Stiglitz: Evran slæm hugmynd fyrir Íslendinga

Evran hentaði Íslendingum ekki að mati Joseph Stiglitz, nóbelsverðlaunahafa í hagfræði og prófessors við Columbia háskóla í Bandaríkjunum. Þetta er á meðal þess sem kom fram í máli hans í viðtali í Silfri Egils í dag. Hann sagði það hafa komið sér vel fyrir Íslendinga að hafa krónuna á þessum erfiðu tímum. Lítil hagkerfi þyrftu svigrúm og að geta aðlagast hratt breyttum aðstæðum, sérstaklega þegar stór áföll yrðu. Íslenska krónan væri tæki sem gerði slíkt mögulegt. Ef gengi hennar hefði ekki gefið eftir hefði atvinnuleysi t.a.m. að öllum líkindum orðið mun meira en raunin hefur orðið auk þess sem það hefði komið sér illa fyrir ferðamannaiðnaðinn.

Sjá nánar á heimasíðu Heimssýnar www.heimssyn.is.

Ungir jafnaðarmenn í Svíþjóð andsnúnir Lissabon-sáttmálanum

Ungliðahreyfing sænska jafnaðarmannaflokksins hefur tekið afstöðu gegn Lissabon-sáttmálanum (Stjórnarskrá Evrópusambandsins) og þannig ákveðið að fara gegn stefnu flokksins. Í grein sem birtist 1. september sl. á sænska fréttavefnum Europaportalen segir formaður ungliðahreyfingarinnar, Jytte Guteland, að þrátt fyrir að hreyfingin hafi í grundvallaratriðum jákvæða afstöðu til Evrópusambandsins þá hafi hún ákveðið að leggjast gegn Lissabon-sáttmálanum, þá einkum þar sem hreyfingin telji Lissabon-sáttmálann ekki nægjanlega lýðræðislegan.

Sjá nánar á heimasíðu Heimssýnar www.heimssyn.is.

Heimdallur segir umsókn um inngöngu í ESB ógæfuspor

Aðalfundur Heimdallar, félags ungra sjálfstæðismanna í Reykjavík, var haldinn í gær 2. september og var m.a. samþykkt stjórnmálaályktun þar sem ítrekuð var sú afstaða félagsins að hagsmunum Íslands væri betur borgið utan Evrópusambandsins og að sú umsókn um inngöngu í sambandið sem ríkisstjórnin hefur sent sambandinu sé ógæfuspor. Þá er ríkisstjórnin gagnrýnd harðlega fyrir bráðræði með því að setja þjóðinni út í slíka för án fyrirheits.

Sjá nánar á heimasíðu Heimssýnar www.heimssyn.is.

Grein um ESB sem Morgunblaðið vildi ekki birta

Frosti Sigurjónsson birti grein í gær á bloggsíðu sinni sem hann sendi til Morgunblaðsins á fyrri hluta júlímánaðar nokkrum dögum áður en Alþingi samþykti naumlega að heimila ríkisstjórninni að sækja um inngöngu í Evrópusambandið. Greinin fjallar að sjálfsögðu um Evrópumálin. Nú er liðinn meira en einn og hálfur mánuður síðan óskað var eftir birtingu á greininni og því nokkuð ljóst að ekki stendur til að birta hana.

Sjá nánar á heimasíðu Heimssýnar www.heimssyn.is.