Evru-kreppan gerbreytir ESB

Valdhafar í Evrópusambandinu og stærstu aðildarríkjunum, Þýskalandi og Frakklandi, eru sannfærðir um að evran fái ekki staðist nema stóraukin miðstýring verði tekin upp á efnahags- og atvinnumálum evru-ríkjanna.

Í Evrópusambandinu eru 27 ríki en aðeins 17 þeirra eru með evruna sem gjaldmiðil. Þau tíu sem fyrir utan standa munu ekki beygja sig undir auka miðstýringu frá Brussel, - einfaldlega vegna þess að þau eru ekki hluti af evru-samstarfinu.

Hér er kominn vísir að tveggja hraða Evrópusambandi, þar sem evru-kjarninn færist nær því að verða sambandsríki en hin tíu ríkin mynda ytri hring samstarfsins.

Það mun taka fjölda ára að ræða og þróa þær hugmyndir um framtíð Evrópusambandsins og enn fleiri ár að hrinda þeim í framkvæmd.

Enginn veit hvernig evru-samstarfinu og sjálfu Evrópusambandinu mun reiða af næstu árin. Ef til væri einföld lausn á vandanum væri löngu búið að finna hana.

Á meðan Evrópusambandið vinnur sig í gegnum tilvistarvanda sinn eiga Íslendingar vitanlega að halda sér í öruggri fjarlægð - og afturkalla umsóknina um aðild.

Kjörinn forseti skipi „evrópska ríkisstjórn“

Evran útilokar ESB-aðild Íslands

Evru-kreppan sem 17 af 27 ríkjum Evrópusambandsins glíma við mun ekki leysast á fáum árum, eins og Össur Skarphéðinsson virðist halda. Í erlendri umræðu er gert ráð fyrir að togstreitan milli ríku þjóðanna í norðri og þeirra fátæku í suðri muni halda evrunni í spennitreyju um mörg ókomin ár.

Allir læsir á erlenda umræðu sjá að í meginatriðum getur evru-kreppan farið á tvo vegu. Í fyrsta lagi að evru-ríkjunum takist að smíða ríkisvald í kringum gjaldmiðilinn sem fæli í sér miðstýrða fjárlagagerð og greiðslujöfnun milli norðurs og suðurs. Í öðru lagi að evru-samstarfið liðist í sundur, ýmist alfarið og evran falli út sem gjaldmiðill, eða að þeim fækki sem nota evruna.

Á meðan evru-ríkin 17 glíma við gjaldmiðilinn munu þau tíu sem eru í Evrópusambandinu, en deila ekki sameiginlegum gjaldmiðli, endurskoða samstarfið við evru-ríkin. Engar líkur eru á því að Bretland, Danmörk, Svíþjóð og Pólland taki upp evru í fyrirsjánlegri framtíð, - eða næstu fimm til tíu árin.

Aðildarsinnar og andstæðingar aðildar Íslands að Evrópusambandinu virðast samstíga í að draga þá niðurstöðu að valið á milli gjaldmiðla á Íslandi er króna eða evra. Á bakvið þessa niðurstöðu liggur sannfæring í báðum herbúðum að nýr gjaldmiðill sé meginröksemd fyrir aðild Íslands að Evrópusambandinu. Þegar það liggur fyrir að evran verður í uppnámi næstu árin og Evrópusambandið sömuleiðis er einboðið að gera hlé á viðræðum við Evrópusambandið um aðild Íslands.

(Tekið héðan)

Illugi vill gera hlé á ESB-viðræðum

Evran, krónan og stjórnmálin

Íslensk stjórnmál hafa leikið krónuna hart. Í áratugi hefur krónan tapað verðgildi sínu hraðar en flestir gjaldmiðlar á byggðu bóli. Evrópsk stjórnmál hafa varið verðmæti evrunnar þokkalega í þann áratug sem hún hefur starfað. En það hefur kostað óheyrilegar fórnir í Írlandi, Grikklandi, Portúgal, Spáni og Ítalíu þar sem atvinnuleysi upp á tugi prósenta og efnahagslegur samdráttur halda uppi verðgildi evrunnar.

Stjórnmál og gjaldmiðill eru tvær hliðar á sömu mynt. Það sést á smáum hagkerfum eins og því íslenska og jafnframt á stórum hagkerfum, samanber evru-ríkjunum.

Á meðan við höldum krónunni eru það íslensk stjórnmál sem ráða úrslitum um vegferð hennar. Ef við tökum upp evru þá stjórna evrópsk stjórnmál ferðinni. Fyrir þá sem telja fullveldi og forræði eigin mála forsendu fyrir hagsæld þjóðarinnar er valið einfalt: krónan blífur.

Lítill ábati af evruaðild

Einangrun Samfylkingar staðfest

Samfylkingin er eini stjórnmálaflokkurinn sem vill halda til streitu ESB-umsókninni. Vinstri grænir, Framsóknarflokkurinn og Sjálfstæðisflokkurinn eru allir með stefnu um að Ísland skuli standa utan Evrópusambandsins.

Þegar Bjarni Benediktsson formaður Sjálfstæðisflokksins segir að fyrsta verk sitt skuli vera að slíta viðræðunum við Evrópusambandið er hann að boða stefnu flokksins í samræmi við samþykkt landsfundar. Þar segir í stjórnmálaályktun

Landsfundur ályktar að gera skuli hlé á aðildarviðræðum við Evrópusambandið og þær ekki hafnar að nýju nema það verði samþykkt í þjóðaratkvæðagreiðslu.

Samfylkingarmenn geta barið hausnum við steininn eins lengi og þeir vilja en niðurstaðan er óhjákvæmileg: eina leiðin til að hægt sé að halda lífi í ESB-umsókninni er að Samfylkingin fá hreinan meirihluta á alþingi eftir næstu kosningar.

Og hversu líklegt er það?

Fyrsta verk að stöðva viðræðurnar

Meginlands-Evrópa í eina átt, Jaðar-Evrópa í aðra

Evru-ríkin 17 freista þess að setja saman miðstýrt regluverk til að sameiginlegur gjaldmiðill fái staðist. Miðstýrða regluverkið verður í formi yfirþjóðlegs valds yfir bankastarfsemi evru-ríkjanna annars vegar og hins vegar yfir ríkisfjármálum sömu ríkja.

Þau lönd sem standa utan evru-samstarfis en eru í ESB, s.s. Bretland, Danmörk, Svíþjóð og Pólland, munu ekki um fyrirsjáanlega framtíð ganga til liðs við evru-ríkin.

Fréttir af vinnufundi ESB-ráðherra um bankaeftirlit sýnir að þau ríki sem ekki eru í evru-samstarfi ætla sér að standa utan við regluverkið.

Líklega kemur ekki í ljós fyrr en eftir fimm til tíu ár hvort evru-ríkjunum heppnast ætlunarverk sitt. Jaðar-Evrópa mun standa álengdar og halda yfirráðum yfir sínum fjármálastofnunum og fjárlögum. Ísland sem er á ysta jaðri Evrópu ætti vitanlega ekki heldur að gefa færi á sér.

Bretar endursemji um veruna í ESB

Letingjar í utanríkisráðuneytinu

Stefán Haukur Jóhannesson aðalsamningamaður Íslands gagnvart Evrópusambandinu hefur haft meira en þrjú ár að móta samningsafstöðu Íslands í sjávarútvegsmálum. Stefán Haukur verður seint sakaður um að vera iðjusamur embættismaður.

Í frétt RÚV um framvindu verksins segir

Stefán Haukur sagði vinnu við samningsmarkmið í sjávarútvegsmálum í fullum gangi.

Í ,,fullum gangi" eftir rúm þrjú ár. Hvers konar vinnubrögð eru þetta? Til hvers að halda uppi embættismannaliði sem ekki getur sett saman samningsmarkmið á skemmri tíma en þrem árum?

Hvaða leiksýning er hér í gangi? Hvers vegna á þjóðin að borga fyrir þennan sirkus?

Lengt í hengingaról Grikkja

Bjartsýnustu spár um Grikkland segja að eftir tíu ár rúm, árið 2024, sjái þjóðin til sólar efnahagslega. Þegar nú er rætt um að lengja þann tíma sem Grikkland fær til að engjast í spennitreyju evrunnar þá er það ekki hjálpræði þótt það kunni að hljóma þannig.

Meiri lán eða lengri tími breytir ekki grundvallarstaðreynd grísks efnahagslífs að það er ekki samkeppnisfært. Til að gera landið samkeppnisfært og þar opna fyrir vaxtarmöguleika þarf gengisfellinu. Sem er ekki í boði í evru-samstarfi.

Það er langt í 2024 og harla ólíklegt að Grikkir verði enn í evru-samstarfinu þá. Raunar er vafamál hvort evran verði enn til að tíu árum liðnum.

Fá meiri tíma en ekki meiri peninga

Jóhanna þegir um umsóknina: ESB-sinnar kveinka sér

Í stefnuræðu forsætisráðherra segir ekki stakt orð um ESB-umsókn Íslands. Ef raunveruleg sannfæring væri að baki umsóknarinnar myndi stefnuræðan setja fram rök til stuðnings málinu og hvetja til baráttu.

Ekkert slíkt heyrðist frá Jóhönnu Sig. Erki-ESB-sinnar eins og Þorsteinn Pálsson, trúnaðarmaður Össurar Skarphéðinssonar, furða sig á þögn forsætisráðherra um stærsta mál ríkisstjórnarinnar og segja að svo virðist sem ESB-umsóknin sé ekki á dagskrá forsætisráðherra.

Kannski er það svo að Jóhanna Sigurðardóttir veit að ESB-umsóknin er dauð - þótt jarðaförin hafi ekki enn farið fram.

 

Fullt tilefni til bjartsýni og sóknar

Barroso: ESB verði sambandsríki

Eftirfarandi er af RÚV.

Evrópusambandið þarf að þróast í að verða sambandsríki. Þetta sagði José Manuel Barroso, forseti framkvæmdastjórnar Evrópusambandsins, í árlegri stefnuræðu sinni frammi fyrir Evrópuþinginu í morgun.

Að hans mati þarf ESB að verða sambandsríki þjóðríkja eins og hann orðar það, eins konar Bandaríki Evrópu. Aðildarríkin þurfi að deila fullveldi sínu svo hvert ríki og hver borgari geti haft meiri stjórn á hlutskipti sínu. Það væru mistök að láta þjóðernishyggju og popúlisma ráða ferðinni í óvissunni sem nú ríkir. Barroso tók fram að til að mynda slíkt ríki þyrftu aðildarríkin að samþykkja nýjan sáttmála þess efnis.

Ísland er með standandi umsókn um aðild að Evrópusambandi sem stefnri að því að verða sambandsríki. Er ekki nóg komið?

Líruvæðing evrunnar - pólitíkin yfirtekur hagstjórnina

Aðalhagfræðingur þýska Commerzbankans segir fyrirhuguð skuldabréfakaup Seðlabanka Evrópu fela í sér að evru-svæðið verði rekið á ítölskum forsendum með tilheyrandi óðaverðbólgu sem einkenndi ítalskt efnahagslíf fyrir daga evrunnar.

Die Weltsegir frá greiningu hagfræðingsins Jörg Krämer en viðhorf hans endurspegla algengt sjónarmið í Þýskalandi. Krämer telur að skuldabréfakaup Seðlabanka Evrópu ásamt lágum vöxtum muni hleypa af stað verðbólgu.

Á næstu fimm til tíu árum mun verðbólgan vaxa og Seðlabankinn, sem þegar hefur selt sálu sína til stjórnmálamanna, mun ekki hækka vexti nógu skarpt nógu snemma til að fá nokkru við ráðið. Verðbólgan mun grafa undan samkeppnishæfni þýsks iðnaðar og útflutningsatvinnugreina.

Maður þarf að vera samfylkingarmaður undir fávísisfeldi til að trúa því að evran eigi framtíð fyrir sér.

 

AGS vill taka þátt