Safnast þegar saman kemur

Evrópusambandinu þykir stjórnsýsla Íslands lítil.  Óljóst er hversu mikið sambandið telur að hún þurfi að stækka til að Ísland geti orðið fullgildur aðili, en líklega er um þriggja stafa tölu að ræða, ef starfsmenn eru taldir. Svoleiðis þykir ekki mikið í löndum sem hafa hundrað sinnum fleiri íbúa en Ísland (en þykja samt ekki stór). 

Gróft reiknað má áætla að 100 sérfræðingar í stjórnsýslu kosti um 3 milljarða á ári, með aðstöðu og gjöldum.  Kannski töluvert meira.  Það ætti engum að koma á óvart þótt aðeins þessi kostnaðarliður færi fljótt upp í tugi milljarða á ári.  

Það munar um minna.

https://www.stjornmalin.is/?p=17689

 

Að svo mæltu sendir Heimssýn öllum sjómönnum, og fjölskyldum þeirra, bestu kveðjur með von um að þeir þurfi aldrei að taka auka túr til að borga fyrir óskir óskir Evrópusambandsins um stærri stjórnsýslu. 

Ekki spurðir

Þessa dagana er rætt um meintan vilja ríkisstjórnarinnar til borga til hermála.  Sýnist þar sitt hverjum, en óhætt er að fullyrða að margir eru því algerlega andvígir.  

Ef Ísland væri í Evrópusambandinu væru Íslendingar ekki spurðir um slíkt, nema ef til vill til að sýna kurteisi, vitandi að svarið skipti ekki máli. 

Þeir sem ráða í Evrópusambandinu hafa ákveðið að hervæðast og að fyrir það verði greitt úr sameiginlegum sjóðum sem unnið er að því að fita.  Skoðun smáfiska í sambandinu skiptir þar ekki máli. 

https://www.mbl.is/frettir/burdargrein/2025/05/28/ihuga_ad_verja_1_5_prosent_landsframleidslu_i_varna/

Regluvæðing

Af einhverjum ástæðum er sú skoðun vinsælli í Evrópusambandinu, en víða annars staðar, að hægt sé að regluvæða samfélög til velsældar. 

https://www.facebook.com/photo/?fbid=24465015679753073&set=gm.887628500196442&idorvanity=439592811666682

Lýðræðisástin

Margir furða sig á því að utanríkisráðherra skuli semja við Evrópusambandið um eitthvað sem kallað er aðlögun að utanríkisstefnu Evrópusambandsins. 

Svo virðist sem Alþingi hafi ekki fjallað um þessa nýju utanríkisstefnu.  Það er í raun óljóst hvaðan hún kemur.  Kannski hún hafi verið samin í Evrópusambandinu með einhvers konar heimagerðu Evrópulýðræði. 

Hitt vitum við, að Evrópusambandið hyggur á meiriháttar hervæðingu og áframhaldandi stríð í A-Evrópu. Æltli það tengist því hversu hljótt þessi mál fara?

Þessi sami utanríkisráðherra berst af kappi fyrir einhvers konar þjóðaratkvæðagreiðslu um eitthvað sem óljóst er og tengist Evrópusambandinu.  Það er leitt hvað lýðræðisástin er stundum takmörkuð hjá þeim sem telja sig berjast fyrir lýðræðinu.

https://www.stjornmalin.is/?p=16887 

Gríðarlegur menningarmunur

Stundum er fullyrt að Evrópusambandið eigi að stjórna Íslandi vegna þess að menningin sé sú sama á báðum stöðum.

Það eru ónýt rök.  Ekkert mælir með því að ein þjóð ráði yfir annarri eða að báðar séu undir sömu stjórn, þó svo að menning þjóðanna sé svipuð. 

Svo er hitt að á sumum sviðum er gríðarlegur menningarmunur á Íslendingum og þegnum Evrópusambandsins.  Þeir fyrrnefndu munu t.d. láta herskyldu yfir sig ganga.  Það mundu Íslendingar aldrei gera.

https://www.ruv.is/frettir/erlent/2025-05-25-thjodverjar-segja-herskyldu-koma-til-greina-444652

 

Um víðan völl og aðalfundur

Haraldur Ólafsson fer um víðan völl í sambandi við Evrópusambandið og hugsanlega aðild Íslendinga að því félagi í viðtali á Útvarpi sögu.  

Við minnum á aðalfund Heimssýnar föstudaginn 22. maí 2025 kl. 17-19 í Friðarhúsi við Njálsgötu.

https://utvarpsaga.is/stjornmalamenn-hlynntari-evropusambandinu-en-almenningur-vegna-eiginhagsmuna/

Núlláhrif og ekki sporð

Hjörtur fer ágætlega yfir völd Íslendinga innan Evrópusambands þar sem Ísland væri innanborðs.  Þau má nálga með núlli.

Og svo til viðbótar hefðu Íslendingar vitaskuld fengið feitan Icesavereikning og ekki makrílsporð.

https://www.stjornmalin.is/?p=16439

Ekkert grín

Sé gervigreindin spurð hversu mikið aðildarferli Króatíu að Evrópusambandinu kostaði svarar hún í löngu máli að upphæðin gæti hafa verið um milljarður evra.  Uppreiknað til núvirðis gefur það um 200 milljarða íslenskar krónur.

Ætli 200 milljörðum geti verið betur varið en í ferli sem í allra besta falli rennur út í sandinn?