Viðskiptasamningur sem breyttist í yfirtökusamning

Hvernig stendur á því að íslensk stjórnvöld komast skyndilega að því að bókun 35 sé ljómandi góð, eftir að hafa afþakkað hana í 30 ár og mótmælt Evrópusambandinu þegar það vildi að Ísland lögfesti bókunina?

Hvernig stendur á því að bókun 35 var talin í andstöðu við stjórnarskrá fyrir 30 árum, en alls ekki núna, og hefur stjórnarskráin þó lítið breyst?

Hvernig stendur á því að viðskiptasamningur sem gerður var fyrir 30 árum breytist í víðtækt framsal á löggjafar- og dómsvaldi, með tilheyrandi hótunum um refsingar ef hinum nýju valdhöfum er ekki hlýtt? 

Það væri viðeigandi að stjórnvöld svöruðu þessu, og fleiru, í stað þess að krefjast þess að Alþingi lögfesti bókun 35.  

Sigurbjörn Svavarsson ræðir EES-málin og bókun 35 í hjálagðri Moggagrein.  

https://www.facebook.com/messenger_media/?attachment_id=4021713261413273&message_id=mid.%24cAAAABfHtrKGbtPquPWVg7VlKbpjk&thread_id=100016519960567

Spurningunni sem aldrei var svarað

Ein af grundvallarspurningunum er þessi: 

Hvers vegna ætti ríkjabandalag undir stjórn gömlu nýlenduveldanna á meginlandi Evrópu að ráða orkulindum Íslands?

Enginn sem vill þetta hefur svarað öðruvísi en með útúrsnúningum. 

Grein Birgis Steingrímssonar í Mogga er enginn útúrsnúningur.  Hann segir m.a.

 

"Orkupakkar ESB hafa eingöngu orðið til skaða fyrir íslenskan almenning og munu hægt og rólega draga úr getu landsins til að byggja upp samfélag sem hefur verið eitt það besta í heimi þegar forræðið á helstu auðlind landsins færist úr landi. Afleiðingarnar eru ófyrirsjáanlegar."

 

https://www.facebook.com/photo/?fbid=10162812814427905&set=gm.835647572061202&idorvanity=439592811666682

 

Klipptir strengir

Jón nokkur Ásgeir lætur gamminn geisa um evru og Evrópusamband. 

Í því sambandi er gott að hafa nokkur atriði í huga:

Nokkur lönd vilja komast í Evrópusambandið, þau eru öll miklu fátækari en sambandið og vonast til að fá peninga út úr sambandsvistinni.  Ekkert ríki sem er ríkara en meðaltalið í Evrópusambandinu er í biðröðinni.  Hvorki, Noregur, Sviss, Liechtenstein né Ísland.  Þeirra hlutverk er nefnilega að hlýða og borga. 

Margt ræður því hvort menn fjárfesta í fjarlægu landi.  Það sem er Íslandi mótdrægt er nokku margt, s.s. smæð atvinnumarkaðar, smæð heimamarkaðar, fjarlægð frá stórum mörkuðum og dýrt vinnuafl. Gjaldmiðill er neðarlega á þessum lista, ef hann er þá þar.  Menn kaupa og selja gjaldmiðla að vild.  Ef mikill velsældarkippur fær ekki að skila sér í sterkara gengi mun hann skila sér í dýrara vinnuafli og dýrari aðföngum. 

Hjörtur var snöggur að svara Jóni Ásgeiri.  Það gerði hann skilmerkilega og benti í leiðinni á að Evrópusambandið vinnur ákaft gegn því að Írar komist upp með skattastefnu sem Jón Ásgeir vill að Íslendingar taki upp, jafnframt því að ganga í Evrópusambandið! 

Það er eins og að stilla fiðlu með því að klippa stengina. 

https://www.stjornmalin.is/?p=10718 

 

Skrýtið - en þó ekki

Það fer ekki á milli mála að mörgum er í nöp við stjórnmálamanninn Georgescu í Rúmeníuhreppi Evrópusambandsins.  Ekki dugir mönnum þó að sleppa því að kjósa hann.  Honum er bannað að gefa kost á sér.  Syndaregistur Georgescu má segja að sé nýtískulegt:  Vondar skoðanir á ýmsu, grunaður um að eiga ranga vini í útlöndum og að hafa ekki staðið nægilega vörð um lýðræði og bera ekki næga virðingu fyrir reglum um kosningar.  

Allt minnir þetta á orðræðu frá stjórnvöldum úr sama heimshluta fyrir 60-70 árum síðan.  

Ekkert er nýtt undir sólinni, nema reyndar að núna vill hópur fólks á Íslandi að þetta lið stjórni Íslandi líka.  Engum datt neitt slíkt í hug árið 1960.

 

Snorri talar

Ungmennið geðþekka, Snorri Másson, ræðir málin á Sögu.  Hann hefur, eins og fleiri, tekið eftir regluflóði frá Evrópusambandinu og finnst ekki augljóst að það sé gott stjórnkerfi þar sem reglur eru settar stjórnlaust án nokkurrar athugunar á því hvað þær kosta eða hvort þær gagnist einhverjum. 

https://utvarpsaga.is/island-verdur-ad-marka-ser-skyra-stefnu-i-althjodamalum/

Glatt á hjalla

Eins og kunnugt er nota Natóríki í Evrópu um 4 sinnum meiri peninga í hermál en Rússar. Engu að siður hafa þau komist að því að það halli svo mikið á þau að það eina sem geti orðið þeim til lífs sé að kaupa vopn fyrir miklu, miklu meiri peninga.  

Svo vill til að gömlu nýlenduveldin í Evrópu hýsa stóra hergagnaframleiðendur.  Þeir fagna ákaft. 

Enginn þarf að velkjast í vafa að peningarnir eru sóttir í vasa þegna Evrópusambandsins. Þeir fagna varla, því hermálin eru botnlaus hít.  Ef ekki dugar að kaupa vopn fyrir 4 sinnum meiri peninga en Rússar gera, hví skyldu þá 6 eða 8 sinnum meiri peningur duga?

Og í þennan klúbb vilja sumir Íslendingar senda samborgara sína!

https://www.theguardian.com/world/2025/mar/06/watershed-moment-eu-leaders-close-to-agreeing-800bn-defence-plan-ukraine

 

https://www.theguardian.com/business/2025/mar/03/european-defence-stocks-surge-as-arms-manufacturers-eye-orders-boom

 

Markús, Jón Steinar, Stefán Már, Hjörtur og stjórnarskrá

Almennt er mjög varasamt að beita kennivaldsrökum í hvers kyns umræðu.  Það er þó freistandi að benda á það sem Hjörtur segir í nýrri grein í Vísi, að það er enginn skortur á vel lesnum lögmönnum sem hafa miklar efasemdir um að stjórnarskrá og bókun 35 fari vel saman. 

https://www.visir.is/g/20252697100d/stenzt-ekki-stjornar-skrana

Yfirreið á Sögu

Haraldur Ólafsson ræddi hin svokölluðu Evrópumál á Útvarpi sögu.  Þar var komið víða við, en flest sem gerist í heiminum þessa dagana rennir stoðum undir þá niðurstöðu að Íslendingar eigi að gæta þess vandlega að Evrópusambandið fái ekki meiri völd á Íslandi en það hefur nú þegar.  Þar kemur sitthvað til, en yfirvofandi hervæðing sambandsins, stríðið í austurvegi og tollastríð Evrópusambandsins við Bandaríkin eru atriði sem minna rækilega á mikilvægi þess að Íslendingar gæti að fullveldinu. 

https://utvarpsaga.is/ytri-thrystingur-ma-ekki-rada-for-i-umraedunni-um-evropusambandsvidraedur/

Hver er vondi karlinn?

Það er ágætt að rifja upp öðru hverju að í Evrópusambandinu tíðkast víðtæk ritskoðun.  Fjölmiðlar sem yfirvöldum leiðist (rússneskir) eru beinlínis bannaðir og í skjóli nýlegra laga er barið til hægri og vinstri undir gunnfána gegn hatri. 

Það eru til efasemdaraddir innan Evrópusambandsins, en almenningur virðist vera tiltölulega sáttur. 

Það er sá sami almenningur sem sumir á Íslandi vilja að velji fólk til að stjórna Íslandi. 

https://adfinternational.org/news/eu-social-media-censorship

Kjúklingar og refur

Það er ólga í heiminum.  Þeir sem vilja færa stjórnvald á Íslandi til vandalausra reyna að notfæra sér ólguna til að ná sínu fram.  Þeir vilja "þétta raðirnar" með gömlu nýlenduveldunum í Evrópusambandinu.  Kjúklingarnir vilja biðja refinn að gæta sín. 

Þeir sem aðhyllast friðarstefnu halda sig vitaskuld við að í herleysi felist besta vörnin.

Þeir sem sem ekki aðhyllast slíka stefnu þurfa bara að spyrja sig einnar spurningar:  Er líklegt að BNA og Bretar muni láta yfir sig ganga að ríki sem þeim er óvinveitt nái fótfestu á Íslandi?  

Niðurstaðan verður alltaf á þá lund að það gagnist Íslendingum ekki neitt að borga í sjóði vopnaframleiðenda gömlu nýlenduveldanna i Evrópu. 

Svo er líka ekki augljóst hver óvinurinn kunni að vera.