efnahagskerfi og þurfa þess vegna gerólíka peningastefnu. Suður-Evrópa þarf gengisfellingu upp á 20 til 40 prósent til að bæta samkeppnisstöðu sína og lága vexti til að vinna bug á atvinnuleysi.

Noður-Evrópa þarf hærri vexti til að slá á þenslu. Fasteignamarkaðurinn í Þýskalandi er með bólueinkennum þar sem gamalt Hitlersgóss stígur í verði eftir niðurníðslu í áratugi.

Evruland 17 ríkja mun liðast í sundur. Spurningin er hvernig. Nokkrar góðar hugmyndir bárust í samkeppni sem Wolfson lávarður efndi til um heppilegustu leiðina að taka evruland í sundur. Í sumar verða úrslit kynnt. Fer vel á því enda gert ráð fyrir að dragi til tíðinda í haust í evrulandi. 

Efnahagsbati meiri í Bandaríkjunum en ESB