Ekki sporð

Öðru hverju sprettur upp hugmynd um að Ísland mundi ráða einhverju í sjávarútvegsmálum í Evrópusambandinu, ef það væri þar.  Það er auðvitað fráleitt, þótt hugsanlega gætu fulltrúar frá Íslandi fengið áheyrn stöku sinnum hjá þeim sem ráða.

Hjörtur fer ágætlega yfir þetta í nýlegri grein.  Hann minnir á að í makríldeilunni þurftu þær þjóðir sem hagsmuni höfðu og voru og eru í Evrópusambandinu að leita frétta hjá Íslendingum.  Ólíkt Íslendingum höfðu þær nefnilega ekki sæti við borðið. 

Hjörtur rifjar líka upp eftirfarandi:

Hefði Ísland verið innan Evrópusambandsins þegar makríll fór að leita í miklum mæli inn í efnahagslögsögu landsins er til að mynda ljóst að við hefðum ekki veitt svo mikið sem einn makrílsporð enda alls engan rétt haft til slíkra veiða samkvæmt regluverki þess. 

https://www.visir.is/g/20242594238d/-thid-vitid-hvad-thid-vaerud-ad-fara-ut-i-