Draghi-áætlunin eykur líkur á brotthvarfi Grikkja

Áætlun Draghi seðlabankastjóra um kaup Evrópska seðlabankans á ríkisskuldabréfum Suður-Evrópu eykur líkurnar á brotthvarfi Grikkja úr evru-samstarfinu. Draghi-áætlunin dregur úr smithættu annarra Suður-Evrópuríkja fari svo að Grikkir falli útbyrðis.

Grikkir eru enn og aftur komnir í vandræði með að standa við skuldbindingar sínar vegna neyðarlána sem þeir fá frá Evrópusambandinu og Alþjóða gjaldeyrissjóðnum.

Brotthvarf Grikkja næstu mánuði úr evru-samstarfinu gæti orðið dramatískur viðburður. Enn dramatískari yrði þó uppgangur grísks efnahagslífs eftir að losna úr viðjum evrunnar, spáir Roger Bootle.

Með samkeppnishæfan gjaldmiðil myndi Grikkland skjóta Spáni og Ítalíu ref fyrir rass á sviðum eins og ferðaþjónustu og ólífuræktun. Hætt er við að þeim fjölgi á Spáni sem vilja peseta og Ítölum sem vilja líru.

22% vilja peseta á ný en 70% evruna

Endimörk stjórnmálanna á evru-svæðinu

Þýskir kjósendur geta ekki náð í skottið á spænskum stjórnmálamönnum sem sólunda þýsku skattfé. Aftur á móti geta þeir hafnað þýskum stjórnmálamönnum sem afhenda Spánverjum óútfylltan tékka með opinni heimild á þýskt skattfé.

Kosningar verða í Þýskalandi á næsta ári. Evru-kreppan verður líklega eitt mesta álitamálið í kosningabaráttunni. Stefna þýskra stjórnvalda hingað til er að veita fé til bjargar skuldugum evru-ríkjum gegn því að viðkomandi ríki taki til í ríkisfjármálum sínum.

Suður-Evrópa glímir við vítahring niðurskurðar og samdráttar. Niðurskurðurinn eykur samdrátt efnahagskerfisins sem aftur kallar á meiri niðurskurð.

George Soros fjármálavitringur segir núverandi stefnu gagnvart Suður-Evrópu ávísun á efnahagslega stöðnun í álfunni næstu fimm til tíu árin.

Til að breyta stöðu mála, segir Soros, þarf Þýskaland að kannast við ábyrgð sína og taka forystu við endurreisn Suður-Evrópu. En það gerist ekki nema með stórauknu miðstýringarvaldi. Og ætli Pedro og Giuseppe finnist sniðugt að sá þýski Wolfgang stýri öllu því sem máli skiptir í ríkisfjármálum Spánverja og Ítala. Varla.

Hér er kominn kjarni málsins: evran þvingar fram endimörk stjórnmálanna. Og það eru einmitt þau sömu stjórnmál og halda Evrópusambandinu gangandi. Þegar stjórnmál koma að endimörkum sínum þá hætta þau að virka.

Schäuble varar skuldsett evruríki við

Hægri krókur og vinstra högg á evru

Tvær snjallar greinar um síðustu vendingar í evru-kreppunni eru á boðstólum í netheimum í dag. Björn Bjarnason rekur á Evrópuvaktinnihvaða umfjöllun ákvörðun Draghi seðlabankastjóra evru-svæðis fær í þýskum fjölmiðlum. Björn dregur saman og segir

Mario Draghi sagði á ráðstefnu í London daginn fyrir Olympíuleikana að hann ætlaði að gera allt sem hann gæti til að bjarga evrunni, hún mundi lifa. Hann hefur nú gert það. Þýskir stjórnmálamenn segjast sætta sig við það, segjast ekki mega ræða efni málsins en minna á pólitísku skilyrðin sem talin eru niðurlægjandi í Madrid og Róm. Halda ekki allir andlitinu – eða hvað? Vandinn er sá að hvorki evrunni er ekki borgið né vandi skuldaþjóðanna leystur. Hvílíkt sjónarspil.

Á hinum pólnum skrifar Vinstrivaktinum Roubini, hagfræðingsins sem sagði fyrir um upphaf kreppunnar, hvaða afstöðu hann tekur til síðustu evru-reddingarinnar.

Roubini sagði fyrir nokkrum dögum á alþjóðlegri ráðstefnu um efnahagsmál við Comovatn á vegum Ambrosetti Forum: „Aðgerðir Seðlabanka Evrópu breyta engu. Evrukreppan stendur enn yfir". „Ef Evrópuríkin stöðva ekki samdráttarþróunina og gefa fólkinu í jaðarríkjunum einhverja von- ekki á næstu fimm árum heldur á næstu 12 mánuðum- verður hið pólitíska bakslag yfirþyrmandi, með verkföllum, óeirðum og falli veikra ríkisstjórna."

Neðanmáls er þess að geta að bjartsýnustu spár gera ráð fyrir að Grikkir sjái til sólar einhvern tíma eftir árið 2024, - haldi þeir evrunni.

Ekki stórskotalið, heldur baunabyssa

Tilraun Draghi seðlabankastjóra að lækka lántökukostnað Suður-Evrópuríkja er ekki stórskotaárás á vanda evru-samstarfsins heldur baunabyssuskot út í loftið, segir Jeremy Warner hjá Telegraph. Til að evru-samstarfið virki þarf fullveðja ríkisvald á bakvið gjaldmiðilinn. Niðurlagið hjá Warner sýnir málið í hnotskurn

Monetary union is never going to work as a collection of fiscally and politically independent states. Draghi has bought time but he is still a million miles away from lasting resolution. Only the politicians can provide that and, so far, they’ve shown very little inclination to do so.

Einmitt.

Stórskotaárás á hendur skuldakreppunni

Sex daga vinnuvika í boði ESB

Ef Grikkir ætla að halda sér í evru-samstarfinu verða þeir að taka upp sex daga vinnuviku, segir í skjali sem var dreift í gríska stjórnkerfinu í síðustu viku, að sögn EU-Observer.

Í evru-samstarfinu er útilokað fyrir Grikki að lækka kostnað með gengisfellingu og svokölluð ,,innri gengisfelling" með lækkun launa skilar sér seint og illa - þar fyrir utan er stórtækt skattasvindl landlægt.

Með kröfu um sex daga vinnuviku er Evrópusambandið að senda skilaboð um að þolinmæði gagnvart Grikkjum sé á enda.

Össur: Vinstri grænir bera ábyrgð á ESB-umsókninni

Össur Skarphéðinsson utanríkisráðherra sagði við Fréttablaðið þriðjudaginn 4. ágúst að hann minntist þess ekki að Ögmundur Jónasson innanríkisráðherra hafi bókað fyrirvara við samningsafstöðu Íslands í peningamálum vegna aðildarferlisins inn í Evrópusambandið.

Í kvöldfréttum RÚV sama dag er minnið komið í lag hjá Össuri og hann viðurkennir bókun innanríkisráðherra. En Össur neitar að fyrirvari Ögmundar hafi nokkur áhrif á aðildarferlið þótt trúnaðarmaður utanríkisráðherra, Þorsteinn Pálsson, hafi áður sagt að ef ríkisstjórnin sé ekki einhuga um samningsafstöðu Íslands þá sé sjálfhætt.

Hjá Össuri heitir það ekki lengur að ríkisstjórn eða alþingi ákveði líf eða dauða ESB-umsóknarinnar. Nei, núna er það ,,samstarfsflokkurinn" sem er með málið í hendi sér - þ.e. VG. Þetta segir í frétt RÚV

Utanríkisráðherra staðfestir að fyrirvararnir hafi verið bókaðir í ríkisstjórninni, en þeir hafi engin áhrif á aðildarviðræðurnar við Evrópusambandið. „Bókanir einstakra ráðherra í þessum efnum skipta ekki sköpum. Þar ræður fyrst og fremst afstaða sitt hvors stjórnarflokksins. Ef annar þeirra myndi stappa niður fæti, þyrfu menn auðvitað að skoða það, en það hefur ekki verið gert,“ segir Össur Skarphéðinsson.  Hann er ekki sammála því sem haldið hefur verið fram að ráðherra sem setji sig gegn stefnu ríkisstjórnarinnar eigi að segja af sér. „Ég hef sjálfur bókað gegn vilja forsætisráðherra, í annarri ríkisstjórn að vísu, og mér var hvorki fleygt út né gekk ég á dyr.“

Össur er ekki með ríkisstjórnina á bakvið ESB-umsóknina og meirihluti alþingismanna er á mót. En Össur kætist yfir því að VG heldur hlífiskildi yfir gæluverkefni Samfylkingar um koma Íslandi inn í Evróusambandið.

Ráðherrar fá sendar fundargerðir

Ögmundur forðar okkur frá brennandi evru-húsi

Þær 17 ESB-þjóðir sem búa við evru eru fastar í viðvarandi skelfingarástandi þar sem veikasta og spilltasta ríkið hótar hinum að sprengja upp allt havaríið ef ekki verður gengið að fjárkúgunarkröfunum.

Þær tíu þjóðir ESB sem ekki búa við evru láta sér ekki til hugar koma að ganga inn í samstarfið að óbreyttum forsendum. Í allri Vestur-Evrópu eru það aðeins stjórnmálamenn Samfylkingar sem vilja þjóð sína inn í skelfinguna.

Ögmundur Jónasson innanríkisráðherra stendur í lappirnar einn ráðherra og segir nei, takk við boði um inngöngu í brennandi evru-húsið.

Taldi upptöku evru algera fjarstæðu

Atlagan að Ögmundi og framtíð VG

Ögmundur Jónasson innanríkisráðherra er kallaður ómerkingur af meintum samherjum sínum á alþingi, t.d. Árna Þór Sigurðssyni. Bjarni Harðarson er sannfærður um að Steingrímur J. formaður vilji losna við Ögmund.

Ef atlagan að Ögmundi tekst og hann flæmdur úr VG vaknar spurningin um framhaldið.

Jón Bjarna og Guðfríður Lilja eru næstu skotmörk enda ekki auðsveip forystunni.

Þegar Streingrímur J. og Árni Þór er komnir með hreinan ESB-flokk vinstra megin við Samfylkinguna er kannski ástæða til að spyrja hvort ekki sé pláss fyrir öðruvísi róttækan flokk.

ESB-umsókn í viðtengingarhætti

Hvorki Jóhanna forsætis né Össurar utanríkis hafa kveðið upp úr með það hvor hefur rétt fyrir sér Ögmundur Jónasson innanríkisráðherra eða Þorsteinn Pálsson samningamaður í viðræðunefnd við ESB.

Ögmundur segir fyrirvara hafa verið gerða á samningsafstöðu Íslands í peningamálum. Fyrst fullyrti Þorsteinn að engir fyrirvarar hafi verið gerðir. Síðan sagði Þorsteinn að ef fyrirvarar hefðu verið gerðir jafn stóru máli og peningamálum þá væri viðræðum sjálfhætt.

Evrópuvaktin vekur athygli á því að hvorki Jóhanna né Össur láta ná í sig vegna málsins. Kannski vegna þess að hvorugt skilur viðtengingarháttinn sem ESB-umsóknin er komin í. 

Fyrirvararnir voru skýrir

Þorsteinn Páls vill hætta ESB-viðræðum

Þorsteinn Pálsson, trúnaðarmaður Össurar Skarphéðinssonar utanríkisráðherra, vill að aðildarviðræðum Íslands við Evrópusambandið verði hætt þar sem í ljós hefur komið að ráðherrar VG bóka á ríkisstjórnarfundi andstöðu við upptöku evru.

Ögmundur Jónasson innanríkisráðherra upplýsti á vefsvæði sínu um fyrirvara ráðherra VG.

Þorsteinn Pálsson segir að samkvæmt þingræðisreglunni verði einhuga ríkisstjórn að standa að ferli er varðar hornstein eins og peningamál þjóðarinnar. Þorsteinn segir

Samkvæmt þingræðisreglunni þarf stefna Íslands að njóta meirihlutastuðnings á Alþingi. Utanríkisráðherra getur því ekki rætt samningsafstöðuna um upptöku evru við ríki Evrópusambandsins nema ríkisstjórnarflokkarnir hafi verið efnislega sammála henni við ríkisstjórnarborðið og hana megi kynna sem stefnu Íslands án fyrirvara um kjarnaatriði hennar.

Þegar samninganefndarmaður utanríkisráðherra sem í ofanálag er helsti fulltrúi þeirra fáu sjálfstæðismanna sem vilja inn í Evrópusambandið leggur til að samningaviðræðum sé hætt er fokið í flest skjól ESB-sinna.

 

Fulltrúar í nefndinni ekki nógu upplýstir