Vigdís Hauks: Össur eyðir milljöðrum í vitleysu

Stjórnsýslan liggur á hliðinni vegna umsóknarinnar - sem er e.t.v. skýringin á hví slík kyrrstaða ríki hér á landi. Fljótt á litið má áætla að beinn kostnaður við umsóknarferlið verði á bilinu 1,5-2 milljarðar. Þær upplýsingar er ekki hægt að fá frá stjórnarráðinu og heykist hver ráðherrann á fætur öðrum að veita þinginu og almenningi upplýsingar um þennan kostnað. Samandregið er um að ræða gríðarlegan dulinn kostnað fyrir ríkissjóð.

Í minnisblaði frá utanríkisráðuneytinu á fylgiskjali IV í þingsályktunartillögunni kemur fram að kostnaður aðildarviðræðnanna sé háður óvissu sér í lagi í ljósi þess hversu hratt viðræðurnar ganga. Kostnaðarmatið er byggt á 18 mánaða ferli sem átti að ljúka um mitt ár 2011. Nú er sá tími liðinn og langt í land með að samningar takist. Rökrétt er því að tvöfalda beinan kostnað af ferlinu. Ef umsóknin verður ekki dregin til baka er ljóst að kostnaðurinn við umsóknina mun hlaupa á tugum milljarða.

 

Á meðan Össur Skarphéðinsson situr einn á brennandi tröppunum í Brussel með umsóknina er vegið að grunnþáttum íslensks samfélags með niðurskurði og skattpíningu.

- Ofanritað er úr grein Vigdísar Hauksdóttur alþingismanns Framsóknarflokksins í dag.

Er ekki allt í lagi með Árna Pál?

Íslenskur ráðherra sem segir við alþjóðlega fréttastofu að evran muni veita Íslandi stöðugleika er þegar Evruland stendur í ljósum logum er hneisa fyrir land og þjóð. Samkvæmt Evrópusvaktinni lét Árni Páll Árnason viðskiptaráðherra eftirfarandi orð falla í gær í viðtali við franska dagblaðið Le Monde

Við mundum umfram allt annað hafa hag af sterkari mynt. Evran mundi veita okkur óendalega meiri stöðugleika.

Evruland í pólitískri kreppu

Þegar hlutabréf lækka í Bandaríkjunum eða Bretlandi og skuldatryggingaálag hin opinbera hækkar er það efnahagsmál sem heggur ekki að rótum stjórnskipunarinnar. Þegar sambærilegir atburðir verða í Evrulandi, þ.e. hjá þeim 17 ríkjum sem hafa með sér samstarf um evruna, kemst stjórnskipunin í uppnám.

Hvers vegna? Jú, Evruland býr við einn gjaldmiðil en 17 ríkisstjórnir plús Brusselvaldið sem stöðugt reynir að auka valdheimildir sínar á kostnað ríkisstjórnanna. Fjármálamarkaðir skynja veikleika stjórnskipunar Evrulands og veðjar á upplausn þess.

Í viðleitni til að bjarga Evrulandi snúa ríkisstjórnirnar 17 og Brusselvaldið bökum saman og senda lögregluna til að gera húsleit hjá matsfyrirtækjum sem eru boðberar válegra tíðinda.

Markaðir í frjálsu falli