Elliði segir Evrópusinna færa áhersluna til hægri

Óumdeildur sigurvegari síðustu sveitarstjórnakosninga, Elliði Vignisson, bæjarstjóri í Vestmannaeyjum, segir stofnun nýs hægriflokks um inngöngu í ESB myndi í raun færa áherslu í stjórnmálum til hægri á Íslandi. Slíkur flokkur myndi fyrst og fremst sækja fylgi til Samfylkingar og Bjartrar framtíðar.

 

Þetta kemur fram í frétt á mbl.is í dag: 

 

 

Fyr­ir­huguð stofn­un nýs hægri­flokks hlynnt­um inn­göngu í Evr­ópu­sam­bandið væri til hags­bóta fyr­ir hægri­menn á Íslandi. Þetta seg­ist Elliði Vign­is­son, odd­viti sjálf­stæðismanna í Vest­manna­eyj­um, vera sann­færður um á Face­book-síðu sinni í dag. Slíkt myndi skapa ró inn­an Sjálf­stæðis­flokks­ins ogum leið færa hina al­mennu áherslu til hægri.

Elliði bend­ir á að stefna Sjálf­stæðis­flokks­ins sé skýr þegar kem­ur að Evr­ópu­sam­band­inu. Flokk­ur­inn sé and­víg­ur inn­göngu í sam­bandið. Stefn­an sé mótuð með lýðræðis­leg­um hætti inn­an hans. Hins veg­ar felli ákveðinn hóp­ur sig illa við þá niður­stöðu og gripið til þess ráðs að kalla þá sjálf­stæðis­menn sem eru þeim ekki sam­mála ýms­um ónefn­um. Við þær aðstæður fari bet­ur á því að myndaður sé hægris­innaður flokk­ur um þetta mál.

„Stuðning­ur minn við Sjálf­stæðis­flokk­inn er vegna þeirr­ar hug­mynda­fræði sem hann stend­ur fyr­ir. Ég tel lík­legra að þessi hug­mynda­fræði nái fram að ganga með því að það fólk sem ekki sætt­ir sig við hug­mynda­fræðina leiti hóf­anna á nýj­um stað. Ef þessu góða fólki ber gæfa til að gera það án þess að brenna brýr til okk­ar sem eig­um svo margt sam­eig­in­legt með þeim þá eyk­ur það lík­urn­ar á því að hinar sam­eig­in­legu hug­sjón­ir nái fram að ganga,“ seg­ir hann.

Elliði seg­ist enn­frem­ur telja lík­legt að slík­ur hægris­innaður flokk­ur með áherslu á Evr­ópu­sam­bandið ætti einkum eft­ir að höggva í raðir annarra flokka með sömu stefnu líkt og Bjartr­ar framtíðar og Sam­fylk­ing­ar­inn­ar og færa þar með áhersl­una í stjórn­mál­un­um til hægri. 

Færir áhersluna til hægri

Minnkandi evrustuðningur meðal forystumanna ESB-landanna

Nú virðist stefna í að næsti forseti framkvæmdastjórnar ESB verði enginn sérstakur stuðningsmaður evrusamstarfsins. Forystumenn Breta, Svía og fleiri þjóða vilja ekki að evrustuðningsmaðurinn Jean-Claude Juncker verði næsti aðalforystumaður ESB.

Evran veldur enn vandræðum í álfunni. Seðlabanki evrópu óttast verðhjöðnun og er því búist við að hann lækki vexti í vikunni eða grípi til annarra eftirspurnarhvetjandi aðgerða. Atvinnuleysi hefur lítið minnkað í álfunni og er nálægt 12%, verðbólgan er nánast engin og sama má segja um hagvöxt.  

Merkel vill Breta áfram í ESB

Bretar úr ESB verði Juncker forseti framkvæmdastjórnarinnar

Verði samrunasinninn frá Luxemborg, Jean-Claude Juncker, forseti framkvæmdastjórnar ESB mun það auka verulega líkurnar á að Bretar segi skilið við ESB. Þetta kemur fram í fréttum af þeirri valdabaráttu sem nú á sér stað á bak við tjöldin þegar gamli maóistinn, Barroso frá Portúgal, lætur af embætti forseta framkvæmdastjórnar ESB. 

 

Fréttir af þessu tagi sýna að samstarfið í ESB er mjög brothætt um þessar mundir.

 

Úrslit kosninga til ESB-þingsins í lok síðasta mánaðar sýna að íbúar Evrópu eru hvorki sérlega sáttir við þá samrunaþróun sem verið hefur né við þær samdráttaraðgerðir sem grípa hefur þurft til, m.a. til að bjarga evrunni.

Bretar gætu sagt skilið við ESB