Nýtt tímarit - Heimaey

Sú var tíð að útgáfa blaða og tímarita var öflug á Íslandi.  Margir líta með söknuði til þess tíma.  Það er ekki að ástæðulausu, því sú útgáfa var að miklu leyti um íslensk málefni og á íslensku.  Annað hefur tekið við og mikið af því er á ensku.

Það er Heimssýn mikið fagnaðarefni að nú hefur hafið göngu sína nýtt tímarit sem ber nafnið Heimaey.  Að baki Heimaeyjar stendur Arnar Þór Jónsson, varaþingmaður og fv. dómari.  Í ritinu er fjallað um ýmis samfélagsmál, lög og rétt.  Óhætt er að segja að í Heimaey ríkir djúpur skilningur á gildi fullveldis og lýðræðis.  Það er ekki ónýtt. 

 

https://arnarthorjonsson.blog.is/blog/arnarthorjonsson/entry/2295294/

 

 

Perlur á þræði

Í ræðum Arnars Þórs eru margar perlur.  Hann hefur mælt þær af munni fram á fundum víða um land undanfarna daga.  Geri aðrir betur! 

Neðst í þessum pistli er tengill á ræðurnar. 

https://arnarthorjonsson.blog.is/blog/arnarthorjonsson/entry/2295475/

Snorri flengir húskarl Úrsúlu

"Hæg er leið til Helvítis, hallar undan fæti" eru þau orð sem fyrst koma upp í hugann þegar í ljós kemur að Evrópusambandið hefur dregið réttar ályktanir af viðbrögðum við ritskoðun og banni á fjölmiðlum sem stjórnvöldum fannst vondir.   

Viðbrögðin voru lítil sem engin og hin eðlilega ályktun að óhætt væri að halda áfram á sömu braut.  Andstöðu virðist helst vera að finna norður á Íslandi, t.d. í föstudagspistli Snorra Mássonar, ritstjóra á ritstjóri.is, þegar komið er 25 mínútur og 45 sekúndur inn í þáttinn.

 

https://www.ritstjori.is/p/frettir-vikunnar-afsogn-ofyndin-ra 

Arnar Þór á Akranesi í dag og á Akureyri á mánudag

Arnar Þór Jónsson mun ræða fullveldismál og annað sem máli skiptir í tónlistarskólanum á Akranesi í dag, laugardaginn 14. október kl. 13 og á Akureyri á mánudagskvöld.  Allir hjartanlega velkomnir!

https://www.facebook.com/groups/439592811666682/

Ekki ókeypis, heldur rándýrt

Það gefur auga leið að það kostar skilding að fylgja lögum, reglum, tilskipunum og tilmælum sem fylla tugþúsundir blaðsíðna.  Bara að hafa einhvern í vinnu við að lesa þetta allt hlýtur að taka í.  Er það kannski ástæðan fyrir því að það er 15 prósentustiga munur á innláns- og yfirdráttarvöxtum á almennum bankareikningum?  Það munar um minna. 

Hjörtur J. Guðmundsson fer yfir málið í ágætri grein og í ljós kemur að að fleiri en Hjörtur og Heimssýn hafa áhyggjur af því að illa sé farið með peningana. 

https://www.fullveldi.is/?p=33255

Sandgerðisræðan

Arnar Þór Jónsson hélt þétta og safaríka hugvekju um fullveldi þjóðar í samkomuhúsi Sandgerðinga 10. október 2023.  

Sandgerðisræðan er hér:

 

https://www.youtube.com/watch?app=desktop&v=iUab1PKer4Q&feature=youtu.be

Arnar Þór heimsækir Suðurnesjamenn á þriðjudag

Arnar Þór Jónsson hefur getið sér gott orð fyrir að mæla fyrir fullveldi Íslands og lýðræði.  Hann mun ræða fullveldismál í samkomuhúsinu í Sandgerði þriðjudaginn 10. október nk., kl. 20.00.  Margur hefur skroppið suður með sjó af minna tilefni. 

https://www.facebook.com/photo?fbid=10161247281362905&set=gm.543956164563679&idorvanity=439592811666682 

Fleiri sækjast eftir valdi á Íslandi

Aðgát skal höfð í nærveru erlendra ríkjasambanda og stofnana.  Það á ekki bara við um Evrópusambandið, heldur líka aðra sem seilast til valda á Íslandi.  Arnar Þór ræðir þetta og fleira í athyglisverðu viðtali á Útvarpi sögu.

Málið er einfalt:  Ekki skal flytja stjórnvald til aðila sem er ekki hægt að kjósa burt. 

https://utvarpsaga.is/frettir-vikunnar-framsal-a-rikisvaldi-til-althjodlegra-stofnana-er-landrad/